ಬಾಗಲಕೋಟೆ | ಎಪಿಎಂಸಿ: ಆದಾಯ ಹೆಚ್ಚಳ

ಬಾಗಲಕೋಟೆ: ಕೃಷಿ ಉತ್ಪನ್ನ ಮಾರುಕಟ್ಟೆ (ಎಪಿಎಂಸಿ) ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರಾಜ್ಯ ಸರ್ಕಾರ ಹಿಂಪಡೆದ ಮೇಲೆ ಎಪಿಎಂಸಿ ಗಳಲ್ಲಿ ಮತ್ತೆ ವಹಿವಾಟು ಜೋರಾಗಿದೆ. ಎಪಿಎಂಸಿಗಳಿಗೆ ಆರ್ಥಿಕ ಬಲ ಬಂದಿದೆ.

. ಎಪಿಎಂಸಿ ಕಾಯ್ದೆಗೆ ತಿದ್ದುಪಡಿ ಮಾಡುವ ಮೂಲಕ ಮುಕ್ತ ಮಾರುಕಟ್ಟೆಗೆ ಅವಕಾಶ ಕಲ್ಪಿಸಲಾಗಿತ್ತು. ಮಾರುಕಟ್ಟೆ ಹೊರಗಡೆ ಮಾರಾಟವಾಗುವ ಕೃಷಿ ಉತ್ಪನ್ನಗಳಿಗೆ ವಿಧಿಸಲಾಗುತ್ತಿದ್ದ ಸೆಸ್ ಸಂಗ್ರಹಕ್ಕೆ ಕಡಿವಾಣ ಹಾಕಲಾಗಿತ್ತು. ಹಾಗಾಗಿ, ಆದಾಯ ನಿಂತು ಹೋಗಿತ್ತು. ಕೆಲವು ಕಡೆಗಳಲ್ಲಿ ಸಿಬ್ಬಂದಿ ಕೂಡ ಕಡಿತ ಮಾಡಲಾಗಿತ್ತು.

. ಹೊರಗಡೆ ಸೆಸ್ ವಿಧಿಸುವುದನ್ನು ನಿಲ್ಲಿಸಿದ್ದರ ಜತೆಗೆ ಟೆಂಡರ್ ಇಲ್ಲದೆ ಹೊರಗಡೆ ತಾವೇ ದರ ನಿಗದಿ ಮಾಡಿ ಖರೀದಿಸುವುದಕ್ಕೆ ಅವಕಾಶ ಕಲ್ಪಿಸಿದ್ದರಿಂದ ಎಪಿಎಂಸಿ ವ್ಯಾಪಾರಸ್ಥರು ಹೊರಗಡೆಯೇ ವಹಿವಾಟು ಆರಂಭಿಸಿದ್ದರು. ಪರಿಣಾಮ ಎಪಿಎಂಸಿಗಳು ಬಿಕೊ ಎನ್ನಲಾರಂಭಿಸಿದ್ದವು.

. ಗಾಯದ ಮೇಲೆ ಬರೆ ಎಳೆದಂತೆ ₹100 ವಹಿವಾಟಿಗೆ ₹1.60 ಸೆಸ್ ಸಂಗ್ರಹಿಸಲಾಗುತ್ತಿತ್ತು. ಅದನ್ನು 60 ಪೈಸೆಗೆ ಇಳಿಸಲಾಗಿತ್ತು. ಇದೂ ಆದಾಯ ಕುಸಿತಕ್ಕೆ ಕಾರಣವಾಗಿತ್ತು.

. ಆದಾಯದಲ್ಲಿ ಹೆಚ್ಚಳ: ಎಪಿಎಂಸಿ ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರದ್ದುಗೊಳಿಸಿದ ನಂತರ ಮಾರುಕಟ್ಟೆಯಲ್ಲಿ ವಹಿವಾಟು ಜೋರಾಗಿ ನಡೆದಿದೆ. ಜತೆಗೆ ಹೊರಗಡೆ ನಡೆಯುವ ವಹಿವಾಟಿಗೂ ಸೆಸ್ ಸಂಗ್ರಹವಾಗಲಿದೆ. ಮಾರುಕಟ್ಟೆಯಲ್ಲಿ 431 ನೋಂದಾಯಿದ ವ್ಯಾಪಾರಸ್ಥರು, 131 ದಲ್ಲಾಳಿಗಳಿದ್ದಾರೆ. ಅವರ ಸಂಖ್ಯೆ ಹೆಚ್ಚಾಗುತ್ತಲಿದೆ.

. ಈ ಹಿಂದೆ ₹1.5 ಕೋಟಿಗೂ ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹವಾಗುತ್ತಿದ್ದ ಸೆಸ್, 2022–23ನೇ ಸಾಲಿನಲ್ಲಿ ₹46.98 ಲಕ್ಷ ಸಂಗ್ರಹವಾಗಿತ್ತು. ಆದಾಯ ಕುಸಿತದಿಂದಾಗಿ ಎಪಿಎಂಸಿ ತೊಂದರೆಗೆ ಸಿಲುಕಿತ್ತು. ಕೆಲವು ಎಪಿಎಂಸಿ ಗಳಲ್ಲಿ ನಿರ್ವಹಣೆಗೂ ಕಷ್ಟ ಪಡಬೇಕಾದ ಸ್ಥಿತಿ ಎದುರಾಗಿತ್ತು.

. ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಾಪಸ್ ಪಡೆದ ನಂತರ ಇಲ್ಲಿಯವರೆಗೆ ಈ ವರ್ಷ ಸೆಪ್ಟೆಂಬರ್ ಅಂತ್ಯಕ್ಕೆ ಈಗಾಗಲೇ ₹80.97 ಲಕ್ಷ ಸಂಗ್ರಹವಾಗಿದೆ. ಸರ್ಕಾರದಿಂದ ₹2.50 ಕೋಟಿ ಗುರಿ ನಿಗದಿ ಮಾಡಲಾಗಿತ್ತು. ವರ್ಷದ ಅಂತ್ಯಕ್ಕೆ ಗುರಿ ತಲುಪುವ ಆಶಾಭಾವವಿದೆ.

. ಉತ್ತಮ ಮಳೆ ಆಗಿರುವುದರಿಂದ ಈ ಬಾರಿ ಜಿಲ್ಲೆಯಲ್ಲಿ ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ, ತೊಗರಿ, ಒಣ ಮೆಣಸಿನಕಾಯಿ ಫಸಲು ಉತ್ತಮವಾಗಿ ಬಂದಿದೆ.

. ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ ಇಲ್ಲಿನ ಎಪಿಎಂಸಿಗೆ ಬರುತ್ತದೆ. ಆದರೆ, ತೊಗರಿಯು ಕಲಬುರಗಿ ಮಾರುಕಟ್ಟೆಗೆ, ಒಣ ಮೆಣಸಿನಕಾಯಿ ಬ್ಯಾಡಗಿ ಮಾರುಕಟ್ಟೆಗೆ ಹೋಗುತ್ತದೆ.

. ‘ಒಣ ಮೆಣಸಿನಕಾಯಿಯನ್ನು ಬಾಗಲಕೋಟೆ ಮಾರುಕಟ್ಟೆಗೆ ತರುವಂತೆ ಮಾಡಲು ಒಣ ಮೆಣಸಿನಕಾಯಿ ಹರಾಜಿಗೆ ಯೋಜಿಸಲಾಗುತ್ತಿದೆ’ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದರು.

. ಈರುಳ್ಳಿ ಖರೀದಿ: ವಾರದಲ್ಲಿ ಮೂರು ದಿನ ಬಾಗಲಕೋಟೆ: ಇಲ್ಲಿನ ಎಪಿಎಂಸಿಯ ತರಕಾರಿ ಮಾರುಕಟ್ಟೆಯಲ್ಲಿ ಅ.12 ರಿಂದ ವಾರದಲ್ಲಿ ಮೂರು ದಿನ ಈರುಳ್ಳಿ ಹರಾಜು ನಡೆಯಲಿದೆ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದ್ದಾರೆ. ಇಲ್ಲಿಯವರೆಗೆ ವಾರದಲ್ಲಿ ಎರಡು ದಿನ ಹಾಗೆಯೇ ಖರೀದಿಯು ಮಧ್ಯಾಹ್ನ 3 ಗಂಟೆಯ ನಂತರ ನಡೆಯುತ್ತಿತ್ತು. ಈಗ ಮೂರು ದಿನದ ಜತೆಗೆ ಬೆಳಿಗ್ಗೆ 11ಕ್ಕೆ ಹರಾಜು ಆರಂಭವಾಗಲಿದೆ ಎಂದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಗಲಕೋಟೆ | ಎಪಿಎಂಸಿ: ಆದಾಯ ಹೆಚ್ಚಳ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ

ಸ್ಯಾಫ್: ಬಾಂಗ್ಲಾಕ್ಕೆ ಮಣಿದ ಭಾರತ

ಹರ್ಮನ್ ಬಳಗಕ್ಕೆ ಜಯದ ತವಕ

ಪ್ರೊ ಕಬಡ್ಡಿ ಲೀಗ್: ತಲೈವಾಸ್‌ಗೆ ತಲೆಬಾಗಿದ ಪುಣೇರಿ

ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಎನ್‌ಐಟಿಕೆ, ನಿಟ್ಟೆ ಕ್ಯಾಂಪಸ್ ಜಯಭೇರಿ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ