ದಿನದ ಸೂಕ್ತಿ: ವ್ಯಕ್ತಿತ್ವದ ಆಯಾಮಗಳು

ಧನೇನ ಕಿಂ ಯೋ ನ ದದಾತಿ ನಾಶ್ನುತೇ

. ಬಲೇನ ಕಿಂ ಯೇನ ರಿಪುಂ ನ ಬಾಧತೇ ।

. ಶ್ರುತೇನ ಕಿಂ ಯೇನ ನ ಧರ್ಮಮಾಚರೇತ್

. ಕಿಮಾತ್ಮನಾ ಯೋ ನ ಜಿತೇಂದ್ರಿಯೋ ಭವೇತ್ ।।

. ಇದರ ತಾತ್ಪರ್ಯ ಹೀಗೆ:

. ‘ಯಾರು ದಾನಮಾಡುವುದಿಲ್ಲವೋ, ತಾನೂ ಅನುಭವಿಸುವುದಿಲ್ಲವೋ ಅಂಥ ಹಣವನ್ನು ಕಟ್ಟಿಕೊಂಡು ಏನು ಪ್ರಯೋಜನ? ಶತ್ರುಗಳನ್ನು ಹದಕ್ಕೆ ತರಲು ಸಾಧ್ಯವಾಗದ ಬಲದಿಂದ ಏನು ತಾನೆ ಪ್ರಯೋಜನ? ಯಾವುದರಿಂದ ಧರ್ಮವನ್ನು ಆಚರಿಸುವುದಿಲ್ಲವೋ ಅಂಥ ವಿದ್ಯೆಯಿಂದ ಏನು ಪ್ರಯೋಜನ? ಜಿತೇಂದ್ರಿಯನಾಗದೇ ಇರುವ ತನ್ನಿಂದ ತಾನೆ ಏನು ಪ್ರಯೋಜನ?’

. ಯಾವುದರ ಸಂಗ್ರಹವೂ ವ್ಯರ್ಥ ಆಗಬಾರದು; ಪ್ರತಿಯೊಂದು ವಸ್ತು, ಗುಣಕ್ಕೂ ಫಲ ಎಂಬುದು ಇರುತ್ತದೆ. ಅದು ಸಾಧಿತವಾಗದೆಹೋದರೆ ಆಗ ಆ ವಸ್ತುವೂ ಗುಣವೂ ವ್ಯಕ್ತಿಯೂ ವ್ಯರ್ಥ ಎಂಬುದನ್ನು ಸುಭಾಷಿತ ಹೇಳುತ್ತಿದೆ.

. ಹಣಕ್ಕೆ ಮೂರು ದಾರಿಗಳು ಎಂದು ಇನ್ನೊಂದು ಸುಭಾಷಿತದಲ್ಲಿ ಹೇಳಲಾಗಿದೆ. ದಾನ, ಭೋಗ ಮತ್ತು ನಾಶ – ಇವು ಮೂರು ಆ ದಾರಿಗಳು. ಯಾರು ದಾನಮಾಡುವುದಿಲ್ಲವೋ ಭೋಗಿಸುವುದಿಲ್ಲವೋ ಅವರ ಹಣ ಮೂರನೆಯ ದಾರಿ, ಎಂದರೆ ನಾಶವಾಗುತ್ತದೆ ಎಂದಿದೆ ಆ ಸುಭಾಷಿತ. ಈ ಸುಭಾಷಿತ ಕೂಡ ಅದನ್ನೇ ಹೇಳುತ್ತಿರುವುದು. ಹಣ ಇರುವುದು ನಾವು ಸುಖ ಪಡುವುದಕ್ಕೆ ಅಥವಾ ಇನ್ನೊಬ್ಬರನ್ನು ಸಂತೋಷಪಡಿಸಲಿಕ್ಕೆ. ಈ ಎರಡಕ್ಕೂ ಒಗ್ಗದ ಹಣಸಂಗ್ರಹದಿಂದ ಏನು ತಾನೆ ಪ್ರಯೋಜನ?

. ನಮ್ಮ ಬಲವು ಶತ್ರುಗಳಿಗೆ ಹೆದರಿಕೆ ಹುಟ್ಟಿಸಬೇಕು; ಅವರು ನಮ್ಮ ತಂಟೆಗೆ ಬಾರದಂತೆ ತಡೆಯಬೇಕು. ಅದು ಬಿಟ್ಟು ಸುಮ್ಮನೇ ನಾವು ದೇಹವನ್ನು ಬೆಳೆಸುತ್ತಹೋದರೆ ಏನು ತಾನೆ ಪ್ರಯೋಜನ? ಇದು ದೇಶದ ವಿಷಯದಲ್ಲೂ ಸಲ್ಲುವ ಮಾತು. ನಮ್ಮ ಬಲವನ್ನು ಕಂಡು ಶತ್ರುರಾಷ್ಟ್ರ ನಮ್ಮ ತಂಟೆಗೆ ಬರಬಾರದು; ಹಾಗೆ ನಮ್ಮ ದೇಶದ ರಕ್ಷಣವ್ಯವಸ್ಥೆಯನ್ನು ರೂಪಿಸಬೇಕು.

. ವಿದ್ಯೆ ನಮಗೆ ವಿವೇಕವನ್ನು ಕೊಡಬೇಕು. ಆ ವಿವೇಕದಿಂದ ಧರ್ಮ ಯಾವುದು, ಅಧರ್ಮ ಯಾವುದು ಎಂಬ ತಿಳಿವಳಿಕೆ ಮೂಡಿ, ನಮ್ಮ ಆಚರಣೆಯನ್ನು ನಿಯಂತ್ರಿಸಬೇಕು. ಹೀಗೆ ನಮ್ಮ ಬಾಳನ್ನು ರೂಪಿಸದ ವಿದ್ಯೆಯಿಂದ ಏನು ತಾನೆ ಪ್ರಯೋಜನ?

. ಆಕರ್ಷಣೆಗೆ ಪಕ್ಕಾಗಿ ನಮ್ಮ ವ್ಯಕ್ತಿತ್ವವನ್ನೇ ಕಳೆದುಕೊಳ್ಳುವಂಥ ಸ್ಥಿತಿಗೆ ನಮ್ಮನ್ನು ನಾವು ತಂದುಕೊಳ್ಳಬಾರದು. ಉದ್ವೇಗಕ್ಕೆ, ಆಮಿಷಗಳಿಗೆ ಸೋತರೆ ಆ ವ್ಯಕ್ತಿಯು ಜೀವನದಲ್ಲಿಯೂ ಸೋತಂತೆಯೇ ಹೌದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ವ್ಯಕ್ತಿತ್ವದ ಆಯಾಮಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು