<p><strong>ಬೆಂಗಳೂರು: </strong>ನಗರದ ಮೈಸೂರು ರಸ್ತೆ ಮೇಲ್ಸೇತುವೆಯ (ಬಿಜಿಎಸ್) ಜಾಯಿಂಟ್ನಲ್ಲಿ ಮೂರ್ನಾಲ್ಕು ಬೋಲ್ಟ್ಗಳು ಹೊರಬಂದು ಮಂಗಳ ವಾರ ಸಂಚಾರದಲ್ಲಿ ಅಸ್ತವ್ಯಸ್ತ ಉಂಟಾಯಿತು.</p>.<p>ಬಿಬಿಎಂಪಿಯ ಯೋಜನೆ ವಿಭಾಗದ ಎಂಜಿನಿಯರ್ಗಳು ಮಂಗಳವಾರ ರಾತ್ರಿಯಿಡೀ ಈ ಸಮಸ್ಯೆಯನ್ನು ನಿವಾರಿಸಲು ಶ್ರಮಪಟ್ಟರು.</p>.<p>ಪುರಸಭೆ ಕಡೆಯಿಂದ ಮೇಲ್ಸೇತುವೆಯ ಜಾಯಿಂಟ್ನ ಒಂದು ಭಾಗದಲ್ಲಿ ನಾಲ್ಕು ಬೋಲ್ಟ್ಗಳು ಹೊರಬಂದಿರುವುದು ಮಂಗಳವಾರ ಮಧ್ಯಾಹ್ನ ಗಮನಕ್ಕೆ ಬಂದಿತ್ತು. ಸಂಚಾರ ಪೊಲೀಸರು ಬ್ಯಾರಿಕೇಡ್<br />ಗಳನ್ನು ಅಳವಡಿಸಿ, ವಾಹನ ಸವಾರರನ್ನು ಎಚ್ಚರಿಸಿದರು. ಒಂದು ಕಡೆ ಬ್ಯಾರಿಕೇಡ್ ಇದ್ದುದರಿಂದ ಉಂಟಾದ ವಾಹನ ದಟ್ಟಣೆ ಮಂಗಳವಾರ ಮಧ್ಯರಾತ್ರಿಯವರೆಗೂ ಮುಂದುವರಿದಿತ್ತು.</p>.<p>‘ಮೇಲ್ಸೇತುವೆ ಜಾಯಿಂಟ್ನಲ್ಲಿ ಬೋಲ್ಟ್ ಹೊರಬಂದಿದ್ದು ಅದನ್ನು ಮತ್ತೆ ಅಳವಡಿಸುವ ಕಾರ್ಯವನ್ನು ಆರಂಭಿಸಿದ್ದೇವೆ. ಇದರ ತಂತ್ರಜ್ಞಾನ ಹಾಗೂ ಅದಕ್ಕೆ ಬೇಕಿರುವ ಉಪಕರಣಗಳು ಸ್ಥಳೀಯವಾಗಿ ಸಿಗುವುದು ವಿರಳ. ಆದರೂ ತಂತ್ರಜ್ಞ<br />ರನ್ನು ಹುಡುಕಿ ಕರೆತಂದಿದ್ದೇವೆ. ಅದನ್ನು ಅಳವಡಿಸಲು ಒಂದಷ್ಟು ಸಮಯ ಬೇಕಿದೆ. ಬುಧವಾರ ಬೆಳಿಗ್ಗೆವರೆಗೆ ಎಲ್ಲವೂ ಸರಿಯಾಗುತ್ತದೆ’ ಎಂದು ಬಿಬಿಎಂಪಿ ಯೋಜನೆ ವಿಭಾಗದ ಮುಖ್ಯ ಎಂಜಿನಿಯರ್ ವಿನಾಯಕ ಎಸ್. ಸುಗೂರ್<br />ಹೇಳಿದರು.</p>.<p>‘ಮೇಲ್ಸೇತುವೆಯ ಈ ಕೆಲಸದ ನಿರ್ವಹಣೆ ಅವಧಿ ಮುಗಿದಿದೆ. ಇಂತಹ ಉಪಕರಣಗಳು ಸ್ಥಳೀಯವಾಗಿ ಲಭ್ಯವಿರದ ಕಾರಣ ತಕ್ಷಣವೇ ದುರಸ್ತಿ ಕಾರ್ಯ ಸಾಧ್ಯವಾಗಿರಲಿಲ್ಲ. ತಂತ್ರಜ್ಞರನ್ನು ಸಂಜೆ ವೇಳೆಗೆ ಕರೆತಂದು ದುರಸ್ತಿ ಕಾರ್ಯ ಆರಂಭಿಸಲಾಗಿದೆ’ ಎಂದರು.</p>.<p>‘ನಗರದ ಎಲ್ಲ 47 ಮೇಲ್ಸೇತುವೆಯಲ್ಲೂ ಪರಿವೀಕ್ಷಣೆ ಕಾರ್ಯ ನಡೆಸಲು ನಮ್ಮ ಎಂಜಿನಿಯರ್ಗಳಿಗೆ ಸೂಚಿಸಲಾಗುತ್ತದೆ. ಕಾಲಕಾಲಕ್ಕೆ ಇದರ ಬಗ್ಗೆ ಪರಿವೀಕ್ಷಣೆ ಆಗುತ್ತಿರಬೇಕು. ಮುಂಜಾಗ್ರತೆ ವಹಿಸಬೇಕು. ಈ ಬಗ್ಗೆ ಬುಧವಾರದಿಂದಲೇ ಕಾರ್ಯಾಚರಣೆ ಆರಂಭವಾಗಲಿದೆ’<br />ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ನಗರದ ಮೈಸೂರು ರಸ್ತೆ ಮೇಲ್ಸೇತುವೆಯ (ಬಿಜಿಎಸ್) ಜಾಯಿಂಟ್ನಲ್ಲಿ ಮೂರ್ನಾಲ್ಕು ಬೋಲ್ಟ್ಗಳು ಹೊರಬಂದು ಮಂಗಳ ವಾರ ಸಂಚಾರದಲ್ಲಿ ಅಸ್ತವ್ಯಸ್ತ ಉಂಟಾಯಿತು.</p>.<p>ಬಿಬಿಎಂಪಿಯ ಯೋಜನೆ ವಿಭಾಗದ ಎಂಜಿನಿಯರ್ಗಳು ಮಂಗಳವಾರ ರಾತ್ರಿಯಿಡೀ ಈ ಸಮಸ್ಯೆಯನ್ನು ನಿವಾರಿಸಲು ಶ್ರಮಪಟ್ಟರು.</p>.<p>ಪುರಸಭೆ ಕಡೆಯಿಂದ ಮೇಲ್ಸೇತುವೆಯ ಜಾಯಿಂಟ್ನ ಒಂದು ಭಾಗದಲ್ಲಿ ನಾಲ್ಕು ಬೋಲ್ಟ್ಗಳು ಹೊರಬಂದಿರುವುದು ಮಂಗಳವಾರ ಮಧ್ಯಾಹ್ನ ಗಮನಕ್ಕೆ ಬಂದಿತ್ತು. ಸಂಚಾರ ಪೊಲೀಸರು ಬ್ಯಾರಿಕೇಡ್<br />ಗಳನ್ನು ಅಳವಡಿಸಿ, ವಾಹನ ಸವಾರರನ್ನು ಎಚ್ಚರಿಸಿದರು. ಒಂದು ಕಡೆ ಬ್ಯಾರಿಕೇಡ್ ಇದ್ದುದರಿಂದ ಉಂಟಾದ ವಾಹನ ದಟ್ಟಣೆ ಮಂಗಳವಾರ ಮಧ್ಯರಾತ್ರಿಯವರೆಗೂ ಮುಂದುವರಿದಿತ್ತು.</p>.<p>‘ಮೇಲ್ಸೇತುವೆ ಜಾಯಿಂಟ್ನಲ್ಲಿ ಬೋಲ್ಟ್ ಹೊರಬಂದಿದ್ದು ಅದನ್ನು ಮತ್ತೆ ಅಳವಡಿಸುವ ಕಾರ್ಯವನ್ನು ಆರಂಭಿಸಿದ್ದೇವೆ. ಇದರ ತಂತ್ರಜ್ಞಾನ ಹಾಗೂ ಅದಕ್ಕೆ ಬೇಕಿರುವ ಉಪಕರಣಗಳು ಸ್ಥಳೀಯವಾಗಿ ಸಿಗುವುದು ವಿರಳ. ಆದರೂ ತಂತ್ರಜ್ಞ<br />ರನ್ನು ಹುಡುಕಿ ಕರೆತಂದಿದ್ದೇವೆ. ಅದನ್ನು ಅಳವಡಿಸಲು ಒಂದಷ್ಟು ಸಮಯ ಬೇಕಿದೆ. ಬುಧವಾರ ಬೆಳಿಗ್ಗೆವರೆಗೆ ಎಲ್ಲವೂ ಸರಿಯಾಗುತ್ತದೆ’ ಎಂದು ಬಿಬಿಎಂಪಿ ಯೋಜನೆ ವಿಭಾಗದ ಮುಖ್ಯ ಎಂಜಿನಿಯರ್ ವಿನಾಯಕ ಎಸ್. ಸುಗೂರ್<br />ಹೇಳಿದರು.</p>.<p>‘ಮೇಲ್ಸೇತುವೆಯ ಈ ಕೆಲಸದ ನಿರ್ವಹಣೆ ಅವಧಿ ಮುಗಿದಿದೆ. ಇಂತಹ ಉಪಕರಣಗಳು ಸ್ಥಳೀಯವಾಗಿ ಲಭ್ಯವಿರದ ಕಾರಣ ತಕ್ಷಣವೇ ದುರಸ್ತಿ ಕಾರ್ಯ ಸಾಧ್ಯವಾಗಿರಲಿಲ್ಲ. ತಂತ್ರಜ್ಞರನ್ನು ಸಂಜೆ ವೇಳೆಗೆ ಕರೆತಂದು ದುರಸ್ತಿ ಕಾರ್ಯ ಆರಂಭಿಸಲಾಗಿದೆ’ ಎಂದರು.</p>.<p>‘ನಗರದ ಎಲ್ಲ 47 ಮೇಲ್ಸೇತುವೆಯಲ್ಲೂ ಪರಿವೀಕ್ಷಣೆ ಕಾರ್ಯ ನಡೆಸಲು ನಮ್ಮ ಎಂಜಿನಿಯರ್ಗಳಿಗೆ ಸೂಚಿಸಲಾಗುತ್ತದೆ. ಕಾಲಕಾಲಕ್ಕೆ ಇದರ ಬಗ್ಗೆ ಪರಿವೀಕ್ಷಣೆ ಆಗುತ್ತಿರಬೇಕು. ಮುಂಜಾಗ್ರತೆ ವಹಿಸಬೇಕು. ಈ ಬಗ್ಗೆ ಬುಧವಾರದಿಂದಲೇ ಕಾರ್ಯಾಚರಣೆ ಆರಂಭವಾಗಲಿದೆ’<br />ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
