ಜೊಮ್ಯಾಟೊ ಸಹ ಸಂಸ್ಥಾಪಕ ಮೋಹಿತ್ ಗುಪ್ತಾ ರಾಜೀನಾಮೆ

ನವದೆಹಲಿ: ಆ್ಯಪ್ ಆಧಾರಿತ ಆಹಾರ ಪೂರೈಕೆ ಕಂಪನಿ ಜೊಮ್ಯಾಟೊದ ಸಹ ಸಂಸ್ಥಾಪಕ ಮೋಹಿತ್ ಗುಪ್ತಾ ತಮ್ಮ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದ್ದಾರೆ.

. ನಾಲ್ಕೂವರೆ ವರ್ಷಗಳ ಹಿಂದೆ ಜೊಮ್ಯಾಟೊ ಕಂಪನಿಗೆ ಸೇರ್ಪಡೆಯಾಗಿದ್ದ ಗುಪ್ತಾ ಸಿಇಒ ಆಗಿದ್ದರು. ನಂತರ 2020ರಲ್ಲಿ ಸಹ ಸಂಸ್ಥಾಪಕ ಗೌರವಕ್ಕೆ ಪಾತ್ರರಾಗಿದ್ದರು.

. ಇದನ್ನೂ ಓದಿ: ಬೆಂಗಳೂರು–ವಿಶಾಖಪಟ್ಟಣ ಮಾರ್ಗದಲ್ಲಿ ಡಿ. 10ರಿಂದ ಆಕಾಸಾ ಏರ್ ಸೇವೆ

. ಜೀವನದಲ್ಲಿ ಅಡ್ವೆಂಚರ್ಹುಡುಕುತ್ತಾ ಜೊಮ್ಯಾಟೊ ಬಿಟ್ಟು ಹೋಗಲು ನಿರ್ಧರಿಸಿರುವುದಾಗಿ ಗುಪ್ತಾ ನೀಡಿದ ಪತ್ರದಲ್ಲಿ ಉಲ್ಲೇಖಿಸಿರುವುದಾಗಿ ಜೊಮ್ಯಾಟೊ ಕಂಪನಿ ತಿಳಿಸಿದೆ.

. ಕಂಪನಿ ಕಾಯ್ದೆ 2013ರ ಅಡಿಯಲ್ಲಿ ಗುಪ್ತಾ ಅವರನ್ನು ಪ್ರಮುಖ ವ್ಯವಸ್ಥಾಪಕರಾಗಿ ನೇಮಿಸಿರಲಿಲ್ಲ ಎಂದೂ ಸಂಸ್ಥೆ ತಿಳಿಸಿದೆ.

. ಆಗಸ್ಟ್ ತಿಂಗಳಲ್ಲಿ ಜೊಮ್ಯಾಟೊದ ಉಪ ಮುಖ್ಯ ಹಣಕಾಸು ಅಧಿಕಾರಿ ನಿತಿನ್ ಸವಾರಾ ರಾಜೀನಾಮೆ ನೀಡಿದ್ದರು.

. ಕಳೆದ ವಾರ ಬಿಡುಗಡೆಯಾದ ಎರಡನೇ ತ್ರೈಮಾಸಿಕ ವರದಿಯಲ್ಲಿ ಜೊಮ್ಯಾಟೊ ನಷ್ಟ ಹೊಂದಿತ್ತು. ಆದರೆ ಆನ್ಲೈನ್ ಆರ್ಡರ್ ಮೌಲ್ಯದಲ್ಲಿ ವೃದ್ಧಿ ಸಾಧಿಸಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.