ದಿನದ ಸೂಕ್ತಿ: ಚಾಡಿಕೋರ ಹಾವಿಗಿಂತಲೂ ಅಪಾಯ!

ಪಾದಾಹತೋsಪಿ ದೃಢದಂಢಸಮಾಹತೋsಪಿ

. ಯಂ ದಂಷ್ಟ್ರಯಾ ಸ್ಪೃಶತಿ ತಂ ಕಿಲ ಹಂತಿ ಸರ್ಪಃ ।

. ಕೋಪ್ಯೇಷ ಏವ ಪಿಶುನೋಗ್ರಮನುಷ್ಯಧರ್ಮಃ

. ಕರ್ಣೇ ಪರಂ ಸ್ಪೃಶತಿ ಹಂತಿ ಪರಂ ಸಮೂಲಮ್ ।।

. ಇದರ ತಾತ್ಪರ್ಯ ಹೀಗೆ:

. ‘ಕಾಲಿನಿಂದ ಒದ್ದರೂ ಬಲವಾದ ಕೋಲಿನಿಂದ ಹೊಡೆದರೂ ಹಾವು ಏನು ಮಾಡುತ್ತದೆ? ಯಾರನ್ನು ಅದು ಕಚ್ಚುತ್ತದೆಯೋ ಅವನನ್ನೇ ಕೊಲ್ಲುತ್ತದೆ. ಆದರೆ ಚಾಡಿ ಹೇಳುವ ಕೆಟ್ಟ ಮನುಷ್ಯನ ಧರ್ಮ ಮಾತ್ರ ವಿಚಿತ್ರವಾಗಿದೆ! ಒಬ್ಬನನ್ನು ಅವನು ಕಿವಿಯಲ್ಲಿ ಕಚ್ಚುತ್ತಾನೆ, ಮತ್ತೊಬ್ಬನ್ನು ಬುಡಸಹಿತ ನಾಶಪಡಿಸುತ್ತಾನೆ.’

. ಮನುಷ್ಯನಿಗೆ ಮಾತ್ರವೇ ಇರುವ ದುಷ್ಟತನಗಳಲ್ಲಿ ಒಂದು ಚಾಡಿಕೋರತನ. ಹಾವಿನ ವಿಷಕ್ಕಿಂತಲೂ ಅತ್ಯಂತ ಅಪಾಯಕಾರಿ ಎಂದರೆ ಚಾಡಿಕೋರ ಎನ್ನುತ್ತಿದೆ ಸುಭಾಷಿತ.

. ಒಬ್ಬ ವ್ಯಕ್ತಿ ಇನ್ನೊಬ್ಬ ವ್ಯಕ್ತಿಯ ಬಗ್ಗೆ, ಅವನ ಅನುಪಸ್ಥಿತಿಯಲ್ಲಿ, ಮಾತನಾಡುವ ಮಾತುಗಳೇ ಚಾಡಿಯ ಮಾತುಗಳು ಎಂದೆನಿಸಿಕೊಳ್ಳುತ್ತದೆ. ಈ ಮಾತುಗಳಲ್ಲಿ ಸುಳ್ಳಿನ ಅಂಶವೇ ಹೆಚ್ಚಾಗಿರುತ್ತದೆ.

. ಹಾವೊಂದನ್ನು ಯಾರಾದರೂ ಕಾಲಿನಿಂದ ಒದ್ದರು, ಕೋಲಿನಿಂದ ಹೊಡೆದರು ಎಂದಿಟ್ಟುಕೊಳ್ಳಿ. ಆಗ ಅದು ತನ್ನ ಮೇಲೆ ದಾಳಿ ಮಾಡಿದವರನ್ನು ಕಚ್ಚುತ್ತದೆ ಎಂದೂ ಊಹಿಸೋಣ. ಅದು ಯಾರನ್ನು ಕಚ್ಚುತ್ತದೆಯೋ, ಅವರನ್ನೇ ಕೊಲ್ಲುತ್ತದೆ; ಎಂದರೆ ಅದರಿಂದ ಕಚ್ಚಿಸಿಕೊಂಡವನೇ ಅದರ ವಿಷದಿಂದ ಸಾಯುತ್ತಾನಲ್ಲವೆ?

. ಆದರೆ ಚಾಡಿಕೋರ ಮಾಡುವ ಅಪಾಯ ಇದಕ್ಕಿಂತಲೂ ಅಪಾಯ. ಚಾಡಿ ಹೇಳುವುದನ್ನು ’ಕಿವಿ ಕಚ್ಚುವುದು‘ ಎಂದೂ ಹೇಳುವ ರೂಢಿ ಉಂಟು. ಈ ಚಾಡಿಕೋರ ಏನು ಮಾಡುತ್ತಾನೆ? ಅವನು ನಮ್ಮ ಸಮ್ಮುಖದಲ್ಲಿ ಇಲ್ಲದ ವ್ಯಕ್ತಿಯ ಬಗ್ಗೆ ನಮ್ಮ ಕಿವಿಯನ್ನು ಕಚ್ಚುತ್ತಾನೆ; ಎಂದರೆ ಅವನ ಬಗ್ಗೆ ನಮ್ಮ ಕಿವಿಯಲ್ಲಿ ಚಾಡಿಯ ಮಾತುಗಳನ್ನು ಹೇಳುತ್ತಾನೆ. ಹೀಗೆ ಅವನ ಬಗ್ಗೆ ನಾವು ಕೆಟ್ಟ ಮಾತುಗಳನ್ನು ಕೇಳಿದ ಮೇಲೆ – ಆ ಮಾತುಗಳನ್ನು ನಾವು ನಂಬಿದರೆ – ಅವನ ಬಗ್ಗೆ ನಮ್ಮಲ್ಲಿ ಈ ಮೊದಲಿನ ಭಾವನೆ ಬದಲಾಗುತ್ತದೆ; ಅವನು ಈಗ ನಮ್ಮ ದೃಷ್ಟಿಯಲ್ಲಿ ’ಸತ್ತಿದ್ದಾನೆ‘. ಎಂದರೆ ಏನಾಯಿತು? ಅವನು ಕಚ್ಚಿದ್ದು ಒಬ್ಬರನ್ನು; ಯಾರನ್ನು? ನಮ್ಮನ್ನು. ಆದರೆ ಸತ್ತಿದ್ದು ಇನ್ನೊಬ್ಬ! ಯಾರು? ಯಾವ ವ್ಯಕ್ತಿ ಚಾಡಿಗೆ ವಸ್ತುವಾಗಿದ್ದಾನೋ ಅವನು! ಚಾಡಿಕೋರನ ಉದ್ದೇಶವಾದೂ ಇದೇ ಆಗಿರುತ್ತದೆ; ಆ ವ್ಯಕ್ತಿಗೆ ದ್ರೋಹ ಮಾಡುವುದು, ಅಪಾಯ ತಂದೊಡ್ಡುವುದು. ವಾಸ್ತವದಲ್ಲಿ ಅವನು ನಮಗೂ ದ್ರೋಹ ಮಾಡುತ್ತಿರುತ್ತಾನೆ.

. ಹಾವು ಯಾರನ್ನು ಕಚ್ಚುತ್ತದೆಯೋ ಅವನೇ ಸಾಯುತ್ತಾನೆ; ಆದರೆ ಚಾಡಿಕೋರ ಕಚ್ಚುವುದು ಒಬ್ಬನನ್ನು, ಅದರ ಕಾರಣದಿಂದ ಸಾಯುವುದು ಮಾತ್ರ ಇನ್ನೊಬ್ಬ! ಎಂದರೆ ಹಾವಿಗಿಂತಲೂ ಚಾಡಿಕೋರ ತುಂಬ ಅಪಾಯಕಾರಿ ಎಂದಾಯಿತು.

. ಇದರ ತಾತ್ಪರ್ಯ ಏನು?

. ಚಾಡಿಕೋರರಿಂದ ಎಚ್ಚರವಾಗಿರೋಣ; ನಮ್ಮ ಕಿವಿಗಳನ್ನು ಅವರಿಗೆ ಸುಲಭವಾಗಿ ಒಪ್ಪಿಸದಿರೋಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಚಾಡಿಕೋರ ಹಾವಿಗಿಂತಲೂ ಅಪಾಯ!

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!