<p><strong>ನವದೆಹಲಿ:</strong> ‘ಇನ್ವಿಕ್ಟೊ‘ ಎಂಬ ಮೂರು ಸಾಲಿನ ಆಸನಗಳುಳ್ಳ ಎಂಪಿವಿ ಕಾರು ಪರಿಚಯಿಸುವ ಮೂಲಕ ಮಾರುತಿ ಸುಜುಕಿ ₹20ಲಕ್ಷ ಮೇಲಿನ ಬೆಲೆಯ ಕಾರುಗಳ ವಿಭಾಗಕ್ಕೆ ಕಾಲಿರಿಸಿದೆ.</p><p>ಮೂರು ಸಾಲುಗಳ ಕಾರುಗಳ ವಿಭಾಗದಲ್ಲಿ ಇನ್ವಿಕ್ಟೊ ಎಂಬ ಎಂಪಿವಿ ಮಾದರಿಯನ್ನು ಮಾರುತಿ ಪರಿಚಯಿಸಿದ್ದು, ಇದರ ಬೆಲೆ ₹24.8ಲಕ್ಷದಿಂದ ₹28.4ಲಕ್ಷದವರೆಗೆ ಇರಲಿದೆ.</p><p>ಟೊಯೊಟಾ ಹಾಗೂ ಮಾರುತಿ ಸುಜುಕಿ ನಡುವಿನ ಜಾಗತಿಕ ಮಟ್ಟದ ಒಡಂಬಡಿಕೆಯ ಭಾಗವಾಗಿ ಈ ಹೈಬ್ರಿಡ್ ಕಾರು ಮಾದರಿಯನ್ನು ಟೊಯೊಟಾ ಕಿರ್ಲೊಸ್ಕರ್ ಮೊಟಾರ್ಸ್ನಿಂದ ಮಾರುತಿ ಪಡೆದಿದೆ. ಈಗಾಗಲೇ ಇನ್ನೋವಾ ಹೈಕ್ರಾಸ್ ಅನ್ನು ಟೊಯೊಟಾ ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಿದೆ. ಒಂದಷ್ಟು ಬದಲಾವಣೆಗಳೊಂದಿಗೆ ಅದೇ ಮಾದರಿಯನ್ನು ಮಾರುತಿ ಸುಜುಕಿಗೆ ನೀಡಿದ್ದು, ಇನ್ವಿಕ್ಟೊ ಹೆಸರಿನಲ್ಲಿ ಕಂಪನಿ ಪರಿಚಯಿಸಿದೆ.</p><p>ಈ ವಿಷಯ ಕುರಿತು ಮಾಹಿತಿ ನೀಡಿದ ಮಾರುತಿ ಸುಜಿಕಿ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ಹಿಸಾಷಿ ಟಕೇಚಿ, ‘ನೆಕ್ಸಾ ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಈ ಮಾದರಿಯನ್ನು ವಿನ್ಯಾಸಗೊಳಿಸಲಾಗಿದೆ. ಉತ್ತಮ ವಿನ್ಯಾಸದ ಮೂರು ಸಾಲುಗಳ ಆಸನವುಳ್ಳ ಪ್ರೀಮಿಯಂ ಕಾರು ಇದಾಗಿದೆ’ ಎಂದಿದ್ದಾರೆ.</p><p>‘ಗ್ರ್ಯಾಂಡ್ ವಿಟಾರಾ, ಫ್ರಾಂಕ್ಸ್ ಮತ್ತು ಜಿಮ್ನಿ ಕಾರುಗಳ ಮೂಲಕ ಮಾರುತಿ ಸುಜುಕಿ ಎಸ್ಯುವಿ ಮಾರುಕಟ್ಟೆ ಮೇಲೆ ತನ್ನ ಹಿಡಿತ ಸಾಧಿಸುತ್ತಿದೆ. ಈ ವಿಭಾಗದಲ್ಲಿ ಕಂಪನಿಯು ಸದ್ಯ ಶೇ 8.5ರಷ್ಟು ಪಾಲುದಾರಿಕೆ ಹೊಂದುವ ಮೂಲಕ ಎರಡನೇ ಸಾಲಿನಲ್ಲಿದೆ. ಇದು ಬರುವ ವರ್ಷದೊಳಗಾಗಿ ಶೇ 20ಕ್ಕೆ ಏರುವ ಸಾಧ್ಯತೆ ಇದೆ’ ಎಂದಿದ್ದಾರೆ.</p>.<p>ಕಂಪನಿಯ ಅಧಿಕಾರಿ ಶ್ರೀವಾಸ್ತ ಅವರು ಪ್ರತಿಕ್ರಿಯಿಸಿ, ‘₹20ಲಕ್ಷಕ್ಕೂ ಹೆಚ್ಚಿನ ಬೆಲೆಯ ಕಾರುಗಳ ವಿಭಾಗದಲ್ಲಿ ಇನ್ವಿಕ್ಟೊ ಮೊದಲ ಕಾರು. ಈಗಾಗಲೇ ಆರು ಸಾವಿರ ಕಾರುಗಳಿಗೆ ಬೇಡಿಕೆ ಬಂದಿದೆ. 2 ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿರುವ ಈ ಕಾರು ಹೈಬ್ರಿಡ್ ತಂತ್ರಜ್ಞಾನ ಹೊಂದಿದೆ. ಹೀಗಾಗಿ ಪ್ರತಿ ಲೀಟರ್ ಪೆಟ್ರೋಲ್ಗೆ 23.24ಕಿ.ಮೀ.ಯಷ್ಟು ಇಂಧನ ಕ್ಷಮತೆ ಹೊಂದಿದೆ. ಏಳು ಮತ್ತು ಎಂಟು ಆಸನಗಳ ಮಾದರಿಗಳಲ್ಲಿ ಇನ್ವಿಕ್ಟೊ ಲಭ್ಯ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ‘ಇನ್ವಿಕ್ಟೊ‘ ಎಂಬ ಮೂರು ಸಾಲಿನ ಆಸನಗಳುಳ್ಳ ಎಂಪಿವಿ ಕಾರು ಪರಿಚಯಿಸುವ ಮೂಲಕ ಮಾರುತಿ ಸುಜುಕಿ ₹20ಲಕ್ಷ ಮೇಲಿನ ಬೆಲೆಯ ಕಾರುಗಳ ವಿಭಾಗಕ್ಕೆ ಕಾಲಿರಿಸಿದೆ.</p><p>ಮೂರು ಸಾಲುಗಳ ಕಾರುಗಳ ವಿಭಾಗದಲ್ಲಿ ಇನ್ವಿಕ್ಟೊ ಎಂಬ ಎಂಪಿವಿ ಮಾದರಿಯನ್ನು ಮಾರುತಿ ಪರಿಚಯಿಸಿದ್ದು, ಇದರ ಬೆಲೆ ₹24.8ಲಕ್ಷದಿಂದ ₹28.4ಲಕ್ಷದವರೆಗೆ ಇರಲಿದೆ.</p><p>ಟೊಯೊಟಾ ಹಾಗೂ ಮಾರುತಿ ಸುಜುಕಿ ನಡುವಿನ ಜಾಗತಿಕ ಮಟ್ಟದ ಒಡಂಬಡಿಕೆಯ ಭಾಗವಾಗಿ ಈ ಹೈಬ್ರಿಡ್ ಕಾರು ಮಾದರಿಯನ್ನು ಟೊಯೊಟಾ ಕಿರ್ಲೊಸ್ಕರ್ ಮೊಟಾರ್ಸ್ನಿಂದ ಮಾರುತಿ ಪಡೆದಿದೆ. ಈಗಾಗಲೇ ಇನ್ನೋವಾ ಹೈಕ್ರಾಸ್ ಅನ್ನು ಟೊಯೊಟಾ ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಿದೆ. ಒಂದಷ್ಟು ಬದಲಾವಣೆಗಳೊಂದಿಗೆ ಅದೇ ಮಾದರಿಯನ್ನು ಮಾರುತಿ ಸುಜುಕಿಗೆ ನೀಡಿದ್ದು, ಇನ್ವಿಕ್ಟೊ ಹೆಸರಿನಲ್ಲಿ ಕಂಪನಿ ಪರಿಚಯಿಸಿದೆ.</p><p>ಈ ವಿಷಯ ಕುರಿತು ಮಾಹಿತಿ ನೀಡಿದ ಮಾರುತಿ ಸುಜಿಕಿ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ಹಿಸಾಷಿ ಟಕೇಚಿ, ‘ನೆಕ್ಸಾ ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಈ ಮಾದರಿಯನ್ನು ವಿನ್ಯಾಸಗೊಳಿಸಲಾಗಿದೆ. ಉತ್ತಮ ವಿನ್ಯಾಸದ ಮೂರು ಸಾಲುಗಳ ಆಸನವುಳ್ಳ ಪ್ರೀಮಿಯಂ ಕಾರು ಇದಾಗಿದೆ’ ಎಂದಿದ್ದಾರೆ.</p><p>‘ಗ್ರ್ಯಾಂಡ್ ವಿಟಾರಾ, ಫ್ರಾಂಕ್ಸ್ ಮತ್ತು ಜಿಮ್ನಿ ಕಾರುಗಳ ಮೂಲಕ ಮಾರುತಿ ಸುಜುಕಿ ಎಸ್ಯುವಿ ಮಾರುಕಟ್ಟೆ ಮೇಲೆ ತನ್ನ ಹಿಡಿತ ಸಾಧಿಸುತ್ತಿದೆ. ಈ ವಿಭಾಗದಲ್ಲಿ ಕಂಪನಿಯು ಸದ್ಯ ಶೇ 8.5ರಷ್ಟು ಪಾಲುದಾರಿಕೆ ಹೊಂದುವ ಮೂಲಕ ಎರಡನೇ ಸಾಲಿನಲ್ಲಿದೆ. ಇದು ಬರುವ ವರ್ಷದೊಳಗಾಗಿ ಶೇ 20ಕ್ಕೆ ಏರುವ ಸಾಧ್ಯತೆ ಇದೆ’ ಎಂದಿದ್ದಾರೆ.</p>.<p>ಕಂಪನಿಯ ಅಧಿಕಾರಿ ಶ್ರೀವಾಸ್ತ ಅವರು ಪ್ರತಿಕ್ರಿಯಿಸಿ, ‘₹20ಲಕ್ಷಕ್ಕೂ ಹೆಚ್ಚಿನ ಬೆಲೆಯ ಕಾರುಗಳ ವಿಭಾಗದಲ್ಲಿ ಇನ್ವಿಕ್ಟೊ ಮೊದಲ ಕಾರು. ಈಗಾಗಲೇ ಆರು ಸಾವಿರ ಕಾರುಗಳಿಗೆ ಬೇಡಿಕೆ ಬಂದಿದೆ. 2 ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿರುವ ಈ ಕಾರು ಹೈಬ್ರಿಡ್ ತಂತ್ರಜ್ಞಾನ ಹೊಂದಿದೆ. ಹೀಗಾಗಿ ಪ್ರತಿ ಲೀಟರ್ ಪೆಟ್ರೋಲ್ಗೆ 23.24ಕಿ.ಮೀ.ಯಷ್ಟು ಇಂಧನ ಕ್ಷಮತೆ ಹೊಂದಿದೆ. ಏಳು ಮತ್ತು ಎಂಟು ಆಸನಗಳ ಮಾದರಿಗಳಲ್ಲಿ ಇನ್ವಿಕ್ಟೊ ಲಭ್ಯ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
