ನಾವು ಇರುವುದೇ ಮಾಯೆಯಲ್ಲಿ

ಸುಮ್ಮನೊಬ್ಬಂಟಿಯೆಂತಿಹುದು? ಬೇಸರವಹುದು | ಹೊಮ್ಮುವೆನು ಕೋಟಿರೂಪದಲಿ ನಾನೆಂದು || ಬೊಮ್ಮನೆಳಸಿದನಂತೆ. ಆಯೆಳಸಿಕೆಯೆ ಮಾಯೆ | ನಮ್ಮಿರವು ಮಾಯೆಯಲಿ - ಮಂಕುತಿಮ್ಮ || 74 ||

. ಪದ-ಅರ್ಥ: ಸುಮ್ಮನೊಬ್ಬಂಟಿಯೆಂತಿಹುದು=ಸುಮ್ಮನೆ+ಒಬ್ಬಂಟಿ+ಎಂತಿಹುದು(ಹೇಗಿರುವುದು), ಹೊಮ್ಮುವೆನು=ಹಬ್ಬುವೆನು, ಬೊಮ್ಮನೆಳಸಿದನಂತೆ-ಬೊಮ್ಮ(ಬ್ರಹ್ಮ)+ಎಳಸಿದನಂತೆ(ಆಸೆ ಪಟ್ಟನಂತೆ). ಆಯೆಳಸಿಕೆ=ಆ+ಎಳಸಿಕೆ(ಆಸೆ,ಅಪೇಕ್ಷೆ), ನಮ್ಮಿರವು=ನಮ್ಮ+ಇರವು

. ವಾಚ್ಯಾರ್ಥ: ಸುಮ್ಮನೆ ಒಬ್ಬನೇ ಹೇಗಿರುವುದು.? ಬೇಸರವಾಗುತ್ತದೆ. ಅದ್ದರಿಂದ ಕೋಟಿರೂಪದಲ್ಲಿ ಹರಡುತ್ತೇನೆ ಎಂದು ಬ್ರಹ್ಮ ಬಯಸಿದನಂತೆ. ಅವನ ಅಪೇಕ್ಷೆಯೇ ಮಾಯೆ. ನಮ್ಮ ಎಲ್ಲರ ಇರವು ಈ ಮಾಯೆಯಲ್ಲಿಯೇ.

. ವಿವರಣೆ: ಇದೊಂದು ಮಹತ್ತರವಾದ ಆಧ್ಯಾತ್ಮಿಕ ಸತ್ಯವನ್ನು ಅತ್ಯಂತ ಸರಳವಾಗಿ ಕಂಡರಿಸಿದ ಕಗ್ಗ. ‘ಮಮೈವಾಂಶೋ ಜೀವಲೋಕೇ ಜೀವಭೂತ: ಸನಾತನ: ’

. ನನ್ನ (ಬ್ರಹ್ಮದ) ಒಂದಂಶವೇ ಪ್ರಾಣಿ ಪ್ರಪಂಚದಲ್ಲಿ ಜೀವವಾಗಿರುವ ಶಾಶ್ವತ ಸತ್ಯ. ಬ್ರಹ್ಮ ಏಕೆ ಜೀವವಾಗುತ್ತದೆ? ಅದರ ಉದ್ದೇಶವೇನು? ಅದರ ಅಪೇಕ್ಷೆ ಏನು? ಬೃಹದಾರಣ್ಯಕ ಉಪನಿಷತ್ತು ಹೇಳುವುದು ಹೀಗೆ – ಸವೈನೈವ ರೇಮೇ | ಏಕಾಕಿ ನ ರಮತೇ | ಸ ದ್ವಿತೀಯ ಮೈಚ್ಛತ್ ||

. ಬ್ರಹ್ಮ ಏಕಾಕಿಯಾಗಿತ್ತು ಆದರೆ ಸಂತೋಷಪಡಲಿಲ್ಲ. ಒಬ್ಬಂಟಿಯಾದವನಿಗೆ ಸಂತೋಷವಿಲ್ಲ. ಅದಕ್ಕೆ ಮತ್ತೊಬ್ಬನನ್ನು ಜೊತೆಗಾರನನ್ನಾಗಿ ಬಯಸಿತು. ಆ ಜೊತೆಗಾರನೇ ಜಗತ್ತು. ತೈತ್ತರೀಯ ಉಪನಿಷತ್ತು ಹೇಳುತ್ತದೆ – ಸೋsಕಾಮಯತ | ಬಹು ಸ್ಯಾಮ್ ಪ್ರಜಾಯೇಯೇತಿ | ..... ತದಾssತ್ಮಾನಂ ಸ್ವಯಮಕುರುತ | ಬ್ರಹ್ಮವು ಒಂದೇ ಆಗಿದ್ದು ‘ನಾನು ಅನೇಕವಾಗಿ ಹುಟ್ಟುತ್ತೇನೆ’ ಎಂದು ಬಯಸಿತು. ಆಗ ತನ್ನನ್ನು ತಾನೇ ಬಹುರೂಪದ ಪ್ರಪಂಚವನ್ನಾಗಿ ಮಾಡಿಕೊಂಡಿತು. ಈ ಪ್ರಪಂಚ ಅವನ ಲೀಲೆ. ಲೀಲೆಯೆಂದರೆ ಮಾಯೆ, ಆಟ.

. ‘ಲೋಕವತ್ ತು ಲೀಲಾಕೈವಲ್ಯಮ್’ - ಬ್ರಹ್ಮಸೂತ್ರ

. ಅಂದರೆ ಭಗವಂತ ಯಾವುದೇ ಪ್ರಯೋಜನವನ್ನು ಅಪೇಕ್ಷೆ ಮಾಡದೆ, ಕೇವಲ ತನ್ನ ಸ್ವತಂತ್ರವಾದ ಲೀಲೆಗೋಸ್ಕರ ಈ ಜಗತ್ತನ್ನು ರಚಿಸಿದ.

. ಪುಣ್ಯಾತ್ಮ ಜಗತ್ತನ್ನೇನೋ ಸೃಷ್ಟಿಸಿದ. ಅದರಲ್ಲಿ ನಮ್ಮನ್ನೆಲ್ಲ ಭಾಗಿಗಳಾಗುವಂತೆ ಮಾಡಿದ. ಅವನ ಲೀಲೆಯಲ್ಲಿ ನಾವೂ ಪಾತ್ರಧಾರಿಗಳು. ಅದನ್ನೇ ಕಗ್ಗ ನಮ್ಮಿರವು ಮಾಯೆಯಲ್ಲಿ ಎನ್ನುತ್ತದೆ. ನಾವು ಪಾತ್ರಧಾರಿಗಳಾದರೂ ನಮ್ಮ ಪಾತ್ರದ ವಿವರ, ವೇಷಭೂಷಣ, ಸಂಭಾಷಣೆ, ಆರಂಭ, ಅಂತ್ಯ ಯಾವುದೂ ನಮ್ಮ ಕೈಯಲ್ಲಿ ಇಲ್ಲ. ಈ ಬ್ರಹನ್ನಾಟಕದ ಸೂತ್ರಧಾರನೂ ಅವನೇ, ನಿರ್ದೇಶಕನೂ ಅವನೇ, ಕೊನೆಗೆ ಪ್ರೇಕ್ಷಕನೂ, ತೀರ್ಪುಗಾರನೂ ಅವನೇ. ನಾವು ಇರುವಂತೆ, ಇರಬೇಕಾದ ಹಾಗೆ ಇದ್ದು ಸಂತೋಷಪಡುವುದೇ ನಮ್ಮ ಧರ್ಮ, ಕರ್ಮ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾವು ಇರುವುದೇ ಮಾಯೆಯಲ್ಲಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ