ಪಟ್ಟದಕಲ್ಲು, ಐಹೊಳೆ ಇನ್ನು ಆದರ್ಶ ತಾಣ!

ಬಾಗಲಕೋಟೆ: ದೇಶದ ಸಂಸ್ಕೃತಿ ಪರಂಪರೆ ಎತ್ತಿ ಹಿಡಿಯುವ ಜೊತೆಗೆ ಯುವ ಜನತೆಯಲ್ಲೂ ಆ ಬಗ್ಗೆ ಅರಿವು ಮೂಡಿಸಲು 100 ಪುರಾತನ ಸ್ಮಾರಕಗಳನ್ನು ಆದರ್ಶ ತಾಣಗಳು ಎಂದು ಕೇಂದ್ರ ಸರ್ಕಾರ ಗುರುತಿಸಿದೆ. ಅದರಲ್ಲಿ ಜಿಲ್ಲೆಯಲ್ಲಿ ಚಾಲುಕ್ಯ ಸಾಮ್ರಾಜ್ಯದ ನೆಲೆಗಳಾದ ಐಹೊಳೆ ಹಾಗೂ ಪಟ್ಟದಕಲ್ಲು ದೇವಾಲಯ ಸಮುಚ್ಛಯಗಳೂ ಸೇರಿವೆ.

. ‘ಈ ತಾಣಗಳಲ್ಲಿ ಎರಡು ಹಂತದಲ್ಲಿ ಪ್ರವಾಸಿ ಕೇಂದ್ರೀಕೃತ ಮೂಲ ಸೌಕರ್ಯ ಕಲ್ಪಿಸಲಾಗುತ್ತಿದೆ. ಆ ನಿಟ್ಟಿನಲ್ಲಿ ಕೇಂದ್ರದ ಸಂಸ್ಕೃತಿ ಸಚಿವಾಲಯ ₹350 ಕೋಟಿ ಮೀಸಲಿಟ್ಟಿದೆ. ಮೊದಲ ಹಂತದಲ್ಲಿ ರಾಜ್ಯದಲ್ಲಿ ಹಂಪಿಯ ಸ್ಮಾರಕಗಳ ಸಮುಚ್ಛಯದ ಜೊತೆ ಪಟ್ಟದಕಲ್ಲು ಅಭಿವೃದ್ಧಿಪಡಿಸಲಾಗುತ್ತಿದೆ. ಈಗಾಗಲೇ ಕಾಮಗಾರಿ ಆರಂಭವಾಗಿದೆ. ಎರಡನೇ ಹಂತದಲ್ಲಿ ಉಳಿದ ಏಳು ಸ್ಮಾರಕಗಳಲ್ಲಿ ಅಭಿವೃದ್ಧಿ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುತ್ತಿದೆ’ ಎಂದು ಭಾರತೀಯ ಪುರಾತತ್ವ ಇಲಾಖೆ ಧಾರವಾಡ ವೃತ್ತದ ಸಹಾಯಕ ನಿರ್ದೇಶಕ ಪ್ರಮೋದ ಬಿಂಗಿ ಹೇಳುತ್ತಾರೆ.

. ಪ್ಲಾಸ್ಟಿಕ್ ಮುಕ್ತ ವಲಯ:

. ಆದರ್ಶ ತಾಣಗಳ ಪರಿಸರದಲ್ಲಿ ಮೊದಲಿಗೆ ಸ್ವಚ್ಛತೆಗೆ ಆದ್ಯತೆ. ಹಾಗಾಗಿ ಪ್ಲಾಸ್ಟಿಕ್ ಬಳಕೆ ನಿಷೇಧಿಸಿ, ಪ್ಲಾಸ್ಟಿಕ್ ಮುಕ್ತ ವಲಯ ಗುರುತಿಸಲಾಗುತ್ತದೆ. ಕಸದ ತೊಟ್ಟಿ, ಸ್ಮಾರಕಗಳ ಮಾಹಿತಿ ಫಲಕಗಳ ಅಳವಡಿಕೆ ಜೊತೆಗೆ ಪ್ರವಾಸಿಗರಿಗೆ ಸ್ನಾನ, ಶೌಚಾಲಯ ಸಂಕೀರ್ಣ, ಶುದ್ಧ ಕುಡಿಯುವ ನೀರಿನ ಘಟಕದ ವ್ಯವಸ್ಥೆ ಮಾಡಲಾಗುತ್ತಿದೆ.

. ಎರಡನೇ ಹಂತದಲ್ಲಿ ಟಿಕೆಟ್ ಕೌಂಟರ್, ಪ್ರವಾಸಿ ಮಾಹಿತಿ ಕೇಂದ್ರಗಳನ್ನು ಮೇಲ್ದರ್ಜೆಗೇರಿಸುವ ಜೊತೆಗೆ ಅಲ್ಲಿ ಧ್ವನಿ–ಬೆಳಕಿನ ಕೇಂದ್ರ, ಪಾರ್ಕಿಂಗ್ ಝೋನ್, ಲ್ಯಾಂಡ್ ಸ್ಕೇಪಿಂಗ್ ಮಾಡಲಾಗುತ್ತಿದೆ. ಅಗತ್ಯ ಬಿದ್ದರೆ ಖಾಸಗಿ ಸಹಭಾಗಿತ್ವ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ.

. ಮೂರನೇ ಹಂತದಲ್ಲಿ ಕೆಫೆಟೆರಿಯಾ, ಕಲಾ ಕೇಂದ್ರ, ಆಹಾರ ಮಳಿಗೆ ಆರಂಭಿಸುವ ಜೊತೆಗೆ ಸ್ಮಾರಕಗಳ ಬಳಿ ಪ್ರವಾಸಿಗರ ಅನುಕೂಲಕ್ಕೆ ವೈಫೈ ವ್ಯವಸ್ಥೆ ಮಾಡಲಾಗುತ್ತಿದೆ. ಜೊತೆಗೆ ಭದ್ರತೆಗೂ ಹೆಚ್ಚಿನ ಒತ್ತು ನೀಡಲಾಗುತ್ತಿದ್ದು, ಸಿಸಿ ಟಿವಿ ಕ್ಯಾಮೆರಾ ಅಳವಡಿಕೆ, ಮೆಟಲ್ ಡಿಟೆಕ್ಟರ್ ಹಾಗೂ ರಾತ್ರಿ ವೇಳೆ ಬೆಳಕಿನ ವ್ಯವಸ್ಥೆ ಮಾಡಲಾಗುತ್ತಿದೆ. ಜೊತೆಗೆ ಈ ತಾಣಗಳ ಸಂಪರ್ಕಕ್ಕೆ ಸುತ್ತಲಿನ ರಸ್ತೆಗಳ ಅಭಿವೃದ್ಧಿ ಕೂಡ ನಡೆಯಲಿದೆ.

. ಸ್ವಾಗತಾರ್ಹ ನಡೆ:

. ‘ಪಟ್ಟದಕಲ್ಲು ಹಾಗೂ ಹಂಪಿಯನ್ನು ಯುನೆಸ್ಕೊ ದಶಕಗಳ ಹಿಂದೆಯೇ ವಿಶ್ವಪಾರಂಪರಿಕ ತಾಣಗಳು ಎಂದು ಗುರುತಿಸಿದೆ. ಕೇಂದ್ರ ಸರ್ಕಾರ ಈಗ ಆದರ್ಶ ತಾಣಗಳು ಎಂದು ಹೇಳುತ್ತಿದೆ. ಇದು ಸ್ವಾಗತಾರ್ಹ ನಡೆ’ ಎಂದು ಬಾದಾಮಿಯ ಇತಿಹಾಸ ತಜ್ಞ ಡಾ.ಶಿಲಾಕಾಂತ ಪತ್ತಾರ ಹೇಳುತ್ತಾರೆ.

. ‘ವಿಶ್ವದ ಕೆಲವು ದೇಶಗಳಲ್ಲಿ ಒಂದೂ ವಿಶ್ವ ಪಾರಂಪರಿಕ ತಾಣ ಇಲ್ಲ. ಕರ್ನಾಟಕದಲ್ಲಿಯೇ ಎರಡು ತಾಣಗಳಿವೆ. ಆದರೆ ಅವುಗಳ ಬೆಲೆ ನಮಗೆ ಗೊತ್ತಿಲ್ಲ. ಪಟ್ಟದಕಲ್ಲಿಗೆ ಪ್ರವಾಸಿ ಬಂದರೆ ಮಧ್ಯಾಹ್ನ ತಿನ್ನಲು ಎರಡು ರೊಟ್ಟಿ ಸಿಗುವುದಿಲ್ಲ. ಅಷ್ಟೊಂದು ದುರಾವಸ್ಥೆ ಇದೆ. ಸರ್ಕಾರ ಈ ನೆಪದಲ್ಲಾದರೂ ಒಂದಷ್ಟು ಮೂಲ ಸೌಕರ್ಯ ಕಲ್ಪಿಸಲಿ’ ಎನ್ನುತ್ತಾರೆ.

. ರಾಜ್ಯದ ಆದರ್ಶ ತಾಣಗಳು..

. ಹಂಪಿ ಸ್ಮಾರಕಗಳ ಸಮುಚ್ಛಯ, ಪಟ್ಟದಕಲ್ಲು, ಐಹೊಳೆ ದೇವಾಲಯಗಳ ಸಮುಚ್ಛಯ, ಶ್ರೀರಂಗಪಟ್ಟಣ ದೇವಾಲಯ ಹಾಗೂ ಅಲ್ಲಿನ ದರಿಯಾ ದೌಲತ್ ಬಾಗ್, ಬೀದರ್ ಕೋಟೆ, ಬೇಲೂರು, ಶ್ರವಣಬೆಳಗೂಳ ಹಾಗೂ ವಿಜಯಪುರದ ಗೋಲಗುಂಬಜ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಟ್ಟದಕಲ್ಲು, ಐಹೊಳೆ ಇನ್ನು ಆದರ್ಶ ತಾಣ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು