<p><strong>ಬೆಳಗಾವಿ: </strong>ಇಲ್ಲಿನ ಉತ್ತರ ಮತಕ್ಷೇತ್ರದ ಬಿಜೆಪಿ ಶಾಸಕ, ಇದೇ ಮೊದಲ ಬಾರಿಗೆ ಆಯ್ಕೆಯಾಗಿರುವ ಅನಿಲ ಬೆನಕೆ ಅವರು ಸ್ಥಳೀಯ ಪ್ರದೇಶಾಭಿವೃದ್ಧಿ ಯೋಜನೆಲ್ಲಿ ದೊರೆಯುವ ಅನುದಾನವನ್ನು ಹಲವು ಕಾರ್ಯಗಳಿಗೆ ಬಳಸಿ ಗಮನಸೆಳೆದಿದ್ದಾರೆ.</p>.<p>ದೊಡ್ಡ ದೊಡ್ಡ ಮೊತ್ತದ ಕೆಲಸಗಳ ಬದಲಿಗೆ, ಸಣ್ಣ ಮೊತ್ತ ಬೇಡುವ ಕಾರ್ಯಗಳಿಗೆ ಆದ್ಯತೆ ನೀಡಿದ್ದಾರೆ. ತುರ್ತು ಕಾಮಗಾರಿಗಳಿಗೆ ಒತ್ತು ಕೊಡುವ ಮೂಲಕ ನಿವಾಸಿಗಳ ಮನಸ್ಸು ಗೆಲ್ಲುವುದಕ್ಕೆ ಮುಂದಾಗಿದ್ದಾರೆ.</p>.<p>ಸಂಬಂಧಿಸಿದ ಉಪ ವಿಭಾಗಾಧಿಕಾರಿ ಕಚೇರಿಯಲ್ಲಿ ಪಡೆದಿರುವ ಮಾಹಿತಿ ಪ್ರಕಾರ, 2018-19ಸಾಲಿನಿಂದ 2021–22ರ ಸೆಪ್ಟೆಂಬರ್ವರೆಗೆ ಅವರಿಗೆ ₹ 4.60 ಕೋಟಿ ಅನುದಾನ ಬಂದಿದೆ. ಅದರಲ್ಲಿ ಶೇ 80ರಷ್ಟನ್ನು ಬಳಸಿದ್ದಾರೆ. ಸಾಮಾನ್ಯವಾಗಿ ಶಾಸಕರು ಸಮುದಾಯ ಭವನಗಳು, ದೇವಾಲಯಗಳ ನಿರ್ಮಾಣಕ್ಕೆ ಪ್ರದೇಶಾಭಿವೃದ್ಧಿ ನಿಧಿಯಲ್ಲಿ ಆರ್ಥಿಕ ನೆರವು ಕಲ್ಪಿಸಿದ್ದಾರೆ. ಆದರೆ, ಬೆನಕೆ ಈ ವಿಷಯದಲ್ಲಿ ಭಿನ್ನವಾಗಿದ್ದಾರೆ. ಸಮುದಾಯದ ಇತರ ಕೆಲಸಗಳಿಗೆ ಹಣ ಒದಗಿಸಿದ್ದಾರೆ.</p>.<p class="Subhead"><strong>ಶಾಲೆಗಳಿಗೆ:</strong> ಶಾಲೆಗಳಿಗೆ ಕೊಠಡಿ, ಕಾಂಪೌಂಡ್, ಮೈದಾನ ನಿರ್ಮಾಣ ಹಾಗೂ ಸ್ಮಾರ್ಟ್ ತರಗತಿಗಳನ್ನು ರೂಪಿಸಲು ಅನುದಾನ ಕೊಟ್ಟಿದ್ದಾರೆ. ಅಲ್ಲಲ್ಲಿ ಚರಂಡಿ ನಿರ್ಮಾಣಕ್ಕೆ ನೆರವಾಗಿದ್ದಾರೆ. ಜಿಮ್ಗಳಿಗೆ ಪರಿಕರಗಳನ್ನು ಒದಗಿಸುವ ಮೂಲಕ ಯುವಜನರ ಪ್ರೀತಿಗೆ ಪಾತ್ರವಾಗಲು ಯತ್ನಿಸಿದ್ದಾರೆ. ಶಾಲೆಗಳಿಗೆ ಕ್ರೀಡಾ ಸಾಮಗ್ರಿಗಳನ್ನು ಕೂಡ ಒದಗಿಸಿದ್ದಾರೆ.</p>.<p>ವಂಟಮೂರಿ ಹಾಗೂ ರಾಮತೀರ್ಥನಗರದ ಸರ್ಕಾರಿ ಶಾಲೆಗೆ ಕೊಠಡಿ, ಮೈದಾನ, ಕಾಂಪೌಂಡ್ ನಿರ್ಮಿಸಿಕೊಟ್ಟಿದ್ದಾರೆ. ಸ್ಮಾರ್ಟ್ ತರಗತಿ ಕೊಠಡಿ ರೂಪಿಸಲು ಅನುದಾನ ಕೊಟ್ಟಿದ್ದಾರೆ. ಅಜಂನಗರ, ಕಣಬರ್ಗಿ, ಬಸವನಕುಡಚಿಯಲ್ಲಿ ಕನ್ನಡ, ಮರಾಠಿ ಹಾಗೂ ಉರ್ದು ಮಾಧ್ಯಮ ಶಾಲೆಗಳಿಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡಿದ್ದಾರೆ.</p>.<p>ಕೋವಿಡ್ ಪ್ರಕರಣಗಳು ಹೆಚ್ಚಿದ್ದ ಸಂದರ್ಭದಲ್ಲಿ ಸೋಂಕಿತರ ಚಿಕಿತ್ಸೆಗಾಗಿ ಕೋವಿಡ್ ಆರೈಕೆ ಕೇಂದ್ರಗಳಿಗೆ 15 ಆಮ್ಲಜನಕ ಸಾಂದ್ರಕಗಳನ್ನು ಕೊಡಿಸಿದ್ದಾರೆ.</p>.<p class="Subhead"><strong>ವಿವಿಧ ಹಂತದಲ್ಲಿವೆ:</strong>‘ಸಮುದಾಯ ಭವನಗಳ ನಿರ್ಮಾಣಕ್ಕೆ ಮಹಾನಗರಪಾಲಿಕೆ, ಬುಡಾದಿಂದ ಅನುದಾನ ಬಳಸಿಕೊಳ್ಳಲು ಅವಕಾಶವಿದೆ. ಹೀಗಾಗಿ, ನಾನು ಶಾಸಕರ ನಿಧಿಯನ್ನು ಇತರ ಉದ್ದೇಶಗಳಿಗೆ ಬಳಸುತ್ತಿದ್ದೇನೆ. 2018–19ರಲ್ಲಿ ₹ 1 ಕೋಟಿ ವಾಪಸ್ ಪಡೆಯಲಾಗಿದೆ. ಇದರಿಂದ ಬಹಳ ತೊಂದರೆಯಾಗಿದೆ. ಲಭ್ಯವಾದ ಅನುದಾನದಲ್ಲಿ ಹಲವು ಕಾಮಗಾರಿಗಳನ್ನು ಕೈಗೊಂಡು ಜನರಿಗೆ ಅನುಕೂಲ ಕಲ್ಪಿಸಿದ್ದು ಸಮಾಧಾನ ತಂದಿದೆ. ತ್ವರಿತವಾಗಿ ಶಿಫಾರಸು ಮಾಡುತ್ತಿದ್ದೇನೆ. ಹಲವು ಕಾಮಗಾರಿಗಳು ವಿವಿಧ ಹಂತದಲ್ಲಿವೆ’ ಎನ್ನುತ್ತಾರೆ ಬೆನಕೆ.</p>.<p>‘ಮಕ್ಕಳ ಭವಿಷ್ಯ ರೂಪಿಸುವಲ್ಲಿ ಶಿಕ್ಷಣ ಮಹತ್ವದ್ದಾಗಿದೆ. ಹೀಗಾಗಿ, ಆ ಕ್ಷೇತ್ರಕ್ಕೆ ಆದ್ಯತೆ ಕೊಟ್ಟಿದ್ದೇನೆ. ₹ 5 ಲಕ್ಷ ವೆಚ್ಚ ತಗುಲಬಹುದಾದ ಚರಂಡಿ ಮೊದಲಾದ ತುರ್ತು ಕೆಲಸಗಳನ್ನು ಮಾಡಿಸಿದ್ದೇನೆ. ಶಿವಾಜಿನಗರ, ಕಾಮತ್ಗಲ್ಲಿ, ಬಾಪಟ್ ಗಲ್ಲಿ, ತೆಂಗಿನಕಾಯಿ ಗಲ್ಲಿ ಮೊದಲಾದ ಕಡೆಗಳಲ್ಲಿ 11 ಜಿಮ್ಗಳಿಗೆ ಸರಾಸರಿ ₹ 5 ಲಕ್ಷ ಮೌಲ್ಯದ ಪರಿಕರಗಳನ್ನು ಕೊಡಿಸಿದ್ದೇನೆ. ಇದರಿಂದ ಆ ಭಾಗದ ಯುವಕರು ನಿತ್ಯವೂ ಅಭ್ಯಾಸ ಮಾಡುವುದಕ್ಕೆ ಸಹಾಯವಾಗಿದೆ’ ಎಂದು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಚನ್ನಮ್ಮ ಸೊಸೈಟಿ, ರಾಮತೀರ್ಥ ನಗರ ಹಾಗೂ ಹನುಮಾನ್ನಗರ ಟಿ.ವಿ. ಸೆಂಟರ್ನಲ್ಲಿ ಸಮುದಾಯಭವನದ ಬಳಿ ಸಾರ್ವಜನಿಕ ಶೌಚಾಲಯ ನಿರ್ಮಿಸಲಾಗಿದೆ. ಬಾಂದೂರ್ ಗಲ್ಲಿ ಸೇರಿದಂತೆ ಅಲ್ಲಲ್ಲಿ ಕೊಳವೆಬಾವಿ ಕೊರೆಯಿಸಿಕೊಟ್ಟಿದ್ದೇನೆ. ಬಸವನಕುಡಚಿ ಹಾಗೂ ಚವಾಟಗಲ್ಲಿಯಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕ ಅಳವಡಿಸಿಕೊಟ್ಟಿದ್ದೇನೆ’ ಎಂದು ತಿಳಿಸಿದರು.</p>.<p>‘ಪ್ರಸಕ್ತ ಸಾಲಿನಲ್ಲಿ ₹ 50 ಲಕ್ಷ ಮಾತ್ರ ಬಂದಿದೆ. ಒಂದಿಷ್ಟು ಕಾಮಗಾರಿಗಳನ್ನು ಶಿಫಾರಸು ಮಾಡಿದ್ದೇನೆ. ಅನುದಾನ ತ್ವರಿತ ಬಿಡುಗಡೆಗಾಗಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರ ಗಮನಕ್ಕೆ ತಂದಿದ್ದೇವೆ’ ಎಂದು ಹೇಳಿದರು.</p>.<p class="Subhead">ಇಲ್ಲಿಯವರೆಗೆ ಪ್ರತಿ ವರ್ಷ ₹ 1 ಕೋಟಿ ಮಾತ್ರ ಬಂದಿದೆ. ನಿಗದಿತ ₹ 2 ಕೋಟಿ ದೊರೆತರೆ ಜನರಿಗೆ ಅನುಕೂಲವಾಗುವ ಮತ್ತಷ್ಟು ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಳ್ಳಬಹುದಾಗಿದೆ.</p>.<p>– ಅನಿಲ ಬೆನಕೆ, ಶಾಸಕ, ಉತ್ತರ ಮತಕ್ಷೇತ್ರ, ಬೆಳಗಾವಿ</p>.<p class="Subhead">ಪ್ರಗತಿ ಮಾಹಿತಿ</p>.<p>ಸಾಲು;ಬಿಡುಗಡೆಯಾದ ಅನುದಾನ;ಶಿಫಾರಸಾದ ಕಾಮಗಾರಿ;ಮಂಜೂರಾದ ಕಾಮಗಾರಿ;ಮೊತ್ತ;ಪೂರ್ಣ;ಪ್ರಗತಿ</p>.<p>2018–19;₹1 ಕೋಟಿ;70;50;₹ 1.43 ಕೋಟಿ;34;16</p>.<p>2019–20;₹ 1.60 ಕೋಟಿ;25;17;₹ 89.64 ಲಕ್ಷ;08;09</p>.<p>2020–21;₹ 1 ಕೋಟಿ;24;16;₹ 94 ಲಕ್ಷ;05;11</p>.<p>2021–22;₹ 1 ಕೋಟಿ;4;1;₹ 3.80 ಲಕ್ಷ;01;00</p>.<p>(2021–22ರಲ್ಲಿ ಸೆಪ್ಟೆಂಬರ್ವರೆಗೆ. ಮಾಹಿತಿ: ಉಪ ವಿಭಾಗಾಧಿಕಾರಿ ಕಚೇರಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ: </strong>ಇಲ್ಲಿನ ಉತ್ತರ ಮತಕ್ಷೇತ್ರದ ಬಿಜೆಪಿ ಶಾಸಕ, ಇದೇ ಮೊದಲ ಬಾರಿಗೆ ಆಯ್ಕೆಯಾಗಿರುವ ಅನಿಲ ಬೆನಕೆ ಅವರು ಸ್ಥಳೀಯ ಪ್ರದೇಶಾಭಿವೃದ್ಧಿ ಯೋಜನೆಲ್ಲಿ ದೊರೆಯುವ ಅನುದಾನವನ್ನು ಹಲವು ಕಾರ್ಯಗಳಿಗೆ ಬಳಸಿ ಗಮನಸೆಳೆದಿದ್ದಾರೆ.</p>.<p>ದೊಡ್ಡ ದೊಡ್ಡ ಮೊತ್ತದ ಕೆಲಸಗಳ ಬದಲಿಗೆ, ಸಣ್ಣ ಮೊತ್ತ ಬೇಡುವ ಕಾರ್ಯಗಳಿಗೆ ಆದ್ಯತೆ ನೀಡಿದ್ದಾರೆ. ತುರ್ತು ಕಾಮಗಾರಿಗಳಿಗೆ ಒತ್ತು ಕೊಡುವ ಮೂಲಕ ನಿವಾಸಿಗಳ ಮನಸ್ಸು ಗೆಲ್ಲುವುದಕ್ಕೆ ಮುಂದಾಗಿದ್ದಾರೆ.</p>.<p>ಸಂಬಂಧಿಸಿದ ಉಪ ವಿಭಾಗಾಧಿಕಾರಿ ಕಚೇರಿಯಲ್ಲಿ ಪಡೆದಿರುವ ಮಾಹಿತಿ ಪ್ರಕಾರ, 2018-19ಸಾಲಿನಿಂದ 2021–22ರ ಸೆಪ್ಟೆಂಬರ್ವರೆಗೆ ಅವರಿಗೆ ₹ 4.60 ಕೋಟಿ ಅನುದಾನ ಬಂದಿದೆ. ಅದರಲ್ಲಿ ಶೇ 80ರಷ್ಟನ್ನು ಬಳಸಿದ್ದಾರೆ. ಸಾಮಾನ್ಯವಾಗಿ ಶಾಸಕರು ಸಮುದಾಯ ಭವನಗಳು, ದೇವಾಲಯಗಳ ನಿರ್ಮಾಣಕ್ಕೆ ಪ್ರದೇಶಾಭಿವೃದ್ಧಿ ನಿಧಿಯಲ್ಲಿ ಆರ್ಥಿಕ ನೆರವು ಕಲ್ಪಿಸಿದ್ದಾರೆ. ಆದರೆ, ಬೆನಕೆ ಈ ವಿಷಯದಲ್ಲಿ ಭಿನ್ನವಾಗಿದ್ದಾರೆ. ಸಮುದಾಯದ ಇತರ ಕೆಲಸಗಳಿಗೆ ಹಣ ಒದಗಿಸಿದ್ದಾರೆ.</p>.<p class="Subhead"><strong>ಶಾಲೆಗಳಿಗೆ:</strong> ಶಾಲೆಗಳಿಗೆ ಕೊಠಡಿ, ಕಾಂಪೌಂಡ್, ಮೈದಾನ ನಿರ್ಮಾಣ ಹಾಗೂ ಸ್ಮಾರ್ಟ್ ತರಗತಿಗಳನ್ನು ರೂಪಿಸಲು ಅನುದಾನ ಕೊಟ್ಟಿದ್ದಾರೆ. ಅಲ್ಲಲ್ಲಿ ಚರಂಡಿ ನಿರ್ಮಾಣಕ್ಕೆ ನೆರವಾಗಿದ್ದಾರೆ. ಜಿಮ್ಗಳಿಗೆ ಪರಿಕರಗಳನ್ನು ಒದಗಿಸುವ ಮೂಲಕ ಯುವಜನರ ಪ್ರೀತಿಗೆ ಪಾತ್ರವಾಗಲು ಯತ್ನಿಸಿದ್ದಾರೆ. ಶಾಲೆಗಳಿಗೆ ಕ್ರೀಡಾ ಸಾಮಗ್ರಿಗಳನ್ನು ಕೂಡ ಒದಗಿಸಿದ್ದಾರೆ.</p>.<p>ವಂಟಮೂರಿ ಹಾಗೂ ರಾಮತೀರ್ಥನಗರದ ಸರ್ಕಾರಿ ಶಾಲೆಗೆ ಕೊಠಡಿ, ಮೈದಾನ, ಕಾಂಪೌಂಡ್ ನಿರ್ಮಿಸಿಕೊಟ್ಟಿದ್ದಾರೆ. ಸ್ಮಾರ್ಟ್ ತರಗತಿ ಕೊಠಡಿ ರೂಪಿಸಲು ಅನುದಾನ ಕೊಟ್ಟಿದ್ದಾರೆ. ಅಜಂನಗರ, ಕಣಬರ್ಗಿ, ಬಸವನಕುಡಚಿಯಲ್ಲಿ ಕನ್ನಡ, ಮರಾಠಿ ಹಾಗೂ ಉರ್ದು ಮಾಧ್ಯಮ ಶಾಲೆಗಳಿಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡಿದ್ದಾರೆ.</p>.<p>ಕೋವಿಡ್ ಪ್ರಕರಣಗಳು ಹೆಚ್ಚಿದ್ದ ಸಂದರ್ಭದಲ್ಲಿ ಸೋಂಕಿತರ ಚಿಕಿತ್ಸೆಗಾಗಿ ಕೋವಿಡ್ ಆರೈಕೆ ಕೇಂದ್ರಗಳಿಗೆ 15 ಆಮ್ಲಜನಕ ಸಾಂದ್ರಕಗಳನ್ನು ಕೊಡಿಸಿದ್ದಾರೆ.</p>.<p class="Subhead"><strong>ವಿವಿಧ ಹಂತದಲ್ಲಿವೆ:</strong>‘ಸಮುದಾಯ ಭವನಗಳ ನಿರ್ಮಾಣಕ್ಕೆ ಮಹಾನಗರಪಾಲಿಕೆ, ಬುಡಾದಿಂದ ಅನುದಾನ ಬಳಸಿಕೊಳ್ಳಲು ಅವಕಾಶವಿದೆ. ಹೀಗಾಗಿ, ನಾನು ಶಾಸಕರ ನಿಧಿಯನ್ನು ಇತರ ಉದ್ದೇಶಗಳಿಗೆ ಬಳಸುತ್ತಿದ್ದೇನೆ. 2018–19ರಲ್ಲಿ ₹ 1 ಕೋಟಿ ವಾಪಸ್ ಪಡೆಯಲಾಗಿದೆ. ಇದರಿಂದ ಬಹಳ ತೊಂದರೆಯಾಗಿದೆ. ಲಭ್ಯವಾದ ಅನುದಾನದಲ್ಲಿ ಹಲವು ಕಾಮಗಾರಿಗಳನ್ನು ಕೈಗೊಂಡು ಜನರಿಗೆ ಅನುಕೂಲ ಕಲ್ಪಿಸಿದ್ದು ಸಮಾಧಾನ ತಂದಿದೆ. ತ್ವರಿತವಾಗಿ ಶಿಫಾರಸು ಮಾಡುತ್ತಿದ್ದೇನೆ. ಹಲವು ಕಾಮಗಾರಿಗಳು ವಿವಿಧ ಹಂತದಲ್ಲಿವೆ’ ಎನ್ನುತ್ತಾರೆ ಬೆನಕೆ.</p>.<p>‘ಮಕ್ಕಳ ಭವಿಷ್ಯ ರೂಪಿಸುವಲ್ಲಿ ಶಿಕ್ಷಣ ಮಹತ್ವದ್ದಾಗಿದೆ. ಹೀಗಾಗಿ, ಆ ಕ್ಷೇತ್ರಕ್ಕೆ ಆದ್ಯತೆ ಕೊಟ್ಟಿದ್ದೇನೆ. ₹ 5 ಲಕ್ಷ ವೆಚ್ಚ ತಗುಲಬಹುದಾದ ಚರಂಡಿ ಮೊದಲಾದ ತುರ್ತು ಕೆಲಸಗಳನ್ನು ಮಾಡಿಸಿದ್ದೇನೆ. ಶಿವಾಜಿನಗರ, ಕಾಮತ್ಗಲ್ಲಿ, ಬಾಪಟ್ ಗಲ್ಲಿ, ತೆಂಗಿನಕಾಯಿ ಗಲ್ಲಿ ಮೊದಲಾದ ಕಡೆಗಳಲ್ಲಿ 11 ಜಿಮ್ಗಳಿಗೆ ಸರಾಸರಿ ₹ 5 ಲಕ್ಷ ಮೌಲ್ಯದ ಪರಿಕರಗಳನ್ನು ಕೊಡಿಸಿದ್ದೇನೆ. ಇದರಿಂದ ಆ ಭಾಗದ ಯುವಕರು ನಿತ್ಯವೂ ಅಭ್ಯಾಸ ಮಾಡುವುದಕ್ಕೆ ಸಹಾಯವಾಗಿದೆ’ ಎಂದು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಚನ್ನಮ್ಮ ಸೊಸೈಟಿ, ರಾಮತೀರ್ಥ ನಗರ ಹಾಗೂ ಹನುಮಾನ್ನಗರ ಟಿ.ವಿ. ಸೆಂಟರ್ನಲ್ಲಿ ಸಮುದಾಯಭವನದ ಬಳಿ ಸಾರ್ವಜನಿಕ ಶೌಚಾಲಯ ನಿರ್ಮಿಸಲಾಗಿದೆ. ಬಾಂದೂರ್ ಗಲ್ಲಿ ಸೇರಿದಂತೆ ಅಲ್ಲಲ್ಲಿ ಕೊಳವೆಬಾವಿ ಕೊರೆಯಿಸಿಕೊಟ್ಟಿದ್ದೇನೆ. ಬಸವನಕುಡಚಿ ಹಾಗೂ ಚವಾಟಗಲ್ಲಿಯಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕ ಅಳವಡಿಸಿಕೊಟ್ಟಿದ್ದೇನೆ’ ಎಂದು ತಿಳಿಸಿದರು.</p>.<p>‘ಪ್ರಸಕ್ತ ಸಾಲಿನಲ್ಲಿ ₹ 50 ಲಕ್ಷ ಮಾತ್ರ ಬಂದಿದೆ. ಒಂದಿಷ್ಟು ಕಾಮಗಾರಿಗಳನ್ನು ಶಿಫಾರಸು ಮಾಡಿದ್ದೇನೆ. ಅನುದಾನ ತ್ವರಿತ ಬಿಡುಗಡೆಗಾಗಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರ ಗಮನಕ್ಕೆ ತಂದಿದ್ದೇವೆ’ ಎಂದು ಹೇಳಿದರು.</p>.<p class="Subhead">ಇಲ್ಲಿಯವರೆಗೆ ಪ್ರತಿ ವರ್ಷ ₹ 1 ಕೋಟಿ ಮಾತ್ರ ಬಂದಿದೆ. ನಿಗದಿತ ₹ 2 ಕೋಟಿ ದೊರೆತರೆ ಜನರಿಗೆ ಅನುಕೂಲವಾಗುವ ಮತ್ತಷ್ಟು ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಳ್ಳಬಹುದಾಗಿದೆ.</p>.<p>– ಅನಿಲ ಬೆನಕೆ, ಶಾಸಕ, ಉತ್ತರ ಮತಕ್ಷೇತ್ರ, ಬೆಳಗಾವಿ</p>.<p class="Subhead">ಪ್ರಗತಿ ಮಾಹಿತಿ</p>.<p>ಸಾಲು;ಬಿಡುಗಡೆಯಾದ ಅನುದಾನ;ಶಿಫಾರಸಾದ ಕಾಮಗಾರಿ;ಮಂಜೂರಾದ ಕಾಮಗಾರಿ;ಮೊತ್ತ;ಪೂರ್ಣ;ಪ್ರಗತಿ</p>.<p>2018–19;₹1 ಕೋಟಿ;70;50;₹ 1.43 ಕೋಟಿ;34;16</p>.<p>2019–20;₹ 1.60 ಕೋಟಿ;25;17;₹ 89.64 ಲಕ್ಷ;08;09</p>.<p>2020–21;₹ 1 ಕೋಟಿ;24;16;₹ 94 ಲಕ್ಷ;05;11</p>.<p>2021–22;₹ 1 ಕೋಟಿ;4;1;₹ 3.80 ಲಕ್ಷ;01;00</p>.<p>(2021–22ರಲ್ಲಿ ಸೆಪ್ಟೆಂಬರ್ವರೆಗೆ. ಮಾಹಿತಿ: ಉಪ ವಿಭಾಗಾಧಿಕಾರಿ ಕಚೇರಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
