ಸಂಡೂರು ಚುನಾವಣೆಯ ‘ಉಪ ಪಾಠ’

ಬಳ್ಳಾರಿ : ಸಂಡೂರು ವಿಧಾನಸಭಾ ಕ್ಷೇತ್ರದ ಇತಿಹಾಸದಲ್ಲೇ ತೀವ್ರ ಜಿದ್ದಾಜಿದ್ದಿನಿಂದ ಕೂಡಿದ್ದ ಈ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ನ ಅನ್ನಪೂರ್ಣ ಗೆಲುವು ಸಾಧಿಸಿದ್ದಾರೆ, ಬಿಜೆಪಿ ಸೋತು ಶರಣಾಗಿದೆಯಾದರೂ, ಇದೇ ಮೊದಲ ಬಾರಿಗೆ ತೀವ್ರ ಪೈಪೋಟಿ ನೀಡಿದೆ. ಈ ಚುನಾವಣೆ ಎರಡೂ ಪಕ್ಷಗಳಿಗೂ ಪಾಠ ಹೇಳಿ ಕೊಡುತ್ತಿದೆ.

. ಕಾಂಗ್ರೆಸ್ ಎಂದಿನಂತೆ ತನ್ನ ಸಾಂಪ್ರದಾಯಿಕ ಮತಗಳನ್ನು ರಕ್ಷಿಸಿಕೊಂಡು ಗೆಲ್ಲುತ್ತಿರುವುದು ಈ ಚುನಾವಣೆಯಲ್ಲೂ ಮುಂದುವರಿದಿದೆ. ಆದರೆ, ಬಿಜೆಪಿ ಪ್ರತಿ ಬಾರಿ ಚದುರಿ ಹೋಗುತ್ತಿದ್ದ ತನ್ನೆಲ್ಲ ಮತಗಳನ್ನು ಕ್ರೋಢೀಕರಿಸುವಲ್ಲಿ ಈ ಬಾರಿ ಯಶಸ್ವಿಯಾಗಿದೆ. ಜತೆಗೆ ಹೊಸ ಮತದಾರರನ್ನೂ ತನ್ನತ್ತ ಸೆಳೆಯುತ್ತಿರುವುದು ಈ ಚುನಾವಣೆಯಿಂದ ಗೊತ್ತಾಗುತ್ತಿದೆ.

. ಮೊದಲಿನಿಂದಲೂ ಕ್ಷೇತ್ರದ ಮೇಲೆ ಪ್ರಬಲ ಹಿಡಿತ ಹೊಂದಿರುವ ಕಾಂಗ್ರೆಸ್ ಈ ಚುನಾವಣೆಯಲ್ಲೂ ಅದನ್ನು ಮುಂದುವರಿಸಿದೆಯಾದರೂ, ಕಾಲ ಕ್ರಮೇಣ ತನ್ನ ಹಿಡಿತ ಸಡಿಲಗೊಳಿಸುತ್ತಾ ಸಾಗಿರುವುದು ಕಂಡು ಬಂದಿದೆ.

. ಸಂಡೂರು ವಿಧಾನಸಭಾ ಕ್ಷೇತ್ರದ ಚುನಾವಣಾ ಇತಿಹಾಸವನ್ನು 2004ರ ಹಿಂದಿನ ಮತ್ತು ನಂತರದ ಕಾಲಘಟ್ಟವಾಗಿ ಎರಡು ಭಾಗಗಳಾಗಿ ವಿಭಾಗಿಸಿ ನೋಡಿದರೆ ಕಾಂಗ್ರೆಸ್ ತನ್ನ ಬಲವನ್ನು ನಿಧಾನವಾಗಿ ಸಡಿಸಲಿಸುತ್ತಿರುವುದು, ಬಿಜೆಪಿ ನಿಧಾನಕ್ಕೆ ಮೇಲೇಳುತ್ತಿರುವುದು ಕಾಣುತ್ತದೆ.

. 1972 ರಿಂದ 1999ರ ವರೆಗಿನ ಚುನಾವಣೆಗಳಲ್ಲಿ ಕಾಂಗ್ರೆಸ್ ಗರಿಷ್ಠ ಶೇ.63.67 (ಹೀರೋಜಿಲಾಲ್–1983), ಕನಿಷ್ಠ ಶೇ 53.05 (ಎಂ.ವೈ ಘೋರ್ಪಡೆ – 1994)ರಷ್ಟು ಮತಗಳನ್ನು ಪಡೆದು ಗೆದ್ದಿದೆ. ಆದರೆ, ಎಂದೂ ಶೇ. 50ರ ಘಟ್ಟದಿಂದ ಇಳಿದಿರಲಿಲ್ಲ. ಆದರೆ, 2004ರ ನಂತದ ಕಾಲಘಟ್ಟದಲ್ಲಿ ಕಾಂಗ್ರೆಸ್ ಗೆದ್ದಿರುವುದೆಲ್ಲ ಶೇ. 45ರಿಂದ ಶೇ.50ರ ಒಳಗಿನ ಮತಗಳಿಂದ ಮಾತ್ರ.

. 1999ರ ಬಳಿಕ ಕಾಂಗ್ರೆಸ್ ಈ ಉಪ ಚುನಾವಣೆಯಲ್ಲಿ ಶೇ. 50ರ ಗಡಿ ದಾಟಿದಿದೆ. ಶೇ. 51.95ರಷ್ಟು (93,616 ) ಮತಗಳನ್ನು ಈ ಚುನಾವಣೆಯಲ್ಲಿ ಪಡೆದಿದೆ. ಆದರೆ, ಇದು ಕಾಂಗ್ರೆಸ್ಗೆ ಆಶಾದಾಯಕವೇಗೇನೂ ಕಾಣುತ್ತಿಲ್ಲ. 2004ರ ನಂತರದ ಚುನಾವಣೆಗಳಲ್ಲಿ ಬಿಜೆಪಿ ಇದೇ ಮೊದಲ ಬಾರಿಗೆ ಕ್ರೋಢೀಕೃತ ಪ್ರದರ್ಶನ ನೀಡಿದೆ. ಈ ಚುನಾವಣೆಯಲ್ಲಿ ಬಿಜೆಪಿ ಶೇ. 46.06ರಷ್ಟು ಮತ ಗಳಿಸಿ ಬೆರಗು ಮೂಡಿಸಿದೆ.

. ‘ಬಿಜೆಪಿ ಎಷ್ಟೇ ಪ್ರಬಲಗೊಂಡರೂ, ಕಾಂಗ್ರೆಸ್ ತನ್ನ ಮೂಲ, ಸಾಂಪ್ರದಾಯಿಕ ಮತಗಳನ್ನು ಪಡೆಯುವಲ್ಲಿ ಸದಾ ಯಶಸ್ವಿಯಾಗುತ್ತದೆ. ಒಟ್ಟು ಮತಗಳಲ್ಲಿ ಅರ್ಧದಷ್ಟನ್ನು ಪಡೆಯುವಲ್ಲಿ ಅದಕ್ಕೆ ಕಷ್ಟವೇ ಆಗುವುದಿಲ್ಲ. ಹೀಗಾಗಿ ಚುನಾವಣೆಯಿಂದ ಚುನಾವಣೆಗೆ ಕಾಂಗ್ರೆಸ್ ಬಲ ಕಳೆದುಕೊಳ್ಳುತ್ತಿದೆ ಎಂಬ ವಾದದಲ್ಲಿ ಹುರುಳಿಲ್ಲ’ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

. ‘ಆದರೆ ಅದೇ ಹೊತ್ತಿನಲ್ಲಿ ಬಿಜೆಪಿ ತನ್ನ ಪ್ರಾಬಲ್ಯ ವಿಸ್ತರಿಸುತ್ತಾ ಸಾಗಿರುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಹೊಸ ಮತದಾರರು ಅದರ ಕಡೆ ವಾಲುತ್ತಿರುವುದರಿಂದಲೇ ಬಿಜೆಪಿ ಶೇ. 45ರ ಘಟ್ಟ ದಾಟಲು ಸಾಧ್ಯವಾಗುತ್ತಿದೆ’ ಎಂಬ ಅಭಿಪ್ರಾಯಗಳೂ ಕೇಳಿ ಬಂದಿವೆ.

. ‘ಕೆಲ ಸಮಸ್ಯೆಗಳನ್ನು ಬಗೆಹರಿಸಿಕೊಂಡಿದ್ದರೆ, ಬಳ್ಳಾರಿ ಜಿಲ್ಲೆಯ ಸ್ಥಳೀಯ ನಾಯಕರು ತಮ್ಮ ಮುನಿಸು ಪಕ್ಕಕ್ಕಿಟ್ಟು ಒಗ್ಗಟ್ಟಿನಿಂದ ದುಡಿದಿದ್ದರೆ, ಸಂಪನ್ಮೂಲದ ಸರಿಯಾದ ಹಂಚಿಕೆಯಾಗಿದ್ದಿದ್ದರೆ ಈ ಚುನಾವಣೆ ಇನ್ನಷ್ಟು ರಂಗೇರುತ್ತಿತ್ತು’ ಎಂಬ ಮಾತುಗಳು ಸದ್ಯ ಕೇಳಿ ಬಂದಿದೆ.

. ಸಂಡೂರು ಕ್ಷೇತ್ರ: ಈ ವರೆಗೆ ಗೆದ್ದವರು

. ವರ್ಷ;ಗೆದ್ದವರು;ಪಕ್ಷ;ಶೇಕಡವಾರು ಮತ

. 1972;ಎಂ.ವೈ ಘೋರ್ಪಡೆ;ಕಾಂಗ್ರೆಸ್;60.43

. 1978;ಸಿ ರುದ್ರಪ್ಪ;ಕಾಂಗ್ರೆಸ್ (ಐ);62.22

. 1983;ಹೀರೋಜಿ ವಿ.ಎಸ್ ಲಾಡ್;ಕಾಂಗ್ರೆಸ್;63.67

. 1985;ಯು ಭೂಪತಿ;ಜೆಎನ್ಪಿ;56.16

. 1989;ಎಂ.ವೈ ಘೋರ್ಪಡೆ;ಕಾಂಗ್ರೆಸ್;58.19

. 1994;ಎಂ.ವೈ ಘೋರ್ಪಡೆ;ಕಾಂಗ್ರೆಸ್;53.24

. 1999;ಎಂ.ವೈ ಘೋರ್ಪಡೆ;ಕಾಂಗ್ರೆಸ್;53.05

. 2004;ಸಂತೋಷ್ ಲಾಡ್;ಜೆಡಿಎಸ್;56.15

. 2008;ಇ.ತುಕಾರಾಂ;ಕಾಂಗ್ರೆಸ್;46.63

. 2013;ಇ.ತುಕಾರಾಂ;ಕಾಂಗ್ರೆಸ್;48.48

. 2018;ಇ.ತುಕಾರಾಂ;ಕಾಂಗ್ರೆಸ್;49.53

. 2023;ಇ.ತುಕಾರಾಂ;ಕಾಂಗ್ರೆಸ್;45.19

. 2024;ಇ.ಅನ್ನಪೂರ್ಣಾ;ಕಾಂಗ್ರೆಸ್;51.95

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಡೂರು ಚುನಾವಣೆಯ ‘ಉಪ ಪಾಠ’

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ಏಕದಿನ ಪಂದ್ಯ: ಜಿಂಬಾಬ್ವೆಗೆ ಮಣಿದ ಪಾಕಿಸ್ತಾನ

IPL Auction | ರಿಷಭ್ ಪಂತ್ ದಾಖಲೆ ವೀರ : ₹27 ಕೋಟಿಗೆ ಲಖನೌ ಪಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು