ಚಿಂತಾಮಣಿ: ಹೆಚ್ಚಾದ ಬೀದಿ ನಾಯಿಗಳ ಉಪಟಳ

ನಾಯಿಗಳ ಬಗ್ಗೆಯೂ ಕನಿಕರ ತೋರಬೇಕು. ಅವುಗಳಿಗೂ ಬದುಕುವ ಹಕ್ಕಿದೆ. ಎಲ್ಲ ನಾಯಿಗಳು ಕಚ್ಚುವುದಿಲ್ಲ. ಮಾಂಸದ ತ್ಯಾಜ್ಯಗಳನ್ನು ಎಲ್ಲೆಂದರಲ್ಲಿ ಹಾಕುವುದರಿಂದ ಕೆಲವು ನಾಯಿಗಳು ಮಾಂಸ ಮತ್ತು ರಕ್ತದ ರುಚಿ ಕಂಡುಕೊಳ್ಳುತ್ತವೆ. ಅವುಗಳನ್ನು ಪ್ರೀತಿಯಿಂದ ನೋಡಿಕೊಂಡರೆ ಅವು ಕಚ್ಚುವುದಿಲ್ಲ.

ನಗರದಲ್ಲಿ ನಗರಸಭೆ ಹಾಗೂ ಗ್ರಾಮೀಣ ಭಾಗಗಳಲ್ಲಿ ಗ್ರಾಮ ಪಂಚಾಯಿತಿಗಳಿಂದ ಬೀದಿ ನಾಯಿಗಳಿಗೆ ಕಡಿವಾಣ ಹಾಕಬೇಕು. ಕಡ್ಡಾಯವಾಗಿ ಪ್ರತಿಯೊಂದು ಬೀದಿ ನಾಯಿಗಳ ಸಂತಾನ ಶಕ್ತಿ ಹರಣ ಶಸ್ತ್ರ ಚಿಕಿತ್ಸೆ ನಡೆಸಬೇಕು. ನಂತರ ಸಾಧ್ಯವಾದಷ್ಟು ನಾಯಿಗಳನ್ನು ದೂರದ ಭಾಗಗಳಿಗೆ ಸ್ಥಳಾಂತರಿಸಬೇಕು.