ಔರಾದ್: ಹಚ್ಚ ಹಸಿರಿನಿಂದ ಕೂಡಿದ ನರ್ಸರಿ, ಬರಗಾಲದ ನಡುವೆ ಲಕ್ಷ ಸಸಿಗಳ ಪೋಷಣೆ

ಔರಾದ್: ಬರ, ನೀರಿನ ಕೊರತೆ ನಡುವೆಯೂ ಇಲ್ಲಿಯ ಬೋರಾಳ ಸಸ್ಯ ಕ್ಷೇತ್ರದಲ್ಲಿ (ನರ್ಸರಿ) ಒಂದು ಲಕ್ಷ ಸಸಿಗಳ ಪೋಷಣೆ ಮಾಡಲಾಗಿದೆ.

. ಬೀದರ್-ಔರಾದ್ ಹೆದ್ದಾರಿಗೆ ಹೊಂದಿಕೊಂಡು ಅರಣ್ಯ ಇಲಾಖೆ, ಸಾಮಾಜಿಕ ಅರಣ್ಯ ವಲಯದ ವ್ಯಾಪ್ತಿಗೆ ಬರುವ ಬೋರಾಳ ನರ್ಸರಿ ಬಿರು ಬಿಸಿಲಿನಲ್ಲೂ ಹಚ್ಚ ಹಸರಿನಿಂದ ಕಂಗೊಳಿಸುತ್ತಿದೆ.

. ಹಸಿರೀಕರಣಕ್ಕೆ ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಅರಣ್ಯ ಇಲಾಖೆ ರಸ್ತೆ ಬದಿ, ಸಾರ್ವಜನಿಕ ಸ್ಥಳ ಹಾಗೂ ರೈತರ ಹೊಲಗಳಲ್ಲಿ ಸಸಿ ನೆಡಲು ಈ ವರ್ಷ 1.04 ಲಕ್ಷ ಸಸಿಗಳು ಬೆಳೆಸಿದೆ. ಬೇವು, ಮಾವು, ಅರಳಿ, ಹೆಬ್ಬೇವು, ತೇಗ, ಸಿಲ್ವರ ಓಕ್, ನಿಂಬೆ, ಶ್ರೀಗಂಧ, ಬನ್ನಿ, ಬಿಲ್ವಪತ್ರೆ, ಚರಿ, ನುಗ್ಗೆ, ಹುಣಸೆ, ಆಲ, ಅರಳಿ ಹೊಂಗೆ ಸೇರಿದಂತೆ 15 ಪ್ರಕಾರದ ವಿವಿಧ ಜಾತಿಯ ಸಸಿಗಳನ್ನು ಬೆಳೆಸಿದ್ದಾರೆ.

. ಅತಿ ದೊಡ್ಡ ಅಂದರೆ 14/20 ಚಿಕ್ಕ ಅಂದರೆ 6/9 ಎತ್ತರದ ಸಸಿಗಳು ಇಲ್ಲಿ ಬೆಳೆಸಿದ್ದು ಮಳೆಯಾದ ಕೂಡಲೇ ಇವು ತಾಲ್ಲೂಕಿನಾದ್ಯಂತ ನೆಡಲು ಸಿದ್ಧತೆ ಮಾಡಿಕೊಂಡಿದ್ದಾರೆ.

. ’ಈ ನರ್ಸರಿಯಲ್ಲಿ ವರ್ಷ ಪೂರ್ತಿ ಸಸಿ ಪೋಷಣೆ ಮಾಡುವ ಕೆಲಸ ನಡೆಯುತ್ತಿರುತ್ತದೆ. ಇದಕ್ಕಾಗಿ 2. 5 ಎಕರೆ ಜಮೀನು ಇದೆ. ಸುತ್ತಲೂ ಬೇಲಿ ಹಾಕಿ ಅದರಲ್ಲಿ ಸಸಿಗಳ ಪೋಷಣೆ ಮಾಡಲಾಗುತ್ತದೆ. ಎರಡು ಕೊಳವೆ ಬಾವಿ ಇದೆ. ಅದರ ನೀರನ್ನು ಟ್ಯಾಂಕ್ನಲ್ಲಿ ಸಂಗ್ರಹಿಸಿ ಸಸಿಗಳಿಗೆ ನಿಯಮಿತವಾಗಿ ಬಿಡಲಾಗುತ್ತದೆ. ಆದರೆ, ಈ ಬಾರಿ ಬೇಸಿಗೆ ಆರಂಭದಲ್ಲೇ ಎರಡು ಕೊಳವೆ ಬಾವಿ ಬತ್ತಿ ಕೆಲ ದಿನ ಸಮಸ್ಯೆಯಾಗಿತ್ತು. ಹೀಗಾಗಿ ಖಾಸಗಿ ವ್ಯಕ್ತಿಯೊಬ್ಬರ ಕೊಳವೆ ಬಾವಿ ಪಡೆದು ಅದರ ಮೂಲಕ ನಮ್ಮ ನರ್ಸರಿಗೆ ನೀರು ಪೂರೈಸಿದ್ದೇವೆʼ ಎನ್ನುತ್ತಾರೆ ಉಪ ವಲಯ ಅರಣ್ಯಾಧಿಕಾರಿ ಹಾವಪ್ಪ ಶೆಂಬೆಳ್ಳಿ.

. ’ಪರಿಸರ ಸಂರಕ್ಷಣೆ ಹಿನ್ನೆಲೆಯಲ್ಲಿ ಎಲ್ಲ ಕಡೆ ಸಸಿಗಳು ನೆಡಬೇಕಾಗಿದೆ. ಇದಕ್ಕಾಗಿ ಕೃಷಿ ವಿಕಾಸ, ನರೇಗಾ ಸೇರಿದಂತೆ ವಿವಿಧ ಯೋಜನೆಯಡಿ ನಾವು 1 ಲಕ್ಷ ಸಸಿ ಬೆಳೆಸಿದ್ದೇವೆ. ಈ ಮಳೆಗಾಲದಲ್ಲಿ ರೈತರು, ಸರ್ಕಾರಿ ಹಾಗೂ ಸರ್ಕಾರೇತರ ಸಂಘ ಸಂಸ್ಥೆಗಳ ಮೂಲಕ ಸಸಿ ನೆಟ್ಟು ಪೋಷಣೆ ಮಾಡಲಾಗುವುದುʼ ಎಂದು ವಲಯ ಅರಣ್ಯಾಧಿಕಾರಿ ಪ್ರಕಾಶ ನಿಪ್ಪಾಣಿ ತಿಳಿಸಿದ್ದಾರೆ.

. ನಿಗದಿತ ಗುರಿಯಂತೆ ನಾವು ಪ್ರತಿ ವರ್ಷ ನರ್ಸರಿಯಲ್ಲಿ ಸಸಿಗಳ ಪೋಷಣೆ ಮಾಡುತ್ತೇವೆ. ಆದರೆ ಈ ವರ್ಷ ನೀರಿನ ಕೊರತೆ ನಡುವೆಯೂ ಒಂದು ಲಕ್ಷ ಸಸಿ ಬೆಳೆಸಿದ್ದೇವೆ –ಪ್ರಕಾಶ ನಿಪ್ಪಾಣಿ, ವಲಯ ಅರಣ್ಯಾಧಿಕಾರಿಗಳು ಸಾಮಾಜಿಕ ವಲಯ ಔರಾದ್ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಔರಾದ್: ಹಚ್ಚ ಹಸಿರಿನಿಂದ ಕೂಡಿದ ನರ್ಸರಿ, ಬರಗಾಲದ ನಡುವೆ ಲಕ್ಷ ಸಸಿಗಳ ಪೋಷಣೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ