<p><strong>ಮಹಾಲಿಂಗಪುರ</strong>: ಕಳೆದ ಹಲವು ವರ್ಷಗಳಿಂದ ದರದಲ್ಲಿ ಏರಿಳಿತ ಕಾಣುತ್ತಿರುವ ‘ಸದಕ’ (ಜವೆ ಗೋಧಿ) ಈ ಬಾರಿ ಬೆಳೆಗಾರರ ಕೈ ಹಿಡಿದಿದ್ದು, ನಿರೀಕ್ಷಿತ ಪ್ರಮಾಣಕ್ಕಿಂತಲೂ ಹೆಚ್ಚಿನ ದರಕ್ಕೆ ಮಾರಾಟವಾಗುತ್ತಿದೆ.</p>.<p>ನಾಲ್ಕು ತಿಂಗಳ ಬೆಳೆಯಾಗಿರುವ ಸದಕವನ್ನು ಮಹಾಲಿಂಗಪುರ ಭಾಗದ ಸುತ್ತಮುತ್ತಲಿನ ರೈತರು ಈ ಬಾರಿ ಹೆಚ್ಚಾಗಿ ಬೆಳೆದಿಲ್ಲ. ರೋಗ ಬಾಧೆ ಇರದಿದ್ದರೂ ಕಳೆದ ವರ್ಷ ಕಡಿಮೆ ದರಕ್ಕೆ ಮಾರಾಟವಾಗಿದ್ದರಿಂದ ರೈತರು ಸದಕ ಬೆಳೆಯಲು ಉತ್ಸುಕತೆ ತೋರಿಲ್ಲ. ಹೀಗಾಗಿ, ಇಳುವರಿ ಕಡಿಮೆಯಾಗಿದ್ದು, ದರ ಸಹಜವಾಗಿ ಏರಿಕೆಯಾಗಿದೆ.</p>.<p>ಕಳೆದ ಮಾರ್ಚ್ನಲ್ಲಿ ಕ್ವಿಂಟಾಲ್ಗೆ ₹3,800 ಇದ್ದ ಸದಕ ಏಕಾಏಕಿ ₹5,500 ದರಕ್ಕೆ ಏರಿಕೆ ಕಂಡಿದೆ. ಸದ್ಯ ₹5,800 ರಿಂದ ₹6 ಸಾವಿರವರೆಗೆ ಮಾರಾಟವಾಗುತ್ತಿದೆ. ಕಳೆದ ಮೂರ್ನಾಲ್ಕು ವರ್ಷಗಳಲ್ಲೇ ಇದು ಉತ್ತಮ ದರ ಎಂದೇ ಅಂದಾಜಿಸಲಾಗುತ್ತಿದೆ.</p>.<p>ಕಳೆದ ಹಲವು ತಿಂಗಳಿಂದ ರೈತರಿಂದ ಸದಕ ಖರೀದಿಸಿರುವ ಕಿರುಕುಳ ವ್ಯಾಪಾರಸ್ಥರು ಇನ್ನೂ ದರ ಹೆಚ್ಚಾಗುವ ನಿರೀಕ್ಷೆಯಲ್ಲಿದ್ದು, ಹೀಗಾಗಿ ತಮ್ಮ ಶೆಡ್ಗಳಲ್ಲಿ ಲೋಡ್ಗಟ್ಟಲೆ ದಾಸ್ತಾನು ಮಾಡಿದ್ದಾರೆ.</p>.<p>ಸಾಮಾನ್ಯವಾಗಿ ಮೂರು ಕುಳೆ ಆದ ನಂತರ ಕಬ್ಬು ಬೆಳೆಯ ಭೂಮಿಯನ್ನು ಬದಲಾವಣೆ ಮಾಡಲು ಈ ಸದಕವನ್ನು ಹೆಚ್ಚಾಗಿ ಈ ಭಾಗದಲ್ಲಿ ಬೆಳೆಯುತ್ತಾರೆ. ಮೂರು ತಿಂಗಳು ಈ ಬೆಳೆ ಬೆಳೆದು ಮತ್ತೆ ಕಬ್ಬು ನಾಟಿ ಮಾಡುತ್ತಾರೆ. ಸದಕ ಬೆಳೆದ ನಂತರ ಕಬ್ಬು ನಾಟಿ ಮಾಡಿದರೆ ಕಬ್ಬಿನ ಇಳುವರಿ ಹೆಚ್ಚಾಗುತ್ತದೆ ಎನ್ನುತ್ತಾರೆ ರೈತರು. </p>.<p>‘ಸ್ಥಳೀಯವಾಗಿಯೇ ಖರೀದಿದಾರರು ಸದಕ ತೆಗೆದುಕೊಳ್ಳುವುದರಿಂದ ಸಾಗಣೆ ವೆಚ್ಚ ಕಡಿಮೆ ಎನಿಸಿದೆ. ನಿಶ್ಚಿತ ದರ ಇರದೇ ಇರುವುದರಿಂದ ಬೆಳೆ ಬೆಳೆಯಲು ಭಯವಾಗುತ್ತದೆ. ಒಮ್ಮೊಮ್ಮೆ ಅದಕ್ಕೆ ಖರ್ಚು ಮಾಡಿದ ಹಣವೂ ಸಿಗುವುದಿಲ್ಲ’ ಎನ್ನುತ್ತಾರೆ ರನ್ನ ಬೆಳಗಲಿಯ ರೈತ ಬಸಪ್ಪ ಕುಂಟನವರ.</p>.<div><blockquote>ಸದಕದ ಬೆಳೆ ಇಳುವರಿ ಕಡಿಮೆ ಇರುವುದರಿಂದ ದರ ಹೆಚ್ಚಾಗಿದೆ. ಕಳೆದ ವರ್ಷ ದರ ಇರಲಿಲ್ಲ. ಹೀಗಾಗಿ ರೈತರು ಈ ಬಾರಿ ಹೆಚ್ಚು ಸದಕ ಬೆಳೆದಿಲ್ಲ. ಇನ್ನೂ ದರ ಹೆಚ್ಚಾಗಬಹುದು.</blockquote><span class="attribution"> - ಈರಣ್ಣ ಗಾಣಿಗೇರ ಕಿರುಕುಳ ವ್ಯಾಪಾರಸ್ಥರು ರನ್ನಬೆಳಗಲಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಹಾಲಿಂಗಪುರ</strong>: ಕಳೆದ ಹಲವು ವರ್ಷಗಳಿಂದ ದರದಲ್ಲಿ ಏರಿಳಿತ ಕಾಣುತ್ತಿರುವ ‘ಸದಕ’ (ಜವೆ ಗೋಧಿ) ಈ ಬಾರಿ ಬೆಳೆಗಾರರ ಕೈ ಹಿಡಿದಿದ್ದು, ನಿರೀಕ್ಷಿತ ಪ್ರಮಾಣಕ್ಕಿಂತಲೂ ಹೆಚ್ಚಿನ ದರಕ್ಕೆ ಮಾರಾಟವಾಗುತ್ತಿದೆ.</p>.<p>ನಾಲ್ಕು ತಿಂಗಳ ಬೆಳೆಯಾಗಿರುವ ಸದಕವನ್ನು ಮಹಾಲಿಂಗಪುರ ಭಾಗದ ಸುತ್ತಮುತ್ತಲಿನ ರೈತರು ಈ ಬಾರಿ ಹೆಚ್ಚಾಗಿ ಬೆಳೆದಿಲ್ಲ. ರೋಗ ಬಾಧೆ ಇರದಿದ್ದರೂ ಕಳೆದ ವರ್ಷ ಕಡಿಮೆ ದರಕ್ಕೆ ಮಾರಾಟವಾಗಿದ್ದರಿಂದ ರೈತರು ಸದಕ ಬೆಳೆಯಲು ಉತ್ಸುಕತೆ ತೋರಿಲ್ಲ. ಹೀಗಾಗಿ, ಇಳುವರಿ ಕಡಿಮೆಯಾಗಿದ್ದು, ದರ ಸಹಜವಾಗಿ ಏರಿಕೆಯಾಗಿದೆ.</p>.<p>ಕಳೆದ ಮಾರ್ಚ್ನಲ್ಲಿ ಕ್ವಿಂಟಾಲ್ಗೆ ₹3,800 ಇದ್ದ ಸದಕ ಏಕಾಏಕಿ ₹5,500 ದರಕ್ಕೆ ಏರಿಕೆ ಕಂಡಿದೆ. ಸದ್ಯ ₹5,800 ರಿಂದ ₹6 ಸಾವಿರವರೆಗೆ ಮಾರಾಟವಾಗುತ್ತಿದೆ. ಕಳೆದ ಮೂರ್ನಾಲ್ಕು ವರ್ಷಗಳಲ್ಲೇ ಇದು ಉತ್ತಮ ದರ ಎಂದೇ ಅಂದಾಜಿಸಲಾಗುತ್ತಿದೆ.</p>.<p>ಕಳೆದ ಹಲವು ತಿಂಗಳಿಂದ ರೈತರಿಂದ ಸದಕ ಖರೀದಿಸಿರುವ ಕಿರುಕುಳ ವ್ಯಾಪಾರಸ್ಥರು ಇನ್ನೂ ದರ ಹೆಚ್ಚಾಗುವ ನಿರೀಕ್ಷೆಯಲ್ಲಿದ್ದು, ಹೀಗಾಗಿ ತಮ್ಮ ಶೆಡ್ಗಳಲ್ಲಿ ಲೋಡ್ಗಟ್ಟಲೆ ದಾಸ್ತಾನು ಮಾಡಿದ್ದಾರೆ.</p>.<p>ಸಾಮಾನ್ಯವಾಗಿ ಮೂರು ಕುಳೆ ಆದ ನಂತರ ಕಬ್ಬು ಬೆಳೆಯ ಭೂಮಿಯನ್ನು ಬದಲಾವಣೆ ಮಾಡಲು ಈ ಸದಕವನ್ನು ಹೆಚ್ಚಾಗಿ ಈ ಭಾಗದಲ್ಲಿ ಬೆಳೆಯುತ್ತಾರೆ. ಮೂರು ತಿಂಗಳು ಈ ಬೆಳೆ ಬೆಳೆದು ಮತ್ತೆ ಕಬ್ಬು ನಾಟಿ ಮಾಡುತ್ತಾರೆ. ಸದಕ ಬೆಳೆದ ನಂತರ ಕಬ್ಬು ನಾಟಿ ಮಾಡಿದರೆ ಕಬ್ಬಿನ ಇಳುವರಿ ಹೆಚ್ಚಾಗುತ್ತದೆ ಎನ್ನುತ್ತಾರೆ ರೈತರು. </p>.<p>‘ಸ್ಥಳೀಯವಾಗಿಯೇ ಖರೀದಿದಾರರು ಸದಕ ತೆಗೆದುಕೊಳ್ಳುವುದರಿಂದ ಸಾಗಣೆ ವೆಚ್ಚ ಕಡಿಮೆ ಎನಿಸಿದೆ. ನಿಶ್ಚಿತ ದರ ಇರದೇ ಇರುವುದರಿಂದ ಬೆಳೆ ಬೆಳೆಯಲು ಭಯವಾಗುತ್ತದೆ. ಒಮ್ಮೊಮ್ಮೆ ಅದಕ್ಕೆ ಖರ್ಚು ಮಾಡಿದ ಹಣವೂ ಸಿಗುವುದಿಲ್ಲ’ ಎನ್ನುತ್ತಾರೆ ರನ್ನ ಬೆಳಗಲಿಯ ರೈತ ಬಸಪ್ಪ ಕುಂಟನವರ.</p>.<div><blockquote>ಸದಕದ ಬೆಳೆ ಇಳುವರಿ ಕಡಿಮೆ ಇರುವುದರಿಂದ ದರ ಹೆಚ್ಚಾಗಿದೆ. ಕಳೆದ ವರ್ಷ ದರ ಇರಲಿಲ್ಲ. ಹೀಗಾಗಿ ರೈತರು ಈ ಬಾರಿ ಹೆಚ್ಚು ಸದಕ ಬೆಳೆದಿಲ್ಲ. ಇನ್ನೂ ದರ ಹೆಚ್ಚಾಗಬಹುದು.</blockquote><span class="attribution"> - ಈರಣ್ಣ ಗಾಣಿಗೇರ ಕಿರುಕುಳ ವ್ಯಾಪಾರಸ್ಥರು ರನ್ನಬೆಳಗಲಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>