ಬಳ್ಳಾರಿ: ದಾಖಲೆ ಪ್ರಮಾಣದಲ್ಲಿ ಬಿಯರ್ ವಹಿವಾಟು

ಏಪ್ರಿಲ್‌ ತಿಂಗಳಲ್ಲಿ ಚುನಾವಣೆ ಕಾವು ಏರಿತ್ತು. ಈ ಅವಧಿಯಲ್ಲಿ ಬಿಯರ್ ಮಾರಾಟವೂ ಭಾರಿ ಏರಿಕೆಯಾಗಿದೆ. 2023ರ ಏಪ್ರಿಲ್‌ಗೆ ಹೋಲಿಸಿದರೆ ಈ ವರ್ಷ ಏಪ್ರಿಲ್‌ನಲ್ಲಿ ಬಿಯರ್‌ ಮಾರಾಟ ಶೇ 52.95ರಷ್ಟು ಹೆಚ್ಚಳವಾಗಿದೆ. ಈ ಒಂದು ತಿಂಗಳಲ್ಲಿ ಜಿಲ್ಲೆಯ ಎಲ್ಲ ಐದು ವಲಯಗಳಲ್ಲಿ 79,510 ಪೆಟ್ಟಿಗೆ ಬಿಯರ್‌ ಮಾರಾಟವಾಗಿದೆ. ಕಳೆದ ವರ್ಷ ಇದೇ ತಿಂಗಳು 51,984 ಪೆಟ್ಟಿಗೆ ಮಾರಾಟವಾಗಿತ್ತು. ಬಳ್ಳಾರಿ ನಗರದ ವಲಯ–1ರಲ್ಲಿ ಅತಿ ಹೆಚ್ಚು, ಅಂದರೆ, 24,809 ಪೆಟ್ಟಿಗೆಗಳು ಮಾರಾಟವಾಗಿದೆ. ಐಎಂಎಲ್‌ ಮಾರಾಟವೂ ಏಪ್ರಿಲ್‌ ತಿಂಗಳಲ್ಲಿ ಹೆಚ್ಚಾಗಿದೆ. ಕಳೆದ ತಿಂಗಳೊಂದರಲ್ಲೇ 1,33,287 ಪೆಟ್ಟಿಗೆ ಐಎಂಎಲ್‌ ಮಾರಾಟವಾಗಿದೆ. 2023ರ ಏಪ್ರಿಲ್‌ಗೆ ಹೋಲಿಸಿದರೆ ಶೇ 5.53ರಷ್ಟು ಏರಿಕೆಯಾಗಿದೆ.