‘ನೇರಳೆ ಮರದ ಮೇಲೆ ಬೆಳೆಯುತ್ತಿರುವ ಅಶ್ವತ್ಥ ಮರ’

ಚಿಕ್ಕಮಗಳೂರು: ನಗರದ ಸುಭಾಷ್ ಚಂದ್ರಬೋಸ್ ಜಿಲ್ಲಾ ಕ್ರೀಡಾಂಗಣದ ವೇದಿಕೆ ಹಿಂಬಾಗದ ವಿಹಾರ ಪತದಲ್ಲಿರುವ ನೇರಳೆ ಮರದ ಮೇಲೆ ಅಶ್ವತ್ಥಮರ ಬೆಳದಿದ್ದು ಸಾರ್ವಜನಿಕರನ್ನು ಬೆರಗುಗೊಳಿಸುತ್ತಿದೆ.

. ಸಾಮಾನ್ಯವಾಗಿ ನೀರಿನ ಟ್ಯಾಂಕ್ಗಳು, ಗೋಡೆಗಳು, ಮೆಟ್ಟಿಲುಗಳ ಸಂದಿ, ಪೊಟರೆ, ಮರಗಳ ಮೇಲೆ ಅರಳಿ, ಆಲ, ಹಲಸಿನ ಸಣ್ಣ ಸಸಿಗಳು ಬೆಳೆದಿರುತ್ತವೆ. ಅವು ದಪ್ಪಾಗಾಗುವುದಿಲ್ಲ. ಅಲ್ಪಾವಧಿಯಲ್ಲಿ ಸಾಯುತ್ತವೆ. ಆದರೆ ಈ ವಿವಾರ ಪತದಲ್ಲಿರುವ ನೇರಳೆ ಮರದ ಕಾಂಡದ ಕವಲೊಡೆದ ರೆಂಬೆಗಳ ನಡುವೆ ಅರಳಿ ಮರ ಬೆಳೆದಿದ್ದು, ಸದೃಢವಾಗಿದೆ. ಅರಳಿ ಮರದ ಬಳ್ಳಿಯಂತಹ ಬೇರುಗಳು ನೇರಳೆ ಮರದ ರೆಂಬೆಯಿಂದ ಹೊರ ಬಂದಿವೆ.

. ಈ ನೇರಳೆ ಮರ ನೇರಳೆ ಹಣ್ಣುಗಳಿಂದ ಮೈದುಂಬಿದೆ. ವಿಹಾರಪತದಲ್ಲಿ ಬಿದ್ದಿರುವ ನೇರಳೆ ಹಣ್ಣನ್ನು ನೋಡಿ ಜನರು ಮರದ ಕಡೆ ತಲೆ ಎತ್ತಿದಾಗ ಪ್ರಕೃತಿಯ ಈ ಕೌತುಕ ಕಂಡು ಸಂತಸ ಪಡುತ್ತಿದ್ದಾರೆ. ಕೆಲವರು ಐದತ್ತು ನಿಮಿಷ ನಿಂತು ಈ ಮರಗಳನ್ನು ಪರಿಶೀಲಿಸಿ ಆಶ್ಚರ್ಯಗೊಳ್ಳುತ್ತಿದ್ದಾರೆ. ನೇರಳೆ ಹಣ್ಣು ಕುಯ್ಯಲು ಈ ಮರ ಏರುವ ಮಕ್ಕಳು ಪ್ರಕೃತಿಯ ವಿಸ್ಮಯ ನೋಡಿ ಚಕಿತಗೊಳ್ಳುತ್ತಿದ್ದಾರೆ.

. ‘ಹಕ್ಕಿಗಳು ಅರಳಿ ಮರದ ಹಣ್ಣನ್ನು ತಿಂದು, ಬೇರೆ ಮರದ ಮೇಲೆ ಪಿಕ್ಕೆ ಹಾಕುವುದರಿಂದ ಅರಳಿ ಬೀಜಗಳ ಪಸರಣ ಆಗುತ್ತದೆ. ಮರದಲ್ಲಿನ ಖನಿಜ, ನೀರು ಆಹಾರ ಪಡೆದು ಬೀಜಗಳು ಚಿಗುರೊಡೆಯುತ್ತವೆ. ಅವು ಮರಗಳಾಗಿ ಬೆಳೆಯುತ್ತವೆ.

. ಹೀಗೆ ಬೆಳೆಯುವ ಕೆಲ ಪರಾವಲಂಭಿ ಮರಗಳು ಮೂಲ ಮರಗಳನ್ನು ಸಾಯಿಸಲು ಆರಂಭಿಸುತ್ತವೆ. ಇನ್ನು ಕೆಲವು ಮರಗಳು ಮೂಲ ಮರಕ್ಕೆ ಹಾನಿ ಮಾಡುವುದಿಲ್ಲ. ಅದರ ಜತೆಗೆ ಬೆಳೆಯುತ್ತವೆ. ಅದಕ್ಕೆ ಅಧಿಸಸ್ಯಗಳು ಎನ್ನುತ್ತಾರೆ’ಎಂದು ಪರಿಸರವಾದಿ ಜಿ.ವೀರೇಶ್ ಹೇಳಿದರು.

. ‘ಮರದ ಮೇಲೆ ಬೇರೊಂದು ಮರ ಬೆಳೆದಿರುವುದು ವಿಶೇಷವಾಗಿದೆ. ನೋಡಿದರೆ ಸಂತೋಷವಾಗುತ್ತದೆ. ಮನುಷ್ಯನು ಸಹ ಇದೇ ರೀತಿ ಭಾವೈಕ್ಯ ಮನೋಭಾವ ಬೆಳೆಸಿಕೊಳ್ಳಬೇಕು’ ಎಂದು ಸ್ಕೌಟ್ಸ್ ಮತ್ತು ಗೈಡ್ಸ್ ತಾಲ್ಲೂಕು ಘಟಕದ ಕಾರ್ಯದರ್ಶಿ ನಂದಕುಮಾರ್ ಹೇಳಿದರು.

. ಬೀಜಗಳ ಪಸರಣದಿಂದ ಮರ ಬೀಜಗಳ ಪಸರಣದಿಂದ ಒಂದು ಮರದ ಮೇಲೆ ಮೂರು–ನಾಲ್ಕು ಮರಗಳು ಬೆಳೆಯುತ್ತವೆ. ಪರಾವಲಂಬಿ ಮರಗಳ ಬೇರುಗಳು ಭೂಮಿಗೆ ತಾಗುತ್ತಿದ್ದಂತೆ ಮೂಲ ಮರವನ್ನು ಅವುಗಳು ಸಾಯಿಸಲು ಆರಂಭಿಸುತ್ತವೆ. ನಿತ್ಯಹರಿಧ್ವರ್ಣದ ಕಾಡುಗಳಲ್ಲಿ ಈ ರೀತಿಯ ಮರಗಳು ಹೆಚ್ಚಾಗಿರುತ್ತವೆ ಎಂದು ಉಪವಲಯ ಅರಣ್ಯ ಸಂರಕ್ಷಣಾಧಿಕಾರಿ ಗೌತಮ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ನೇರಳೆ ಮರದ ಮೇಲೆ ಬೆಳೆಯುತ್ತಿರುವ ಅಶ್ವತ್ಥ ಮರ’

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚುರುಮುರಿ: ಕ್ಷಮಿಸಿಬುಡಿ...

ಮಣಿಪುರ ಉದ್ವಿಗ್ನ: ರಾಷ್ಟ್ರಪತಿ ಮುರ್ಮು ಮಧ್ಯಪ್ರವೇಶಕ್ಕೆ ಖರ್ಗೆ ಒತ್ತಾಯ

ಫುಟ್ಬಾಲ್: ಅಮ್ಮತ್ತಿಯ ನಿಯೋನ್ ತಂಡಕ್ಕೆ ಪ್ರಶಸ್ತಿ

ಪಾಕಿಸ್ತಾನದಲ್ಲಿ ಅಂಧರ ಟಿ20 ವಿಶ್ವಕಪ್: ಭಾರತ ತಂಡಕ್ಕೆ ಸಿಗದ ಅನುಮತಿ

ಕೊಹ್ಲಿ ಸುತ್ತ ಹೇಳಿಕೆಗಳ ಬಾಣ ಬಿರುಸು

ಪುರುಷರ ಐಟಿಎಫ್‌ ಟೆನಿಸ್‌: ಪ್ರಿಕ್ವಾರ್ಟರ್‌ಗೆ ಧೀರಜ್‌, ಮನೀಶ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚುರುಮುರಿ: ಕ್ಷಮಿಸಿಬುಡಿ...

ಮಣಿಪುರ ಉದ್ವಿಗ್ನ: ರಾಷ್ಟ್ರಪತಿ ಮುರ್ಮು ಮಧ್ಯಪ್ರವೇಶಕ್ಕೆ ಖರ್ಗೆ ಒತ್ತಾಯ