ಹೂವಿನಹಡಗಲಿ: ಇಲ್ಲಿನ ಜೇಸಿಸ್ ಹಿರಿಯ ಪ್ರಾಥಮಿಕ ಶಾಲೆಯ ಬಾಲಕರ ಷಟಲ್ ಬ್ಯಾಡ್ಮಿಂಟನ್ ತಂಡ ಸತತ ನಾಲ್ಕನೇ ಬಾರಿಗೆ ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದೆ.
ಹೊಸಪೇಟೆಯಲ್ಲಿ ಜರುಗಿದ ಕಲಬುರ್ಗಿ ವಿಭಾಗ ಮಟ್ಟದ ಷಟಲ್ ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ವಿಜಯನಗರ ಜಿಲ್ಲೆ ಪ್ರತಿನಿಧಿಸಿ ರಾಯಚೂರು ಜಿಲ್ಲೆಯ ತಂಡದ ವಿರುದ್ಧ ಜಯ ಗಳಿಸಿ ರಾಜ್ಯಮಟ್ಟಕ್ಕೆ ಪ್ರವೇಶಿಸಿದೆ.
ವಿದ್ಯಾರ್ಥಿಗಳಾದ ಜೆ.ನಿಖಿಲ್, ವೈ.ದಿಲೀಪ, ಕಾಶೀಂ, ಮೈನುದ್ದಿನ್, ಅಬ್ಬು ಹಸೇನ್ ತಂಡದಲ್ಲಿದ್ದರು. ವಿದ್ಯಾರ್ಥಿಗಳ ಸಾಧನೆಯನ್ನು ಶಾಲಾ ಆಡಳಿತ ಮಂಡಳಿ ಅಧ್ಯಕ್ಷ ಅಶೋಕ ಕುಮಾರ್ ಧಾರಿವಾಲ್, ಮುಖ್ಯ ಶಿಕ್ಷಕ ಪಿ.ಜಯಪ್ಪ, ದೈಹಿಕ ಶಿಕ್ಷಣ ಶಿಕ್ಷಕ ಎಚ್.ಷಣ್ಮುಖಪ್ಪ, ತರಬೇತುದಾರ ನಿಯಾಜ್ ಪ್ರಶಂಸಿದ್ದಾರೆ.