ಅಂಬರದಿಂದ ಚದುರಿದ ಲೋಹದ ಹಕ್ಕಿಗಳು

ಬೆಂಗಳೂರು: ಅಂಬರದಲ್ಲಿ ಅಬ್ಬರಿಸಿದ ಯುದ್ಧ ವಿಮಾನಗಳು ತಮ್ಮ ಆರ್ಭಟ ನಿಲ್ಲಿಸಿವೆ. ರಂಗಿನಾಟಗಳ ಮೂಲದ ರಂಜನೆ ನೀಡಿದ ಹೆಲಿಕಾಪ್ಟರ್ಗಳು ತಮ್ಮ ಚಮತ್ಕಾರಿ ಆಟಗಳಿಂದ ವಿರಮಿಸಿವೆ.ಲೋಹದ ಹಕ್ಕಿಗಳು ಹಾರಾಟ ನಿಲ್ಲಿಸುತ್ತಿದ್ದಂತೆಯೇ ಯಲಹಂಕ ವಾಯುನೆಲೆಯ ಗಗನ ಕಿವಿಡಗಚಿಕ್ಕುವ ಶಬ್ದಗಳಿಂದ ಮುಕ್ತವಾಗಿದೆ.

. ಮೂರು ದಿನಗಳ ಕಾಲ ರೋಮಾಂಚನಕಾರಿ ಅನುಭವಗಳನ್ನು ಕಟ್ಟಿಕೊಟ್ಟ ‘ಏರೊ ಇಂಡಿಯಾ 2021’ ವೈಮಾನಿಕ ಪ್ರದರ್ಶನ ಶುಕ್ರವಾರ ಸಂಪನ್ನಗೊಂಡಿತು.

. ಏಷ್ಯಾದ ಅತಿ ದೊಡ್ಡ ವೈಮಾನಿಕ ಪ್ರದರ್ಶನದಲ್ಲಿ ಈ ಬಾರಿ ವಿದೇಶಿ ವಿಮಾನಗಳ ಆಕರ್ಷಣೆಗಳು ಇರಲಿಲ್ಲ. ಆದರೂ, ಭಾರತೀಯ ವಾಯುಸೇನೆಯ ತೇಜಸ್, ರಫೆಲ್ ಹಾಗೂ ಸುಖೋಯ್–30 ಯುದ್ಧವಿಮಾನಗಳು ಪ್ರದರ್ಶಿಸಿದ ಮೈನವಿರೇಳಿಸುವ ಕಸರತ್ತುಗಳು, ಸಾರಂಗ ಹಾಗೂ ಸೂರ್ಯಕಿರಣ ತಂಡಗಳ ಜುಗಲ್ಬಂದಿ ಈ ಕೊರತೆ ಎದ್ದು ಕಾಣದಂತೆ ಮಾಡಿದವು. ಕೋವಿಡ್ ಹರಡುತ್ತಿರುವ ಸಂದರ್ಭದಲ್ಲೂ ನೀಲಾಗಸದಲ್ಲಿ ಉಕ್ಕಿನ ಹಕ್ಕಿಗಳು ಸೃಷ್ಟಿಸುವ ಮಾಯಾಲೋಕವನ್ನು ಕಣ್ತುಂಬಿಕೊಳ್ಳಲು ಬಂದವರು ಸ್ಮರಣೀಯ ಅನುಭವಗಳೊಂದಿಗೆ ಮರಳಿದರು.

. ಕೊನೆಯ ದಿನದ ಪ್ರದರ್ಶನದಲ್ಲಿ ರಾಷ್ಟ್ರಪತಿಗಳ ಉಪಸ್ಥಿತಿ ಪೈಲಟ್ಗಳಲ್ಲಿ ಹೊಸ ಹುರುಪು ಮೂಡಿಸಿತ್ತು. ಶುಕ್ರವಾರ ಸಮಾರೋಪ ಸಮಾರಂಭದಲ್ಲಿ ಪ್ರದರ್ಶನಗೊಂಡ ಒಂದೊಂದು ವಿನ್ಯಾಸಗಳೂ ಒಂದಕ್ಕಿಂತ ಒಂದು ಮಿಗಿಲಾಗಿದ್ದವು. ಲಘು ಯುದ್ಧ ಹೆಲಿಕಾಪ್ಟರ್ (ಎಲ್ಸಿಎಚ್) ರಾಷ್ಟ್ರಪತಿಗಳ ಎದುರು ಮೂತಿ ಕಳೆಗೆ ಮಾಡಿ ಬಾಲ ಎತ್ತಿ ನಮಿಸಿತು.

. ಕೊನೆಯ ದಿನವೂ ಮನಗೆದ್ದಿದ್ದು ಮಾತ್ರ ಸೂರ್ಯಕಿರಣ ಹಾಗೂ ಸಾರಂಗ ತಂಡಗಳ ಜೊತೆಯಾಟ. ಸೂರ್ಯಕಿರಣ ತಂಡ ನಭದಲ್ಲಿ ವಜ್ರದಾಕೃತಿ ಮೂಡಿಸುತ್ತಾ ಮಿಂಚಿನ ವೇಗದಲ್ಲಿ ಸಂಚರಿಸುತ್ತಿದ್ದಂತೆಯೇ ಸಾರಂಗ ತಂಡದ ಹೆಲಿಕಾಪ್ಟರ್ಗಳು ಡಾಲ್ಫಿನ್ ಜಿಗಿತದ ಮೂಲಕ ಮನಮುದಗೊಳಿಸಿದವು. ಸೂರ್ಯಕಿರಣ ತಂಡ, ತೇಜಸ್, ಸುಖೋಯ್ ವಿಮಾನಗಳ ವಿನ್ಯಾಸ ಮೋಹಕವಾಗಿ ಮೂಡಿಬಂತು. ಒಟ್ಟಾಗಿ ಸಾಗಿಬಂದು ಒಮ್ಮೆಲೆ ಚದುರುವ ಮೂಲಕ ‘ಬಾಂಬ್ ಸ್ಫೋಟ’ದ ಅನುಭವವನ್ನು ಕಟ್ಟಿಕೊಟ್ಟವು.

. ರಫೆಲ್, ತೇಜಸ್ ಹಾಗೂ ಸುಖೋಯ್ –30 ವಿಮಾನಗಳು ಕಿವಿಗಡಚಿಕ್ಕುವ ಸದ್ದು ಮೊಳಗಿಸುತ್ತಾ ಗಗನದಲ್ಲಿ ಕೋಲಾಹಲ ಸೃಷ್ಟಿಸಿದ ರೀತಿ ಪ್ರೇಕ್ಷಕರ ಎದೆಯಲ್ಲಿ ಕಂಪನ ಸೃಷ್ಟಿಸಿತು.

. ಈ ಬಾರಿಯ ವಿಶೇಷ ಆಕರ್ಷಣೆಯಾದ ‘ಆತ್ಮನಿರ್ಭರ್’ ವಿನ್ಯಾಸ ರಕ್ಷಣಾ ಕ್ಷೇತ್ರದಲ್ಲಿ ಭಾರತದ ಸಾಧನೆಯನ್ನು ವಿದೇಶಿ ಪ್ರವಾಸಿಗರೆದುರು ತೆರೆದಿಟ್ಟಿತು. ಅಮೆರಿಕದ ಬಿ–1ಬಿ ಬಾಂಬರ್ ಕೊನೆಯ ದಿನವೂ ಹಾರಾಟ ನಡೆಸಿತು.

. ನವೋದ್ಯಮಗಳಿಗೆ ಉತ್ತೇಜನ ನೀಡುವ ‘ಸ್ಟಾರ್ಟ್ ಅಪ್ ಮಂಥನ, ಪರಸ್ಪರ ಒಪ್ಪಂದಗಳ ಮೂಲಕ ಸಂಬಂಧ ಬೆಸೆಯುವ ‘ಬಂಧನ್’ ಕಾರ್ಯಕ್ರಮಗಳು ಈ ಬಾರಿಯ ಪ್ರದರ್ಶನಕ್ಕೆ ಹೊಸ ಆಯಾಮ ನೀಡಿದವು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಂಬರದಿಂದ ಚದುರಿದ ಲೋಹದ ಹಕ್ಕಿಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ