<p><strong>ಬಾಗಲಕೋಟೆ:</strong> ಕೃಷಿ ಉತ್ಪನ್ನ ಮಾರುಕಟ್ಟೆ (ಎಪಿಎಂಸಿ) ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರಾಜ್ಯ ಸರ್ಕಾರ ಹಿಂಪಡೆದ ಮೇಲೆ ಎಪಿಎಂಸಿ ಗಳಲ್ಲಿ ಮತ್ತೆ ವಹಿವಾಟು ಜೋರಾಗಿದೆ. ಎಪಿಎಂಸಿಗಳಿಗೆ ಆರ್ಥಿಕ ಬಲ ಬಂದಿದೆ.</p>.<p>ಎಪಿಎಂಸಿ ಕಾಯ್ದೆಗೆ ತಿದ್ದುಪಡಿ ಮಾಡುವ ಮೂಲಕ ಮುಕ್ತ ಮಾರುಕಟ್ಟೆಗೆ ಅವಕಾಶ ಕಲ್ಪಿಸಲಾಗಿತ್ತು. ಮಾರುಕಟ್ಟೆ ಹೊರಗಡೆ ಮಾರಾಟವಾಗುವ ಕೃಷಿ ಉತ್ಪನ್ನಗಳಿಗೆ ವಿಧಿಸಲಾಗುತ್ತಿದ್ದ ಸೆಸ್ ಸಂಗ್ರಹಕ್ಕೆ ಕಡಿವಾಣ ಹಾಕಲಾಗಿತ್ತು. ಹಾಗಾಗಿ, ಆದಾಯ ನಿಂತು ಹೋಗಿತ್ತು. ಕೆಲವು ಕಡೆಗಳಲ್ಲಿ ಸಿಬ್ಬಂದಿ ಕೂಡ ಕಡಿತ ಮಾಡಲಾಗಿತ್ತು.</p>.<p>ಹೊರಗಡೆ ಸೆಸ್ ವಿಧಿಸುವುದನ್ನು ನಿಲ್ಲಿಸಿದ್ದರ ಜತೆಗೆ ಟೆಂಡರ್ ಇಲ್ಲದೆ ಹೊರಗಡೆ ತಾವೇ ದರ ನಿಗದಿ ಮಾಡಿ ಖರೀದಿಸುವುದಕ್ಕೆ ಅವಕಾಶ ಕಲ್ಪಿಸಿದ್ದರಿಂದ ಎಪಿಎಂಸಿ ವ್ಯಾಪಾರಸ್ಥರು ಹೊರಗಡೆಯೇ ವಹಿವಾಟು ಆರಂಭಿಸಿದ್ದರು. ಪರಿಣಾಮ ಎಪಿಎಂಸಿಗಳು ಬಿಕೊ ಎನ್ನಲಾರಂಭಿಸಿದ್ದವು.</p>.<p>ಗಾಯದ ಮೇಲೆ ಬರೆ ಎಳೆದಂತೆ ₹100 ವಹಿವಾಟಿಗೆ ₹1.60 ಸೆಸ್ ಸಂಗ್ರಹಿಸಲಾಗುತ್ತಿತ್ತು. ಅದನ್ನು 60 ಪೈಸೆಗೆ ಇಳಿಸಲಾಗಿತ್ತು. ಇದೂ ಆದಾಯ ಕುಸಿತಕ್ಕೆ ಕಾರಣವಾಗಿತ್ತು.</p>.<p>ಆದಾಯದಲ್ಲಿ ಹೆಚ್ಚಳ: ಎಪಿಎಂಸಿ ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರದ್ದುಗೊಳಿಸಿದ ನಂತರ ಮಾರುಕಟ್ಟೆಯಲ್ಲಿ ವಹಿವಾಟು ಜೋರಾಗಿ ನಡೆದಿದೆ. ಜತೆಗೆ ಹೊರಗಡೆ ನಡೆಯುವ ವಹಿವಾಟಿಗೂ ಸೆಸ್ ಸಂಗ್ರಹವಾಗಲಿದೆ. ಮಾರುಕಟ್ಟೆಯಲ್ಲಿ 431 ನೋಂದಾಯಿದ ವ್ಯಾಪಾರಸ್ಥರು, 131 ದಲ್ಲಾಳಿಗಳಿದ್ದಾರೆ. ಅವರ ಸಂಖ್ಯೆ ಹೆಚ್ಚಾಗುತ್ತಲಿದೆ.</p>.<p>ಈ ಹಿಂದೆ ₹1.5 ಕೋಟಿಗೂ ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹವಾಗುತ್ತಿದ್ದ ಸೆಸ್, 2022–23ನೇ ಸಾಲಿನಲ್ಲಿ ₹46.98 ಲಕ್ಷ ಸಂಗ್ರಹವಾಗಿತ್ತು. ಆದಾಯ ಕುಸಿತದಿಂದಾಗಿ ಎಪಿಎಂಸಿ ತೊಂದರೆಗೆ ಸಿಲುಕಿತ್ತು. ಕೆಲವು ಎಪಿಎಂಸಿ ಗಳಲ್ಲಿ ನಿರ್ವಹಣೆಗೂ ಕಷ್ಟ ಪಡಬೇಕಾದ ಸ್ಥಿತಿ ಎದುರಾಗಿತ್ತು.</p>.<p>ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಾಪಸ್ ಪಡೆದ ನಂತರ ಇಲ್ಲಿಯವರೆಗೆ ಈ ವರ್ಷ ಸೆಪ್ಟೆಂಬರ್ ಅಂತ್ಯಕ್ಕೆ ಈಗಾಗಲೇ ₹80.97 ಲಕ್ಷ ಸಂಗ್ರಹವಾಗಿದೆ. ಸರ್ಕಾರದಿಂದ ₹2.50 ಕೋಟಿ ಗುರಿ ನಿಗದಿ ಮಾಡಲಾಗಿತ್ತು. ವರ್ಷದ ಅಂತ್ಯಕ್ಕೆ ಗುರಿ ತಲುಪುವ ಆಶಾಭಾವವಿದೆ.</p>.<p>ಉತ್ತಮ ಮಳೆ ಆಗಿರುವುದರಿಂದ ಈ ಬಾರಿ ಜಿಲ್ಲೆಯಲ್ಲಿ ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ, ತೊಗರಿ, ಒಣ ಮೆಣಸಿನಕಾಯಿ ಫಸಲು ಉತ್ತಮವಾಗಿ ಬಂದಿದೆ.</p>.<p>ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ ಇಲ್ಲಿನ ಎಪಿಎಂಸಿಗೆ ಬರುತ್ತದೆ. ಆದರೆ, ತೊಗರಿಯು ಕಲಬುರಗಿ ಮಾರುಕಟ್ಟೆಗೆ, ಒಣ ಮೆಣಸಿನಕಾಯಿ ಬ್ಯಾಡಗಿ ಮಾರುಕಟ್ಟೆಗೆ ಹೋಗುತ್ತದೆ.</p>.<p>‘ಒಣ ಮೆಣಸಿನಕಾಯಿಯನ್ನು ಬಾಗಲಕೋಟೆ ಮಾರುಕಟ್ಟೆಗೆ ತರುವಂತೆ ಮಾಡಲು ಒಣ ಮೆಣಸಿನಕಾಯಿ ಹರಾಜಿಗೆ ಯೋಜಿಸಲಾಗುತ್ತಿದೆ’ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದರು.</p>.<h2>ಈರುಳ್ಳಿ ಖರೀದಿ: ವಾರದಲ್ಲಿ ಮೂರು ದಿನ </h2><p>ಬಾಗಲಕೋಟೆ: ಇಲ್ಲಿನ ಎಪಿಎಂಸಿಯ ತರಕಾರಿ ಮಾರುಕಟ್ಟೆಯಲ್ಲಿ ಅ.12 ರಿಂದ ವಾರದಲ್ಲಿ ಮೂರು ದಿನ ಈರುಳ್ಳಿ ಹರಾಜು ನಡೆಯಲಿದೆ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದ್ದಾರೆ. ಇಲ್ಲಿಯವರೆಗೆ ವಾರದಲ್ಲಿ ಎರಡು ದಿನ ಹಾಗೆಯೇ ಖರೀದಿಯು ಮಧ್ಯಾಹ್ನ 3 ಗಂಟೆಯ ನಂತರ ನಡೆಯುತ್ತಿತ್ತು. ಈಗ ಮೂರು ದಿನದ ಜತೆಗೆ ಬೆಳಿಗ್ಗೆ 11ಕ್ಕೆ ಹರಾಜು ಆರಂಭವಾಗಲಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಾಗಲಕೋಟೆ:</strong> ಕೃಷಿ ಉತ್ಪನ್ನ ಮಾರುಕಟ್ಟೆ (ಎಪಿಎಂಸಿ) ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರಾಜ್ಯ ಸರ್ಕಾರ ಹಿಂಪಡೆದ ಮೇಲೆ ಎಪಿಎಂಸಿ ಗಳಲ್ಲಿ ಮತ್ತೆ ವಹಿವಾಟು ಜೋರಾಗಿದೆ. ಎಪಿಎಂಸಿಗಳಿಗೆ ಆರ್ಥಿಕ ಬಲ ಬಂದಿದೆ.</p>.<p>ಎಪಿಎಂಸಿ ಕಾಯ್ದೆಗೆ ತಿದ್ದುಪಡಿ ಮಾಡುವ ಮೂಲಕ ಮುಕ್ತ ಮಾರುಕಟ್ಟೆಗೆ ಅವಕಾಶ ಕಲ್ಪಿಸಲಾಗಿತ್ತು. ಮಾರುಕಟ್ಟೆ ಹೊರಗಡೆ ಮಾರಾಟವಾಗುವ ಕೃಷಿ ಉತ್ಪನ್ನಗಳಿಗೆ ವಿಧಿಸಲಾಗುತ್ತಿದ್ದ ಸೆಸ್ ಸಂಗ್ರಹಕ್ಕೆ ಕಡಿವಾಣ ಹಾಕಲಾಗಿತ್ತು. ಹಾಗಾಗಿ, ಆದಾಯ ನಿಂತು ಹೋಗಿತ್ತು. ಕೆಲವು ಕಡೆಗಳಲ್ಲಿ ಸಿಬ್ಬಂದಿ ಕೂಡ ಕಡಿತ ಮಾಡಲಾಗಿತ್ತು.</p>.<p>ಹೊರಗಡೆ ಸೆಸ್ ವಿಧಿಸುವುದನ್ನು ನಿಲ್ಲಿಸಿದ್ದರ ಜತೆಗೆ ಟೆಂಡರ್ ಇಲ್ಲದೆ ಹೊರಗಡೆ ತಾವೇ ದರ ನಿಗದಿ ಮಾಡಿ ಖರೀದಿಸುವುದಕ್ಕೆ ಅವಕಾಶ ಕಲ್ಪಿಸಿದ್ದರಿಂದ ಎಪಿಎಂಸಿ ವ್ಯಾಪಾರಸ್ಥರು ಹೊರಗಡೆಯೇ ವಹಿವಾಟು ಆರಂಭಿಸಿದ್ದರು. ಪರಿಣಾಮ ಎಪಿಎಂಸಿಗಳು ಬಿಕೊ ಎನ್ನಲಾರಂಭಿಸಿದ್ದವು.</p>.<p>ಗಾಯದ ಮೇಲೆ ಬರೆ ಎಳೆದಂತೆ ₹100 ವಹಿವಾಟಿಗೆ ₹1.60 ಸೆಸ್ ಸಂಗ್ರಹಿಸಲಾಗುತ್ತಿತ್ತು. ಅದನ್ನು 60 ಪೈಸೆಗೆ ಇಳಿಸಲಾಗಿತ್ತು. ಇದೂ ಆದಾಯ ಕುಸಿತಕ್ಕೆ ಕಾರಣವಾಗಿತ್ತು.</p>.<p>ಆದಾಯದಲ್ಲಿ ಹೆಚ್ಚಳ: ಎಪಿಎಂಸಿ ಕಾಯ್ದೆಗೆ ತಂದಿದ್ದ ತಿದ್ದುಪಡಿಯನ್ನು ರದ್ದುಗೊಳಿಸಿದ ನಂತರ ಮಾರುಕಟ್ಟೆಯಲ್ಲಿ ವಹಿವಾಟು ಜೋರಾಗಿ ನಡೆದಿದೆ. ಜತೆಗೆ ಹೊರಗಡೆ ನಡೆಯುವ ವಹಿವಾಟಿಗೂ ಸೆಸ್ ಸಂಗ್ರಹವಾಗಲಿದೆ. ಮಾರುಕಟ್ಟೆಯಲ್ಲಿ 431 ನೋಂದಾಯಿದ ವ್ಯಾಪಾರಸ್ಥರು, 131 ದಲ್ಲಾಳಿಗಳಿದ್ದಾರೆ. ಅವರ ಸಂಖ್ಯೆ ಹೆಚ್ಚಾಗುತ್ತಲಿದೆ.</p>.<p>ಈ ಹಿಂದೆ ₹1.5 ಕೋಟಿಗೂ ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹವಾಗುತ್ತಿದ್ದ ಸೆಸ್, 2022–23ನೇ ಸಾಲಿನಲ್ಲಿ ₹46.98 ಲಕ್ಷ ಸಂಗ್ರಹವಾಗಿತ್ತು. ಆದಾಯ ಕುಸಿತದಿಂದಾಗಿ ಎಪಿಎಂಸಿ ತೊಂದರೆಗೆ ಸಿಲುಕಿತ್ತು. ಕೆಲವು ಎಪಿಎಂಸಿ ಗಳಲ್ಲಿ ನಿರ್ವಹಣೆಗೂ ಕಷ್ಟ ಪಡಬೇಕಾದ ಸ್ಥಿತಿ ಎದುರಾಗಿತ್ತು.</p>.<p>ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಾಪಸ್ ಪಡೆದ ನಂತರ ಇಲ್ಲಿಯವರೆಗೆ ಈ ವರ್ಷ ಸೆಪ್ಟೆಂಬರ್ ಅಂತ್ಯಕ್ಕೆ ಈಗಾಗಲೇ ₹80.97 ಲಕ್ಷ ಸಂಗ್ರಹವಾಗಿದೆ. ಸರ್ಕಾರದಿಂದ ₹2.50 ಕೋಟಿ ಗುರಿ ನಿಗದಿ ಮಾಡಲಾಗಿತ್ತು. ವರ್ಷದ ಅಂತ್ಯಕ್ಕೆ ಗುರಿ ತಲುಪುವ ಆಶಾಭಾವವಿದೆ.</p>.<p>ಉತ್ತಮ ಮಳೆ ಆಗಿರುವುದರಿಂದ ಈ ಬಾರಿ ಜಿಲ್ಲೆಯಲ್ಲಿ ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ, ತೊಗರಿ, ಒಣ ಮೆಣಸಿನಕಾಯಿ ಫಸಲು ಉತ್ತಮವಾಗಿ ಬಂದಿದೆ.</p>.<p>ಹೆಸರುಕಾಳು, ಸೂರ್ಯಕಾಂತಿ, ಮೆಕ್ಕೆಜೋಳ, ಸಜ್ಜೆ ಇಲ್ಲಿನ ಎಪಿಎಂಸಿಗೆ ಬರುತ್ತದೆ. ಆದರೆ, ತೊಗರಿಯು ಕಲಬುರಗಿ ಮಾರುಕಟ್ಟೆಗೆ, ಒಣ ಮೆಣಸಿನಕಾಯಿ ಬ್ಯಾಡಗಿ ಮಾರುಕಟ್ಟೆಗೆ ಹೋಗುತ್ತದೆ.</p>.<p>‘ಒಣ ಮೆಣಸಿನಕಾಯಿಯನ್ನು ಬಾಗಲಕೋಟೆ ಮಾರುಕಟ್ಟೆಗೆ ತರುವಂತೆ ಮಾಡಲು ಒಣ ಮೆಣಸಿನಕಾಯಿ ಹರಾಜಿಗೆ ಯೋಜಿಸಲಾಗುತ್ತಿದೆ’ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದರು.</p>.<h2>ಈರುಳ್ಳಿ ಖರೀದಿ: ವಾರದಲ್ಲಿ ಮೂರು ದಿನ </h2><p>ಬಾಗಲಕೋಟೆ: ಇಲ್ಲಿನ ಎಪಿಎಂಸಿಯ ತರಕಾರಿ ಮಾರುಕಟ್ಟೆಯಲ್ಲಿ ಅ.12 ರಿಂದ ವಾರದಲ್ಲಿ ಮೂರು ದಿನ ಈರುಳ್ಳಿ ಹರಾಜು ನಡೆಯಲಿದೆ ಎಂದು ಎಪಿಎಂಸಿ ಕಾರ್ಯದರ್ಶಿ ವಿ.ಡಿ. ಪಾಟೀಲ ತಿಳಿಸಿದ್ದಾರೆ. ಇಲ್ಲಿಯವರೆಗೆ ವಾರದಲ್ಲಿ ಎರಡು ದಿನ ಹಾಗೆಯೇ ಖರೀದಿಯು ಮಧ್ಯಾಹ್ನ 3 ಗಂಟೆಯ ನಂತರ ನಡೆಯುತ್ತಿತ್ತು. ಈಗ ಮೂರು ದಿನದ ಜತೆಗೆ ಬೆಳಿಗ್ಗೆ 11ಕ್ಕೆ ಹರಾಜು ಆರಂಭವಾಗಲಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
