ಎಥನಾಲ್–ಬ್ಯಾಟರಿ ಚಾಲಿತ ಟೊಯೊಟಾ ಹೈಕ್ರಾಸ್‌; ಲೀಟರ್‌ಗೆ 23.24 ಕಿ.ಮೀ. ಮೈಲೇಜ್ !

ನವದೆಹಲಿ: ಎಥನಾಲ್ ಮತ್ತು ಬ್ಯಾಟರಿ ಎರಡನ್ನೂ ಬಳಸಿದ ಕಾರನ್ನು ಇತ್ತೀಚೆಗೆ ಕೇಂದ್ರ ಹೆದ್ದಾರಿ ಹಾಗೂ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಬಿಡುಗಡೆ ಮಾಡಿದರು. ಫ್ಲೆಕ್ಸಿ ಫ್ಯೂಯೆಲ್ಸ್ ಎಂಬ ಕಾರನ್ನು ಹೊರತಂದ ಟೊಯೊಟಾ ಎಂಪಿವಿ ಕಾರು ಎಥನಾಲ್ ಹಾಗೂ ಬ್ಯಾಟರಿ ಚಾಲಿತವೂ ಹೌದು.

ಈ ಎರಡೂ ಮಾದರಿಯ ಇಂಧನ ಮೂಲದ ಮೂಲಕ ಚಲಿಸುವ ಸಾಮರ್ಥ್ಯದ ಭಾರತದ ಮೊದಲ ಕಾರು ಇದು ಎಂದು ವರದಿಯಾಗಿದೆ.

ಟಯೊಟಾ ಇನ್ನೋವಾ ಹೈಕ್ರಾಸ್ ಕಾರನ್ನು ಫ್ಲೆಕ್ಸಿ ಫ್ಯೂಯಲ್ಸ್ ವಾಹನವಾಗಿ ಪರಿವರ್ತಿಸಿದೆ. ಭಾರತ್ ಸ್ಟೇಜ್ 6 ಮಾನ್ಯತೆ ಪಡೆದಿದೆ. ಬ್ಯಾಟರಿಯ ಜತೆಗೆ ಶೇ 20ರಷ್ಟು ಚಾಲನೆ ಎಥನಾಲ್ ಮೂಲಕ ಆಗಲಿದೆ. ಈ ಕಾರಿನಲ್ಲಿ ಇ100 ಶ್ರೇಣಿಯ ಎಥನಾಲ್ ಬಳಸಲಾಗುತ್ತಿದೆ. 2.0 ಲೀಟರ್ ಎಂಜಿನ್ ಸಾಮರ್ಥ್ಯದ ಹೈಕ್ರಾಸ್ ನಾಲ್ಕು ಸಿಲಿಂಡರ್ಗಳನ್ನು ಹೊಂದಿದೆ. ಇ85 ಇಂಧನ ಕ್ಷಮತೆ ಹೊಂದಿದೆ. ಈ ಫ್ಲೆಕ್ಸಿ ಫ್ಯೂಯಲ್ಸ್ ಮಾದರಿಯ ಕಾರಿನಲ್ಲಿ ಸ್ಪಾರ್ಕ್ ಪ್ಲಗ್ ಮತ್ತು ಪಿಸ್ಟನ್ ರಿಂಗ್ಗಳನ್ನು ಬದಲಿಸಲಾಗಿದೆ.

. ಕಡಿಮೆ ತಾಪಮಾನದ ವಾತಾವರಣದಲ್ಲಿ ಕಾರು ಚಾಲನೆ ಮಾಡಲು ಅನುಕೂಲವಾಗುವಂತೆ ಕೋಲ್ಡ್ ಸ್ಟಾರ್ಟ್ ತಂತ್ರಜ್ಞಾನವನ್ನು ಟೊಯೊಟಾ ಅಳವಡಿಸಿದೆ. ಸ್ವಯಂ ಚಾರ್ಜ್ ಆಗುವ ಲೀಥಿಯಂ ಅಯಾನ್ ಬ್ಯಾಟರಿ ಪ್ಯಾಕ್ ಅಳವಡಿಸಲಾಗಿದೆ. ಆದರೆ ಈ ಕಾರು ಮಾರುಕಟ್ಟೆಗೆ ಎಂದು ಬಿಡುಗಡೆಯಾಗಲಿದೆ ಎಂಬ ಮಾಹಿತಿಯನ್ನು ಈವರೆಗೂ ಕಂಪನಿ ಪ್ರಕಟಿಸಿಲ್ಲ.

181 ಅಶ್ವಶಕ್ತಿಯನ್ನು ಉತ್ಪಾದಿಸಬಲ್ಲ ಈ ಕಾರು ಪ್ರತಿ ಲೀಟರ್ಗೆ 23.24 ಕಿ.ಮೀ.ಯಷ್ಟು ಇಂಧನ ಕ್ಷಮತೆ ಹೊಂದಿದೆ. ಫ್ಲೆಕ್ಸಿ ಫ್ಯೂಯಲ್ಸ್ ಮೂಲಕ ಶೇ 30ರಿಂದ 50ರಷ್ಟು ಇಂಧನ ಉಳಿತಾಯ ಹೆಚ್ಚಾಗಿದೆ ಎಂದು ಅಂದಾಜಿಸಲಾಗಿದೆ.

ಎಥನಾಲ್ ಬಳಕೆಯ ಕಾರುಗಳು ಈಗಾಗಲೇ ಚೀನಾ, ಬ್ರೆಜಿಲ್, ಅಮೆರಿಕ ಮತ್ತು ಥಾಯ್ಲೆಂಡ್ನಲ್ಲಿ ಬಳಕೆಯಲ್ಲಿವೆ. ಎಥನಾಲ್ ಅನ್ನು ಪೆಟ್ರೋಲ್ನಲ್ಲಿ ಬೆರೆಸುವ ಪ್ರಕ್ರಿಯೆಯನ್ನು ಸರ್ಕಾರ ಆರಂಭಿಸಿದೆ. ಜತೆಗೆ ಹೆಚ್ಚಾಗಿರುವ ಎಥನಾಲ್ ಬೇಡಿಕೆಗೆ ಪೂರಕವಾಗಿ ಅಧಿಕ ಆಹಾರ ಧಾನ್ಯಗಳನ್ನು ಬೆಳೆಯುವಂತೆ ಕೇಂದ್ರ ಸರ್ಕಾರ ಸಲಹೆ ನೀಡಿದೆ. ಡೀಸೆಲ್ಗಿಂತ ಅಗ್ಗ ಎಂದೆನ್ನಲಾಗುವ ಎಥನಾಲ್ ಅನ್ನು ಭಾರತದಲ್ಲಿ ಈವರೆಗೂ ವಾಹನಗಳಲ್ಲಿ ಬಳಕೆ ಮಾಡಲಾಗುತ್ತಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಥನಾಲ್–ಬ್ಯಾಟರಿ ಚಾಲಿತ ಟೊಯೊಟಾ ಹೈಕ್ರಾಸ್‌; ಲೀಟರ್‌ಗೆ 23.24 ಕಿ.ಮೀ. ಮೈಲೇಜ್ !

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಚುರುಮುರಿ | ಸವಾಲ್– ಜವಾಬ್

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ರಣಜಿ ಕ್ರಿಕೆಟ್’ ಮುಂಬೈ ಕ್ರಿಕೆಟ್ ತಂಡಕ್ಕೆ ಮರಳಿದ ಶ್ರೇಯಸ್

ಫುಟ್‌ಬಾಲ್‌ ಸಂಭಾವ್ಯ ತಂಡದಲ್ಲಿ ಸಂದೇಶ್‌ ಜಿಂಗಾನ್‌ಗೆ ಸ್ಥಾನ

ನೆಟ್ಟಕಲ್ಲಪ್ಪ ರಾಷ್ಟ್ರಮಟ್ಟದ ಈಜು: ಕಣಕ್ಕಿಳಿಯಲಿರುವ 300 ಈಜುಪಟುಗಳು

ಏಷ್ಯನ್‌ ಪಿಕಲ್‌ಬಾಲ್‌: ಭಾರತಕ್ಕೆ 14 ಪದಕ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಚುರುಮುರಿ | ಸವಾಲ್– ಜವಾಬ್

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್