ಬೆಳಗಾವಿ: ಚೌಕಾಶಿ ಪ್ರಯಾಣಕ್ಕೆ ಬೀಳುವುದೇ ಬ್ರೇಕ್‌?

ಬೆಳಗಾವಿ ನಗರ ಕೇಂದ್ರ ಸ್ಥಾನದಿಂದ 7 ಕಿ.ಮೀ ದೂರದಷ್ಟು ವ್ಯಾಪಿಸಿದೆ. ಈಗಾಗಲೇ 10274ಕ್ಕೂ ಹೆಚ್ಚು ಆಟೊಗಳು ಇವೆ. ಇದರಲ್ಲಿ 7893 ಆಟೊಗಳಿಗೆ ಮಾತ್ರ ಪರ್ಮಿಟ್‌ ಇವೆ. ನಗರದ ವ್ಯಾಪ್ತಿ ಗಮನಿಸಿದರೆ ಆಟೊಗಳ ಸಂಖ್ಯೆ ಅತಿ ಹೆಚ್ಚಾಯಿತು. ಈಗಲೂ ಪ್ರತಿದಿನ 10 ಆಟೊಗಳಿಗೆ ಅನುಮತಿ ನೀಡಲಾಗುತ್ತಿದೆ. ಇದರಿಂದ ಪ್ರಯಾಣಿಕರಿಗಾಗಿ ಇಡೀ ದಿನ ಕಾಯಬೇಕಾಗಿದೆ ಎಂಬುದು ಆಟೊ ಚಾಲಕರ ಗೋಳು. ಎಲ್ಲೆಡೆ ನಗರ ಸಾರಿಗೆ ಬಸ್‌ ಉಚಿತವಾಗಿ ಸಂಚರಿಸುತ್ತಿವೆ. ಆಟೊಗಳಲ್ಲಿ ಪ್ರಯಾಣಿಸುವವರ ಸಂಖ್ಯೆ ಕಡಿಮೆಯಾಗಿದೆ. ರಾತ್ರಿ ಒಂದೂವರೆಯಷ್ಟು ದರ ಪಡೆಯಬೇಕು ಎಂಬ ನಿಯಮವೇ ಇದೆ. ಆದರೂ ಜನ ವಿರೋಧಿಸುತ್ತಾರೆ ಎಂಬುದು ಅವರ ಚಿಂತೆ.