ಅಡಿಕೆ ಕೊಯ್ಯಲು ಬಂತು 'ರೋಬೊ'

"" . ಬೆಂಗಳೂರು: ಕಾರ್ಮಿಕರ ಕೊರತೆಯೇ ಅಡಿಕೆ ಬೆಳೆಗಾರರಿಗೆ ಬಹುದೊಡ್ಡ ತಲೆನೋವು. ಅಲ್ಲದೆ, 60ರಿಂದ 80 ಅಡಿ ಎತ್ತರದ ಮರಗಳನ್ನೇರಿ ಅಡಿಕೆ ಕೀಳುವಾಗ ಆಯತಪ್ಪಿ ಅವರು ಕೆಳಗೆ ಬಿದ್ದರೆ, ಅದರ ಹೊಣೆಯೂ ಮಾಲೀಕರೇ ಹೊತ್ತುಕೊಳ್ಳಬೇಕಾಗುತ್ತದೆ. ಈ ನಿಟ್ಟಿನಲ್ಲಿ, ಯಾವುದೇ ಆತಂಕವಿಲ್ಲದೆ ಅಡಿಕೆ ಕೀಳುವ ರೋಬೊವನ್ನು ಸಾಗರದ ಶಿಕ್ಷಕರೊಬ್ಬರು ಅಭಿವೃದ್ಧಿಪಡಿಸಿದ್ದಾರೆ.

. ‘ಮಲೆನಾಡಿನಲ್ಲಿ ಅಡಿಕೆ ಗೊನೆ ಕೊಯ್ಯುವವರಿಗೆ ಹೆಚ್ಚು ಬೇಡಿಕೆ ಇದೆ. ಆದರೆ, ಇಡೀ ಸಾಗರದಲ್ಲಿ ಹೀಗೆ ಅಡಿಕೆ ಕೊಯ್ಯುವ ಕೌಶಲ ಹೊಂದಿರುವವರು ಮೂವರು ಮಾತ್ರ ಇದ್ದಾರೆ. ಅವರಿಗೆ ದಿನಕ್ಕೆ ₹2 ಸಾವಿರದಿಂದ ₹3 ಸಾವಿರ ಕೊಡಬೇಕು. ಆದರೆ, ₹35,000 ವೆಚ್ಚದಲ್ಲಿ ಈ ರೋಬೊವನ್ನು ಖರೀದಿ ಸಬಹುದು. ಏಳೆಂಟು ವರ್ಷ ಬಾಳಿಕೆ ಬರುತ್ತದೆ’ ಎಂದು ಈ ತಂತ್ರಜ್ಞಾನ ವನ್ನು ಅಭಿವೃದ್ಧಿ ಪಡಿಸಿರುವ ಸಾಗರದ ಹೊಂಗಿರಣ ಸ್ಕೂಲ್ ಆಫ್ ಎಕ್ಸ್ಲೆನ್ಸ್ನ ಶಿಕ್ಷಕ ವಿ. ರೋಹಿತ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಕಾರ್ಯನಿರ್ವಹಣೆ ಹೇಗೆ?: ಸಂಪೂರ್ಣ ಸ್ವಯಂಚಾಲಿತವಾಗಿ ಈ ರೋಬೊ ಕಾರ್ಯನಿರ್ವಹಿಸುತ್ತದೆ. ಇದಕ್ಕಾಗಿ ಒಂದು ಆ್ಯಪ್ ಅಭಿವೃದ್ಧಿ ಪಡಿಸಲಾಗಿದ್ದು, ಅದನ್ನು ಡೌನ್ಲೋಡ್ ಮಾಡಿ ಕೊಂಡರೆ, ಮೊಬೈಲ್ ಮೂಲಕವೇ ರೋಬೊವನ್ನು ನಿಯಂತ್ರಿಸಬಹುದು. ಮೊಬೈಲ್ನಲ್ಲಿ ರಿಮೋಟ್ ಮಾದರಿ ಯನ್ನು ನೀಡಲಾಗಿದ್ದು, ರೋಬೊವನ್ನು ನಿಯಂತ್ರಿಸುವ ವ್ಯವಸ್ಥೆ ಕೊಡಲಾಗಿದೆ.

. ರೋಬೊ ಮೇಲೆ ಕತ್ತರಿ ಮಾದರಿ ಸಾಧನ ಇದ್ದು, ಟೈಲ್ಸ್ ಕತ್ತರಿಸುವ ಬ್ಲೇಡ್ಗಳನ್ನು ಇದಕ್ಕೆ ಅಳವಡಿಸಲಾ ಗಿದೆ. ಹಾಗಾಗಿ, ಬ್ಲೇಡ್ಗಳನ್ನು ಪದೇಪದೇ ಸಾಣೆ ಹಿಡಿಯಬೇಕಾದ ಅಗತ್ಯವಿಲ್ಲ. ಮೊದಲಿಗೆ ಒಂದೆರಡು ಅಡಿಕೆಗಳನ್ನು ಇದು ಕೆಳಗೆ ಬೀಳಿಸುತ್ತದೆ. ಆ ಅಡಿಕೆ ಕಾಯಿ ಆಗಿದೆಯೋ ಇಲ್ಲವೋ ಎಂಬುದನ್ನು ನೋಡಿದ ನಂತರ, ಇಡೀ ಗೊನೆ ಕೊಯ್ಯುವ ಕಾರ್ಯವನ್ನು ರೋಬೊಗೆ ನೀಡಬಹುದು.

. ಸದ್ಯ, ಒಂದು ಗೊನೆ ಕೀಳಲು ಮೂರುವರೆ ನಿಮಿಷವನ್ನು ಈ ರೋಬೊ ತೆಗೆದುಕೊಳ್ಳುತ್ತದೆ. ಅಂದರೆ, ದಿನಕ್ಕೆ 250 ಮರಗಳ 500 ಗೊನೆಗಳನ್ನು ಇದು ಕೀಳುವ ಸಾಮರ್ಥ್ಯ ಹೊಂದಿದೆ.

. ಸ್ಥಳೀಯವಾಗಿ ಸಾಧನಗಳ ಲಭ್ಯತೆ: ಸಂಪೂರ್ಣ ಸ್ಥಳೀಯವಾಗಿ ಲಭ್ಯವಾಗ ಬಹುದಾದ ಸಾಧನಗಳನ್ನು ಬಳಸಿ ಇದನ್ನು ಅಭಿವೃದ್ಧಿ ಪಡಿಸಲಾಗಿದೆ. ಎಲೆಕ್ಟ್ರಿಕ್ ಚಾರ್ಜ್ ಮಾಡಿದರೆ ಸಾಕು. ಚಕ್ರಗಳು ಸವೆಯುವುದರಿಂದ ಅವುಗಳನ್ನು ಬದಲಿಸಬೇಕಾಗುತ್ತದೆ.

. ‘ಅಡಿಕೆ ಗೊನೆ ಕೊಯ್ಯುವ ಯಂತ್ರಗಳು ಹಲವು ಮಾರುಕಟ್ಟೆಗೆ ಬಂದಿವೆ. ಆದರೆ, ಅವುಗಳನ್ನು ಬಳಸಲು ಮನುಷ್ಯರು ಮರ ಏರಲೇಬೇಕಾಗುತ್ತದೆ. ಅದನ್ನು ತಪ್ಪಿಸುವ ಸಲುವಾಗಿ ಈ ರೋಬೊ ಅಭಿವೃದ್ಧಿ ಪಡಿಸಲಾಗಿದೆ. ಸಾಂಪ್ರದಾಯಿಕ ಯಂತ್ರ ಗಳು 38 ಕೆ.ಜಿ ಇದ್ದರೆ, ಈ ರೋಬೊ ಬರೀ ಎಂಟೂವರೆ ಕೆ.ಜಿ ತೂಕ ಹೊಂದಿ ರುತ್ತದೆ’ ಎಂದು ರೋಹಿತ್ ಹೇಳಿದರು.

. ಮಾಹಿತಿಗಾಗಿ ಸಂಪರ್ಕ ಸಂಖ್ಯೆ: 94815–03603.

. *

. ಮೈಕ್ರೊ ಕಂಟ್ರೋಲರ್, ಸೆನ್ಸರ್, ಕಟ್ಟಿಂಗ್ ಬ್ಲೇಡ್ ಸಹಾಯದಿಂದ ಈ ರೋಬೊ ಅಭಿವೃದ್ಧಿ ಪಡಿಸಲಾಗಿದೆ. ಎಂಟೂವರೆ ಕೆಜಿ ಇರುವ ಯಂತ್ರ ಸ್ವಯಂಚಾಲಿತವಾಗಿದೆ. -ವಿ. ರೋಹಿತ್, ರೋಬೊ ಅಭಿವೃದ್ಧಿ ಪಡಿಸಿದವರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಡಿಕೆ ಕೊಯ್ಯಲು ಬಂತು 'ರೋಬೊ'

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!