<p><strong>ಬಳ್ಳಾರಿ:</strong> ‘ದೇಶದ ರಾಜಕಾರಣದ ಬಗ್ಗೆ ಚರ್ಚಿಸಲು ಇಷ್ಟವಿಲ್ಲ’ ಎನ್ನುತ್ತಲೇ ಎಸ್.ನಿಜಲಿಂಗಪ್ಪನವರ ಕೊನೆಯ ಪುತ್ರಿ ಪೂರ್ಣಿಮಾ, ತಮ್ಮ ತಂದೆಯ ರಾಜಕಾರಣದ ದಿನಗಳು ಮತ್ತು ಆ ಕಾಲಘಟ್ಟದಲ್ಲಿ ತಮ್ಮ ಕುಟುಂಬದ ಪರಿಸ್ಥಿತಿಯನ್ನು ಸ್ಮರಿಸಿದರು.</p>.<p>ನಗರದ ಜಂತಕಲ್ ವೀರಭದ್ರಪ್ಪನವರ ಮನೆಗೆ ಶನಿವಾರ ಭೇಟಿ ನೀಡಿದ್ದ ‘ತಿಂಗಳಾನುಗಟ್ಟಲೇ ಅಪ್ಪಾಜಿ ಮನೆಯತ್ತ ಮುಖ ಮಾಡುತ್ತಿರಲಿಲ್ಲ. ನಾನು ಎಷ್ಟನೇ ತರಗತಿಯಲ್ಲಿ ಅಭ್ಯಾಸ ಮಾಡುತ್ತೇನೆ ಎಂಬುದೇ ಅವರಿಗೆ ಗೊತ್ತಿರಲಿಲ್ಲ. ಕಾಂಗ್ರೆಸ್ ಪಕ್ಷ ಇಬ್ಭಾಗವಾದಾಗ, ನಾನು ಅಪ್ಪಾಜಿ ಜೊತೆಯಲ್ಲಿದ್ದೆ. ಆ ಸಂದಿಗ್ಧ ಪರಿಸ್ಥಿತಿಯನ್ನು ಕಣ್ಣಾರೆ ಕಂಡಿರುವೆ’ ಎಂದರು. ಅವರು ಸದ್ಯ ಕೆನಡಾದ ನಿವಾಸಿ.</p>.<p>‘ನಮ್ಮ ತಂದೆಯವರಿಗೆ 9 ಮಕ್ಕಳು. ಮೂವರು ಪುತ್ರರು, ಆರು ಪುತ್ರಿಯರು. ಎರಡನೆಯವರು ಮೃತರಾಗಿದ್ದಾರೆ. ಹುಬ್ಬಳ್ಳಿ, ಧಾರವಾಡ ಸೇರಿದಂತೆ ಹೊರ ದೇಶದಲ್ಲೂ ನಮ್ಮ ಕುಟುಂಬ ನೆಲೆಸಿದೆ’ ಎಂದರು.</p>.<p>48 ವರ್ಷಗಳ ಕಾಲ ಕೆನಡಾದಲ್ಲಿಯೇ ನೆಲೆಸಿದ್ದರಿಂದ ಈ ದೇಶದ ರಾಜಕೀಯ ಬೆಳವಣಿಗೆ ಕುರಿತು ನನಗೆ ಮಾಹಿತಿ ಇಲ್ಲ. ನನ್ನ ತಂದೆಯವರು ಮುಖ್ಯಮಂತ್ರಿಯಾಗಿದ್ದಾಗಲೂ ರಾಜಕಾರಣದ ಬಗ್ಗೆ ನನಗಾಗಲೀ ಅಥವಾ ಕುಟುಂಬ ಸದಸ್ಯರಿಗಾಗಲೀ ಆಸಕ್ತಿ ಇರಲಿಲ್ಲ’ ಎಂದರು.</p>.<p>‘ನನ್ನ ತಂದೆಯವರ ಹುಟ್ಟೂರು ಚಿತ್ರದುರ್ಗದಲ್ಲಿ ಅಪ್ಪಾಜಿ ನೆಲೆಸಿದ್ದ ಮನೆಯೊಂದಿದೆ. ಅದನ್ನು ಬಿಟ್ಟರೆ, ಅಲ್ಲಿ ಯಾವುದೇ ಆಸ್ತಿ ಇಲ್ಲ. ಆ ಮನೆಯಲ್ಲಿ ವಾಸಿಸುತ್ತಿರುವ ಸಂಬಂಧಿಕರಿಗೇ ಬಿಟ್ಟುಕೊಡಲು ನಿರ್ಧರಿಸಿದ್ದೇವೆ ಎಂದರು.</p>.<p>ಬಾಲ್ಯದಲ್ಲಿ ಬಂದಿದ್ದೆ: ಬಸವರಾಜೇಶ್ವರಿ ಅವರು ಲೋಕಸಭೆ ಸದಸ್ಯೆಯಾಗಿದ್ದಾಗ, ನನ್ನ ತಂದೆ ಮುಖ್ಯಮಂತ್ರಿ ಯಾಗಿದ್ದರು. ಆ ವೇಳೆ, ಅಪ್ಪಾಜಿಯೊಂದಿಗೆ ಬಳ್ಳಾರಿಗೆ ಬಂದಿದ್ದೆ. ಆಗ ನನಗೆ ಆರು ವರ್ಷ ವಯಸ್ಸು. ನನ್ನ ಸಹೋದರಿಯೊಬ್ಬಳು ಇಲ್ಲಿಯೇ ನೆಲೆಸಿರುವುರಿಂದ ಆಗಾಗ ಬರುವೆ’ ಎಂದರು.</p>.<p>ಅವರ ಪತಿ ಮೃತ್ಯುಂಜಯ, ‘ಕೆನಡಾ ದೇಶ ಭ್ರಷ್ಟಾಚಾರ ಮುಕ್ತವಾಗಿದೆ. ಲಂಚಗುಳಿತನ ಎಂಬುದಿಲ್ಲ. ಅಲ್ಲಿನ ರಾಜಕಾರಣಿಗಳಲ್ಲಿ ಬದ್ಧತೆಯಿದೆ. ಅಲ್ಲಿ ಪ್ರಾಮಾಣಿಕತೆ ಅತಿ ದೊಡ್ಡಮೌಲ್ಯ. ಅದನ್ನು ಭಾರತಕ್ಕೆ ಹೋಲಿಸಲು ಆಗಲ್ಲ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಳ್ಳಾರಿ:</strong> ‘ದೇಶದ ರಾಜಕಾರಣದ ಬಗ್ಗೆ ಚರ್ಚಿಸಲು ಇಷ್ಟವಿಲ್ಲ’ ಎನ್ನುತ್ತಲೇ ಎಸ್.ನಿಜಲಿಂಗಪ್ಪನವರ ಕೊನೆಯ ಪುತ್ರಿ ಪೂರ್ಣಿಮಾ, ತಮ್ಮ ತಂದೆಯ ರಾಜಕಾರಣದ ದಿನಗಳು ಮತ್ತು ಆ ಕಾಲಘಟ್ಟದಲ್ಲಿ ತಮ್ಮ ಕುಟುಂಬದ ಪರಿಸ್ಥಿತಿಯನ್ನು ಸ್ಮರಿಸಿದರು.</p>.<p>ನಗರದ ಜಂತಕಲ್ ವೀರಭದ್ರಪ್ಪನವರ ಮನೆಗೆ ಶನಿವಾರ ಭೇಟಿ ನೀಡಿದ್ದ ‘ತಿಂಗಳಾನುಗಟ್ಟಲೇ ಅಪ್ಪಾಜಿ ಮನೆಯತ್ತ ಮುಖ ಮಾಡುತ್ತಿರಲಿಲ್ಲ. ನಾನು ಎಷ್ಟನೇ ತರಗತಿಯಲ್ಲಿ ಅಭ್ಯಾಸ ಮಾಡುತ್ತೇನೆ ಎಂಬುದೇ ಅವರಿಗೆ ಗೊತ್ತಿರಲಿಲ್ಲ. ಕಾಂಗ್ರೆಸ್ ಪಕ್ಷ ಇಬ್ಭಾಗವಾದಾಗ, ನಾನು ಅಪ್ಪಾಜಿ ಜೊತೆಯಲ್ಲಿದ್ದೆ. ಆ ಸಂದಿಗ್ಧ ಪರಿಸ್ಥಿತಿಯನ್ನು ಕಣ್ಣಾರೆ ಕಂಡಿರುವೆ’ ಎಂದರು. ಅವರು ಸದ್ಯ ಕೆನಡಾದ ನಿವಾಸಿ.</p>.<p>‘ನಮ್ಮ ತಂದೆಯವರಿಗೆ 9 ಮಕ್ಕಳು. ಮೂವರು ಪುತ್ರರು, ಆರು ಪುತ್ರಿಯರು. ಎರಡನೆಯವರು ಮೃತರಾಗಿದ್ದಾರೆ. ಹುಬ್ಬಳ್ಳಿ, ಧಾರವಾಡ ಸೇರಿದಂತೆ ಹೊರ ದೇಶದಲ್ಲೂ ನಮ್ಮ ಕುಟುಂಬ ನೆಲೆಸಿದೆ’ ಎಂದರು.</p>.<p>48 ವರ್ಷಗಳ ಕಾಲ ಕೆನಡಾದಲ್ಲಿಯೇ ನೆಲೆಸಿದ್ದರಿಂದ ಈ ದೇಶದ ರಾಜಕೀಯ ಬೆಳವಣಿಗೆ ಕುರಿತು ನನಗೆ ಮಾಹಿತಿ ಇಲ್ಲ. ನನ್ನ ತಂದೆಯವರು ಮುಖ್ಯಮಂತ್ರಿಯಾಗಿದ್ದಾಗಲೂ ರಾಜಕಾರಣದ ಬಗ್ಗೆ ನನಗಾಗಲೀ ಅಥವಾ ಕುಟುಂಬ ಸದಸ್ಯರಿಗಾಗಲೀ ಆಸಕ್ತಿ ಇರಲಿಲ್ಲ’ ಎಂದರು.</p>.<p>‘ನನ್ನ ತಂದೆಯವರ ಹುಟ್ಟೂರು ಚಿತ್ರದುರ್ಗದಲ್ಲಿ ಅಪ್ಪಾಜಿ ನೆಲೆಸಿದ್ದ ಮನೆಯೊಂದಿದೆ. ಅದನ್ನು ಬಿಟ್ಟರೆ, ಅಲ್ಲಿ ಯಾವುದೇ ಆಸ್ತಿ ಇಲ್ಲ. ಆ ಮನೆಯಲ್ಲಿ ವಾಸಿಸುತ್ತಿರುವ ಸಂಬಂಧಿಕರಿಗೇ ಬಿಟ್ಟುಕೊಡಲು ನಿರ್ಧರಿಸಿದ್ದೇವೆ ಎಂದರು.</p>.<p>ಬಾಲ್ಯದಲ್ಲಿ ಬಂದಿದ್ದೆ: ಬಸವರಾಜೇಶ್ವರಿ ಅವರು ಲೋಕಸಭೆ ಸದಸ್ಯೆಯಾಗಿದ್ದಾಗ, ನನ್ನ ತಂದೆ ಮುಖ್ಯಮಂತ್ರಿ ಯಾಗಿದ್ದರು. ಆ ವೇಳೆ, ಅಪ್ಪಾಜಿಯೊಂದಿಗೆ ಬಳ್ಳಾರಿಗೆ ಬಂದಿದ್ದೆ. ಆಗ ನನಗೆ ಆರು ವರ್ಷ ವಯಸ್ಸು. ನನ್ನ ಸಹೋದರಿಯೊಬ್ಬಳು ಇಲ್ಲಿಯೇ ನೆಲೆಸಿರುವುರಿಂದ ಆಗಾಗ ಬರುವೆ’ ಎಂದರು.</p>.<p>ಅವರ ಪತಿ ಮೃತ್ಯುಂಜಯ, ‘ಕೆನಡಾ ದೇಶ ಭ್ರಷ್ಟಾಚಾರ ಮುಕ್ತವಾಗಿದೆ. ಲಂಚಗುಳಿತನ ಎಂಬುದಿಲ್ಲ. ಅಲ್ಲಿನ ರಾಜಕಾರಣಿಗಳಲ್ಲಿ ಬದ್ಧತೆಯಿದೆ. ಅಲ್ಲಿ ಪ್ರಾಮಾಣಿಕತೆ ಅತಿ ದೊಡ್ಡಮೌಲ್ಯ. ಅದನ್ನು ಭಾರತಕ್ಕೆ ಹೋಲಿಸಲು ಆಗಲ್ಲ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
