ದಿನದ ಸೂಕ್ತಿ: ಮೈ ಮರೆಯದಿರಿ

ಜಾತಮಾತ್ರಂ ನ ಯಃ ಶತ್ರುಂ ವ್ಯಾಧಿಂ ಚ ಪ್ರಶಮಂ ನಯೇತ್ ।

. ಮಹಾಬಲೋsಪಿ ತೇನೈವ ವೃದ್ಧಿಂ ಪ್ರಾಪ್ಯ ಸ ಹನ್ಯತೇ ।।

. ಇದರ ತಾತ್ಪರ್ಯ ಹೀಗೆ:

. ‘ಯಾರು ಶತ್ರುವನ್ನೂ ರೋಗವನ್ನೂ ಹುಟ್ಟಿದ ಕೂಡಲೇ ನಾಶಗೊಳಿಸುವುದಿಲ್ಲವೋ ಅಂಥವನು ಎಷ್ಟೇ ಬಲಶಾಲಿಯಾಗಿದ್ದರೂ ವೃದ್ಧಿಹೊಂದಿದ ಅದರಿಂದಲೇ ಅನಂತರದಲ್ಲಿ ಸಾವಿಗೆ ಒಳಗಾಗುತ್ತಾರೆ.’

. ನಮ್ಮ ಸದ್ಯದ ಸಂದರ್ಭಕ್ಕೂ ಈ ಸುಭಾಷಿತದ ಎಚ್ಚರಿಕೆ ಚೆನ್ನಾಗಿ ಹೊಂದುತ್ತದೆ.

. ಕಳೆಯನ್ನು ಆರಂಭದಲ್ಲಿಯೇ ತೊಲಗಿಸಬೇಕು; ಇಲ್ಲವಾದಲ್ಲಿ ಅದು ಬೆಳೆಯ ಸಾರವನ್ನೆಲ್ಲ ಹೀರಿ ನಮಗೆ ನಷ್ಟವನ್ನು ಉಂಟುಮಾಡುತ್ತದೆ.

. ಇಂಥವೇ ಇನ್ನೂ ಹಲವು ವಿದ್ಯಮಾನಗಳನ್ನು ನಮ್ಮ ಜೀವನದಲ್ಲಿ ನೋಡುತ್ತಿರುತ್ತೇವೆ.

. ಶತ್ರುಗಳನ್ನು ಆರಂಭದಲ್ಲಿಯೇ ಗುರುತಿಸಿ ಅವರನ್ನು ನಿಗ್ರಹಿಸಬೇಕು ಎಂದು ಸುಭಾಷಿತ ಹೇಳುತ್ತಿದೆ. ಹೀಗೆ ಅವರನ್ನು ಉಪೇಕ್ಷಿಸುತ್ತಬಂದರೆ ಅವರು ಬಲವಾಗಿ ಬೆಳೆಯುತ್ತ ನಮಗೆ ತೊಂದರೆಯನ್ನು ನೀಡುತ್ತಾರೆ; ಕೊನೆಗೆ ಅವರಿಂದ ನಮ್ಮ ಜೀವನಕ್ಕೂ ತೊಂದರೆಯಾಗಬಹುದು ಎಂದು ಅದು ಎಚ್ಚರಿಕೆ ನೀಡಿದೆ. ಇದು ವ್ಯಕ್ತಿಗಳ ವಿಷಯದಲ್ಲಿ ಮಾತ್ರವೇ ಅಲ್ಲ, ದೇಶದ ವಿಷಯದಲ್ಲೂ ಸಲ್ಲುವಂಥ ಮಾತು. ಪಾಕಿಸ್ತಾನ–ಚೀನಾಗಳನ್ನೇ ಇಲ್ಲಿ ಉದಾಹರಣೆಯಾಗಿ ನೋಡಬಹುದು. ಆರಂಭದಿಂದಲೇ ನಾವು ಆ ದೇಶಗಳನ್ನು ಮಟ್ಟಹಾಕುವಷ್ಟು ಶಕ್ತಿಯನ್ನು ಸಂಪಾದಿಸಿಕೊಂಡು, ನಿಗ್ರಹಿಸಬೇಕಿತ್ತು. ಆದರೆ ಇಂದು ಸಮಸ್ಯೆ ಉಲ್ಬಣವಾಗಿರುವುದು ಸ್ಪಷ್ಟ.

. ಇನ್ನು ರೋಗದ ವಿಷಯ. ಇಂದು ಕೊರೊನಾ ಸಮಸ್ಯೆ ನಮ್ಮ ಕೈ ಮೀರಿದೆ ಎನ್ನುವುದರಲ್ಲಿ ಅನುಮಾನವಿಲ್ಲ. ಆರಂಭದಲ್ಲಿ ಜನರು ಸ್ವಲ್ಪ ಕಾಳಜಿಯನ್ನು ವಹಿಸಿದ್ದರು, ನಿಜ. ಆದರೆ ಅನಂತರದಲ್ಲಿ ಜನರೂ ಸರ್ಕಾರವೂ ಈ ಸಮಸ್ಯೆಗೆ ಕೊಡಬೇಕಾದಷ್ಟು ಗಮನವನ್ನು ಕೊಡಲಿಲ್ಲ ಎನ್ನುವುದೂ ಸತ್ಯವೇ. ಇಂದು ಸಮಸ್ಯೆ ವಿಪರೀತವಾಗಿ ಬೆಳೆದಿದೆ; ಅನಾಹುತಗಳ ಸಂಖ್ಯೆ ಹೆಚ್ಚುತ್ತಲೇ ಇದೆ.

. ಯಾವುದಾದರೂ ಸಮಸ್ಯೆ ನಮಗೆ ಎದುರಾದರೆ ಅದನ್ನು ಆರಂಭದಲ್ಲಿಯೇ ಕಂಡುಹಿಡಿದು ಅದನ್ನು ನಿವಾರಿಸಲು ಅಗತ್ಯವಾದ ಎಚ್ಚರಿಕೆಯ ಕ್ರಮಗಳನ್ನು ಕೈಗೊಳ್ಳಬೇಕು; ಇಲ್ಲವಾದಲ್ಲಿ ಅದು ಹಂತ ಹಂತವಾಗಿ ಬೆಳೆದು ಕೊನೆಗೆ ನಮಗೆ ವಿಪರೀತವಾದ ತೊಂದರೆಯನ್ನು ನೀಡುತ್ತದೆ.

. ಮನೆಯಲ್ಲಿ ನಲ್ಲಿಯೊಂದು ಸೋರಲು ತೊಡಗಿತು ಎಂದಿಟ್ಟುಕೊಳ್ಳೋಣ. ಆರಂಭದಲ್ಲಿಯೇ ಅದನ್ನು ಸರಿಮಾಡದಿದ್ದರೆ ಅನಂತರ ಅದರಿಂದ ಟ್ಯಾಂಕ್ನ ನೀರೆಲ್ಲವೂ ವ್ಯರ್ಥವಾಗುವ ಸಂಭವ ಉಂಟು. ಇಂಥ ಹತ್ತಾರು ಉದಾಹರಣೆಗಳನ್ನು ನಮ್ಮ ನಿತ್ಯದ ಜೀವನದಿಂದಲೇ ಕೊಡಬಹುದು.

. ಹೀಗಾಗಿ ಸದಾ ನಾವು ಅಪಾಯಗಳಿಂದ ಎಚ್ಚರಿಕೆಯಿಂದ ಇರಬೇಕು; ಎಂದಿಗೂ ಎಚ್ಚರಿಕೆಯಿಂದ ಜಾರದಂತೆ ನಮ್ಮ ಮೈ–ಮನಗಳನ್ನು ನೋಡಿಕೊಳ್ಳಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಮೈ ಮರೆಯದಿರಿ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!