ಭರ್ತಿಯಾಗದ ನಾಮನಿರ್ದೇಶನ ಸ್ಥಾನಗಳು; ‘ಕೈ’ ಮುಖಂಡರಿಗಿಲ್ಲ ಅಧಿಕಾರದ ಭಾಗ್ಯ

ನಮ್ಮ ಪಕ್ಷದ ಶಾಸಕರು ಮತ್ತು ಶಾಸಕರು ಇಲ್ಲದ ಕಡೆ ಸ್ಥಳೀಯ ಮುಖಂಡರು ನಾಮನಿರ್ದೇಶನ ಸ್ಥಾನಗಳಿಗೆ ನೇಮಕ ಮಾಡುವ ಬಗ್ಗೆ ಶಿಫಾರಸು ಮಾಡಬೇಕಾಗುತ್ತದೆ. ಈಗಾಗಲೇ ಈ ಬಗ್ಗೆ ಚರ್ಚೆಗಳು ನಡೆದಿವೆ. ಮುಂದಿನ ಒಂದು ವಾರದಿಂದ ಹತ್ತು ದಿನಗಳ ಒಳಗೆ ನಾಮನಿರ್ದೇಶನ ಸ್ಥಾನಗಳಿಗೆ ನೇಮಕ ಆಗಲಿದೆ ಎಂದು ಕಾಂಗ್ರೆಸ್ ಜಿಲ್ಲಾ ಅಧ್ಯಕ್ಷ ಕೇಶವರೆಡ್ಡಿ ‘ಪ್ರಜಾವಾಣಿ’ಗೆ ತಿಳಿಸಿದರು. ತಾಲ್ಲೂಕು ಮತ್ತು ಜಿಲ್ಲಾ ಮಟ್ಟದ ನಾಮನಿರ್ದೇಶನಗಳ ಬಗ್ಗೆ ಸಚಿವರು ಮುಖಂಡರು ಮತ್ತು ಶಾಸಕರು ಈಗಾಗಲೇ ಚರ್ಚೆಗಳನ್ನು ನಡೆಸಿದ್ದಾರೆ ಎಂದರು.