4 ತಿಂಗಳಿನಿಂದ ಗೌರವಧನ ಇಲ್ಲ: ಅತಿಥಿ ಉಪನ್ಯಾಸಕರ ಕಣ್ಣೀರು

ಬೆಂಗಳೂರು: ಬೆಂಗಳೂರು ಕೇಂದ್ರ ವಿಶ್ವವಿದ್ಯಾಲಯದಲ್ಲಿ ನಾಲ್ಕು ತಿಂಗಳಿಂದ ಬೋಧನೆ ಮಾಡಿರುವ ಹಲವು ಅತಿಥಿ ಉಪನ್ಯಾಸಕರಿಗೆ ಗೌರವಧನ ನೀಡಿಲ್ಲ. ಇದರಿಂದಾಗಿ ಅವರ ಕುಟುಂಬ ಕಣ್ಣೀರಲ್ಲಿ ಕೈತೊಳೆಯುತ್ತಿದೆ.

. ರಸಾಯನ ವಿಜ್ಞಾನ ವಿಭಾಗದಲ್ಲಿ ಇದ್ದ 10 ಮಂದಿ ಅತಿಥಿ ಉಪನ್ಯಾಸಕರಿಗೆ ನಾಲ್ಕು ತಿಂಗಳ ಗೌರವಧನ ನೀಡಿಲ್ಲ. ಈ ಉಪನ್ಯಾಸಕರ ಪೈಕಿ ಒಬ್ಬರು ‘ಪ್ರಜಾವಾಣಿ’ಗೆ ತಮ್ಮ ಗೋಳು ತೋಡಿಕೊಂಡರು.

. ‘ಫೆಬ್ರುವರಿ 27ರಂದು ಎರಡನೇ ಸೆಮಿಸ್ಟರ್ಗೆ ಬೋಧನೆ ಆರಂಭಿಸಿದ್ದೆವು. ಜೂನ್ 22ರವರೆಗೂ ಬೋಧನೆ ಮಾಡಿದ್ದೇವೆ. ಆದರೆ, ಗೌರವಧನ ನೀಡಿಯೇ ಇಲ್ಲ. ನನಗೊಬ್ಬನಿಗೆ ಅಲ್ಲ, ವಿಭಾಗದ ಎಲ್ಲ 10 ಮಂದಿಗೂ ಕೊಟ್ಟಿಲ್ಲ. ನನ್ನ ಅಮ್ಮನಿಗೆ ಅಸೌಖ್ಯ ಕಾಡುತ್ತಿದ್ದು, ಔಷಧ ತರುವುದಕ್ಕೂ ದುಡ್ಡಿಲ್ಲ. ಹೀಗಾಗಿ ನಿಮಗೆ ಕರೆ ಮಾಡಿ ನನ್ನ ದುಃಖ ಹೇಳಿಕೊಳ್ಳಬೇಕಾಯಿತು’ ಎಂದು ಉಪನ್ಯಾಸಕರು ಅಳಲು ತೋಡಿಕೊಂಡರು.

. ‘ಯಾಕಾಗಿ ಗೌರವಧನ ತಡೆಹಿಡಿದಿದ್ದಾರೋ ಗೊತ್ತಿಲ್ಲ, ಕುಲಪತಿ ಅಥವಾ ಕುಲಸಚಿವರ ಬಳಿ ಈ ಸಮಸ್ಯೆ ಹೇಳಿಕೊಳ್ಳಲು ಭಯ, ಏಕೆಂದರೆ ಇದೇ ನೆಪ ಹೇಳಿ ಮುಂದಿನ ಬಾರಿ ಕೆಲಸ ಕೊಡದಿದ್ದರೆ ಮತ್ತಷ್ಟು ಸಂಕಷ್ಟ. ಇತರ ಕೆಲವು ವಿಭಾಗಗಳಲ್ಲೂ ಸಹ ಇದೇ ರೀತಿಯ ಸಮಸ್ಯೆ ಆಗಿರುವುದು ನನ್ನ ಗಮನಕ್ಕೆ ಬಂದಿದೆ’ ಎಂದರು.

. ಆಡಿಟ್ ಸಮಸ್ಯೆ ಇದೆ: ‘ನಿಯಮದ ಪ್ರಕಾರ ಅತಿಥಿ ಉಪನ್ಯಾಸಕರು ಇಂತಿಷ್ಟೇ ಗಂಟೆ ಬೋಧನೆ ಮಾಡಬೇಕೆಂದಿದೆ. ನಿಗದಿತ ಅವಧಿಗಿಂತ ಅಧಿಕ ಬೋಧನೆ ಮಾಡಿದ ಲೆಕ್ಕಾಚಾರ ನೀಡಿದರೆ ಲೆಕ್ಕಪರಿಶೋಧನೆ ವೇಳೆ ತೊಂದರೆ ಉಂಟಾಗುತ್ತದೆ. ಹೀಗಾಗಿ ಮತ್ತೊಮ್ಮೆ ಸರಿಯಾಗಿ ಲೆಕ್ಕ ಮಾಡಿ ಗೌರವಧನ ದೊರಕಿಸಿಕೊಳ್ಳಲು ಹೇಳಿದ್ದೇವೆ. ಅದನ್ನು ತಕ್ಷಣ ಒದಗಿಸುತ್ತೇವೆ’ ಎಂದು ಕುಲಸಚಿವ ಪ್ರೊ.ಎಂ.ರಾಮಚಂದ್ರ ಗೌಡ ತಿಳಿಸಿದರು.

. ‘ಅತಿಥಿ ಉಪನ್ಯಾಸಕರಿಗೆ ತೊಂದರೆ ಕೊಡುವ ಉದ್ದೇಶ ನಮಗಿಲ್ಲ. ನಿಯಮದಂತೆ ಅವರು ತಮ್ಮ ಹಾಜರಾತಿ ಸಹಿತ ಸರಿಯಾಗಿ ಲೆಕ್ಕ ನೀಡಿದ್ದೇ ಆದರೆ ಸಮಸ್ಯೆ ಇಲ್ಲ. ತಿದ್ದುಪಡಿಗಾಗಿ ವಾಪಸ್ ಕಳುಹಿಸಿಕೊಟ್ಟಾಗ ಇಂತಹ ವಿಳಂಬ ಆಗಬಹುದು. ಇನ್ನಷ್ಟು ವಿಳಂಬ ಆಗದಂತೆ ಎಚ್ಚರ ವಹಿಸಲಾಗುವುದು’ ಎಂದರು.

. * ಗೌರವಧನ ನೀಡಿಕೆಯಲ್ಲಿ ವಿಶ್ವವಿದ್ಯಾಲಯ ವಿಳಂಬ ಮಾಡುವುದಿಲ್ಲ. ಈ ಬಾರಿ ಹೀಗೇಕೆ ಆಯಿತು ಎಂದು ಪರಿಶೀಲಿಸಿ ನ್ಯಾಯ ಕೊಡಿಸುವೆ ಪ್ರೊ.ಎಸ್.ಜಾಫೆಟ್, ಕುಲಪತಿ, ಬೆಂಗಳೂರು ಕೇಂದ್ರ ವಿಶ್ವವಿದ್ಯಾಲಯ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

4 ತಿಂಗಳಿನಿಂದ ಗೌರವಧನ ಇಲ್ಲ: ಅತಿಥಿ ಉಪನ್ಯಾಸಕರ ಕಣ್ಣೀರು

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಈಜುಪಟು ವೀರಧವಳ ಖಾಡೆ ವಿರುದ್ಧ ಲೈಂಗಿಕ ಕಿರುಕುಳ ದೂರು: ಎಸ್‌ಎಫ್‌ಐನಿಂದ ತನಿಖೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್