<p><strong>ಮಂಗಳೂರು</strong>: ಜಲಸಾರಿಗೆ ಕ್ಷೇತ್ರದಲ್ಲಿ ದೇಶಕ್ಕೆ ಉಜ್ವಲ ಭವಿಷ್ಯ ರೂಪಿಸುವ ನಿಟ್ಟಿನಲ್ಲಿ ಮುಂಬೈನಲ್ಲಿ ಏರ್ಪಡಿಸಿದ್ದ ಜಾಗತಿಕ ಕಡಲ ಭಾರತೀಯ ಶೃಂಗ– 2023ರಲ್ಲಿ (ಜಿಎಂಐಎಸ್ 2023) ನವಮಂಗಳೂರು ಬಂದರು ಪ್ರಾಧಿಕಾರ ಒಟ್ಟು ಏಳು ಒಪ್ಪಂದಗಳಿಗೆ ಸಹಿ ಹಾಕಿದ್ದು ಇವುಗಳ ಒಟ್ಟು ಮೌಲ್ಯ ₹ 8347 ಕೋಟಿ.</p><p>‘ಮಂಗಳವಾರದಿಂದ ಗುರುವಾರದವರೆಗೆ ನಡೆದ ಮೂರು ದಿನಗಳ ಈ ಶೃಂಗವು ಗುರುವಾರ ಸಂಪನ್ನವಾಗಿದ್ದು, ಇದರಲ್ಲಿ ಒಟ್ಟು 71 ದೇಶಗಳ ಪ್ರತಿನಿಧಿಗಳು, ವಿವಿಧ ಉದ್ಯಮ ಸಂಸ್ಥೆಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು. ಈ ಶೃಂಗದಲ್ಲಿ ಎನ್ಎಂಪಿಎ ಒಟ್ಟು ₹ 8,347 ಕೋಟಿ ಮೌಲ್ಯದ ಏಳು ಒಪ್ಪಂದಗಳಿಗೆ ಸಹಿ ಹಾಕಿದೆ. ಈ ಒಪ್ಪಂದಗಳು ನವಮಂಗಳೂರು ಬಂದರನ್ನು ಮತ್ತಷ್ಟು ವಿಸ್ತರಿಸಲು ಹಾಗೂ ಮೂಲಸೌಕರ್ಯ ಹೆಚ್ಚಿಸಿ ಇನ್ನಷ್ಟು ಅಭಿವೃದ್ಧಿಪಡಿಸಲು ನೆರವಾಗಲಿವೆ’ ಎಂದು ಎನ್ಎಂಪಿಎ ತಿಳಿಸಿದೆ.</p><p>‘ಉದ್ಯಮ ವಹಿವಾಟು ಪ್ರಗತಿಗಾಗಿ ಬಂದರು ಆಧರಿತ ಮೂಲಸೌಕರ್ಯ ಅಭಿವೃದ್ಧಿಪಡಿಸಲು ಮಂಗಳೂರು ರಿಫೈನರಿ ಮತ್ತು ಪೆಟ್ರೋ ಕೆಮಿಕಲ್ಸ್ (ಎಂಆರ್ಪಿಎಲ್) ಕಂಪನಿಯ ಜೊತೆ ₹ 5ಸಾವಿರ ಕೋಟಿ ಮೌಲ್ಯದ ಒಪ್ಪಂದಕ್ಕೆ ಎನ್ಎಂಪಿಎ ಶೃಂಗದ ಮೊದಲ ದಿನ ಸಹಿ ಹಾಕಿತು. ನಂತರ ಉಪ್ಪುನೀರಿನಿಂದ ಲವಣಾಂಶ ಹೊರತೆಗೆಯುವ ಘಟಕ ಸ್ಥಾಪನೆ ಸಂಬಂಧ ₹ 1500 ಕೋಟಿ ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ.’</p><p>‘ಬಂದರು ಆಧರಿತ ಕೈಗಾರಿಕೀಕರಣ ಕಾರ್ಯಕ್ರಮದಡಿ ಎಚ್ಪಿಸಿಎಲ್, ಐಒಸಿಎಲ್, ಕರ್ನಾಟಕ ಜಲಸಾರಿಗೆ ಮಂಡಳಿ, ಮತ್ತು ಸೀಲಾರ್ಡ್ ಕಂಟೈನರ್ಸ್ ಲಿಮಿಟೆಡ್ ಕಂಪನಿಗಳ ಜೊತೆ ಒಟ್ಟು ನಾಲ್ಕು ಒಪ್ಪಂದಗಳಿಗೆ ಎರಡನೇ ದಿನ ಸಹಿ ಹಾಕಲಾಗಿದೆ. ಕೊನೇಯ ದಿನ, ಸಂಗ್ರಹಾಗರ/ಫಾರಮ್ ಸ್ಥಾಪನೆ ಸಂಬಂಧ ಪಿಎಚ್ಪಿಸಿ ಜೊತೆ ₹ 47 ಕೋಟಿ ಮೌಲ್ಯದ ಒಪ್ಪಂದ ಮಾಡಿಕೊಳ್ಳಲಾಗಿದೆ’ ಎಂದು ಎನ್ಎಂಪಿಎ ಪ್ರಕಟಣೆಯಲ್ಲಿ ತಿಳಿಸಿದೆ.</p><p>ಈ ಶೃಂಗದಲ್ಲಿ ಎನ್ಎಂಪಿಎ ಭಾಗವಹಿಸುವಿಕೆ ಕುರಿತು ಪ್ರತಿಕ್ರಿಯಿಸಿರುವ ಪ್ರಾಧಿಕಾರದ ಅಧ್ಯಕ್ಷ ಎ.ವಿ.ರಮಣ, ‘ಜಿಎಂಐ ಶೃಂಗದ 2023ರ ಆವೃತ್ತಿಯಲ್ಲಿ ನಮ್ಮ ಬಂದರಿನ ಪಾತ್ರವೂ ಚೇತೋಹಾರಿಯಾಗಿತ್ತು. ಜಲಸಾರಿಗೆ ಕ್ಷೇತ್ರದಲ್ಲಿ ಭಾರತದ ಸಾಮರ್ಥ್ಯ ವರ್ಧನೆಯಾಗುತ್ತಿರುವುದಕ್ಕೆ ಈ ಶೃಂಗದ ಯಶಸ್ಸೇ ಸಾಕ್ಷಿ. ಈ ಕ್ಷೇತ್ರಕ್ಕೆ ತನ್ನಿಂದಾದ ಕೊಡುಗೆ ನೀಡಲು ಎನ್ಎಂಪಿಎ ಸದಾ ಬದ್ಧ. ನಾವು ಮಾಡಿಕೊಂಡಿರುವ ಎಲ್ಲ ಒಪ್ಪಂದಗಳು ಬಂದರಿನ ಅಭಿವೃದ್ಧಿಗೆ ಪೂರಕವಾಗಿದ್ದು, ಸರಿಯಾದ ದಿಕ್ಕಿನಲ್ಲೇ ಇವೆ’ ಎಂದು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು</strong>: ಜಲಸಾರಿಗೆ ಕ್ಷೇತ್ರದಲ್ಲಿ ದೇಶಕ್ಕೆ ಉಜ್ವಲ ಭವಿಷ್ಯ ರೂಪಿಸುವ ನಿಟ್ಟಿನಲ್ಲಿ ಮುಂಬೈನಲ್ಲಿ ಏರ್ಪಡಿಸಿದ್ದ ಜಾಗತಿಕ ಕಡಲ ಭಾರತೀಯ ಶೃಂಗ– 2023ರಲ್ಲಿ (ಜಿಎಂಐಎಸ್ 2023) ನವಮಂಗಳೂರು ಬಂದರು ಪ್ರಾಧಿಕಾರ ಒಟ್ಟು ಏಳು ಒಪ್ಪಂದಗಳಿಗೆ ಸಹಿ ಹಾಕಿದ್ದು ಇವುಗಳ ಒಟ್ಟು ಮೌಲ್ಯ ₹ 8347 ಕೋಟಿ.</p><p>‘ಮಂಗಳವಾರದಿಂದ ಗುರುವಾರದವರೆಗೆ ನಡೆದ ಮೂರು ದಿನಗಳ ಈ ಶೃಂಗವು ಗುರುವಾರ ಸಂಪನ್ನವಾಗಿದ್ದು, ಇದರಲ್ಲಿ ಒಟ್ಟು 71 ದೇಶಗಳ ಪ್ರತಿನಿಧಿಗಳು, ವಿವಿಧ ಉದ್ಯಮ ಸಂಸ್ಥೆಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು. ಈ ಶೃಂಗದಲ್ಲಿ ಎನ್ಎಂಪಿಎ ಒಟ್ಟು ₹ 8,347 ಕೋಟಿ ಮೌಲ್ಯದ ಏಳು ಒಪ್ಪಂದಗಳಿಗೆ ಸಹಿ ಹಾಕಿದೆ. ಈ ಒಪ್ಪಂದಗಳು ನವಮಂಗಳೂರು ಬಂದರನ್ನು ಮತ್ತಷ್ಟು ವಿಸ್ತರಿಸಲು ಹಾಗೂ ಮೂಲಸೌಕರ್ಯ ಹೆಚ್ಚಿಸಿ ಇನ್ನಷ್ಟು ಅಭಿವೃದ್ಧಿಪಡಿಸಲು ನೆರವಾಗಲಿವೆ’ ಎಂದು ಎನ್ಎಂಪಿಎ ತಿಳಿಸಿದೆ.</p><p>‘ಉದ್ಯಮ ವಹಿವಾಟು ಪ್ರಗತಿಗಾಗಿ ಬಂದರು ಆಧರಿತ ಮೂಲಸೌಕರ್ಯ ಅಭಿವೃದ್ಧಿಪಡಿಸಲು ಮಂಗಳೂರು ರಿಫೈನರಿ ಮತ್ತು ಪೆಟ್ರೋ ಕೆಮಿಕಲ್ಸ್ (ಎಂಆರ್ಪಿಎಲ್) ಕಂಪನಿಯ ಜೊತೆ ₹ 5ಸಾವಿರ ಕೋಟಿ ಮೌಲ್ಯದ ಒಪ್ಪಂದಕ್ಕೆ ಎನ್ಎಂಪಿಎ ಶೃಂಗದ ಮೊದಲ ದಿನ ಸಹಿ ಹಾಕಿತು. ನಂತರ ಉಪ್ಪುನೀರಿನಿಂದ ಲವಣಾಂಶ ಹೊರತೆಗೆಯುವ ಘಟಕ ಸ್ಥಾಪನೆ ಸಂಬಂಧ ₹ 1500 ಕೋಟಿ ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ.’</p><p>‘ಬಂದರು ಆಧರಿತ ಕೈಗಾರಿಕೀಕರಣ ಕಾರ್ಯಕ್ರಮದಡಿ ಎಚ್ಪಿಸಿಎಲ್, ಐಒಸಿಎಲ್, ಕರ್ನಾಟಕ ಜಲಸಾರಿಗೆ ಮಂಡಳಿ, ಮತ್ತು ಸೀಲಾರ್ಡ್ ಕಂಟೈನರ್ಸ್ ಲಿಮಿಟೆಡ್ ಕಂಪನಿಗಳ ಜೊತೆ ಒಟ್ಟು ನಾಲ್ಕು ಒಪ್ಪಂದಗಳಿಗೆ ಎರಡನೇ ದಿನ ಸಹಿ ಹಾಕಲಾಗಿದೆ. ಕೊನೇಯ ದಿನ, ಸಂಗ್ರಹಾಗರ/ಫಾರಮ್ ಸ್ಥಾಪನೆ ಸಂಬಂಧ ಪಿಎಚ್ಪಿಸಿ ಜೊತೆ ₹ 47 ಕೋಟಿ ಮೌಲ್ಯದ ಒಪ್ಪಂದ ಮಾಡಿಕೊಳ್ಳಲಾಗಿದೆ’ ಎಂದು ಎನ್ಎಂಪಿಎ ಪ್ರಕಟಣೆಯಲ್ಲಿ ತಿಳಿಸಿದೆ.</p><p>ಈ ಶೃಂಗದಲ್ಲಿ ಎನ್ಎಂಪಿಎ ಭಾಗವಹಿಸುವಿಕೆ ಕುರಿತು ಪ್ರತಿಕ್ರಿಯಿಸಿರುವ ಪ್ರಾಧಿಕಾರದ ಅಧ್ಯಕ್ಷ ಎ.ವಿ.ರಮಣ, ‘ಜಿಎಂಐ ಶೃಂಗದ 2023ರ ಆವೃತ್ತಿಯಲ್ಲಿ ನಮ್ಮ ಬಂದರಿನ ಪಾತ್ರವೂ ಚೇತೋಹಾರಿಯಾಗಿತ್ತು. ಜಲಸಾರಿಗೆ ಕ್ಷೇತ್ರದಲ್ಲಿ ಭಾರತದ ಸಾಮರ್ಥ್ಯ ವರ್ಧನೆಯಾಗುತ್ತಿರುವುದಕ್ಕೆ ಈ ಶೃಂಗದ ಯಶಸ್ಸೇ ಸಾಕ್ಷಿ. ಈ ಕ್ಷೇತ್ರಕ್ಕೆ ತನ್ನಿಂದಾದ ಕೊಡುಗೆ ನೀಡಲು ಎನ್ಎಂಪಿಎ ಸದಾ ಬದ್ಧ. ನಾವು ಮಾಡಿಕೊಂಡಿರುವ ಎಲ್ಲ ಒಪ್ಪಂದಗಳು ಬಂದರಿನ ಅಭಿವೃದ್ಧಿಗೆ ಪೂರಕವಾಗಿದ್ದು, ಸರಿಯಾದ ದಿಕ್ಕಿನಲ್ಲೇ ಇವೆ’ ಎಂದು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
