<p><strong>ಎಂಐಎ</strong>: ಬಜಪೆಯ ಮಂಗಳೂರು ಅಂತರರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ (ಎಂಐಎ) ವಿಮಾನಕ್ಕೆ ಇಂಧನ ಭರ್ತಿ ಮಾಡಲು ಮುಕ್ತ ಲಭ್ಯತೆಯ ‘ಫ್ಯುಯೆಲ್ ಫಾರ್ಮ್’ ಸೌಕರ್ಯ ಶನಿವಾರದಿಂದ ಕಾರ್ಯಾಚರಣೆ ಆರಂಭಿಸಿದೆ. </p>.<p>ವಿಮಾನ ನಿಲ್ದಾಣದ ಟರ್ಮಿನಲ್ ವ್ಯವಸ್ಥಾಪಕ ಸಸಿಕುಮಾರನ್ ನಾಯರ್ ಪಿ. ಅವರು ವಿಮಾನನಿಲ್ದಾಣದಲ್ಲಿ ವಿಮಾನಯಾನ ಸೇವೆ ಒದಗಿಸುವ ವಿವಿಧ ಸಂಸ್ಥೆಗಳ ಪ್ರತಿನಿಧಿಗಳಿಗೆ ಸಾಂಕೇತಿಕವಾಗಿ ಕೀಲಿಯನ್ನು ಹಸ್ತಾಂತರಿಸುವ ಮೂಲಕ ಈ ಸೇವೆಗೆ ಚಾಲನೆ ನೀಡಿದರು. </p>.<p>‘ಈ ಸೌಕರ್ಯವು ತೈಲ ಮಾರಾಟ ಕಂಪನಿಗಳಿಗೆ ಸಮಾನ ಅವಕಾಶ ಒದಗಿಸಲಿದೆ. ಜೆಟ್ ಇಂಧನ ಪೂರೈಕೆ ಜಾಲದಲ್ಲಿ ಸಮತೋಲನ ಸಾಧಿಸಲು ನೆರವಾಗಲಿದೆ. ಹೊಸ ಮಾರುಕಟ್ಟೆ ಸಂಸ್ಥೆಗಳು ಈ ಕ್ಷೇತ್ರವನ್ನು ಪ್ರವೇಶಿಸಲು ಇದ್ದ ಅಡೆತಡೆಗಳನ್ನು ನಿವಾರಿಸಲಿದೆ. ವಿಮಾನಯಾನ ಸೇವೆ ಒದಗಿಸುವ ಸಂಸ್ಥೆಗಳು ವಿಮಾನಕ್ಕೆ ಇಂಧನ ಭರ್ತಿ ಮಾಡಿಕೊಳ್ಳುವಾಗ ತಮ್ಮ ಇಷ್ಟದ ತೈಲ ಮಾರಾಟ ಸಂಸ್ಥೆಯನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಿದೆ’ ಎಂದು ವಿಮಾನ ನಿಲ್ದಾಣದ ವಕ್ತಾರರು ತಿಳಿಸಿದ್ದಾರೆ.</p>.<p>ಈ ಹೊಸ ಸೌಕರ್ಯದಡಿ ವಿಮಾನನಿಲ್ದಾಣವು ಹೊಸ ಗ್ರೀನ್ಫೀಲ್ದ್ ಇಂಧನ ಸಂಗ್ರಹಾಗರವನ್ನು ನಿರ್ಮಿಸಿದೆ. ಅಲ್ಲದೇ, ತೈಲ ಮಾರಾಟ ಕಂಪನಿಯ (ಒಎಂಸಿ) ಬ್ರೌನ್ಫೀಲ್ಡ್ ಸ್ವತ್ತುಗಳನ್ನು ಸ್ವಾಧೀನಪಡಿಸಿಕೊಂಡಿದೆ. ಈ ಸೌಕರ್ಯವು ಟರ್ಮಿನಲ್ ಕಟ್ಟಡದ ಪಕ್ಕದಲ್ಲಿರುವ 5262.57 ಚ.ಮೀ ವಿಸ್ತೀರ್ಣದ ಜಾಗದಲ್ಲಿ ಹರಡಿಕೊಂಡಿದೆ. ಇಲ್ಲಿ 970 ಕಿಲೋ ಲೀ ಸಂಗ್ರಹ ಸಾಮರ್ಥ್ಯದ ಆರು ಇಂಧನ ತೊಟ್ಟಿಗಳಿವೆ ಎಂದು ಅವರು ಮಾಹಿತಿ ನೀಡಿದರು.</p>.<p>ಇಂಡಿಗೊ ಸಂಸ್ಥೆಯ ವಿಮಾನಕ್ಕೆ ಈ ಸೌಕರ್ಯ ಬಳಸಿ ಇಂಧನ ಭರ್ತಿ ಮಾಡಲಾಯಿತು. ಅದಾನಿ ಏರ್ಪೋರ್ಟ್ ಹೋಲ್ಡಿಂಗ್ಸ್ ಲಿಮಿಟೆಡ್ನ (ಎಎಎಚ್ಎಲ್) ವಹಿವಾಟು ವಿಭಾಗದ ಮುಖ್ಯಸ್ಥ ಪಂಕಜ್ ಅಗರ್ವಾಲ್, ಎಂಐಎ ಕಾರ್ಯಾಚರಣೆ ವಿಭಾಗದ ಮುಖ್ಯಸ್ಥ ಶ್ರೀಕಾಂತ್ ಟಾಟಾ, ವಿಮಾನದ ಪೈಲಟ್ ಯತೀನ್ ಅನಂತ್ ಪಂಡಿತ್ ಮತ್ತಿತರರು ಇದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಎಂಐಎ</strong>: ಬಜಪೆಯ ಮಂಗಳೂರು ಅಂತರರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ (ಎಂಐಎ) ವಿಮಾನಕ್ಕೆ ಇಂಧನ ಭರ್ತಿ ಮಾಡಲು ಮುಕ್ತ ಲಭ್ಯತೆಯ ‘ಫ್ಯುಯೆಲ್ ಫಾರ್ಮ್’ ಸೌಕರ್ಯ ಶನಿವಾರದಿಂದ ಕಾರ್ಯಾಚರಣೆ ಆರಂಭಿಸಿದೆ. </p>.<p>ವಿಮಾನ ನಿಲ್ದಾಣದ ಟರ್ಮಿನಲ್ ವ್ಯವಸ್ಥಾಪಕ ಸಸಿಕುಮಾರನ್ ನಾಯರ್ ಪಿ. ಅವರು ವಿಮಾನನಿಲ್ದಾಣದಲ್ಲಿ ವಿಮಾನಯಾನ ಸೇವೆ ಒದಗಿಸುವ ವಿವಿಧ ಸಂಸ್ಥೆಗಳ ಪ್ರತಿನಿಧಿಗಳಿಗೆ ಸಾಂಕೇತಿಕವಾಗಿ ಕೀಲಿಯನ್ನು ಹಸ್ತಾಂತರಿಸುವ ಮೂಲಕ ಈ ಸೇವೆಗೆ ಚಾಲನೆ ನೀಡಿದರು. </p>.<p>‘ಈ ಸೌಕರ್ಯವು ತೈಲ ಮಾರಾಟ ಕಂಪನಿಗಳಿಗೆ ಸಮಾನ ಅವಕಾಶ ಒದಗಿಸಲಿದೆ. ಜೆಟ್ ಇಂಧನ ಪೂರೈಕೆ ಜಾಲದಲ್ಲಿ ಸಮತೋಲನ ಸಾಧಿಸಲು ನೆರವಾಗಲಿದೆ. ಹೊಸ ಮಾರುಕಟ್ಟೆ ಸಂಸ್ಥೆಗಳು ಈ ಕ್ಷೇತ್ರವನ್ನು ಪ್ರವೇಶಿಸಲು ಇದ್ದ ಅಡೆತಡೆಗಳನ್ನು ನಿವಾರಿಸಲಿದೆ. ವಿಮಾನಯಾನ ಸೇವೆ ಒದಗಿಸುವ ಸಂಸ್ಥೆಗಳು ವಿಮಾನಕ್ಕೆ ಇಂಧನ ಭರ್ತಿ ಮಾಡಿಕೊಳ್ಳುವಾಗ ತಮ್ಮ ಇಷ್ಟದ ತೈಲ ಮಾರಾಟ ಸಂಸ್ಥೆಯನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಿದೆ’ ಎಂದು ವಿಮಾನ ನಿಲ್ದಾಣದ ವಕ್ತಾರರು ತಿಳಿಸಿದ್ದಾರೆ.</p>.<p>ಈ ಹೊಸ ಸೌಕರ್ಯದಡಿ ವಿಮಾನನಿಲ್ದಾಣವು ಹೊಸ ಗ್ರೀನ್ಫೀಲ್ದ್ ಇಂಧನ ಸಂಗ್ರಹಾಗರವನ್ನು ನಿರ್ಮಿಸಿದೆ. ಅಲ್ಲದೇ, ತೈಲ ಮಾರಾಟ ಕಂಪನಿಯ (ಒಎಂಸಿ) ಬ್ರೌನ್ಫೀಲ್ಡ್ ಸ್ವತ್ತುಗಳನ್ನು ಸ್ವಾಧೀನಪಡಿಸಿಕೊಂಡಿದೆ. ಈ ಸೌಕರ್ಯವು ಟರ್ಮಿನಲ್ ಕಟ್ಟಡದ ಪಕ್ಕದಲ್ಲಿರುವ 5262.57 ಚ.ಮೀ ವಿಸ್ತೀರ್ಣದ ಜಾಗದಲ್ಲಿ ಹರಡಿಕೊಂಡಿದೆ. ಇಲ್ಲಿ 970 ಕಿಲೋ ಲೀ ಸಂಗ್ರಹ ಸಾಮರ್ಥ್ಯದ ಆರು ಇಂಧನ ತೊಟ್ಟಿಗಳಿವೆ ಎಂದು ಅವರು ಮಾಹಿತಿ ನೀಡಿದರು.</p>.<p>ಇಂಡಿಗೊ ಸಂಸ್ಥೆಯ ವಿಮಾನಕ್ಕೆ ಈ ಸೌಕರ್ಯ ಬಳಸಿ ಇಂಧನ ಭರ್ತಿ ಮಾಡಲಾಯಿತು. ಅದಾನಿ ಏರ್ಪೋರ್ಟ್ ಹೋಲ್ಡಿಂಗ್ಸ್ ಲಿಮಿಟೆಡ್ನ (ಎಎಎಚ್ಎಲ್) ವಹಿವಾಟು ವಿಭಾಗದ ಮುಖ್ಯಸ್ಥ ಪಂಕಜ್ ಅಗರ್ವಾಲ್, ಎಂಐಎ ಕಾರ್ಯಾಚರಣೆ ವಿಭಾಗದ ಮುಖ್ಯಸ್ಥ ಶ್ರೀಕಾಂತ್ ಟಾಟಾ, ವಿಮಾನದ ಪೈಲಟ್ ಯತೀನ್ ಅನಂತ್ ಪಂಡಿತ್ ಮತ್ತಿತರರು ಇದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
