‘ಕ್ರಾಸಿಂಗ್ ಟು ತಾಳಿಕೋಟಾ’ ನಾಟಕ ಇಂದಿನಿಂದ ಪ್ರದರ್ಶನ

ಬೆಂಗಳೂರು: ಎಂಬೆಸಿ ಅರ್ಪಿಸುವ ‘ಕ್ರಾಸಿಂಗ್ ಟು ತಾಳಿಕೋಟಾ’ ನಾಟಕವು ಇದೇ ಶುಕ್ರವಾರದಿಂದ ಭಾನುವಾರದವರೆಗೆ ಪ್ರತಿದಿನ ಸಂಜೆ 7.30ಕ್ಕೆ ಮಲ್ಲೇಶ್ವರದಲ್ಲಿರುವ ಚೌಡಯ್ಯ ಮೆಮೋರಿಯಲ್ ಹಾಲ್ನಲ್ಲಿ ನಡೆಯಲಿದೆ.

. ಗಿರೀಶ ಕಾರ್ನಾಡ ಅವರ ಕೊನೆಯ ನಾಟಕ ಕೃತಿ ‘ರಾಕ್ಷಸ–ತಂಗಡಿ’ ಆಧಾರಿತ ನಾಟಕ ಇದಾಗಿದ್ದು, ಇಂಗ್ಲಿಷ್ನಲ್ಲಿಯೂಅವರೇ ಬರೆದಿದ್ದಾರೆ. ಅರ್ಜುನ್ ಸಜ್ನಾನಿ ಅವರು ನಾಟಕ ನಿರ್ದೇಶಿಸಿದ್ದಾರೆ. ಈ ನಾಟಕ ಪ್ರದರ್ಶನಗಳಿಗೆ ‘ಡೆಕ್ಕನ್ ಹೆರಾಲ್ಡ್’ನ ಮಾಧ್ಯಮ ಸಹಯೋಗವಿದೆ.

. ನಿರ್ಮಾಣ ವಿನ್ಯಾಸವನ್ನು ಅರುಣ್ ಸಾಗರ್ ಮಾಡಿದ್ದಾರೆ. ಪಿಯಾ ಬೆನಗಲ್ ಅವರ ವಸ್ತ್ರ ವಿನ್ಯಾಸ, ಕ್ಲೇ ಕೆಲ್ಟನ್ ಅವರ ಶಬ್ದ ಹಾಗೂ ವಿಡಿಯೊ ವಿನ್ಯಾಸ, ಪ್ರಕಾಶ್ ಸೊಂಟಕ್ಕೆ ಅವರ ಸಂಗೀತ, ಪ್ರದೀಪ್ ಬೆಳವಾಡಿ ಅವರ ಬೆಳಕಿನ ವಿನ್ಯಾಸ ಈ ನಾಟಕಕ್ಕೆ ಇರಲಿದೆ.

. ಅಶೋಕ್ ಮಂದಣ್ಣ, ವಿವೇಕ್ ಜಯಂತ್ ಶಾ, ವೀಣಾ ಸಜ್ನಾನಿ, ಮಾಹಿರ್ ಮೊಹಿಯುದ್ದೀನ್, ಸ್ವಾತಿ ಡೇ, ಸುಸಾನ್ ಜಾರ್ಜ್, ಕಾರ್ತಿಕ್ ಅಯ್ಯರ್, ಮನೋಶ್ ಸೇನ್ಗುಪ್ತ್, ಅಪೂರ್ವ್ ಅನಿರುದ್ಧ್, ಬಾಬ್ಬಿ ಕಾಲ್ರಾ, ಅಭಿಜಿತ್ ಶೆಟ್ಟಿ ರಂಗದ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.

. ‘ಗಿರೀಶ ಕಾರ್ನಾಡ ಅವರು ತಮ್ಮ ‘ಕ್ರಾಸಿಂಗ್ ಟು ತಾಳಿಕೋಟಾ’ ಕೃತಿಯ ನಾಟಕವನ್ನು ಪ್ರದರ್ಶಿಸಲು ಅರ್ಜುನ್ ಸಜ್ನಾನಿಗೆ ನೀಡಿದ್ದರು. ಆದರೆ, ಅದನ್ನು ನೋಡುವ ಮೊದಲೇ ಅವರು ಮೃತರಾದರು. 2019ರಲ್ಲಿ ಚೌಡಯ್ಯ ಮೆಮೋರಿಯಲ್ ಹಾಲ್ನಲ್ಲಿ ಈ ನಾಟಕ ಪ್ರದರ್ಶಿಸಲಾಗಿತ್ತು. ಇದಕ್ಕೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಹೀಗಾಗಿ, ಮತ್ತೆ ಪ್ರದರ್ಶನ ಮಾಡಲಾಗುತ್ತಿದೆ’ ಎಂದು ಪ್ರದೀಪ್ ಬೆಳವಾಡಿ ತಿಳಿಸಿದರು.

. ‘ಇಲ್ಲಿ ಮೂರು ಪ್ರದರ್ಶನಗಳು ನಡೆದ ಬಳಿಕ ಮುಂಬೈಗೆ ಹೋಗುತ್ತಿದ್ದೇವೆ. ಬಳಿಕ ದೇಶದಾದ್ಯಂತ ಪ್ರದರ್ಶನ ನೀಡುವ ಯೋಜನೆಯಿದೆ. ಈ ನಾಟಕದಲ್ಲಿನ ಎಲ್ಲ ಪಾತ್ರಗಳು 60 ವರ್ಷ ಮೇಲ್ಪಟ್ಟಂಥವು. ಇದು ನಾಟಕದ ವಿಶೇಷವಾಗಿದ್ದು, ಬೆಂಗಳೂರಿನ ಇಂಗ್ಲಿಷ್ ರಂಗಭೂಮಿಯ ಪ್ರಮುಖ ಕಲಾವಿದರು ಇದ್ದಾರೆ. ನಾಟಕದ ಕಥೆ ಸಿನಿಮಾ ರೀತಿಯಲ್ಲಿದೆ’ ಎಂದು ಹೇಳಿದರು.

. ನಾಟಕದ ಟಿಕೆಟ್ಗಳು ‘ಬುಕ್ ಮೈ ಶೋ’ದಲ್ಲಿ ಲಭ್ಯವಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಕ್ರಾಸಿಂಗ್ ಟು ತಾಳಿಕೋಟಾ’ ನಾಟಕ ಇಂದಿನಿಂದ ಪ್ರದರ್ಶನ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!