ಚಾಮರಾಜನಗರ: ಹೊಸ ಸಂವತ್ಸರ ಸ್ವಾಗತಕ್ಕೆ ಜನ ಸಜ್ಜು

ಚಾಮರಾಜನಗರ: ಹಿಂದೂ ಧಾರ್ಮಿಕ ಕ್ಯಾಲೆಂಡರ್ ಪ್ರಕಾರ, ಹೊಸ ವರ್ಷ ಅರ್ಥಾತ್ ಹೊಸ ಸಂವತ್ಸರವನ್ನು (ಕ್ರೋಧನಾಮ) ಆಚರಿಸಲು ಜಿಲ್ಲೆಯಾದ್ಯಂತ ಹಿಂದೂಗಳು ಸಜ್ಜಾಗಿದ್ದಾರೆ.

. ಬೇವು ಬೆಲ್ಲದ ಹಬ್ಬ ‘ಯುಗಾದಿ’ ಮಂಗಳವಾರ ನಡೆಯಲಿದ್ದು, ಸಂಭ್ರಮ ಸಡಗರದಿಂದ ಆಚರಿಸಲು ಜನರು ಸೋಮವಾರ ಹೂವು, ಹಣ್ಣು, ಪೂಜಾ ಸಾಮಗ್ರಿಗಳು, ಬಟ್ಟೆ ಬರೆಗಳನ್ನು ಖರೀದಿಸುವುದರಲ್ಲಿ ನಿರತರಾದರು.

. ಬಿಸಿಲಿನ ತಾಪ ತೀವ್ರವಾಗಿದ್ದರಿಂದ ಮಧ್ಯಾಹ್ನದ ಹೊತ್ತು ನಗರ ಪಟ್ಟಣ ಪ್ರದೇಶಗಳಲ್ಲಿ ಜನರ ಓಡಾಟ ಹೆಚ್ಚಿರಲಿಲ್ಲ. ಸಂಜೆ ನಾಲ್ಕು ಗಂಟೆಯ ಬಳಿಕ ಜನ ಸಂದಣಿ ಕಂಡು ಬಂತು. ಮಹಿಳೆಯರು ತಮ್ಮ ಕುಟುಂಬದ ಸದಸ್ಯರೊಂದಿಗೆ ವಿವಿಧ ಅಂಗಡಿಗಳಿಗೆ ಭೇಟಿ ನೀಡಿ ಹಬ್ಬದ ಖರೀದಿಯಲ್ಲಿ ತೊಡಗಿದರು.

. ಹೂವು, ಹಣ್ಣು, ಅರಿಸಿನ, ಕುಂಕುಮ ಸೇರಿದಂತೆ ಪೂಜಾ ಸಾಮಗ್ರಿಗಳ ಖರೀದಿಗಾಗಿ ಅಂಗಡಿಗಳಿಗೆ ಮುಗಿಬಿದ್ದರು. ಹಬ್ಬದ ದಿನ ಹೊಸ ಬಟ್ಟೆ ಧರಿಸಿ ಸಂಭ್ರಮಿಸುವ ರೂಢಿ ಚಾಲ್ತಿಯಲ್ಲಿದೆ. ಹಾಗಾಗಿ, ಜವಳಿ ಅಂಗಡಿಗಳಲ್ಲಿ ಹೆಚ್ಚು ಗ್ರಾಹಕರು ಕಂಡು ಬಂದರು.

. ಹೂವು ದುಬಾರಿ: ಯುಗಾದಿ ಕಾರಣಕ್ಕೆ ಪೂಜಾ ಕೈಂಕರ್ಯಗಳಿಗೆ ಹೂವುಗಳ ಅಗತ್ಯ ಇರುವುದರಿಂದ, ಮಾರುಕಟ್ಟೆಯಲ್ಲಿ ಸೋಮವಾರ ಹೂವಿನ ಬೆಲೆ ದುಬಾರಿಯಾಗಿತ್ತು.

. ನಗರದ ಚೆನ್ನಿಪುರದ ಮೋಳೆಯ ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ ಸೋಮವಾರ ಎಲ್ಲ ಹೂವುಗಳ ಧಾರಣೆ ಗಗನಮುಖಿಯಾಗಿತ್ತು.

. ಕನಕಾಂಬರ ಹೂವು ಕೆಜಿಗೆ ₹1200ರವೆರೆಗೆ ಇತ್ತು. ಕಾಕಡ, ಮಲ್ಲಿಗೆ ಹೂವುಗಳಿಗೂ ಬೇಡಿಕೆ ಇದ್ದು, ಕೆಜಿಗೆ ಕ್ರಮವಾಗಿ ₹1000, ₹600 ಇದೆ. ಮರ್ಲೆ ಮೊಗ್ಗುಗಳಿಗೆ ವ್ಯಾಪಾರಿಗಳು ₹800 ಹೇಳುತ್ತಿದ್ದಾರೆ.

. ‘ಬೇಡಿಕೆ ಕಡಿಮೆ ಇದ್ದ ಸೇವಂತಿಗೆಗೆ ₹300ರಿಂದ ₹400 ಇದೆ. ಚೆಂಡುಹೂವಿಗೂ ₹100 ಇದೆ. ಸುಗಂಧರಾಜ ಕೆಜಿಗೆ ₹300ಕ್ಕೆ ಮಾರಾಟವಾಗುತ್ತಿದೆ. ಬಟನ್ ಗುಲಾಬಿ ಹೂವುಗಳಿಗೂ ಬೇಡಿಕೆ ಸೃಷ್ಟಿಯಾಗಿದ್ದು, ಬೆಲೆ ₹300ರವರೆಗೆ ಇದೆ ಎಂದು ಬಿಡಿ ಹೂವಿನ ವ್ಯಾಪಾರಿ ರವಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಹಬ್ಬದ ಅಂಗವಾಗಿ ಬೇಡಿಕೆ ಹೆಚ್ಚಾಗಿದೆ. ಮಂಗಳವಾರವೂ ಬೇಡಿಕೆ ಇರಲಿದೆ. ನಂತರ ಬೇಡಿಕೆ ಮತ್ತು ಬೆಲೆಯೂ ಇಳಿಯಲಿದೆ’ ಎಂದು ಅವರು ಮಾಹಿತಿ ನೀಡಿದರು.

. ಹಣ್ಣುಗಳ ಬೆಲೆ ಸ್ಥಿರ: ಯುಗಾದಿ ಹಬ್ಬದ ಪ್ರಭಾವ ಹಣ್ಣುಗಳ ಮಾರುಕಟ್ಟೆ ಮೇಲೆ ಆಗಿಲ್ಲ. ಎಲ್ಲ ಹಣ್ಣುಗಳ ಬೆಲೆ ಸ್ಥಿರವಾಗಿದೆ. ಹಬ್ಬದಲ್ಲಿ ದೇವರ ನೈವೇದ್ಯಕ್ಕೆ ಹೆಚ್ಚು ಬಳಸುವ ಏಲಕ್ಕಿ ಬಾಳೆ ಹಣ್ಣಿನ ಧಾರಣೆ ಸ್ಥಿರವಾಗಿದೆ. ಹಾಪ್ಕಾಮ್ಸ್ನಲ್ಲಿ ಕೆಜಿಗೆ ₹60 ಇದೆ.

. ಉಳಿದಂತೆ, ಸೇಬಿನ ದುಬಾರಿ ಬೆಲೆ (₹180) ಈ ವಾರವೂ ಮುಂದುವರಿದಿದೆ. ದಾಳಿಂಬೆಗೆ ₹140 ಇದೆ. ಕಿತ್ತಳೆಗೆ ₹100, ಮೂಸಂಬಿಗೆ ₹80 ಹೇಳುತ್ತಿದ್ದಾರೆ. ಪಚ್ಚೆ ಬಾಳೆಗೆ ಕೆಜಿಗೆ ₹40 ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಾಮರಾಜನಗರ: ಹೊಸ ಸಂವತ್ಸರ ಸ್ವಾಗತಕ್ಕೆ ಜನ ಸಜ್ಜು

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚೀನಾ ಮಾಸ್ಟರ್ಸ್‌ ಟೂರ್ನಿ: ಸಾತ್ವಿಕ್‌, ಚಿರಾಗ್ ಮೇಲೆ ನಿರೀಕ್ಷೆ

ಹಿಂದಿನ ದಾಖಲೆಗಳಿಂದ ಕೊಹ್ಲಿ ವಿಶ್ವಾಸ ವೃದ್ಧಿ: ಸುನಿಲ್ ಗಾವಸ್ಕರ್

ಆರ್‌ಸಿಬಿ ಬೌಲಿಂಗ್ ಕೋಚ್ ಆಗಿ ಓಂಕಾರ್ ಸಾಳ್ವಿ

ಸ್ಟೊಯಿನಿಸ್‌ ಅಬ್ಬರಕ್ಕೆ ಪಾಕ್ ತತ್ತರ: ಟಿ20 ಸರಣಿ ಕ್ಲೀನ್‌ಸ್ವೀಪ್ ಮಾಡಿದ ಆಸೀಸ್

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024