ಮಂಗನಬಾವು ತಾಲ್ಲೂಕಿನ ಮಕ್ಕಳಲ್ಲಿ ಹೆಚ್ಚು ಕಾಣಿಸಿಕೊಂಡಿದೆ ಒಬ್ಬರಿಂದ ಮತ್ತೊಬ್ಬರಿಗೆ ಹರಡುವ ಬಾವು ಮಕ್ಕಳನ್ನು ಹೈರಾಣಾಗಿಸಿದೆ ಪೋಷಕರಲ್ಲಿ ಆತಂಕ ಹೆಚ್ಚಿದ್ದು, ಆರೋಗ್ಯ ಇಲಾಖೆ ಜಾಗೃತಿ ಮೂಡಿಸಬೇಕು
ಮಂಗನಬಾವು ಮಮ್ಸ್ ವೈರಾಣುವಿನಿಂದ ಹರಡುವ ಕಾಯಿಲೆಯಾಗಿದೆ. ಪ್ಯಾರೋಟಿಡ್ ಗ್ರಂಥಿಗಳನ್ನು ದೊಡ್ಡದಾಗಿಸಿ ನೋವುಂಟು ಮಾಡಲಿದೆ. ಪೋಷಕರು ಆತಂಕ ಪಡದೆ ಮಕ್ಕಳ ಆರೈಕೆಗೆ ಮುಂದಾಗಬೇಕಿದೆ.
ಎಂ.ಡಿ.ಆರಿಫೋದ್ದಿನ್ ವೈದ್ಯಾಧಿಕಾರಿ ಸಮುದಾಯ ಆರೋಗ್ಯ ಕೇಂದ್ರ ಹುಲಸೂರ
ಶಾಲೆಗೆ ಹೋಗುವುದು ಮತ್ತು ಕೂಡಿ ಆಟವಾಡುವುದರಿಂದ ಮಕ್ಕಳಲ್ಲಿ ವೇಗವಾಗಿ ಮಂಗನಬಾವು ಸೋಂಕು ಹರಡಲಿದೆ. ಸೋಂಕು ಇರುವ ಮಕ್ಕಳು ಕೆಲದಿನ ಶಾಲೆಗೆ ಹೋಗದೆ ಪ್ರತ್ಯೇಕವಾಗಿದ್ದರೆ ಸೋಂಕು ಹಬ್ಬದಂತೆ ನೋಡಿಕೊಳ್ಳಬಹುದು.
ಡಾ.ಮಲ್ಲಿಕಾರ್ಜುನ ಹುಮನಾಬಾದೆ ಮಕ್ಕಳ ತಜ್ಞ
ಸೋಂಕು ತಡೆಗೆ ಮಾರ್ಗ
ಸೋಂಕಿತರಲ್ಲಿ ಒಂದು ವಾರದಿಂದ ಎರಡು ವಾರಗಳ ಕಾಲ ಸೋಂಕು ಸಕ್ರಿಯವಾಗಿರಲಿದ್ದು ಸ್ವಯಂ ನಿಯಂತ್ರಣ ಕ್ರಮಗಳಿಂದ ಸೋಂಕು ನಿಯಂತ್ರಿಸಬಹುದು. ಹೆಚ್ಚಾಗಿ ದ್ರವ ಆಹಾರ ನೀಡುವುದು ಜೊಲ್ಲುಹೆಚ್ಚಿಸುವ ಹುಳಿ ಹೆಚ್ಚಿಸುವ ಆಹಾರ ನೀಡಬಾರದು. ಹೆಚ್ಚಾಗಿ ಮಕ್ಕಳಲ್ಲಿಸೋಂಕು ಕಂಡುಬರುವುದರಿಂದ ಕೆಲ ದಿನ ಕೂಡಿ ಆಡುವುದಕ್ಕೆ ಶಾಲೆಗೆ ಕಳಿಸಬಾರದು. ಪ್ರತ್ಯೇಕವಾಗಿ ಇರುವುದರಿಂದ ಸೋಂಕು ಹಬ್ಬದಂತೆ ತಡೆಯಬಹುದು ಎನ್ನುತ್ತಾರೆ ವೈದ್ಯರು.