ಶಾಲಾ ದಿನಗಳ ಮೆಲುಕು ಹಾಕಿದ ರಾಹುಲ್‌ ದ್ರಾವಿಡ್‌

ಬೆಂಗಳೂರು: ‘ಶಾಲೆಯ ಎದುರು ಹಾದು ಹೋಗುವಾಗ ನನ್ನ ಹೃದಯ ಬಡಿತ ಹೆಚ್ಚುತ್ತದೆ. ಇಲ್ಲಿ ನನ್ನ ಬಾಲ್ಯದ ನೆನಪುಗಳು ಇವೆ. ಮರೆಯಲಾರದ ಕ್ಷಣಗಳಿವೆ’ ಎಂದು ಕ್ರಿಕೆಟಿಗ ರಾಹುಲ್ ದ್ರಾವಿಡ್ ಹೇಳಿದರು.

. ಸೇಂಟ್ ಜೋಸೆಫ್ಸ್ ಬಾಲಕರ ಶಾಲೆ ‘ಹಳೆ ವಿದ್ಯಾರ್ಥಿಗಳ ಸಂಘ’ದ ನೂರನೇ ವರ್ಷದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅವರು, ‘ಎ ಹಂಡ್ರೆಡ್ ಇಯರ್ಸ್, ಎ ಮಿಲಿಯನ್ ಮೆಮೋರಿಸ್’ ಪುಸ್ತಕವನ್ನು ಬಿಡುಗಡೆಗೊಳಿಸಿ ಮಾತನಾಡಿದರು.

. ‘ಶಿಕ್ಷಕರು ನಮ್ಮ ತಪ್ಪುಗಳನ್ನು ತಿದ್ದಿದರು, ತಾಳ್ಮೆಯನ್ನು ಕಲಿಸಿದರು. ಇದು ನನ್ನ ವೃತ್ತಿಜೀವನದ ಯಶಸ್ಸಿಗೆ ಕಾರಣವಾಯಿತು. ಈ ಶಾಲೆಯ ಅಂಗಳದಲ್ಲಿ ನಾನು ಕ್ರಿಕೆಟ್ ಅಭ್ಯಾಸ ಮಾಡಿದ್ದೇನೆ. ಈಗಲೂ ಬೇರೆ ದೇಶಗಳಲ್ಲಿ ನನ್ನನ್ನು ಸೇಂಟ್ ಜೋಸೆಫ್ಸ್ ಶಾಲೆಯ ವಿದ್ಯಾರ್ಥಿ ಎಂದು ಗುರುತಿಸಿದಾಗ ಖುಷಿಯಾಗುತ್ತದೆ’ ಎಂದರು.

. ‘ನನ್ನ ಜೊತೆ ಓದಿದ ಸ್ನೇಹಿತರ ನೆನಪುಗಳು ಇನ್ನೂ ಹಸಿರಾಗಿವೆ. ಅವರು ಸಿಕ್ಕಾಗ ಈ ಶಾಲೆಯಲ್ಲಿ ಕಳೆದ ನೆನಪುಗಳು ಮರುಕಳಿಸುತ್ತವೆ’ ಎಂದು ತಮ್ಮ ಓದಿನ ದಿನಗಳನ್ನು ಅವರು ನೆನಪಿಸಿಕೊಂಡರು.

. 1989ರಲ್ಲಿ ಇದೇ ಶಾಲೆಯಲ್ಲಿ ಓದುತ್ತಿದ್ದ ರಾಹುಲ್ ಅವರ ನೆನಪುಗಳನ್ನು ಗ್ರೆಗರಿ ಡಿ ನಜರತ್ ನೆನೆಪಿಸಿಕೊಂಡರು.

. ‘ನಮ್ಮ ಶಾಲೆಯಲ್ಲಿ ಓದಿದ ರಾಹುಲ್, ಭಾರತ ಕ್ರಿಕೆಟ್ ತಂಡದ ನಾಯಕರಾಗಿದ್ದು ನಮ್ಮ ಹೆಮ್ಮೆ’ ಎಂದು ಅವರು ಅನಿಸಿಕೆ ಹಂಚಿಕೊಂಡರು.

. ಭಾರತೀಯ ಅಂಚೆ ಇಲಾಖೆಯಿಂದ ಈ ಸಂದರ್ಭದಲ್ಲಿ ಅಂಚೆ ಚೀಟಿ ಬಿಡುಗಡೆ ಮಾಡಲಾಯಿತು.

. ಬಿಗಿದಪ್ಪಿಕೊಂಡ ‘ಓಲ್ಡ್ ಬಾಯ್ಸ್’

. ನಾವೆಲ್ಲಾ ಇಲ್ಲಿಗೆ ‘ಓಲ್ಡ್ ಬಾಯ್ಸ್’ ಎಂದು ಬಿಗಿದಪ್ಪಿ ಸಂಭ್ರಮಿಸಿದ ಹಳೆಯ ವಿದ್ಯಾರ್ಥಿಗಳ ಮಾತುಗಳು, 1970ರ ದಶಕವನ್ನು ನೆನಪಿಸುವಂತಿತ್ತು.

. ‘ಈ ಶಾಲೆಯ ಅಂಗಳದಲ್ಲಿ ನಾವು ಆಡಿದ ನೆನಪುಗಳನ್ನು ಮರೆಯಲು ಸಾಧ್ಯವೇ’ ಎಂದು ಕೆನಡಾದಲ್ಲಿ ನೆಲೆಸಿದ್ದ ವಿದ್ಯಾರ್ಥಿಯೊಬ್ಬರು ಹೇಳಿದ್ದಕ್ಕೆ, ಪಕ್ಕದಲ್ಲಿಯೇ ಕೂತಿದ್ದ ಎಂಬತ್ತರ ಹರೆಯದ ವ್ಯಕ್ತಿ ‘ಹೌದೌದು’ ಎಂದು ತಲೆಯಾಡಿಸಿದರು.

. 100 ವರ್ಷದ ಹಳೆಯ ವಿದ್ಯಾರ್ಥಿ ಸಂಘಕ್ಕೆ ಬಹುಶಃ ನಾನೇ ಹಿರಿಯ ಎಂದು ಹೇಳಿದ ಅಮೆರಿಕದ ವಾಸಿಯೊಬ್ಬರು ಎಲ್ಲರ ಗಮನಸೆಳೆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಾಲಾ ದಿನಗಳ ಮೆಲುಕು ಹಾಕಿದ ರಾಹುಲ್‌ ದ್ರಾವಿಡ್‌

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು