ಥರ್ಡ್‌ ಪಾರ್ಟಿ ವಿಮೆ ಪ್ರೀಮಿಯಂನಲ್ಲಿ ಉಳಿತಾಯ

ಮುಂದಿನ 8ರಿಂದ 10 ತಿಂಗಳುಗಳಲ್ಲಿ ಇಡೀ ದೇಶದಾದ್ಯಂತ ಕೋವಿಡ್–19 ವಿರುದ್ಧದ ಲಸಿಕೆ ನೀಡುವ ಪ್ರಕ್ರಿಯೆ ಪೂರ್ಣಗೊಳ್ಳುವ ನಿರೀಕ್ಷೆ ಇದೆ, ಒಂದೊಮ್ಮೆ ಭಾರತ, ‘ಕೋವಿಡ್–19‘ರಿಂದ ಮುಕ್ತವಾಗುತ್ತಿದ್ದಂತೆ, 2020ರ ಮುಂಚಿನ ಸಹಜ ಸ್ಥಿತಿಯು ಎಲ್ಲೆಡೆ ಮರಳಲಿದೆ. ಮನೆಯಿಂದ ಅಥವಾ ಎಲ್ಲಿಂದಲಾದರೂ ಕೆಲಸ ಮಾಡುವ ಸಾಮರ್ಥ್ಯವನ್ನು ‘ಕೋವಿಡ್–19‘ ಪಿಡುಗು ಜನರಿಗೆ ಒದಗಿಸಿದೆ, ಎಲ್ಲಕ್ಕಿಂತ ಹೆಚ್ಚಾಗಿ ಹೇಳುವುದಾದರೆ, ಇತ್ತೀಚಿನ ಬಿಸಿಜಿಯ ‘ಭವಿಷ್ಯದ ಕೆಲಸದ ತಾಣ‘ ವರದಿ ಪ್ರಕಾರ, ಭವಿಷ್ಯದಲ್ಲಿ ತಮ್ಮ ಉದ್ಯೋಗಿಗಳಲ್ಲಿ ಶೇ 40ರಷ್ಟು ಜನರು ಮನೆಯಿಂದಲೇ ಕೆಲಸ ಮಾಡಲು ಒಲವು ಹೊಂದಿದ್ದಾರೆ ಎಂದು ಬಹುತೇಕ ಕಾರ್ಪೊರೇಟ್ ಸಂಸ್ಥೆಗಳು ತಿಳಿಸಿವೆ.

. ಪ್ರತಿದಿನ ವಾಹನ ಬಳಕೆಯಲ್ಲಿ ಗಮನಾರ್ಹ ಇಳಿಕೆ ಹೆಚ್ಚೆಚ್ಚು ಜನರು ಮನೆಯಿಂದಲೇ ಕಾರ್ಯನಿರ್ವಹಿಸುವುದು ಎಂದರೆ, ಗಮನಾರ್ಹ ಸಂಖ್ಯೆಯ ಕಾರ್ಗಳು ರಸ್ತೆಯಿಂದ ದೂರ ಉಳಿಯಲಿವೆ ಎಂದೇ ಅರ್ಥ. ಅದರಿಂದ ವಾಹನ ದಟ್ಟಣೆಯೂ ಕಡಿಮೆಯಾಗಲಿದೆ. ಒಂದೊಮ್ಮೆ ನೀವು ಪ್ರತಿ ದಿನ ಕಚೇರಿಗೆ ನಿಮ್ಮ ಕಾರನ್ನು ಚಲಾಯಿಸಿಕೊಂಡು ಹೋಗುವುದಿಲ್ಲ ಎಂದರೆ, ನೀವು ಸಮಗ್ರ ಸ್ವರೂಪದ ಕಾರ್ ವಿಮೆ ಪಾಲಿಸಿಗಳಲ್ಲಿ ಹಣ ತೊಡಗಿಸುವ ಅಗತ್ಯವೂ ಇಲ್ಲ ಎಂದೂ ವ್ಯಾಖ್ಯಾನಿಸಬೇಕಾಗುತ್ತದೆ. ಪ್ರತಿ ದಿನ ಕಚೇರಿಗೆ ಹೋಗಿ ಬರುವ ಮಾರ್ಗ ಮಧ್ಯೆ ಆಕಸ್ಮಿಕವಾಗಿ ಸಂಭವಿಸುವ ಬಹುತೇಕ ಅಪಘಾತಗಳಿಂದ ಕಾರ್ಗೆ ಆಗುವ ಹಾನಿಯ ವಿರುದ್ಧ ವಿಮೆ ಪಡೆಯುವ ಅನಿವಾರ್ಯತೆಯೇ ಉದ್ಭವಿಸುವುದಿಲ್ಲ. ಮುಂದಿನ 7 ರಿಂದ 8 ತಿಂಗಳವರೆಗೆ ತಾವು ಮನೆಯಲ್ಲಿಯೇ ಕಾರ್ಯನಿರ್ವಹಿಸಲಿರುವುದರಿಂದ ಸಾಧ್ಯವಿರುವಷ್ಟರ ಮಟ್ಟಿಗೆ ಕನಿಷ್ಠ ವೆಚ್ಚದಲ್ಲಿ ಗರಿಷ್ಠ ವಿಮೆ ಸೌಲಭ್ಯ ಒದಗಿಸುವ ವಿಮೆ ಯೋಜನೆಗಳ ಬಗ್ಗೆ ಜನರು ಸದ್ಯದ ದಿನಗಳಲ್ಲಿ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಇಂತಹ ವಿಮೆ ಯೋಜನೆಗಳ ಬಗ್ಗೆಯೇ ಇಲ್ಲಿ ವಿವರಿಸಲಾಗಿದೆ.

. ಸರ್ಕಾರದ ನಿಯಮಗಳ ಅನ್ವಯ, ವಾಹನ ಮಾಲೀಕರು ತಮ್ಮ ವಾಹನಕ್ಕೆ ಥರ್ಡ್ಪಾರ್ಟಿ ವಿಮೆ (Third Party cover) ಹೊಂದುವುದು ಕಡ್ಡಾಯವಾಗಿದೆ. ಸ್ವಂತಕ್ಕೆ ಆಗುವ ಹಾನಿ – ನಷ್ಟದ ವಿರುದ್ಧ ವಿಮೆ ಹೊಂದುವುದು ವಾಹನ ಮಾಲೀಕರ ಇಷ್ಟಾನಿಷ್ಟಕ್ಕೆ ಒಳಪಟ್ಟಿರುತ್ತದೆ. ಮನೆಯಿಂದಲೇ ಕೆಲಸ ಮಾಡುವವರು ಸದ್ಯಕ್ಕೆ ಕಚೇರಿಗೆ ಹೋಗಿ ಬರುವುದಕ್ಕೆ ಸ್ವಂತದ ಕಾರ್ ಬಳಸುವ ಅಗತ್ಯ ಇಲ್ಲ. ಅಪಘಾತಗಳಿಂದ ವಾಹನಕ್ಕೆ ಆಗುವ ನಷ್ಟದ ಬಗ್ಗೆ ನೀವು ಈಗ ತಲೆಕೆಡಿಸಿಕೊಳ್ಳಬೇಕಾಗಿಲ್ಲ. ಆದರೆ, ಕಡ್ಡಾಯವಾಗಿರುವ ಥರ್ಡ್ ಪಾರ್ಟಿ ವಿಮೆ ಪಡೆಯುವುದು ಅಗತ್ಯವಾಗಿದೆ.

. ನಿಮ್ಮ ಕಾರ್ ನಿಮ್ಮ ಮನೆಯ ಆವರಣದಲ್ಲಿ ನಿಲ್ಲಿಸಿರುವಾಗ ಕೆಲವೊಂದು ಬಗೆಯ ಹಾನಿ ಆಗುವ ಸಾಧ್ಯತೆಗಳೂ ಇದ್ದೇ ಇರುತ್ತವೆ. ಇಂತಹ ಸಂದರ್ಭಗಳಲ್ಲಿ ಆಗುವ ನಷ್ಟದ ಪರಿಹಾರ ಪಡೆಯಲು ವಿಮೆ ಪಾಲಿಸಿ ಹೊಂದುವುದು ಪ್ರತಿಯೊಬ್ಬರಿಗೂ ಅಗತ್ಯವಾಗಿರುತ್ತದೆ. ರಸ್ತೆ ಬದಿಯಲ್ಲಿ ನಿಲ್ಲಿಸಿರುವ ಕಾರ್ ಕಳ್ಳತನವಾಗುವುದು ಸಾಮಾನ್ಯ ಬಗೆಯ ಘಟನೆಯಾಗಿರುತ್ತದೆ. ವರ್ಷದಿಂದ ವರ್ಷಕ್ಕೆ ವಾಹನಗಳ ಕಳ್ಳತನ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಲೇ ಇದೆ. ಭಾರತದಲ್ಲಿ ವಾಹನಗಳ ಕಳ್ಳತನದ ಅಪರಾಧ ಕೃತ್ಯಗಳಲ್ಲಿ ಗಮನಾರ್ಹ ಏರಿಕೆ ಕಂಡು ಬರುತ್ತಿದೆ. ಅಧಿಕೃತ ಅಂಕಿಅಂಶಗಳ ಪ್ರಕಾರವೇ, ದೇಶದಾದ್ಯಂತ ಪ್ರತಿ ದಿನ ಕಾರ್ ಕಳ್ಳತನದ 100 ಪ್ರಕರಣಗಳು ವರದಿಯಾಗುತ್ತವೆ. ಇಂತಹ ಘಟನೆಗಳು ದಿನೇ ದಿನೇ ಹೆಚ್ಚುತ್ತಲೇ ಇವೆ, ಅದೇ ರೀತಿ, ಬೆಂಕಿ ಆಕಸ್ಮಿಕದ ಘಟನೆಗಳೂ ಸಾಮಾನ್ಯವಾಗಿವೆ. ರಸ್ತೆ ಬದಿಯಲ್ಲಿ ನಿಲ್ಲಿಸಿದ ಕಾರ್ಗಳಲ್ಲಿ ಅನೇಕ ಕಾರಣಗಳಿಗಾಗಿ ದಿಢೀರನೆ ಬೆಂಕಿ ಕಾಣಿಸಿಕೊಳ್ಳುವುದು ಕಂಡುಬರುತ್ತಿದೆ. ಇದರಿಂದ ಕಾರ್ಗಳಿಗೆ ಗಮನಾರ್ಹ ಪ್ರಮಾಣದಲ್ಲಿ ನಷ್ಟ ಉಂಟಾಗುತ್ತದೆ.

. ಥರ್ಡ್ಪಾರ್ಟಿ + ಬೆಂಕಿ + ಕಳ್ಳತನ ವಿರುದ್ಧದ ವಿಮೆ ಪರಿಹಾರ ಮೂಲಕ ನಿಮ್ಮ ಪ್ರೀಮಿಯಂನಲ್ಲಿ ಹಣ ಉಳಿಸಿ ಕಾರ್ ಕಳ್ಳತನ ಮತ್ತು ಕಾರ್ಗಳಲ್ಲಿ ಬೆಂಕಿ ಆಕಸ್ಮಿಕಗಳು ಕಂಡುಬರುವುದು ವಾಸ್ತವ ಸಂಗತಿಯಾಗಿದೆ. ಮೇಲಿಂದ ಮೇಲೆ ಇಂಥಹ ಘಟನೆಗಳು ಸಂಭವಿಸುತ್ತಲೇ ಇರುತ್ತವೆ. ಬೆಂಕಿ ಆಕಸ್ಮಿಕದಿಂದ ನಿಮ್ಮ ಕಾರ್ಗೆ ನಷ್ಟ ಉಂಟಾದಾಗ ಅಥವಾ ಕಳ್ಳತನವಾದಾಗ ಆಘಾತಕ್ಕೆ ಒಳಗಾಗುವುದಕ್ಕಿಂತ ಅಂತಹ ಯಾವುದೇ ಬಗೆಯ ಪ್ರತಿಕೂಲ ಪರಿಸ್ಥಿತಿ ಎದುರಿಸಲು ಅಗತ್ಯ ಸಿದ್ಧತೆಯಲ್ಲಿರುವುದು ಉತ್ತಮ ನಿರ್ಧಾರವಾಗಿರಲಿದೆ. ಕಾರ್ಗೆ ಹಾನಿ ಉಂಟು ಮಾಡಿದ ಅಥವಾ ಕಳ್ಳತನ ಮಾಡಿದವರನ್ನು ಪತ್ತೆಹಚ್ಚಲು ನಿಮ್ಮಿಂದ ಸಾಧ್ಯವಿಲ್ಲದಿರುವಾಗ ಥರ್ಡ್ ಪಾರ್ಟಿ + ಬೆಂಕಿ + ಕಳ್ಳತನ ವಿರುದ್ಧ ವಿಮೆ ಪಾಲಿಸಿ ಪಡೆಯುವುದರಿಂದ ನಿಮ್ಮ ಮೋಟರ್ ವಿಮೆ ಕಂಪನಿಯು ಇಂತಹ ಸಂದರ್ಭದಲ್ಲಿನ ಹಾನಿಗಳಿಗೆ ಸೂಕ್ತ ಪರಿಹಾರ ಒದಗಿಸುತ್ತದೆ, ಇಂತಹ ವಿಮೆ ಪಾಲಿಸಿಗಳ ಮೂಲಕ ಗ್ರಾಹಕರಿಗೆ ನೆರವಾಗಲಿರುವ ಪಾಲಿಸಿಬಜಾರ್ (Policybazaar), ಆನ್ಲೈನ್ನಲ್ಲಿಯೇ ವಿಮೆ ಪರಿಹಾರ ಉತ್ಪನ್ನಗಳನ್ನು ಒದಗಿಸುತ್ತಿದೆ. ಇಂತಹ ವಿಮೆ ಪರಿಹಾರ ಯೋಜನೆಯು ಥರ್ಡ್ಪಾರ್ಟಿ ವಿಮೆ ಮತ್ತು ಬೆಂಕಿ ಆಕಸ್ಮಿಕ ಹಾಗೂ ಕಳ್ಳತನದ ವಿರುದ್ಧದ ಸಮಗ್ರ ಸ್ವರೂಪದ ವಿಮೆ ಪರಿಹಾರ ಒಳಗೊಂಡಿರಲಿದೆ. ಇಂತಹ ವಿಮೆ ಪರಿಹಾರ ಯೋಜನೆಗಳನ್ನು ಸಾಮಾನ್ಯವಾಗಿ ಥರ್ಡ್ಪಾರ್ಟಿ+ಬೆಂಕಿ+ಕಳ್ಳತನ ವಿರುದ್ಧದ ವಿಮೆ ಪರಿಹಾರ ಒದಗಿಸುವ (TP + Fire + Theft Insurance Cover) ಸಂಯೋಜಿತ ಯೋಜನೆಗಳು ಎಂದು ಕರೆಯಲಾಗುತ್ತದೆ. ಈ ವಿಮೆ ಯೋಜನೆಗಳು ಕಡಿಮೆ ವೆಚ್ಚದಲ್ಲಿ ದೊರೆಯಲಿರುವುದು ಎಲ್ಲಕ್ಕಿಂತ ಮುಖ್ಯವಾಗಿದೆ. ನಿಯಮಿತ ಸ್ವರೂಪದ ಸಮಗ್ರ ಮೋಟರ್ ವಿಮೆ ಯೋಜನೆಗಳಿಗೆ ಮಾಡುವ ವೆಚ್ಚಕ್ಕಿಂತ ಕಡಿಮೆ ಬೆಲೆಗೆ ಇಂತಹ ಸಂಯೋಜಿತ ವಿಮೆ ಪರಿಹಾರ ದೊರೆಯಲಿರುವುದೇ ಇವುಗಳ ವಿಶೇಷತೆಯಾಗಿದೆ.

. ಲೇಖಕ: ಸಜ್ಜಾ ಪ್ರವೀಣ ಚೌಧರಿ (ಪಾಲಿಸಿಬಜಾರ್ಡಾಟ್ಕಾಂನ ವಾಹನ ವಿಮೆ ಮುಖ್ಯಸ್ಥ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಥರ್ಡ್‌ ಪಾರ್ಟಿ ವಿಮೆ ಪ್ರೀಮಿಯಂನಲ್ಲಿ ಉಳಿತಾಯ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ