<p><strong>ಬೆಂಗಳೂರು:</strong> ದೇಶದ ಆರು ಮುಂಚೂಣಿ ಐ.ಟಿ. ಉದ್ದಿಮೆಗಳಲ್ಲಿ ಕೆಲಸ ತೊರೆಯುತ್ತಿರುವವರ ಪ್ರಮಾಣ ಏರಿಕೆ ಆಗಿದೆ. ಈ ಆರು ಕಂಪನಿಗಳಲ್ಲಿನ ನೌಕರರು ಕೆಲಸ ತೊರೆಯುತ್ತಿರುವ ಸರಾಸರಿ ಪ್ರಮಾಣವು ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಶೇಕಡ 17ಕ್ಕೆ ಏರಿಕೆ ಆಗಿದೆ. ಇದು ಜೂನ್ ತ್ರೈಮಾಸಿಕದಲ್ಲಿ ಶೇ 13ರಷ್ಟು ಇತ್ತು.</p>.<p>ಇನ್ಫೊಸಿಸ್ ಮತ್ತು ವಿಪ್ರೊ ಕಂಪನಿ ತೊರೆದಿರುವ ನೌಕರರ ಪ್ರಮಾಣವು ಶೇ 20ರಷ್ಟು, ಟಿಸಿಎಸ್ ತೊರೆದಿರುವ ನೌಕರರ ಪ್ರಮಾಣವು ಶೇ 11.9ರಷ್ಟು ಇದೆ. ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ಟಿಸಿಎಸ್ ತೊರೆದವರ ಪ್ರಮಾಣ ಶೇ 8.9ರಷ್ಟು, ಇನ್ಫೊಸಿಸ್ ತೊರೆದವರ ಪ್ರಮಾಣ ಶೇ 7.8ರಷ್ಟು ಹಾಗೂ ವಿಪ್ರೊ ತೊರೆದವರ ಪ್ರಮಾಣ ಶೇ 11ರಷ್ಟು ಇತ್ತು.</p>.<p>‘ಕೆಲಸ ತೊರೆಯುವ ನೌಕರರ ಪ್ರಮಾಣ ಕಡಿಮೆ ಆಗಬೇಕು ಎಂದಾ ದಲ್ಲಿ ಐ.ಟಿ. ಕಂಪನಿಗಳು ಹೆಚ್ಚಿನ ವೆಚ್ಚಕ್ಕೆ ಸಿದ್ಧರಾಗಬೇಕು. ಜಾಗತಿಕ ಮಟ್ಟದ ಕಂಪನಿಗಳು ತಮ್ಮ ಕೆಲಸ ಆನ್ಲೈನ್ ಮೂಲಕ ಆಗುವಂತೆ ನೋಡಿಕೊಳ್ಳಲು ಹಿಂದೆಂದಿಗಿಂತ ಹೆಚ್ಚು ವೆಚ್ಚ ಮಾಡುತ್ತಿವೆ. ಹಾಗಾಗಿ, ಕೆಲಸ ತೊರೆಯುವವರ ಪ್ರಮಾಣವು ಮುಂದಿನ ಎರಡು ವರ್ಷಗಳಲ್ಲಿ ಇನ್ನೂ ಹೆಚ್ಚಾಗಬಹುದು’ ಎಂದು ಇನ್ಫೊಸಿಸ್ನ ಮಾಜಿ ಸಿಎಫ್ಒ ಟಿ.ವಿ. ಮೋಹನದಾಸ್ ಪೈ ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯೆ ನೀಡಿದರು.</p>.<p>ಹೊಸದಾಗಿ ಕೆಲಸಕ್ಕೆ ಸೇರುವವರ ವೇತನದಲ್ಲಿ 2009ರ ನಂತರ ದೊಡ್ಡ ಹೆಚ್ಚಳ ಆಗಿಲ್ಲ. ಆದರೆ ಇದೇ ಅವಧಿಯಲ್ಲಿ ಸಿಇಒಗಳು ಹಾಗೂ ಉನ್ನತ ಹುದ್ದೆಗಳಲ್ಲಿ ಇರುವವರ ವೇತನವು ಎಂಟರಿಂದ ಹತ್ತು ಪಟ್ಟು ಹೆಚ್ಚಾಗಿದೆ ಎಂದು ಪೈ ಹೇಳಿದರು.</p>.<p>ಐ.ಟಿ. ಉದ್ಯಮದಲ್ಲಿ ಪ್ರತಿಭೆಗಳಿಗಾಗಿ ಮೂರು ದಶಕಗಳಲ್ಲಿ ಕಾಣದಿದ್ದಷ್ಟು ದೊಡ್ಡ ಹುಡುಕಾಟ ನಡೆದಿದೆ ಎಂದು ಇನ್ಫೊಸಿಸ್ ಸಿಒಒ ಯು.ಬಿ. ಪ್ರವೀಣ್ ರಾವ್ ಈಚೆಗೆ ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ದೇಶದ ಆರು ಮುಂಚೂಣಿ ಐ.ಟಿ. ಉದ್ದಿಮೆಗಳಲ್ಲಿ ಕೆಲಸ ತೊರೆಯುತ್ತಿರುವವರ ಪ್ರಮಾಣ ಏರಿಕೆ ಆಗಿದೆ. ಈ ಆರು ಕಂಪನಿಗಳಲ್ಲಿನ ನೌಕರರು ಕೆಲಸ ತೊರೆಯುತ್ತಿರುವ ಸರಾಸರಿ ಪ್ರಮಾಣವು ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಶೇಕಡ 17ಕ್ಕೆ ಏರಿಕೆ ಆಗಿದೆ. ಇದು ಜೂನ್ ತ್ರೈಮಾಸಿಕದಲ್ಲಿ ಶೇ 13ರಷ್ಟು ಇತ್ತು.</p>.<p>ಇನ್ಫೊಸಿಸ್ ಮತ್ತು ವಿಪ್ರೊ ಕಂಪನಿ ತೊರೆದಿರುವ ನೌಕರರ ಪ್ರಮಾಣವು ಶೇ 20ರಷ್ಟು, ಟಿಸಿಎಸ್ ತೊರೆದಿರುವ ನೌಕರರ ಪ್ರಮಾಣವು ಶೇ 11.9ರಷ್ಟು ಇದೆ. ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ಟಿಸಿಎಸ್ ತೊರೆದವರ ಪ್ರಮಾಣ ಶೇ 8.9ರಷ್ಟು, ಇನ್ಫೊಸಿಸ್ ತೊರೆದವರ ಪ್ರಮಾಣ ಶೇ 7.8ರಷ್ಟು ಹಾಗೂ ವಿಪ್ರೊ ತೊರೆದವರ ಪ್ರಮಾಣ ಶೇ 11ರಷ್ಟು ಇತ್ತು.</p>.<p>‘ಕೆಲಸ ತೊರೆಯುವ ನೌಕರರ ಪ್ರಮಾಣ ಕಡಿಮೆ ಆಗಬೇಕು ಎಂದಾ ದಲ್ಲಿ ಐ.ಟಿ. ಕಂಪನಿಗಳು ಹೆಚ್ಚಿನ ವೆಚ್ಚಕ್ಕೆ ಸಿದ್ಧರಾಗಬೇಕು. ಜಾಗತಿಕ ಮಟ್ಟದ ಕಂಪನಿಗಳು ತಮ್ಮ ಕೆಲಸ ಆನ್ಲೈನ್ ಮೂಲಕ ಆಗುವಂತೆ ನೋಡಿಕೊಳ್ಳಲು ಹಿಂದೆಂದಿಗಿಂತ ಹೆಚ್ಚು ವೆಚ್ಚ ಮಾಡುತ್ತಿವೆ. ಹಾಗಾಗಿ, ಕೆಲಸ ತೊರೆಯುವವರ ಪ್ರಮಾಣವು ಮುಂದಿನ ಎರಡು ವರ್ಷಗಳಲ್ಲಿ ಇನ್ನೂ ಹೆಚ್ಚಾಗಬಹುದು’ ಎಂದು ಇನ್ಫೊಸಿಸ್ನ ಮಾಜಿ ಸಿಎಫ್ಒ ಟಿ.ವಿ. ಮೋಹನದಾಸ್ ಪೈ ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯೆ ನೀಡಿದರು.</p>.<p>ಹೊಸದಾಗಿ ಕೆಲಸಕ್ಕೆ ಸೇರುವವರ ವೇತನದಲ್ಲಿ 2009ರ ನಂತರ ದೊಡ್ಡ ಹೆಚ್ಚಳ ಆಗಿಲ್ಲ. ಆದರೆ ಇದೇ ಅವಧಿಯಲ್ಲಿ ಸಿಇಒಗಳು ಹಾಗೂ ಉನ್ನತ ಹುದ್ದೆಗಳಲ್ಲಿ ಇರುವವರ ವೇತನವು ಎಂಟರಿಂದ ಹತ್ತು ಪಟ್ಟು ಹೆಚ್ಚಾಗಿದೆ ಎಂದು ಪೈ ಹೇಳಿದರು.</p>.<p>ಐ.ಟಿ. ಉದ್ಯಮದಲ್ಲಿ ಪ್ರತಿಭೆಗಳಿಗಾಗಿ ಮೂರು ದಶಕಗಳಲ್ಲಿ ಕಾಣದಿದ್ದಷ್ಟು ದೊಡ್ಡ ಹುಡುಕಾಟ ನಡೆದಿದೆ ಎಂದು ಇನ್ಫೊಸಿಸ್ ಸಿಒಒ ಯು.ಬಿ. ಪ್ರವೀಣ್ ರಾವ್ ಈಚೆಗೆ ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
