ಇಂದಿಗೂ ದೇಶದ ಹಲವು ಭಾಗಗಳಲ್ಲಿ ಅಲ್ಲಿಯದ್ದೇ ಆದ ಬಳೆಗಳ ವಿಶೇಷತೆ ಉಳಿದುಕೊಂಡಿದೆ. ಅವುಗಳಿಗೆ ಈಗಲೂ ಬೇಡಿಕೆ ಸಹ ಇದೆ. ಕಡಿಮೆ ಬಳೆ ಇಟ್ಟುಕೊಳ್ಳುವುದು, ಒಂದೇ ಕೈಗೆ ಬಳೆ ಹಾಕುವುದೂ ಸಹ ಹೊಸ ಫ್ಯಾಷನ್. ಸಿಂಗಲ್ ಬಳೆ ಇಡುವುದು ಸಾಮಾನ್ಯವಾಗಿದ್ದರೆ, ಕಡಗ ಮಾದರಿಯಲ್ಲಿ ಈಗ ಬಳೆಯ ವೈವಿಧ್ಯತೆ ಅವತರಿಸಿದೆ.
ಕಡಿಮೆಯಾಗದ ‘ಚಿನ್ನದ’ ಮಹತ್ವ
ಸಾಂಪ್ರದಾಯಿಕ ಚಿನ್ನದ ಬಳೆಗಳ ಮಹತ್ವ ಎಂದಿಗೂ ಕಡಿಮೆಯಾಗುವುದಿಲ್ಲ. ಇವು ಸಭೆ–ಸಮಾರಂಭ ಹಾಗೂ ದಿನನಿತ್ಯದ ಬಳಕೆಗೂ ಯೋಗ್ಯ ಎನ್ನಿಸುವುದರಿಂದ ಇವು ಫ್ಯಾಷನ್ ಜೊತೆಗೆ ಸಂಪ್ರದಾಯದ ಕೊಂಡಿಯನ್ನೂ ಬೆಸೆಯುತ್ತವೆ. ವಜ್ರದ ಬಳೆಗಳಿಗೆ ವಿಶೇಷ ಕಾಳಜಿ ಅಗತ್ಯ ಇರುವುದರಿಂದ ಅವುಗಳು ಸಮಾರಂಭಗಳಿಗಷ್ಟೇ ಸೀಮಿತವಾಗಿವೆ. ಕಚೇರಿಗೆ ಧರಿಸಲು ಹೆಚ್ಚಾಗಿ ಸಿಂಗಲ್ ಬಳೆಗಳನ್ನು ಇಷ್ಟ ಪಡುತ್ತಾರಾದ ಕಾರಣ ಅವುಗಳಲ್ಲಿ ಸಾಕಷ್ಟು ವೈವಿಧ್ಯ ಮೂಡಿ ಬರುತ್ತಿದೆ. ಪೋಲ್ಕಿ ಬ್ಯಾಂಗಲ್ಸ್, ಸ್ಟೋನ್ ಬ್ಯಾಂಗಲ್ಸ್ಗಳು ಸಹ ಇಂದಿನ ಮಹಿಳೆಯರ ಮನಗೆದ್ದಿವೆ.