<p>ಹೊಸಕೋಟೆ (ಬೆಂಗಳೂರು ಗ್ರಾ.): ಹೊಸಕೋಟೆ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿ ಸೋಮವಾರ ನಾಮಪತ್ರ ಸಲ್ಲಿಸಿದ ಪೌರಾಡಳಿತ ಸಚಿವ ಎಂ.ಟಿ.ಬಿ ನಾಗರಾಜ್ ಅವರು ₹1,510 ಕೋಟಿ ಒಡೆಯನೆಂದು ಘೋಷಿಸಿಕೊಂಡಿದ್ದಾರೆ. ರಾಜ್ಯದ ಅತೀ ಶ್ರೀಮಂತ ಅಭ್ಯರ್ಥಿಗಳ ಪೈಕಿ ನಾಗರಾಜ್ ಒಬ್ಬರಾಗಿದ್ದಾರೆ.</p>.<p>2019ರಲ್ಲಿ ನಡೆದ ಉಪ ಚುನಾವಣೆ ಸಮಯದಲ್ಲಿ ಅವರು ₹1,015 ಕೋಟಿ ಒಡೆಯನೆಂದು ಘೋಷಿಸಿಕೊಂಡಿದ್ದರು. ನಾಲ್ಕು ವರ್ಷದಲ್ಲಿ ಅವರ ಭಂಡಾರ ₹495 ಕೋಟಿ ಏರಿಕೆ ಕಂಡಿದೆ.</p>.<p>ನಾಗರಾಜ್ ₹71 ಕೋಟಿ ಸಾಲ ಮಾಡಿದ್ದರೆ, ಅವರ ಪತ್ನಿ ಶಾಂತಕುಮಾರಿ ₹27 ಕೋಟಿ ಸಾಲ ಮಾಡಿದ್ದಾರೆ. ಒಟ್ಟು ವಿವಿಧ ಬ್ಯಾಂಕ್ಗಳಲ್ಲಿ ₹98 ಕೋಟಿ ಸಾಲ ಹೊಂದಿದ್ದಾರೆ.</p>.<p>9ನೇ ತರಗತಿ ಪಾಸಾಗಿರುವ ಎಂ.ಟಿ.ಬಿ ಬಳಿ ಇರುವ ಕಾರುಗಳ ಮೌಲ್ಯವೇ ₹1.72 ಕೋಟಿ. ಅವರ ಹೆಸರಿನಲ್ಲಿ ಐ10, ಲ್ಯಾಂಡ್ ರೋವರ್ ಡಿವೆಂಡರ್, ಬೊಲೆರೊ ವಾಹನಗಳಿವೆ. ಅವರ ಪತ್ನಿ ಹೆಸರಲ್ಲಿ ಪೋರ್ಶ್ ಮತ್ತು ಇನೋವಾ ಕ್ರಿಸ್ಟಾ ಕಾರುಗಳಿದ್ದು ಎರಡು ಕಾರುಗಳ ಮೌಲ್ಯ ₹1.33 ಕೋಟಿಯಾಗಿದೆ. ಎಂಟಿಬಿ ಬಳಿ ₹ 64 ಲಕ್ಷ ಮತ್ತು ಪತ್ನಿ ಬಳಿ ₹ 34 ಲಕ್ಷ ನಗದು ಇದೆ.</p>.<p>2019 ಉಪ ಚುನಾವಣೆಯಲ್ಲಿ ಒಟ್ಟು ₹419.28 ಕೋಟಿ ಮೌಲ್ಯದ ಚರಾಸ್ತಿ ಹೊಂದಿದ್ದು, ಈಗ ₹372 ಕೋಟಿಗೆ ಇಳಿದಿದೆ. ₹417.11 ಕೋಟಿ ಮೌಲ್ಯದ ಸ್ಥಿರಾಸ್ತಿ ಇದೀಗ ₹792 ಕೋಟಿಗೆ ಏರಿಕೆ ಆಗಿದೆ.</p>.<p>ನಾಲ್ಕು ವರ್ಷದ ಹಿಂದೆ ಇವರ ಪತ್ನಿ ಶಾಂತಕುಮಾರಿ ಅವರ ₹167.34 ಕೋಟಿ ಮೌಲ್ಯದ ಚಿರಾಸ್ತಿ ಈಗ ₹163 ಕೋಟಿಗೆ ಇಳಿದಿದೆ. ₹167.34 ಕೋಟಿಯಷ್ಟು ಇದ್ದ ಸ್ಥಿರಾಸ್ತಿ ₹274 ಕೋಟಿಗೆ ಏರಿಕೆಯಾಗಿದೆ.</p>.<p class="Subhead">ಅಪಾರ ಚಿನ್ನಾಭರಣ: ₹ 38 ಲಕ್ಷ ಮೌಲ್ಯದ ಚಿನ್ನ, ₹ 98 ಲಕ್ಷ ಮೌಲ್ಯದ ವಜ್ರ, ₹ 1.1 ಕೋಟಿ ಮೌಲ್ಯದ 214 ಕೆ.ಜಿ ಬೆಳ್ಳಿ ಸೇರಿದಂತೆ ಒಟ್ಟು ₹ 2.41 ಕೋಟಿ ಮೌಲ್ಯದ ಆಭರಣಗಳನ್ನು ಎಂಟಿಬಿ ಹೊಂದಿದ್ದಾರೆ. ಅವರ ಪತ್ನಿ ಬಳಿ 2 ಕೆ.ಜಿ ಚಿನ್ನ, ₹63 ಲಕ್ಷ ಮೌಲ್ಯದ ವಜ್ರ, 26 ಕೆ.ಜಿ ಬೆಳ್ಳಿ ಸೇರಿದಂತೆ ಒಟ್ಟು ₹ 1.64 ಕೋಟಿ ಮೌಲ್ಯದ ಆಭರಣಗಳಿವೆ.</p>.<p class="Subhead">ಕಾಂಗ್ರೆಸ್ ಅಭ್ಯರ್ಥಿ ಶರತ್ ಕೂಡ ಕೋಟ್ಯಧೀಶ: ಹೊಸಕೋಟೆ ಶಾಸಕ, ಕಾಂಗ್ರೆಸ್ ಅಭ್ಯರ್ಥಿ ಶರತ್ ಬಚ್ಚೇಗೌಡ ₹104.74 ಕೋಟಿ ಆಸ್ತಿ ಘೋಷಣೆ ಮಾಡಿಕೊಂಡಿದ್ದಾರೆ. ಕಳೆದ ಉಪ ಚುನಾವಣೆಯಲ್ಲಿ ಅವರ ಒಟ್ಟು ಆಸ್ತಿ ₹135.65 ಕೋಟಿಯಷ್ಟಿತ್ತು. ನಾಲ್ಕು ವರ್ಷಗಳಲ್ಲಿ ಆಸ್ತಿ ಮೌಲ್ಯ ₹31 ಕೋಟಿಯಷ್ಟು ಕುಸಿದಿದೆ. ಶರತ್ ₹1.44 ಕೋಟಿ ಸಾಲ ಮಾಡಿದ್ದರೆ, ಅವರ ಪತ್ನಿ ₹ 6.31 ಲಕ್ಷ ಸಾಲ ಮರು ಪಾವತಿ ಮಾಡಬೇಕಿದೆ.</p>.<p>2019ರ ಉಪಚುನಾವಣೆಯಲ್ಲಿ ₹23.88 ಕೋಟಿ ಇದ್ದ ಅವರ ಚರಾಸ್ತಿ ಈಗ ₹31.49 ಕೋಟಿಗೆ ಏರಿಕೆಯಾಗಿದೆ. ಅವರ ಪತ್ನಿ ಪ್ರತಿಭಾ ಅವರ ಚರಾಸ್ತಿ ₹14.27 ಕೋಟಿಯಿಂದ ₹13.25 ಕೋಟಿಗೆ ಇಳಿಕೆಯಾಗಿದೆ. ₹98.50 ಕೋಟಿ ಇದ್ದ ಸ್ಥಿರಾಸ್ತಿ ₹60 ಕೋಟಿಗೆ ಇಳಿಕೆಯಾಗಿದೆ.</p>.<p>ಐಷಾರಾಮಿ ಕಾರುಗಳು: ಶರತ್ ಹೆಸರಲ್ಲಿ ₹ 52 ಲಕ್ಷ ಮೌಲ್ಯದ ಫಾರ್ಚೂನರ್, ಇನೋವಾ ಕ್ರಿಸ್ಟಾ ಕಾರುಗಳಿವೆ. ಪತ್ನಿ ಪ್ರತಿಭಾ ₹ 52 ಲಕ್ಷದ ಮರ್ಸಿಡೀಸ್ ಬೆಂಜ್ ಕಾರು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೊಸಕೋಟೆ (ಬೆಂಗಳೂರು ಗ್ರಾ.): ಹೊಸಕೋಟೆ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿ ಸೋಮವಾರ ನಾಮಪತ್ರ ಸಲ್ಲಿಸಿದ ಪೌರಾಡಳಿತ ಸಚಿವ ಎಂ.ಟಿ.ಬಿ ನಾಗರಾಜ್ ಅವರು ₹1,510 ಕೋಟಿ ಒಡೆಯನೆಂದು ಘೋಷಿಸಿಕೊಂಡಿದ್ದಾರೆ. ರಾಜ್ಯದ ಅತೀ ಶ್ರೀಮಂತ ಅಭ್ಯರ್ಥಿಗಳ ಪೈಕಿ ನಾಗರಾಜ್ ಒಬ್ಬರಾಗಿದ್ದಾರೆ.</p>.<p>2019ರಲ್ಲಿ ನಡೆದ ಉಪ ಚುನಾವಣೆ ಸಮಯದಲ್ಲಿ ಅವರು ₹1,015 ಕೋಟಿ ಒಡೆಯನೆಂದು ಘೋಷಿಸಿಕೊಂಡಿದ್ದರು. ನಾಲ್ಕು ವರ್ಷದಲ್ಲಿ ಅವರ ಭಂಡಾರ ₹495 ಕೋಟಿ ಏರಿಕೆ ಕಂಡಿದೆ.</p>.<p>ನಾಗರಾಜ್ ₹71 ಕೋಟಿ ಸಾಲ ಮಾಡಿದ್ದರೆ, ಅವರ ಪತ್ನಿ ಶಾಂತಕುಮಾರಿ ₹27 ಕೋಟಿ ಸಾಲ ಮಾಡಿದ್ದಾರೆ. ಒಟ್ಟು ವಿವಿಧ ಬ್ಯಾಂಕ್ಗಳಲ್ಲಿ ₹98 ಕೋಟಿ ಸಾಲ ಹೊಂದಿದ್ದಾರೆ.</p>.<p>9ನೇ ತರಗತಿ ಪಾಸಾಗಿರುವ ಎಂ.ಟಿ.ಬಿ ಬಳಿ ಇರುವ ಕಾರುಗಳ ಮೌಲ್ಯವೇ ₹1.72 ಕೋಟಿ. ಅವರ ಹೆಸರಿನಲ್ಲಿ ಐ10, ಲ್ಯಾಂಡ್ ರೋವರ್ ಡಿವೆಂಡರ್, ಬೊಲೆರೊ ವಾಹನಗಳಿವೆ. ಅವರ ಪತ್ನಿ ಹೆಸರಲ್ಲಿ ಪೋರ್ಶ್ ಮತ್ತು ಇನೋವಾ ಕ್ರಿಸ್ಟಾ ಕಾರುಗಳಿದ್ದು ಎರಡು ಕಾರುಗಳ ಮೌಲ್ಯ ₹1.33 ಕೋಟಿಯಾಗಿದೆ. ಎಂಟಿಬಿ ಬಳಿ ₹ 64 ಲಕ್ಷ ಮತ್ತು ಪತ್ನಿ ಬಳಿ ₹ 34 ಲಕ್ಷ ನಗದು ಇದೆ.</p>.<p>2019 ಉಪ ಚುನಾವಣೆಯಲ್ಲಿ ಒಟ್ಟು ₹419.28 ಕೋಟಿ ಮೌಲ್ಯದ ಚರಾಸ್ತಿ ಹೊಂದಿದ್ದು, ಈಗ ₹372 ಕೋಟಿಗೆ ಇಳಿದಿದೆ. ₹417.11 ಕೋಟಿ ಮೌಲ್ಯದ ಸ್ಥಿರಾಸ್ತಿ ಇದೀಗ ₹792 ಕೋಟಿಗೆ ಏರಿಕೆ ಆಗಿದೆ.</p>.<p>ನಾಲ್ಕು ವರ್ಷದ ಹಿಂದೆ ಇವರ ಪತ್ನಿ ಶಾಂತಕುಮಾರಿ ಅವರ ₹167.34 ಕೋಟಿ ಮೌಲ್ಯದ ಚಿರಾಸ್ತಿ ಈಗ ₹163 ಕೋಟಿಗೆ ಇಳಿದಿದೆ. ₹167.34 ಕೋಟಿಯಷ್ಟು ಇದ್ದ ಸ್ಥಿರಾಸ್ತಿ ₹274 ಕೋಟಿಗೆ ಏರಿಕೆಯಾಗಿದೆ.</p>.<p class="Subhead">ಅಪಾರ ಚಿನ್ನಾಭರಣ: ₹ 38 ಲಕ್ಷ ಮೌಲ್ಯದ ಚಿನ್ನ, ₹ 98 ಲಕ್ಷ ಮೌಲ್ಯದ ವಜ್ರ, ₹ 1.1 ಕೋಟಿ ಮೌಲ್ಯದ 214 ಕೆ.ಜಿ ಬೆಳ್ಳಿ ಸೇರಿದಂತೆ ಒಟ್ಟು ₹ 2.41 ಕೋಟಿ ಮೌಲ್ಯದ ಆಭರಣಗಳನ್ನು ಎಂಟಿಬಿ ಹೊಂದಿದ್ದಾರೆ. ಅವರ ಪತ್ನಿ ಬಳಿ 2 ಕೆ.ಜಿ ಚಿನ್ನ, ₹63 ಲಕ್ಷ ಮೌಲ್ಯದ ವಜ್ರ, 26 ಕೆ.ಜಿ ಬೆಳ್ಳಿ ಸೇರಿದಂತೆ ಒಟ್ಟು ₹ 1.64 ಕೋಟಿ ಮೌಲ್ಯದ ಆಭರಣಗಳಿವೆ.</p>.<p class="Subhead">ಕಾಂಗ್ರೆಸ್ ಅಭ್ಯರ್ಥಿ ಶರತ್ ಕೂಡ ಕೋಟ್ಯಧೀಶ: ಹೊಸಕೋಟೆ ಶಾಸಕ, ಕಾಂಗ್ರೆಸ್ ಅಭ್ಯರ್ಥಿ ಶರತ್ ಬಚ್ಚೇಗೌಡ ₹104.74 ಕೋಟಿ ಆಸ್ತಿ ಘೋಷಣೆ ಮಾಡಿಕೊಂಡಿದ್ದಾರೆ. ಕಳೆದ ಉಪ ಚುನಾವಣೆಯಲ್ಲಿ ಅವರ ಒಟ್ಟು ಆಸ್ತಿ ₹135.65 ಕೋಟಿಯಷ್ಟಿತ್ತು. ನಾಲ್ಕು ವರ್ಷಗಳಲ್ಲಿ ಆಸ್ತಿ ಮೌಲ್ಯ ₹31 ಕೋಟಿಯಷ್ಟು ಕುಸಿದಿದೆ. ಶರತ್ ₹1.44 ಕೋಟಿ ಸಾಲ ಮಾಡಿದ್ದರೆ, ಅವರ ಪತ್ನಿ ₹ 6.31 ಲಕ್ಷ ಸಾಲ ಮರು ಪಾವತಿ ಮಾಡಬೇಕಿದೆ.</p>.<p>2019ರ ಉಪಚುನಾವಣೆಯಲ್ಲಿ ₹23.88 ಕೋಟಿ ಇದ್ದ ಅವರ ಚರಾಸ್ತಿ ಈಗ ₹31.49 ಕೋಟಿಗೆ ಏರಿಕೆಯಾಗಿದೆ. ಅವರ ಪತ್ನಿ ಪ್ರತಿಭಾ ಅವರ ಚರಾಸ್ತಿ ₹14.27 ಕೋಟಿಯಿಂದ ₹13.25 ಕೋಟಿಗೆ ಇಳಿಕೆಯಾಗಿದೆ. ₹98.50 ಕೋಟಿ ಇದ್ದ ಸ್ಥಿರಾಸ್ತಿ ₹60 ಕೋಟಿಗೆ ಇಳಿಕೆಯಾಗಿದೆ.</p>.<p>ಐಷಾರಾಮಿ ಕಾರುಗಳು: ಶರತ್ ಹೆಸರಲ್ಲಿ ₹ 52 ಲಕ್ಷ ಮೌಲ್ಯದ ಫಾರ್ಚೂನರ್, ಇನೋವಾ ಕ್ರಿಸ್ಟಾ ಕಾರುಗಳಿವೆ. ಪತ್ನಿ ಪ್ರತಿಭಾ ₹ 52 ಲಕ್ಷದ ಮರ್ಸಿಡೀಸ್ ಬೆಂಜ್ ಕಾರು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
