2022ರಲ್ಲಿ 65,893 ಸೈಬರ್ ಅಪರಾಧ ಪ್ರಕರಣ ವರದಿ: ₹ 7,480 ಕೋಟಿ ವಂಚನೆ

‘ಸೈಬರ್ ಅಪರಾಧ ಪ್ರಕರಣವೊಂದರಲ್ಲಿ ಒಡಿಶಾ ಪೊಲೀಸರು ಪಶ್ಚಿಮ ಬಂಗಾಳದಲ್ಲಿ ಮೂವರನ್ನು ಇತ್ತೀಚೆಗೆ ಬಂಧಿಸಿದ್ದರು. ಈ ಮೂವರು ಗ್ರಾಮೀಣ ಭಾಗದ ಜನರ ವೈಯಕ್ತಿಕ ದಾಖಲೆಗಳನ್ನು ಖರೀದಿಸಿ ಬ್ಯಾಂಕ್ ಖಾತೆಗಳನ್ನು ತೆರೆದು ವಂಚಕರಿಗೆ ಮಾರುತ್ತಿದ್ದರು’ ಎಂದು ವಂಶಿಕೃಷ್ಣ ಹೇಳಿದರು. ‘ಜನರಿಂದ ದಾಖಲೆ ಪಡೆಯಲು ಒಬ್ಬರಿಗೆ ₹2000 ನೀಡುತ್ತಿದ್ದರು. ಜೊತೆಗೆ ಆರೋಪಿಗಳು ತಾವೇ ಸೃಷ್ಟಿಸುವ ಬ್ಯಾಂಕ್ ಖಾತೆಯನ್ನು ₹ 21000 ಹಣಕ್ಕೆ ವಂಚಕರಿಗೆ ಮಾರುತ್ತಿದ್ದರು. ಇಂಥ ಕೆಲಸದಿಂದಲೇ ಮೂವರು ಕೇವಲ ಎರಡು ತಿಂಗಳಿನಲ್ಲಿ ₹ 10 ಕೋಟಿ ಗಳಿಸಿದ್ದರು’ ಎಂದು ಮಾಹಿತಿ ನೀಡಿದರು.