<p><strong>ಬೆಂಗಳೂರು:</strong> ಜನರ ದಾಖಲೆಗಳನ್ನು ದುರುಪಯೋಗಪಡಿಸಿಕೊಂಡು ಸಿಮ್ ಕಾರ್ಡ್ಗಳನ್ನು ಖರೀದಿಸಿ ಸೈಬರ್ ವಂಚಕರಿಗೆ ಪೂರೈಕೆ ಮಾಡುತ್ತಿದ್ದ ಆರೋಪಿ ನಾರಾ ಶ್ರೀನಿವಾಸ್ ರಾವ್ (55) ಅವರನ್ನು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಪೊಲೀಸರು ಇತ್ತೀಚೆಗೆ ಬಂಧಿಸಿದ್ದಾರೆ.</p>.<p>‘ಆಂಧ್ರಪ್ರದೇಶದ ನಾರಾ ಶ್ರೀನಿವಾಸ್ ರಾವ್, ವಿಮಾನದ ಮೂಲಕ ಸಿಮ್ ಕಾರ್ಡ್ಗಳನ್ನು ಬೇರೆ ದೇಶಕ್ಕೆ ಪೂರೈಸುತ್ತಿದ್ದ. ಇದನ್ನು ಪತ್ತೆ ಮಾಡಿದ್ದ ವಿಮಾನ ನಿಲ್ದಾಣದ ಭದ್ರತಾ ಸಿಬ್ಬಂದಿ ಠಾಣೆಗೆ ಮಾಹಿತಿ ನೀಡಿದ್ದರು. ತನಿಖೆ ಕೈಗೊಂಡು ಆರೋಪಿಯನ್ನು ಸೆರೆ ಹಿಡಿಯಲಾಗಿದೆ’ ಎಂದು ಹೇಳಿದರು.</p>.<p>‘ಹಲವು ಜನರ ಆಧಾರ್ ಹಾಗೂ ಇತರೆ ಗುರುತಿನ ಚೀಟಿಗಳನ್ನು ಆರೋಪಿ ಸಂಗ್ರಹಿಸಿದ್ದ. ಮೊಬೈಲ್ ಸೇವಾ ಕಂಪನಿಯ ಕೆಲ ಪ್ರತಿನಿಧಿಗಳ ಸಹಾಯದಿಂದ ಹೊಸ ಸಿಮ್ ಕಾರ್ಡ್ಗಳನ್ನು ಖರೀದಿಸಿದ್ದ. ಅದೇ ಸಿಮ್ ಕಾರ್ಡ್ಗಳನ್ನು ಕೊರಿಯರ್ ಮೂಲಕ ತೈವಾನ್ ಮತ್ತು ಕಾಂಬೋಡಿಯಾ ದೇಶಗಳಿಗೆ ಕಳುಹಿಸುತ್ತಿದ್ದ’ ಎಂದರು.</p>.<p>ಜೀನ್ಸ್ ಪ್ಯಾಂಟ್ನಲ್ಲಿ ಸಿಮ್ ಕಾರ್ಡ್: ‘ಚೆನ್ನೈನ ವ್ಯಕ್ತಿಯೊಬ್ಬರು ನಿರ್ವಹಣೆ ಮಾಡುತ್ತಿರುವ ಕೊರಿಯರ್ ಏಜೆನ್ಸಿಯೊಂದರ ಮೂಲಕ ಆರೋಪಿ, ಸಿಮ್ಕಾರ್ಡ್ಗಳನ್ನು ಪಾರ್ಸೆಲ್ ಕಳುಹಿಸಿದ್ದ. ಜೀನ್ಸ್ ಪ್ಯಾಂಟ್ನೊಳಗೆ 24 ಸಿಮ್ಕಾರ್ಡ್ಗಳನ್ನು ಬಚ್ಚಿಟ್ಟಿದ್ದ’ ಎಂದು ಪೊಲೀಸರು ಹೇಳಿದರು.</p>.<p>‘ವಿಮಾನ ನಿಲ್ದಾಣದ ಕಾರ್ಗೊ ವಿಭಾಗಕ್ಕೆ ಬಂದಿದ್ದ ಪಾರ್ಸೆಲ್ ಪರಿಶೀಲನೆ ನಡೆಸಿದಾಗ, ಸಿಮ್ಕಾರ್ಡ್ಗಳು ಪತ್ತೆಯಾದವು. ಪಾರ್ಸೆಲ್ ಬುಕ್ಕಿಂಗ್ ಮಾಡಿದ್ದ ವಿಳಾಸ ಆಧರಿಸಿ ನಾರಾ ಶ್ರೀನಿವಾಸ್ ಅವರನ್ನು ಬಂಧಿಸಲಾಗಿದೆ. ಇವರು ಹಲವು ತಿಂಗಳಿನಿಂದ ಕೃತ್ಯ ಎಸಗುತ್ತಿದ್ದ ಮಾಹಿತಿ ಲಭ್ಯವಾಗಿದೆ’ ಎಂದರು.</p>.<p>‘ಆರೋಪಿ ಶ್ರೀನಿವಾಸ್ ಕಳುಹಿಸುತ್ತಿದ್ದ ಸಿಮ್ಕಾರ್ಡ್ಗಳು, ತೈವಾನ್ ಹಾಗೂ ಕಾಂಬೋಡಿಯಾದಲ್ಲಿರುವ ಸೈಬರ್ ವಂಚಕರ ಕೈ ಸೇರುತ್ತಿದ್ದವು. ಅದೇ ಸಿಮ್ಕಾರ್ಡ್ ಬಳಸಿಕೊಂಡು ವಂಚಕರು, ಜನರಿಗೆ ಕರೆ ಮಾಡುತ್ತಿದ್ದರು. ಅರೆಕಾಲಿಕ ಕೆಲಸ ಹಾಗೂ ಇತರೆ ಆಮಿಷವೊಡ್ಡಿ ಜನರಿಂದ ಹಣ ಪಡೆದು ವಂಚಿಸುತ್ತಿದ್ದರು’ ಎಂದು ಪೊಲೀಸರು ಹೇಳಿದರು.</p>.<p>‘ಆರೋಪಿ ಬಳಿ 100ಕ್ಕೂ ಹೆಚ್ಚು ಸಿಮ್ಕಾರ್ಡ್ಗಳು ಸಿಕ್ಕಿವೆ. ಆರೋಪಿಗೆ ಜನರ ದಾಖಲೆಗಳು ಎಲ್ಲಿ ಸಿಕ್ಕಿದ್ದವು ? ದಾಖಲೆಗಳನ್ನು ಖರೀದಿ ಮಾಡಿದ್ದರಾ ? ಎಂಬಿತ್ಯಾದಿ ಮಾಹಿತಿ ಕಲೆಹಾಕಲು ತನಿಖೆ ಮುಂದುವರಿಸಲಾಗಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಜನರ ದಾಖಲೆಗಳನ್ನು ದುರುಪಯೋಗಪಡಿಸಿಕೊಂಡು ಸಿಮ್ ಕಾರ್ಡ್ಗಳನ್ನು ಖರೀದಿಸಿ ಸೈಬರ್ ವಂಚಕರಿಗೆ ಪೂರೈಕೆ ಮಾಡುತ್ತಿದ್ದ ಆರೋಪಿ ನಾರಾ ಶ್ರೀನಿವಾಸ್ ರಾವ್ (55) ಅವರನ್ನು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಪೊಲೀಸರು ಇತ್ತೀಚೆಗೆ ಬಂಧಿಸಿದ್ದಾರೆ.</p>.<p>‘ಆಂಧ್ರಪ್ರದೇಶದ ನಾರಾ ಶ್ರೀನಿವಾಸ್ ರಾವ್, ವಿಮಾನದ ಮೂಲಕ ಸಿಮ್ ಕಾರ್ಡ್ಗಳನ್ನು ಬೇರೆ ದೇಶಕ್ಕೆ ಪೂರೈಸುತ್ತಿದ್ದ. ಇದನ್ನು ಪತ್ತೆ ಮಾಡಿದ್ದ ವಿಮಾನ ನಿಲ್ದಾಣದ ಭದ್ರತಾ ಸಿಬ್ಬಂದಿ ಠಾಣೆಗೆ ಮಾಹಿತಿ ನೀಡಿದ್ದರು. ತನಿಖೆ ಕೈಗೊಂಡು ಆರೋಪಿಯನ್ನು ಸೆರೆ ಹಿಡಿಯಲಾಗಿದೆ’ ಎಂದು ಹೇಳಿದರು.</p>.<p>‘ಹಲವು ಜನರ ಆಧಾರ್ ಹಾಗೂ ಇತರೆ ಗುರುತಿನ ಚೀಟಿಗಳನ್ನು ಆರೋಪಿ ಸಂಗ್ರಹಿಸಿದ್ದ. ಮೊಬೈಲ್ ಸೇವಾ ಕಂಪನಿಯ ಕೆಲ ಪ್ರತಿನಿಧಿಗಳ ಸಹಾಯದಿಂದ ಹೊಸ ಸಿಮ್ ಕಾರ್ಡ್ಗಳನ್ನು ಖರೀದಿಸಿದ್ದ. ಅದೇ ಸಿಮ್ ಕಾರ್ಡ್ಗಳನ್ನು ಕೊರಿಯರ್ ಮೂಲಕ ತೈವಾನ್ ಮತ್ತು ಕಾಂಬೋಡಿಯಾ ದೇಶಗಳಿಗೆ ಕಳುಹಿಸುತ್ತಿದ್ದ’ ಎಂದರು.</p>.<p>ಜೀನ್ಸ್ ಪ್ಯಾಂಟ್ನಲ್ಲಿ ಸಿಮ್ ಕಾರ್ಡ್: ‘ಚೆನ್ನೈನ ವ್ಯಕ್ತಿಯೊಬ್ಬರು ನಿರ್ವಹಣೆ ಮಾಡುತ್ತಿರುವ ಕೊರಿಯರ್ ಏಜೆನ್ಸಿಯೊಂದರ ಮೂಲಕ ಆರೋಪಿ, ಸಿಮ್ಕಾರ್ಡ್ಗಳನ್ನು ಪಾರ್ಸೆಲ್ ಕಳುಹಿಸಿದ್ದ. ಜೀನ್ಸ್ ಪ್ಯಾಂಟ್ನೊಳಗೆ 24 ಸಿಮ್ಕಾರ್ಡ್ಗಳನ್ನು ಬಚ್ಚಿಟ್ಟಿದ್ದ’ ಎಂದು ಪೊಲೀಸರು ಹೇಳಿದರು.</p>.<p>‘ವಿಮಾನ ನಿಲ್ದಾಣದ ಕಾರ್ಗೊ ವಿಭಾಗಕ್ಕೆ ಬಂದಿದ್ದ ಪಾರ್ಸೆಲ್ ಪರಿಶೀಲನೆ ನಡೆಸಿದಾಗ, ಸಿಮ್ಕಾರ್ಡ್ಗಳು ಪತ್ತೆಯಾದವು. ಪಾರ್ಸೆಲ್ ಬುಕ್ಕಿಂಗ್ ಮಾಡಿದ್ದ ವಿಳಾಸ ಆಧರಿಸಿ ನಾರಾ ಶ್ರೀನಿವಾಸ್ ಅವರನ್ನು ಬಂಧಿಸಲಾಗಿದೆ. ಇವರು ಹಲವು ತಿಂಗಳಿನಿಂದ ಕೃತ್ಯ ಎಸಗುತ್ತಿದ್ದ ಮಾಹಿತಿ ಲಭ್ಯವಾಗಿದೆ’ ಎಂದರು.</p>.<p>‘ಆರೋಪಿ ಶ್ರೀನಿವಾಸ್ ಕಳುಹಿಸುತ್ತಿದ್ದ ಸಿಮ್ಕಾರ್ಡ್ಗಳು, ತೈವಾನ್ ಹಾಗೂ ಕಾಂಬೋಡಿಯಾದಲ್ಲಿರುವ ಸೈಬರ್ ವಂಚಕರ ಕೈ ಸೇರುತ್ತಿದ್ದವು. ಅದೇ ಸಿಮ್ಕಾರ್ಡ್ ಬಳಸಿಕೊಂಡು ವಂಚಕರು, ಜನರಿಗೆ ಕರೆ ಮಾಡುತ್ತಿದ್ದರು. ಅರೆಕಾಲಿಕ ಕೆಲಸ ಹಾಗೂ ಇತರೆ ಆಮಿಷವೊಡ್ಡಿ ಜನರಿಂದ ಹಣ ಪಡೆದು ವಂಚಿಸುತ್ತಿದ್ದರು’ ಎಂದು ಪೊಲೀಸರು ಹೇಳಿದರು.</p>.<p>‘ಆರೋಪಿ ಬಳಿ 100ಕ್ಕೂ ಹೆಚ್ಚು ಸಿಮ್ಕಾರ್ಡ್ಗಳು ಸಿಕ್ಕಿವೆ. ಆರೋಪಿಗೆ ಜನರ ದಾಖಲೆಗಳು ಎಲ್ಲಿ ಸಿಕ್ಕಿದ್ದವು ? ದಾಖಲೆಗಳನ್ನು ಖರೀದಿ ಮಾಡಿದ್ದರಾ ? ಎಂಬಿತ್ಯಾದಿ ಮಾಹಿತಿ ಕಲೆಹಾಕಲು ತನಿಖೆ ಮುಂದುವರಿಸಲಾಗಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>