<p><strong>ಯಳಂದೂರು</strong>: ತಾಲ್ಲೂಕಿನ ಸುತ್ತಮುತ್ತ ಮುಂಗಾರು ಸುರಿಯುತ್ತಿದ್ದು ಇಳೆಯ ಗರ್ಭದಲ್ಲಿ ಅಡಗಿ ಕುಳಿತಿದ್ದ ಅಣಬೆಗಳು ದುತ್ತೆಂದು ಹೊರಬಂದಿದ್ದು ಅಣಬೆ ಲೋಕ ಸೃಷ್ಟಿಯಾಗಿದೆ. ಉದರಕ್ಕೆ ಪೋಷಕ ಆಹಾರವನ್ನು ನೀಡುವ ಅಣಬೆಗಳು ಕೊಡೆ ಅಗಲಿಸಿ ನಿಂತಿದ್ದು ಆಕರ್ಷಿಸುತ್ತಿವೆ.</p>.<p>ಈ ಬಾರಿ ನಿರೀಕ್ಷಿಸಿದಷ್ಟು ವರ್ಷಧಾರೆ ಕಂಡಿಲ್ಲವಾದರೂ ಸಂದು–ಗೊಂದು, ಗೊಬ್ಬರದ ತಿಪ್ಪೆ, ಒಣಗಿದ ಮರಗಳ ಕಾಂಡದ ಸುತ್ತ ಹಿರಿ ಕಿರಿ ಅಣಬೆಗಳು ಇಣುಕಿವೆ. ವೈವಿಧ್ಯಮಯ ಆಕಾರ ಮತ್ತು ಶ್ವೇತ ವರ್ಣದಲ್ಲಿ ಬೀಗುತ್ತಿರುವ ಅಣಬೆಗಳು ಎಲ್ಲೆಡೆ ಗಮನ ಸೆಳೆಯುತ್ತಿವೆ.</p>.<p>ಅಣಬೆಗಳ ಜೀವಿತಾವಧಿ ಅಲ್ಪವಾಗಿದ್ದು ಕೆಲವು ಬಗೆಯ ಅಣಬೆಗಳು ಮಾತ್ರ ಅಡುಗೆಗೆ ಬಳಕೆಯಾಗುತ್ತಿದ್ದು, ಹಲವು ಬಣ್ಣದ ಅಣಬೆಗಳು ಕೊಳೆತು ಭೂಮಿ ಸೇರುತ್ತಿವೆ.</p>.<p>ಕಳೆದೊಂದು ತಿಂಗಳಿಂದ ತಾಲ್ಲೂಕಿನಲ್ಲಿ ಅಲ್ಲಲ್ಲಿ ಅಣಬೆಗಳು ಕಾಣಸಿಗುತ್ತಿವೆ. ಶೀಲಿಂಧ್ರ ವರ್ಗಕ್ಕೆ ಸೇರಿದ ಅಣಬೆಗಳು ಸಾವಯವ ವಸ್ತುಗಳಲ್ಲಿ ಅರಳುವ ಕೊಳೆತಿನಿಗಳು. ಬಣ್ಣ, ಆಕಾರ, ಗಾತ್ರದಲ್ಲೂ ವಿಭಿನ್ನ, ವಿಶಿಷ್ಟ ಹಾಗೂ ವಿಶೇಷವಾಗಿ ಕಂಡುಬರುತ್ತವೆ.</p>.<p>ಪರಿಸರದಲ್ಲಿರುವ ಸಸ್ಯ ಮತ್ತು ಪ್ರಾಣಿಜನ್ಯ ಸಾವಯವ ವಸ್ತುಗಳನ್ನು ಕರಗಿಸಿ, ಅಲ್ಲಿನ ಪೋಷಕಾಂಶ ಹೀರಿಕೊಂಡು ಸಸ್ಯಗಳಿಗೂ ಹಂಚುವ ಕೆಲಸವನ್ನು ಅಣಬೆಗಳು ಮಾಡುತ್ತಿವೆ. ಹಾಗಾಗಿ ಅಣಬೆಗಳು ಪರಿಸರ ಸ್ವಚ್ಛತೆಯ ಸೂಚಕವೆಂದೂ ಪರಿಗಣಿಸಲಾಗುತ್ತದೆ ಎನ್ನುತ್ತಾರೆ ಗಿಡಮೂಲಿಕ ತಜ್ಞರಾದ ಬಿಳಿಗಿರಿಬೆಟ್ಟದ ಬೊಮ್ಮಯ್ಯ.</p>.<p>ಪ್ರಪಂಚದಲ್ಲಿ 13 ಸಾವಿರಕ್ಕಿಂತ ಹೆಚ್ಚಿನ ಜಾತಿಯ ಅಣಬೆಗಳಿವೆಯಂತೆ. ಬಿಳಿಗಿರಿ ರಂಗನ ಬೆಟ್ಟದ ವ್ಯಾಪ್ತಿಯಲ್ಲಿ ಹತ್ತಾರು ಅಣಬೆ ಪ್ರಭೇದಗಳನ್ನು ಗುರುತಿಸಲಾಗಿದೆ. ಸೂಜಿ ಗಾತ್ರದಿಂದ ಹಿಡಿದು ಕೆಜಿ ತೂಕದ ಅಣಬೆಗಳು ಇಲ್ಲಿ ಬೆಳೆಯುವುದು ವಿಶೇಷ. ಕೆಲವು ಕೊಡೆಯಾಕಾರ ಪಡೆದರೆ, ಮತ್ತಲವು ತಟ್ಟೆಯಂತೆ ಹರಡಿಕೊಂಡಿರುತ್ತದೆ. ಬಿಳಿ ಬಣ್ಣದಿಂದ ಹಲವು ವರ್ಣ ಸಂಕರಗಳ ನಾಯಿ ಕೊಡೆಗಳನ್ನು ಕಾಡಂಚಿನ ಪ್ರದೇಶಗಳಲ್ಲಿ ಅಣಬೆಗಳನ್ನು ಕಾಣಬಹುದು ಎನ್ನುತ್ತಾರೆ ಆಮೆಕೆರೆ ರೈತ ರಾಮೇಗೌಡ.</p>.<p>ದೋಸೆ ಅಣಬೆ: ಹೊಲ, ಗದ್ದೆಗಳಲ್ಲಿ ಸಾಮಾನ್ಯವಾಗಿ ದೋಸೆ ಅಣಬೆಗಳು ಹುಟ್ಟಿಕೊಳ್ಳುತ್ತವೆ. ಉಬ್ಬಿದ ದಪ್ಪ ದೋಸೆಯಂತೆ ಕಾಣುವುದರ ಜೊತೆಗೆ ಇವುಗಳ ಸುತ್ತಮುತ್ತ ಬುಡದಲ್ಲಿ ಚಿಕ್ಕಪುಟ್ಟ ಅಣಬೆಗಳು ಮೂಡುತ್ತವೆ. ಈ ಅಣಬೆ ಸೇವನೆಗೆ ಯೋಗ್ಯವಲ್ಲ. ಒಣಗಿದ ತೆಂಗಿನಮರದ ಬದಿಯಲ್ಲಿ, ಕಡಿದ ಮರಗಳ ಕೆಳಗೆ ಸುಂದರವಾಗಿ ಕಾಣುವ ಈ ಅಣಬೆಗಳ ಆಯುಸ್ಸು ಎರಡರಿಂದ ಮೂರು ದಿನವಷ್ಟೆ.</p>.<p>ಭೂಗರ್ಭದಿಂದ ಮೇಲೆದ್ದುಬಂದ ಅಣಬೆ ಪೋಡು, ಕೆರೆ ಬದಿ ಎದ್ದಿರುವ ಅಣಬೆಗಳು ಪೌಷ್ಟಿಕಾಂಶಯುಕ್ತ ಆಹಾರವಾಗಿ ಬಳಕೆ</p>.<p> ‘ಅಣಬೆಗೆ ಚಂದದ ಹೆಸರು’ ಸಾಮಾನ್ಯವಾಗಿ ಬನದ ಸುತ್ತಮುತ್ತ ಮುಂಗಾರು ಹಂಗಾಮಿನಲ್ಲಿ ಭೂಮಿ ತೇವಗೊಂಡಾಗ ಚಂದದ ಅಣಬೆ ಕಾಣಸಿಗುತ್ತವೆ. ಛತ್ರಿ ಅಣಬೆ ಮೊಟ್ಟೆ ಅಣಬೆ ಅಕ್ಕಿ ಅಣಬೆ ಕೋಳಿ ಅಣಬೆಗಳನ್ನು ಸೋಲಿಗರು ಗುರುತಿಸುತ್ತಾರೆ. ಪೋಡುಗಳ ಬದಿ ಕೆರೆ ಪರಿಸರದಲ್ಲಿ ಜಲಪಾತಗಳ ಬದಿ ಇವು ಹೆಚ್ಚಾಗಿ ಬೆಳೆಯುತ್ತವೆ. ಇವನ್ನು ಕೊಯ್ಲು ಮಾಡಿ ವಿವಿಧ ಭಕ್ಷ್ಯಗಳನ್ನು ತಯಾರಿಸಿ ಸವಿಯಲಾಗುತ್ತದೆ. ಔಷಧೀಯ ಗುಣವನ್ನು ಹೊಂದಿರುವ ಅಣಬೆಗಳು ಉದರಕ್ಕೆ ತಂಪು ನಾಲಿಗೆಗೆ ಸವಿರುಚಿ ನೀಡುತ್ತವೆ. ಆದರೆ ಹುಚ್ಚ ಅಣಬೆ ಮತ್ತು ಮರದ ಅಣಬೆ ಬಳಕೆಗೆ ಯೋಗ್ಯವಲ್ಲ. ಕೆಲವು ವಿಷಕಾರಿ ಅಂಶವೂ ಇರುತ್ತದೆ ಎನ್ನುತ್ತಾರೆ ಸೋಲಿಗರ ಕೇತಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಳಂದೂರು</strong>: ತಾಲ್ಲೂಕಿನ ಸುತ್ತಮುತ್ತ ಮುಂಗಾರು ಸುರಿಯುತ್ತಿದ್ದು ಇಳೆಯ ಗರ್ಭದಲ್ಲಿ ಅಡಗಿ ಕುಳಿತಿದ್ದ ಅಣಬೆಗಳು ದುತ್ತೆಂದು ಹೊರಬಂದಿದ್ದು ಅಣಬೆ ಲೋಕ ಸೃಷ್ಟಿಯಾಗಿದೆ. ಉದರಕ್ಕೆ ಪೋಷಕ ಆಹಾರವನ್ನು ನೀಡುವ ಅಣಬೆಗಳು ಕೊಡೆ ಅಗಲಿಸಿ ನಿಂತಿದ್ದು ಆಕರ್ಷಿಸುತ್ತಿವೆ.</p>.<p>ಈ ಬಾರಿ ನಿರೀಕ್ಷಿಸಿದಷ್ಟು ವರ್ಷಧಾರೆ ಕಂಡಿಲ್ಲವಾದರೂ ಸಂದು–ಗೊಂದು, ಗೊಬ್ಬರದ ತಿಪ್ಪೆ, ಒಣಗಿದ ಮರಗಳ ಕಾಂಡದ ಸುತ್ತ ಹಿರಿ ಕಿರಿ ಅಣಬೆಗಳು ಇಣುಕಿವೆ. ವೈವಿಧ್ಯಮಯ ಆಕಾರ ಮತ್ತು ಶ್ವೇತ ವರ್ಣದಲ್ಲಿ ಬೀಗುತ್ತಿರುವ ಅಣಬೆಗಳು ಎಲ್ಲೆಡೆ ಗಮನ ಸೆಳೆಯುತ್ತಿವೆ.</p>.<p>ಅಣಬೆಗಳ ಜೀವಿತಾವಧಿ ಅಲ್ಪವಾಗಿದ್ದು ಕೆಲವು ಬಗೆಯ ಅಣಬೆಗಳು ಮಾತ್ರ ಅಡುಗೆಗೆ ಬಳಕೆಯಾಗುತ್ತಿದ್ದು, ಹಲವು ಬಣ್ಣದ ಅಣಬೆಗಳು ಕೊಳೆತು ಭೂಮಿ ಸೇರುತ್ತಿವೆ.</p>.<p>ಕಳೆದೊಂದು ತಿಂಗಳಿಂದ ತಾಲ್ಲೂಕಿನಲ್ಲಿ ಅಲ್ಲಲ್ಲಿ ಅಣಬೆಗಳು ಕಾಣಸಿಗುತ್ತಿವೆ. ಶೀಲಿಂಧ್ರ ವರ್ಗಕ್ಕೆ ಸೇರಿದ ಅಣಬೆಗಳು ಸಾವಯವ ವಸ್ತುಗಳಲ್ಲಿ ಅರಳುವ ಕೊಳೆತಿನಿಗಳು. ಬಣ್ಣ, ಆಕಾರ, ಗಾತ್ರದಲ್ಲೂ ವಿಭಿನ್ನ, ವಿಶಿಷ್ಟ ಹಾಗೂ ವಿಶೇಷವಾಗಿ ಕಂಡುಬರುತ್ತವೆ.</p>.<p>ಪರಿಸರದಲ್ಲಿರುವ ಸಸ್ಯ ಮತ್ತು ಪ್ರಾಣಿಜನ್ಯ ಸಾವಯವ ವಸ್ತುಗಳನ್ನು ಕರಗಿಸಿ, ಅಲ್ಲಿನ ಪೋಷಕಾಂಶ ಹೀರಿಕೊಂಡು ಸಸ್ಯಗಳಿಗೂ ಹಂಚುವ ಕೆಲಸವನ್ನು ಅಣಬೆಗಳು ಮಾಡುತ್ತಿವೆ. ಹಾಗಾಗಿ ಅಣಬೆಗಳು ಪರಿಸರ ಸ್ವಚ್ಛತೆಯ ಸೂಚಕವೆಂದೂ ಪರಿಗಣಿಸಲಾಗುತ್ತದೆ ಎನ್ನುತ್ತಾರೆ ಗಿಡಮೂಲಿಕ ತಜ್ಞರಾದ ಬಿಳಿಗಿರಿಬೆಟ್ಟದ ಬೊಮ್ಮಯ್ಯ.</p>.<p>ಪ್ರಪಂಚದಲ್ಲಿ 13 ಸಾವಿರಕ್ಕಿಂತ ಹೆಚ್ಚಿನ ಜಾತಿಯ ಅಣಬೆಗಳಿವೆಯಂತೆ. ಬಿಳಿಗಿರಿ ರಂಗನ ಬೆಟ್ಟದ ವ್ಯಾಪ್ತಿಯಲ್ಲಿ ಹತ್ತಾರು ಅಣಬೆ ಪ್ರಭೇದಗಳನ್ನು ಗುರುತಿಸಲಾಗಿದೆ. ಸೂಜಿ ಗಾತ್ರದಿಂದ ಹಿಡಿದು ಕೆಜಿ ತೂಕದ ಅಣಬೆಗಳು ಇಲ್ಲಿ ಬೆಳೆಯುವುದು ವಿಶೇಷ. ಕೆಲವು ಕೊಡೆಯಾಕಾರ ಪಡೆದರೆ, ಮತ್ತಲವು ತಟ್ಟೆಯಂತೆ ಹರಡಿಕೊಂಡಿರುತ್ತದೆ. ಬಿಳಿ ಬಣ್ಣದಿಂದ ಹಲವು ವರ್ಣ ಸಂಕರಗಳ ನಾಯಿ ಕೊಡೆಗಳನ್ನು ಕಾಡಂಚಿನ ಪ್ರದೇಶಗಳಲ್ಲಿ ಅಣಬೆಗಳನ್ನು ಕಾಣಬಹುದು ಎನ್ನುತ್ತಾರೆ ಆಮೆಕೆರೆ ರೈತ ರಾಮೇಗೌಡ.</p>.<p>ದೋಸೆ ಅಣಬೆ: ಹೊಲ, ಗದ್ದೆಗಳಲ್ಲಿ ಸಾಮಾನ್ಯವಾಗಿ ದೋಸೆ ಅಣಬೆಗಳು ಹುಟ್ಟಿಕೊಳ್ಳುತ್ತವೆ. ಉಬ್ಬಿದ ದಪ್ಪ ದೋಸೆಯಂತೆ ಕಾಣುವುದರ ಜೊತೆಗೆ ಇವುಗಳ ಸುತ್ತಮುತ್ತ ಬುಡದಲ್ಲಿ ಚಿಕ್ಕಪುಟ್ಟ ಅಣಬೆಗಳು ಮೂಡುತ್ತವೆ. ಈ ಅಣಬೆ ಸೇವನೆಗೆ ಯೋಗ್ಯವಲ್ಲ. ಒಣಗಿದ ತೆಂಗಿನಮರದ ಬದಿಯಲ್ಲಿ, ಕಡಿದ ಮರಗಳ ಕೆಳಗೆ ಸುಂದರವಾಗಿ ಕಾಣುವ ಈ ಅಣಬೆಗಳ ಆಯುಸ್ಸು ಎರಡರಿಂದ ಮೂರು ದಿನವಷ್ಟೆ.</p>.<p>ಭೂಗರ್ಭದಿಂದ ಮೇಲೆದ್ದುಬಂದ ಅಣಬೆ ಪೋಡು, ಕೆರೆ ಬದಿ ಎದ್ದಿರುವ ಅಣಬೆಗಳು ಪೌಷ್ಟಿಕಾಂಶಯುಕ್ತ ಆಹಾರವಾಗಿ ಬಳಕೆ</p>.<p> ‘ಅಣಬೆಗೆ ಚಂದದ ಹೆಸರು’ ಸಾಮಾನ್ಯವಾಗಿ ಬನದ ಸುತ್ತಮುತ್ತ ಮುಂಗಾರು ಹಂಗಾಮಿನಲ್ಲಿ ಭೂಮಿ ತೇವಗೊಂಡಾಗ ಚಂದದ ಅಣಬೆ ಕಾಣಸಿಗುತ್ತವೆ. ಛತ್ರಿ ಅಣಬೆ ಮೊಟ್ಟೆ ಅಣಬೆ ಅಕ್ಕಿ ಅಣಬೆ ಕೋಳಿ ಅಣಬೆಗಳನ್ನು ಸೋಲಿಗರು ಗುರುತಿಸುತ್ತಾರೆ. ಪೋಡುಗಳ ಬದಿ ಕೆರೆ ಪರಿಸರದಲ್ಲಿ ಜಲಪಾತಗಳ ಬದಿ ಇವು ಹೆಚ್ಚಾಗಿ ಬೆಳೆಯುತ್ತವೆ. ಇವನ್ನು ಕೊಯ್ಲು ಮಾಡಿ ವಿವಿಧ ಭಕ್ಷ್ಯಗಳನ್ನು ತಯಾರಿಸಿ ಸವಿಯಲಾಗುತ್ತದೆ. ಔಷಧೀಯ ಗುಣವನ್ನು ಹೊಂದಿರುವ ಅಣಬೆಗಳು ಉದರಕ್ಕೆ ತಂಪು ನಾಲಿಗೆಗೆ ಸವಿರುಚಿ ನೀಡುತ್ತವೆ. ಆದರೆ ಹುಚ್ಚ ಅಣಬೆ ಮತ್ತು ಮರದ ಅಣಬೆ ಬಳಕೆಗೆ ಯೋಗ್ಯವಲ್ಲ. ಕೆಲವು ವಿಷಕಾರಿ ಅಂಶವೂ ಇರುತ್ತದೆ ಎನ್ನುತ್ತಾರೆ ಸೋಲಿಗರ ಕೇತಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>