<p><strong>ಬೆಂಗಳೂರು:</strong> ರಜೆ ದಿನಗಳು ಬಂದರೆ ಸಾಕು ಪುಟಾಣಿಗಳೆಲ್ಲಹೆಜ್ಜೆ ಹಾಕುವುದು ಕಬ್ಬನ್ ಉದ್ಯಾನದಲ್ಲಿರುವ ಬಾಲಭವನದತ್ತ. ಪುಟಾಣಿ ರೈಲು ಇಲ್ಲಿನಕೇಂದ್ರಬಿಂದು. ಆದರೆ, ಸದ್ಯ ರೈಲು ಚುಕುಬುಕು ಎನ್ನದೆ ಸ್ಥಗಿತಗೊಂಡಿದೆ.</p>.<p>ಪುಟ್ಟ ರೈಲಿನ ಹಳಿಗಳು ತುಕ್ಕು ಹಿಡಿದು ತುಂಬಾ ದಿನಗಳಾಗಿದ್ದವು. ಹಾಗಾಗಿ, ಹಳಿ, ಸೇತುವೆಗಳ ದುರಸ್ತಿ ಕಾಮಗಾರಿಗಳು ನಡೆಯುತ್ತಿರುವುದರಿಂದ ರೈಲು ಚಾಲನೆಯಲ್ಲಿ ಇಲ್ಲ. ಬಾಲಭವನದ ಪ್ರವೇಶ ದ್ವಾರದ ಬಳಿ ‘ಪುಟಾಣಿ ರೈಲು, ಹಳಿ ನಿರ್ವಹಣೆಯ ಕಾಮಗಾರಿಯಿಂದಾಗಿ ಚಾಲನೆಯಲ್ಲಿಲ್ಲ’ ಎಂಬ ಸೂಚನಾ ಫಲಕವನ್ನು ಹಾಕಲಾಗಿದೆ.</p>.<p>‘ರೈಲು ಹಳಿ,ಹಳಿಯ ಸಿ–ಬೆಂಡ್, ಮೂಲೆಗಳ ದುರಸ್ತಿ, ಸೇತುವೆಬಳಿಯ 20 ವುಡನ್ ಸ್ಲಿಪರ್ಸ್ಗಳ ಬದಲಿ ಜೋಡಣೆ, ಸೇತುವೆ ಸುತ್ತಮುತ್ತಲಿನ ಜಾಗದಲ್ಲಿ ದುರಸ್ತಿ ಕಾಮಗಾರಿಗಳು ನಡೆಯುತ್ತಿವೆ’ ಎಂದು ಬಾಲಭವನ ಸೊಸೈಟಿಯ ಕಾರ್ಯದರ್ಶಿ ರತ್ನಾ ಬಿ.ಕಲಮದಾನಿ ತಿಳಿಸಿದರು.</p>.<p>‘ಮಕ್ಕಳ ಸುರಕ್ಷತೆಯ ದೃಷ್ಟಿಯಿಂದ ರೈಲು ಹಳಿಗಳ ದುರಸ್ತಿ ಕಾರ್ಯ ಮಾಡಿಕೊಡಬೇಕೆಂದು ರೈಲ್ವೆ ಇಲಾಖೆಗೆ ಕಳೆದ ವರ್ಷ ಪತ್ರ ಬರೆಯಲಾಗಿತ್ತು. ಇದಕ್ಕೆ ಸ್ಪಂದಿಸಿದ ಇಲಾಖೆ ಅಧಿಕಾರಿಗಳು ಬಾಲಭವನಕ್ಕೆ ಭೇಟಿ ನೀಡಿ, ಪರಿಶೀಲಿಸಿದ್ದರು. ಅದರ ಮುಂದುವರಿದ ಭಾಗವಾಗಿ ಈ ದುರಸ್ತಿ ಕಾರ್ಯ ನಡೆಯುತ್ತಿದೆ’ ಎಂದು ಹೇಳಿದರು.</p>.<p><strong>ಪಾಲಕರಿಗೂ ನಿರಾಸೆ:</strong> ‘ನಮ್ಮ ಸಂಬಂಧಿಕರೊಬ್ಬರ ಮದುವೆ ಮುಗಿಸಿ ಕೊಂಡು ಮಕ್ಕಳನ್ನುನೇರವಾಗಿ ಬಾಲಭವನಕ್ಕೆ ಕರೆದುಕೊಂಡು ಬಂದೆವು. ಮಕ್ಕಳನ್ನು ತುಸು ಹೊತ್ತು ಇಲ್ಲೇ ಆಟವಾಡಿಸಿಕೊಂಡು ಹೋಗೋಣವೆಂದು ಬಂದಿದ್ದೆವು. ಆದರೆ, ಮಕ್ಕಳನ್ನು ರೈಲಿನಲ್ಲಿ ಕೂಡಿಸಿ, ಆಟವಾಡಿಸಿಲು ಸಾಧ್ಯ ವಾಗಲಿಲ್ಲ’ ಎಂದು ಕೆ.ಆರ್.ಪುರದ ತೆಲ್ಮಾ ಹೇಳಿದರು.</p>.<p>‘ರೈಲು ಆಟವಾಡೋಣವೆಂದುನಾವು ಇಲ್ಲಿಗೆ ಬಂದಿದ್ದೇವೆ. ಆದರೆ, ರೈಲು ಓಡುತ್ತಿಲ್ಲ ಎಂದು ಸೆಕ್ಯೂರಿಟಿ ಅಂಕಲ್ ಹೇಳಿದಾಗ ತುಂಬಾ ನಿರಾಸೆಯಾಯ್ತು’ ಎಂದು ತೆಲ್ಮಾ ಅವರ ಮಕ್ಕಳು ಬೇಸರ ವ್ಯಕ್ತಪಡಿಸಿದರು.</p>.<p><strong>ರೈಲು ಹಳಿಗಳ ಸುತ್ತ ಕಸವೋ ಕಸ:</strong>ಬಾಲಭವನ ಆವರಣದ ಸಭಾಂಗಣದ ಹಿಂಭಾಗದ ಸ್ಥಿತಿಯಂತೂ ಹೇಳತೀರದು. ಪುಟಾಣಿ ರೈಲು ಓಡಾಡುವ ಪಕ್ಕದ ಜಾಗದಲ್ಲೆಲ್ಲ ಕಸದ ರಾಶಿಯೇ ರಾರಾಜಿಸುತ್ತಿದೆ.</p>.<p><strong>ಕಾರಂಜಿಯಲ್ಲಿ ಹೂಳು:</strong> ಆವರಣದಲ್ಲಿರುವ ಸಭಾಂಗಣದ ಎದುರಿನಪುಟ್ಟ ಕಾರಂಜಿ ಜಾಗದ ಸುತ್ತಮುತ್ತಲೆಲ್ಲ ಸುಮಾರು ದಿನಗಳಿಂದ ಪಾಚಿ ಕಟ್ಟಿಕೊಂಡಿದೆ. ಕಾರಂಜಿ ಚಾಲನೆಯಲ್ಲಿ ಇದೆಯೋ, ಇಲ್ಲವೊ ಎಂದು ಪ್ರಶ್ನೆ ಹುಟ್ಟುವ ಮಟ್ಟಿಗೆ ಕೊಳಚೆ ಆವರಿಸಿಕೊಂಡಿದೆ.</p>.<p>ಈ ಬಗ್ಗೆ ಅಲ್ಲಿನ ಸಿಬ್ಬಂದಿಯನ್ನು ಪ್ರಶ್ನಿಸಿದರೆ, ‘ಮೊನ್ನೆಯಷ್ಟೇ ಶುಚಿ ಮಾಡಿದ್ದೇವೆ. ಈಗ ಮತ್ತೆ ಶುಚಿ ಮಾಡಬೇಕು’ ಎಂದು ಪ್ರತಿಕ್ರಿಯಿಸಿದರು.</p>.<p class="Subhead">**</p>.<p class="Subhead"><strong>‘ಕೊಳದಲ್ಲಿ ತುಂಬಿದ ಹೂಳು, ದೋಣಿ ವಿಹಾರ ಸ್ಥಗಿತ’</strong></p>.<p>ಬಾಲಭವನ ಆವರಣದಲ್ಲಿರುವ ಕೊಳದಲ್ಲಿ ಸುಮಾರು ವರ್ಷಗಳಿಂದ ಹೂಳು ತುಂಬಿಕೊಂಡಿದ್ದರೂ ಹೂಳೆತ್ತಲು ಬಾಲಭವನ ಸೊಸೈಟಿ ಕ್ರಮ ಕೈಗೊಂಡಿಲ್ಲ.</p>.<p>ಕೊಳದ ಆಳದಲ್ಲಿ ಕಳೆ ಗಿಡಗಳು ಬೆಳೆದಿದ್ದು, ಸುತ್ತಮುತ್ತ ಪಾಚಿ ಆವರಿಸಿಕೊಂಡಿದ್ದರಿಂದ ಅಲ್ಲಿನ ಎರಡು ದೋಣಿಗಳು ಕಾರ್ಯನಿರ್ವಹಿಸಲಾಗದೆ ಮೂಲೆಯಲ್ಲಿ ನಿಂತಿವೆ.</p>.<p><strong>ತೆರವಾಗದಬಿದಿರಿನ ಮೆಳೆ:</strong> ‘ಕೊಳದ ಸುತ್ತಮುತ್ತಲಲ್ಲಿ ಹಾಗೂ ಆವರಣದಲ್ಲಿ ಬಹುತೇಕ ಬಿದಿರಿನ ಮೆಳೆಗಳು ಒಣಗಿ ನಿಂತಿವೆ. ಕೆಲವು ಬೀಳುವ ಸ್ಥಿತಿಯಲ್ಲಿವೆ. ಮಕ್ಕಳು ಆಡುವಾಗ ಬಿದ್ದರೆ ಏನು ಗತಿ’ ಎಂದು ಪ್ರವಾಸಿಗರೊಬ್ಬರು ಆತಂಕ ವ್ಯಕ್ತಪಡಿಸಿದರು.</p>.<p>‘ಮಕ್ಕಳ ಹಬ್ಬದ ಸಮಯದಲ್ಲಿ ದೋಣಿ ವಿಹಾರಕ್ಕೆ ಅವಕಾಶ ನೀಡಲಾಗಿತ್ತು. ಆದರೆ, ಇದೀಗ ಕೊಳದಲ್ಲಿ ಹೂಳು ಯಥೇಚ್ಛವಾಗಿ ತುಂಬಿಕೊಂಡಿದ್ದರಿಂದ ಬೋಟಿಂಗ್ ಮಾಡಲು ಸಾಧ್ಯವಾಗುತ್ತಿಲ್ಲ.ಶೀಘ್ರವೇ ಹೂಳೆತ್ತಲು ಕ್ರಮಕೈಗೊಳ್ಳಲಾಗುವುದು’ ಎಂದು ರತ್ನಾ ತಿಳಿಸಿದರು.</p>.<p>‘ಹಬ್ಬದ ಸಮಯದಲ್ಲಿ ಅಗತ್ಯವಿದ್ದಲ್ಲಿ ಮಾತ್ರ ಬಿದಿರುಗಳನ್ನು ಕರ್ನಾಟಕ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ನಿಗಮದ (ಕೆಆರ್ಐಡಿಎಲ್) ವತಿಯಿಂದ ತೆರವು ಮಾಡಲಾಗಿತ್ತು. ಇನ್ನುಳಿದವುಗಳನ್ನು ತೆರವು ಮಾಡಲು ಟೆಂಡರ್ ಕರೆಯುವ ಯೋಜನೆ ಇದೆ’ ಎಂದು ಹೇಳಿದರು.</p>.<p>**</p>.<p><strong>ಅಂಕಿಅಂಶ</strong></p>.<p><strong>11 ಎಕರೆ:</strong>ಬಾಲ ಭವನದ ಒಟ್ಟು ವಿಸ್ತೀರ್ಣ</p>.<p><strong>1.2 ಕಿ.ಮೀ:</strong>ರೈಲು ಹಳಿಯ ಉದ್ದ</p>.<p><strong>₹5:</strong>ರೈಲಿನಲ್ಲಿ ಪ್ರಯಾಣಿಸಲು ಮಕ್ಕಳಿಗೆ ಟಿಕೆಟ್ ದರ</p>.<p><strong>₹10:</strong>6 ವರ್ಷ ಮೇಲ್ಪಟ್ಟವರಿಗೆ ಪ್ರವೇಶ ಶುಲ್ಕ</p>.<p><strong>₹20:</strong>ರೈಲಿನಲ್ಲಿ ಪ್ರಯಾಣಿಸಲು ವಯಸ್ಕರಿಗೆ ಟಿಕೆಟ್ ದರ</p>.<p>**</p>.<p>ಇನ್ನೂ 15 ದಿನಗಳೊಳಗಾಗಿ ರೈಲು ಹಳಿಗಳ ನಿರ್ವಹಣೆ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ರೈಲ್ವೆ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p><em><strong>-ರತ್ನಾ ಬಿ.ಕಲಮದಾನಿ, ಕಾರ್ಯದರ್ಶಿ, ಬಾಲಭವನ ಸೊಸೈಟಿ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ರಜೆ ದಿನಗಳು ಬಂದರೆ ಸಾಕು ಪುಟಾಣಿಗಳೆಲ್ಲಹೆಜ್ಜೆ ಹಾಕುವುದು ಕಬ್ಬನ್ ಉದ್ಯಾನದಲ್ಲಿರುವ ಬಾಲಭವನದತ್ತ. ಪುಟಾಣಿ ರೈಲು ಇಲ್ಲಿನಕೇಂದ್ರಬಿಂದು. ಆದರೆ, ಸದ್ಯ ರೈಲು ಚುಕುಬುಕು ಎನ್ನದೆ ಸ್ಥಗಿತಗೊಂಡಿದೆ.</p>.<p>ಪುಟ್ಟ ರೈಲಿನ ಹಳಿಗಳು ತುಕ್ಕು ಹಿಡಿದು ತುಂಬಾ ದಿನಗಳಾಗಿದ್ದವು. ಹಾಗಾಗಿ, ಹಳಿ, ಸೇತುವೆಗಳ ದುರಸ್ತಿ ಕಾಮಗಾರಿಗಳು ನಡೆಯುತ್ತಿರುವುದರಿಂದ ರೈಲು ಚಾಲನೆಯಲ್ಲಿ ಇಲ್ಲ. ಬಾಲಭವನದ ಪ್ರವೇಶ ದ್ವಾರದ ಬಳಿ ‘ಪುಟಾಣಿ ರೈಲು, ಹಳಿ ನಿರ್ವಹಣೆಯ ಕಾಮಗಾರಿಯಿಂದಾಗಿ ಚಾಲನೆಯಲ್ಲಿಲ್ಲ’ ಎಂಬ ಸೂಚನಾ ಫಲಕವನ್ನು ಹಾಕಲಾಗಿದೆ.</p>.<p>‘ರೈಲು ಹಳಿ,ಹಳಿಯ ಸಿ–ಬೆಂಡ್, ಮೂಲೆಗಳ ದುರಸ್ತಿ, ಸೇತುವೆಬಳಿಯ 20 ವುಡನ್ ಸ್ಲಿಪರ್ಸ್ಗಳ ಬದಲಿ ಜೋಡಣೆ, ಸೇತುವೆ ಸುತ್ತಮುತ್ತಲಿನ ಜಾಗದಲ್ಲಿ ದುರಸ್ತಿ ಕಾಮಗಾರಿಗಳು ನಡೆಯುತ್ತಿವೆ’ ಎಂದು ಬಾಲಭವನ ಸೊಸೈಟಿಯ ಕಾರ್ಯದರ್ಶಿ ರತ್ನಾ ಬಿ.ಕಲಮದಾನಿ ತಿಳಿಸಿದರು.</p>.<p>‘ಮಕ್ಕಳ ಸುರಕ್ಷತೆಯ ದೃಷ್ಟಿಯಿಂದ ರೈಲು ಹಳಿಗಳ ದುರಸ್ತಿ ಕಾರ್ಯ ಮಾಡಿಕೊಡಬೇಕೆಂದು ರೈಲ್ವೆ ಇಲಾಖೆಗೆ ಕಳೆದ ವರ್ಷ ಪತ್ರ ಬರೆಯಲಾಗಿತ್ತು. ಇದಕ್ಕೆ ಸ್ಪಂದಿಸಿದ ಇಲಾಖೆ ಅಧಿಕಾರಿಗಳು ಬಾಲಭವನಕ್ಕೆ ಭೇಟಿ ನೀಡಿ, ಪರಿಶೀಲಿಸಿದ್ದರು. ಅದರ ಮುಂದುವರಿದ ಭಾಗವಾಗಿ ಈ ದುರಸ್ತಿ ಕಾರ್ಯ ನಡೆಯುತ್ತಿದೆ’ ಎಂದು ಹೇಳಿದರು.</p>.<p><strong>ಪಾಲಕರಿಗೂ ನಿರಾಸೆ:</strong> ‘ನಮ್ಮ ಸಂಬಂಧಿಕರೊಬ್ಬರ ಮದುವೆ ಮುಗಿಸಿ ಕೊಂಡು ಮಕ್ಕಳನ್ನುನೇರವಾಗಿ ಬಾಲಭವನಕ್ಕೆ ಕರೆದುಕೊಂಡು ಬಂದೆವು. ಮಕ್ಕಳನ್ನು ತುಸು ಹೊತ್ತು ಇಲ್ಲೇ ಆಟವಾಡಿಸಿಕೊಂಡು ಹೋಗೋಣವೆಂದು ಬಂದಿದ್ದೆವು. ಆದರೆ, ಮಕ್ಕಳನ್ನು ರೈಲಿನಲ್ಲಿ ಕೂಡಿಸಿ, ಆಟವಾಡಿಸಿಲು ಸಾಧ್ಯ ವಾಗಲಿಲ್ಲ’ ಎಂದು ಕೆ.ಆರ್.ಪುರದ ತೆಲ್ಮಾ ಹೇಳಿದರು.</p>.<p>‘ರೈಲು ಆಟವಾಡೋಣವೆಂದುನಾವು ಇಲ್ಲಿಗೆ ಬಂದಿದ್ದೇವೆ. ಆದರೆ, ರೈಲು ಓಡುತ್ತಿಲ್ಲ ಎಂದು ಸೆಕ್ಯೂರಿಟಿ ಅಂಕಲ್ ಹೇಳಿದಾಗ ತುಂಬಾ ನಿರಾಸೆಯಾಯ್ತು’ ಎಂದು ತೆಲ್ಮಾ ಅವರ ಮಕ್ಕಳು ಬೇಸರ ವ್ಯಕ್ತಪಡಿಸಿದರು.</p>.<p><strong>ರೈಲು ಹಳಿಗಳ ಸುತ್ತ ಕಸವೋ ಕಸ:</strong>ಬಾಲಭವನ ಆವರಣದ ಸಭಾಂಗಣದ ಹಿಂಭಾಗದ ಸ್ಥಿತಿಯಂತೂ ಹೇಳತೀರದು. ಪುಟಾಣಿ ರೈಲು ಓಡಾಡುವ ಪಕ್ಕದ ಜಾಗದಲ್ಲೆಲ್ಲ ಕಸದ ರಾಶಿಯೇ ರಾರಾಜಿಸುತ್ತಿದೆ.</p>.<p><strong>ಕಾರಂಜಿಯಲ್ಲಿ ಹೂಳು:</strong> ಆವರಣದಲ್ಲಿರುವ ಸಭಾಂಗಣದ ಎದುರಿನಪುಟ್ಟ ಕಾರಂಜಿ ಜಾಗದ ಸುತ್ತಮುತ್ತಲೆಲ್ಲ ಸುಮಾರು ದಿನಗಳಿಂದ ಪಾಚಿ ಕಟ್ಟಿಕೊಂಡಿದೆ. ಕಾರಂಜಿ ಚಾಲನೆಯಲ್ಲಿ ಇದೆಯೋ, ಇಲ್ಲವೊ ಎಂದು ಪ್ರಶ್ನೆ ಹುಟ್ಟುವ ಮಟ್ಟಿಗೆ ಕೊಳಚೆ ಆವರಿಸಿಕೊಂಡಿದೆ.</p>.<p>ಈ ಬಗ್ಗೆ ಅಲ್ಲಿನ ಸಿಬ್ಬಂದಿಯನ್ನು ಪ್ರಶ್ನಿಸಿದರೆ, ‘ಮೊನ್ನೆಯಷ್ಟೇ ಶುಚಿ ಮಾಡಿದ್ದೇವೆ. ಈಗ ಮತ್ತೆ ಶುಚಿ ಮಾಡಬೇಕು’ ಎಂದು ಪ್ರತಿಕ್ರಿಯಿಸಿದರು.</p>.<p class="Subhead">**</p>.<p class="Subhead"><strong>‘ಕೊಳದಲ್ಲಿ ತುಂಬಿದ ಹೂಳು, ದೋಣಿ ವಿಹಾರ ಸ್ಥಗಿತ’</strong></p>.<p>ಬಾಲಭವನ ಆವರಣದಲ್ಲಿರುವ ಕೊಳದಲ್ಲಿ ಸುಮಾರು ವರ್ಷಗಳಿಂದ ಹೂಳು ತುಂಬಿಕೊಂಡಿದ್ದರೂ ಹೂಳೆತ್ತಲು ಬಾಲಭವನ ಸೊಸೈಟಿ ಕ್ರಮ ಕೈಗೊಂಡಿಲ್ಲ.</p>.<p>ಕೊಳದ ಆಳದಲ್ಲಿ ಕಳೆ ಗಿಡಗಳು ಬೆಳೆದಿದ್ದು, ಸುತ್ತಮುತ್ತ ಪಾಚಿ ಆವರಿಸಿಕೊಂಡಿದ್ದರಿಂದ ಅಲ್ಲಿನ ಎರಡು ದೋಣಿಗಳು ಕಾರ್ಯನಿರ್ವಹಿಸಲಾಗದೆ ಮೂಲೆಯಲ್ಲಿ ನಿಂತಿವೆ.</p>.<p><strong>ತೆರವಾಗದಬಿದಿರಿನ ಮೆಳೆ:</strong> ‘ಕೊಳದ ಸುತ್ತಮುತ್ತಲಲ್ಲಿ ಹಾಗೂ ಆವರಣದಲ್ಲಿ ಬಹುತೇಕ ಬಿದಿರಿನ ಮೆಳೆಗಳು ಒಣಗಿ ನಿಂತಿವೆ. ಕೆಲವು ಬೀಳುವ ಸ್ಥಿತಿಯಲ್ಲಿವೆ. ಮಕ್ಕಳು ಆಡುವಾಗ ಬಿದ್ದರೆ ಏನು ಗತಿ’ ಎಂದು ಪ್ರವಾಸಿಗರೊಬ್ಬರು ಆತಂಕ ವ್ಯಕ್ತಪಡಿಸಿದರು.</p>.<p>‘ಮಕ್ಕಳ ಹಬ್ಬದ ಸಮಯದಲ್ಲಿ ದೋಣಿ ವಿಹಾರಕ್ಕೆ ಅವಕಾಶ ನೀಡಲಾಗಿತ್ತು. ಆದರೆ, ಇದೀಗ ಕೊಳದಲ್ಲಿ ಹೂಳು ಯಥೇಚ್ಛವಾಗಿ ತುಂಬಿಕೊಂಡಿದ್ದರಿಂದ ಬೋಟಿಂಗ್ ಮಾಡಲು ಸಾಧ್ಯವಾಗುತ್ತಿಲ್ಲ.ಶೀಘ್ರವೇ ಹೂಳೆತ್ತಲು ಕ್ರಮಕೈಗೊಳ್ಳಲಾಗುವುದು’ ಎಂದು ರತ್ನಾ ತಿಳಿಸಿದರು.</p>.<p>‘ಹಬ್ಬದ ಸಮಯದಲ್ಲಿ ಅಗತ್ಯವಿದ್ದಲ್ಲಿ ಮಾತ್ರ ಬಿದಿರುಗಳನ್ನು ಕರ್ನಾಟಕ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ನಿಗಮದ (ಕೆಆರ್ಐಡಿಎಲ್) ವತಿಯಿಂದ ತೆರವು ಮಾಡಲಾಗಿತ್ತು. ಇನ್ನುಳಿದವುಗಳನ್ನು ತೆರವು ಮಾಡಲು ಟೆಂಡರ್ ಕರೆಯುವ ಯೋಜನೆ ಇದೆ’ ಎಂದು ಹೇಳಿದರು.</p>.<p>**</p>.<p><strong>ಅಂಕಿಅಂಶ</strong></p>.<p><strong>11 ಎಕರೆ:</strong>ಬಾಲ ಭವನದ ಒಟ್ಟು ವಿಸ್ತೀರ್ಣ</p>.<p><strong>1.2 ಕಿ.ಮೀ:</strong>ರೈಲು ಹಳಿಯ ಉದ್ದ</p>.<p><strong>₹5:</strong>ರೈಲಿನಲ್ಲಿ ಪ್ರಯಾಣಿಸಲು ಮಕ್ಕಳಿಗೆ ಟಿಕೆಟ್ ದರ</p>.<p><strong>₹10:</strong>6 ವರ್ಷ ಮೇಲ್ಪಟ್ಟವರಿಗೆ ಪ್ರವೇಶ ಶುಲ್ಕ</p>.<p><strong>₹20:</strong>ರೈಲಿನಲ್ಲಿ ಪ್ರಯಾಣಿಸಲು ವಯಸ್ಕರಿಗೆ ಟಿಕೆಟ್ ದರ</p>.<p>**</p>.<p>ಇನ್ನೂ 15 ದಿನಗಳೊಳಗಾಗಿ ರೈಲು ಹಳಿಗಳ ನಿರ್ವಹಣೆ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ರೈಲ್ವೆ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p><em><strong>-ರತ್ನಾ ಬಿ.ಕಲಮದಾನಿ, ಕಾರ್ಯದರ್ಶಿ, ಬಾಲಭವನ ಸೊಸೈಟಿ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
