ದೊಡ್ಡಬಳ್ಳಾಪುರ | ₹240ಕ್ಕೆ ಜಿಗಿದ ಬೀನ್ಸ್‌: ದುಬಾರಿಯಾದ ಕೊತ್ತಂಬರಿ, ಮೂಲಂಗಿ

ಆನೇಕಲ್ ತಾಲ್ಲೂಕಿನಲ್ಲಿ ತರಕಾರಿ ಮತ್ತು ಸೊಪ್ಪಿನ ಬೆಲೆಯಲ್ಲಿ ಭಾರಿ ಏರಿಕೆಯಾಗಿದೆ. ಕೊತ್ತಂಬರಿ ಸೊಪ್ಪು ಮತ್ತು ಬೀನ್ಸ್‌ ಬೆಲೆ ಶೇ 200ರಷ್ಟು ಏರಿಕೆಯಾಗಿದೆ. ಫಾರ್ಮ್‌ ಬಟಾಣಿ ಕೆ.ಜಿಗೆ ₹210 ನಾಟಿ ₹400ಕ್ಕೆ ಮಾರಾಟ  ಆಗುತ್ತಿದೆ. ₹20–30ಕ್ಕೆ ಮಾರಾಟ ಆಗುತ್ತಿದ್ದ ಕೊತ್ತಂಬರಿ ಒಂದು ಕಟ್ಟು ಈಗ ₹80ಕ್ಕೆ ಏರಿಕೆಯಾಗಿದೆ. ಬೀನ್ಸ್‌ ₹180ರಿಂದ ₹210 ಟೊಮೆಟೊ ₹60-70 ಶುಂಠಿ ₹180-220 ಕ್ಯಾರೆಟ್‌ ₹100-120 ಬೆಳ್ಳುಳ್ಳಿ ₹180- ₹200ಗೆ ಮಾರಾಟ ಆಗುತ್ತಿದೆ. ಶತಕದತ್ತ ಸೊಪ್ಪಿನ ಬೆಲೆ: ವಿಜಯಪುರ ಹೋಬಳಿಯಲ್ಲಿ ಸೊಪ್ಪಿನ ಬೆಲೆ ಶತಕದತ್ತ ಮುಖ ಮಾಡಿದೆ. ಬೀನ್ಸ್‌ ಬೆಲೆ ₹240 ಆಗಿದ್ದು ಎಲ್ಲ ತರಕಾರಿಗಳ ಬೆಲೆಯಲ್ಲಿ ₹20 ಏರಿಕೆಯಾಗಿದೆ‌. ₹10–20ಕ್ಕೆ ಸಿಗುತ್ತಿದ್ದು ಒಂದು ಕಟ್ಟು ಸೊಪ್ಪು ₹5080ಕ್ಕೆ ಏರಿಕೆಯಾಗಿದೆ. ಕೊತ್ತಂಬರಿ ₹80 ಪುದೀನಾ ₹40  ದಂಟಿನ ಸೊಪ್ಪು ₹40ಕ್ಕೆ ಏರಿಕೆಯಾಗಿದೆ. ಬದನೆಕಾಯಿ ₹60 ಬೆಂಡೆಕಾಯಿ ₹80 ಬಿಟ್‌ರೂಟ್ ₹60 ಹೀರೆಕಾಯಿ ₹80 ಸೌತೆಕಾಯಿ ₹60 ದಪ್ಪ ಮೆಣಸಿಕಾಯಿ ₹80 ಗೋರಿಕಾಯಿ ₹80ಕ್ಕೆ ಎರಿಕೆಯಾಗಿದೆ.