2022ರ ಬಳಿಕ ಇ–ಬಸ್‌ ಮಾತ್ರ ಖರೀದಿ

ಬೆಂಗಳೂರು: ‘ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು (ಬಿಎಂಟಿಸಿ) 2022ರ ಬಳಿಕ ಎಲೆಕ್ಟ್ರಿಕ್ ಬಸ್ಗಳನ್ನು ಮಾತ್ರ ಖರೀದಿ ಮಾಡಲಿದೆ. 2030ರ ವೇಳೆಗೆ ಹಸಿರು ಇಂಧನ ಬಳಸುವ ಬಸ್ಗಳನ್ನು ಮಾತ್ರ ಹೊಂದಲಿದೆ’ ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕಿ ಸಿ.ಶಿಖಾ ತಿಳಿಸಿದರು.

. ‘ಬೆಂಗಳೂರು ನಗರದಲ್ಲಿ ಸುಸ್ಥಿರ ಸಂಚಾರ’ ಕುರಿತು ಬಿ–ಪ್ಯಾಕ್ ವತಿಯಿಂದ ಸೋಮವಾರ ಏರ್ಪಡಿಸಿದ್ದ ಸಂವಾದದಲ್ಲಿ ಅವರು ಮಾತನಾಡಿದರು.

. ‘2030ರ ವೇಳೆಗೆ 15 ಸಾವಿರ ಬಸ್ಗಳನ್ನು ಹೊಂದುವ ಗುರಿ ಇದೆ. ಈಗಾಗಲೇ ಸಂಸ್ಥೆಯು 10 ಸಾವಿರ ಬಸ್ಗಳನ್ನು ಹೊಂದಿರಬೇಕಿತ್ತು. ಆದರೆ, ಕಾರಣಾಂತರಗಳಿಂದ ಇದು ಸಾಧ್ಯವಾಗಿಲ್ಲ. ಪ್ರತಿ ಎಲೆಕ್ಟ್ರಿಕ್ ಬಸ್ ಖರೀದಿಗೆ ₹2 ಕೋಟಿ ಬೇಕು. ಸರ್ಕಾರ ಆರ್ಥಿಕ ನೆರವು ನೀಡದ ಹೊರತು ಇವುಗಳ ಖರೀದಿ ಸಾಧ್ಯವಿಲ್ಲ’ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

. ಬಿಎಂಟಿಸಿಯ ಮುಖ್ಯ ಮೆಕ್ಯಾನಿಕಲ್ ಎಂಜಿನಿಯರ್ ಎಂ.ಎನ್.ಶ್ರೀನಿವಾಸ್, ‘ಈ ಆರ್ಥಿಕ ವರ್ಷದಲ್ಲಿ ನಿರ್ವಹಣಾ ವೆಚ್ಚ (ಅಪೆಕ್ಸ್) ಮಾದರಿಯಲ್ಲಿ 12 ಮೀ ಉದ್ದದ 300 ಎಲೆಕ್ಟ್ರಿಕ್ ಬಸ್ಗಳ ಖರೀದಿಯ ಟೆಂಡರ್ ಪ್ರಕ್ರಿಯೆ ಕೊನೆಯ ಹಂತದ ತಲುಪಿದೆ. ಒಲೆಕ್ಟ್ರಾ ಕಂಪನಿ ಈ ಬಸ್ಗಳನ್ನು ಪೂರೈಸಲಿದ್ದು, ದರ ಸಂಧಾನ ನಡೆಯುತ್ತಿದೆ. ಪ್ರತಿ ಬಸ್ಗೆ ಕೇಂದ್ರ ಸರ್ಕಾರ ₹ 55 ಲಕ್ಷ ಸಬ್ಸಿಡಿ ನೀಡಲಿದೆ’ ಎಂದರು.

. ‘ಎಲೆಕ್ಟ್ರಿಕ್ ಬಸ್ಗಳುನಿತ್ಯ ಹೆಚ್ಚು ದೂರ ಸಂಚರಿಸಿದಷ್ಟೂ ಅವುಗಳ ನಿರ್ವಹಣೆ ವೆಚ್ಚ ಕಡಿಮೆಯಾಗಲಿದೆ. ನಿತ್ಯ ಸರಾಸರಿ 200 ಕಿ.ಮೀ.ಗಿಂತಲೂ ಹೆಚ್ಚು ದೂರ ಪ್ರಯಾಣಿಸಿದರೆ ಮಾತ್ರ ಅವು ಲಾಭ ತರಬಲ್ಲವು. ಅವುಗಳನ್ನು ವಿಮಾನ ನಿಲ್ದಾಣ ಸಂಪರ್ಕ ಸಾರಿಗೆಗೆ ಬಳಸಲಿದ್ದೇವೆ’ ಎಂದು ಮಾಹಿತಿ ನೀಡಿದರು.

. ‘ನಮ್ಮ ಮೆಟ್ರೊ ಸಂಪರ್ಕ ಸಾರಿಗೆ ಸಲುವಾಗಿ 90 ಎಲೆಕ್ಟ್ರಿಕ್ ಬಸ್ ಖರೀದಿಗೆ 15 ದಿನಗಳಲ್ಲಿ ಟೆಂಡರ್ ಕರೆಯಲಿದ್ದೇವೆ. ಈ ಬಸ್ಗಳಿಗೆ ಕೇಂದ್ರ ಸರ್ಕಾರ ₹ 50 ಲಕ್ಷ ಸಬ್ಸಿಡಿ ನೀಡಲಿದೆ’ ಎಂದರು.

. ಬಾಷ್ ಸಂಸ್ಥೆಯ ನಗರ ಸಂಚಾರ ವಿಭಾಗದ ಮುಖ್ಯಸ್ಥ ಪವನ್, ‘ಈಗಿನ ಬಸ್ಗಳಿಗೆ ಹೋಲಿಸಿದರೆ ಬಿಎಸ್–6 ಮಾದರಿಯ ಬಸ್ಗಳಿಂದ ಮಾಲಿನ್ಯ ಪ್ರಮಾಣ ಶೇ 80ರಷ್ಟು ಕಡಿಮೆಯಾಗಲಿದೆ. ದುಬಾರಿ ಎಲೆಕ್ಟ್ರಿಕ್ ಬಸ್ಗಳಿಗೆ ಹೂಡಿಕೆ ಮಾಡುವ ಬದಲು ಬಿಎಸ್–6 ಬಸ್ ಖರೀದಿಸುವುದು ಜಾಣ ನಡೆ’ ಎಂದರು.

. ಲಿಥಿಯಂ ಸಂಸ್ಥೆಯ ಸಂಸ್ಥಾಪಕ ಸಂಜಯ್ ಕೃಷ್ಣನ್, ‘ಹಸಿರು ಇಂಧನ ಎಂಬ ಕಾರಣಕ್ಕೆ ಎಲೆಕ್ಟ್ರಿಕ್ ವಾಹನ ಖರೀದಿಗೆ ಯಾರೂ ಮುಂದೆ ಬರುವುದಿಲ್ಲ. ಅದು ಮಿತವ್ಯಯಕಾರಿ ಎಂಬುದನ್ನು ಮನದಟ್ಟಾದರೆ ಜನ ಖರೀದಿಸುತ್ತಾರೆ’ ಎಂದರು.

. ಚಾರ್ಜಿಂಗ್ ಕೇಂದ್ರ ಶೀಘ್ರ ಆರಂಭ’ ‘ನಗರದ 126 ಕಡೆ ಎಲೆಕ್ಟ್ರಿಕ್ ವಾಹನಗಳ ಚಾರ್ಜಿಂಗ್ ಹೊಸ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ. ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ವಿದೇಶ ಪ್ರವಾಸದಿಂದ ಮರಳಿದ ಬಳಿಕ ಇವುಗಳನ್ನು ಲೋಕಾರ್ಪಣೆಗೊಳಿಸಲಿದ್ದಾರೆ’ ಎಂದು ಬೆಸ್ಕಾಂ ಉಪಪ್ರಧಾನ ವ್ಯವಸ್ಥಾಪಕ ಶ್ರೀನಾಥ್ ತಿಳಿಸಿದರು.

. ‘ಈ ಪೈಕಿ ದ್ವಿಚಕ್ರ ವಾಹನಗಳನ್ನು ಚಾರ್ಜ್ ಮಾಡಲು ಬಳಸುವ 26 ಡಿಸಿ ಚಾರ್ಜಿಂಗ್ ಕೇಂದ್ರಗಳು ಹಾಗೂ ಕಾರುಗಳ ಚಾರ್ಜಿಂಗ್ಗೆ ನೆರವಾಗುವ 100 ಎಸಿ ಚಾರ್ಜಿಂಗ್ ಕೇಂದ್ರಗಳು ಸೇವೆಗೆ ಲಭ್ಯವಾಗಲಿವೆ’ ಎಂದರು.

. ಬಿಎಸ್– 4 ಮಾದರಿ 357 ಬಸ್ ಖರೀದಿ ‘ಏಪ್ರಿಲ್ ಬಳಿಕ ಬಿಎಸ್–4 ಮಾದರಿಯ ಬಸ್ ಖರೀದಿಗೆ ಅವಕಾಶ ಇಲ್ಲ. ಅಲ್ಲಿವರೆಗೆ ಬಿಎಸ್–4 ಮಾದರಿಯ 357 ಬಸ್ ಖರೀದಿಗೆ ಹಸಿರು ನ್ಯಾಯಮಂಡಳಿ ಅನುಮತಿ ನೀಡಿದೆ’ ಎಂದು ಶ್ರೀನಿವಾಸ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

2022ರ ಬಳಿಕ ಇ–ಬಸ್‌ ಮಾತ್ರ ಖರೀದಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು