<p><strong>ಕಾಸರಗೋಡು</strong>: ಭಾರತೀಯ ಕ್ರಿಕೆಟ್ ತಂಡ ಹೊಸ ಆಯಾಮ ಪಡೆದುಕೊಂಡು, ಹೊಸ ಆಟಗಾರರನ್ನು ಪಡೆದಿದ್ದರೂ, ಕಾಸರಗೋಡಿನಲ್ಲಿ ಸುನಿಲ್ ಗವಾಸ್ಕರ್ ಅವರಿಗೆ ಇಂದಿಗೂ ತಾರಾ ಮೆರುಗು ಇದೆ. ಇದರ ದ್ಯೋತಕವಾಗಿ ನಗರದ ನೆಲ್ಲಿಕುಂಜೆ -ಬೀಚ್ ರಸ್ತೆ ಇನ್ನುಮುಂದೆ ಗವಾಸ್ಕರ್ ಹೆಸರಲ್ಲಿ ಗುರುತಿಸಿಕೊಳ್ಳಲಿದ್ದು, ಅವರು ಶೀಘ್ರದಲ್ಲಿ ಕಾಸರಗೋಡು ನಗರಕ್ಕೆ ಬಂದು ರಸ್ತೆಗೆ ನಾಮಕರಣ ಮಾಡುವರು.</p>.<p>ನಗರಸಭೆ ಈ ಸಂಬಂಧ ಸಭೆ ನಡೆಸಿ ನಿರ್ಧಾರ ಕೈಗೊಂಡಿದೆ ಎಂದು ಅಧ್ಯಕ್ಷ ಅಬ್ಬಾಸ್ ಬೀಗಂ ತಿಳಿಸಿದ್ದಾರೆ.</p>.<p>ತಳಂಗರೆ ನಿವಾಸಿ, ಕೊಲ್ಲಿ ರಾಷ್ಟ್ರದಲ್ಲಿ ಉದ್ಯಮಿಯಾಗಿರುವ ಖಾದರ್ ತೆರುವತ್ ಅವರು ಗವಾಸ್ಕರ್ ಅವರ ಆತ್ಮೀಯರಲ್ಲಿ ಒಬ್ಬರಾಗಿದ್ದು, ಅವರ ವಿಶೇಷ ಕಾಳಜಿಯ ಕಾರಣವಾಗಿ ಈ ತೀರ್ಮಾನ ಮಾಡಲಾಗಿದೆ. ಈ ತಿಂಗಳ ಕೊನೆ ಅಥವಾ ನವೆಂಬರ್ನಲ್ಲಿ ಸುನಿಲ್ ಗವಾಸ್ಕರ್ ಕಾಸರಗೋಡಿಗೆ ಬರುವ ಸಾಧ್ಯತೆ ಇದೆ.</p>.<p>1983ರಲ್ಲಿ ಗೆದ್ದ ವಿಶ್ವಕಪ್ ಸಂಭ್ರಮದ 40ನೇ ವರ್ಷಾಚರಣೆ ಮುಂಬೈನಲ್ಲಿ ನಡೆದಾಗ ಖಾದರ್ ತೆರುವತ್ ವಿಶೇಷ ಆಮಂತ್ರಿತರಾಗಿದ್ದರು. ಅಲ್ಲಿ ಭೇಟಿಯಾದ ಗವಾಸ್ಕರ್ ಅವರಲ್ಲಿ ಈ ಬಗ್ಗೆ ವಿನಂತಿಸಿಕೊಂಡಾಗ ಮರುಮಾತಿಲ್ಲದೆ ಒಪ್ಪಿಕೊಂಡಿದ್ದಾರೆ. ವಿಶ್ವ ಪ್ರಸಿದ್ಧ ಗೆಳೆಯನನ್ನು ಹುಟ್ಟೂರಿಗೆ ಕರೆತರುವುದು ನನ್ನ ಕನಸು ಎಂದು ಖಾದರ್ ತಿಳಿಸಿದರು.</p>.<p>ಕಾಸರಗೋಡು ಶಾಸಕ ಎನ್.ಎ.ನೆಲ್ಲಿಕುನ್ನು ಅವರು ಗವಾಸ್ಕರ್ ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಿ ಕಾಸರಗೋಡಿಗೆ ಸ್ವಾಗತ ಕೋರಿದ್ದಾರೆ. ನಗರಸಭೆ ಅಧ್ಯಕ್ಷ ಅಬ್ಬಾಸ್ ಬೀಗಂ ಅವರಲ್ಲಿ ಮಾಡಿರುವ ಒತ್ತಾಯದ ಫಲವಾಗಿ ನೆಲ್ಲಿಕುಂಜೆ ರಸ್ತೆ ‘ಸುನಿಲ್ ಗವಾಸ್ಕರ್ ಬೀಚ್ ರಸ್ತೆ’ ಎನಿಸಿಕೊಳ್ಳಲಿದೆ.</p>.<p>ಕುಂಬಳೆ ಪಟ್ಟಣದ ಬಳಿಯ ರಸ್ತೆಯೊಂದಕ್ಕೆ ಕೆಲವು ವರ್ಷಗಳ ಹಿಂದೆ ಕ್ರಿಕೆಟ್ ಪಟು ಅನಿಲ್ ಕುಂಬಳೆ ಅವರ ಹೆಸರು ಇರಿಸಲಾಗಿದೆ. ಈ ರಸ್ತೆಯ ನಾಮಫಲಕವನ್ನೂ ಅನಿಲ್ ಕುಂಬಳೆ ಅವರೇ ಅನಾವರಣಗೊಳಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾಸರಗೋಡು</strong>: ಭಾರತೀಯ ಕ್ರಿಕೆಟ್ ತಂಡ ಹೊಸ ಆಯಾಮ ಪಡೆದುಕೊಂಡು, ಹೊಸ ಆಟಗಾರರನ್ನು ಪಡೆದಿದ್ದರೂ, ಕಾಸರಗೋಡಿನಲ್ಲಿ ಸುನಿಲ್ ಗವಾಸ್ಕರ್ ಅವರಿಗೆ ಇಂದಿಗೂ ತಾರಾ ಮೆರುಗು ಇದೆ. ಇದರ ದ್ಯೋತಕವಾಗಿ ನಗರದ ನೆಲ್ಲಿಕುಂಜೆ -ಬೀಚ್ ರಸ್ತೆ ಇನ್ನುಮುಂದೆ ಗವಾಸ್ಕರ್ ಹೆಸರಲ್ಲಿ ಗುರುತಿಸಿಕೊಳ್ಳಲಿದ್ದು, ಅವರು ಶೀಘ್ರದಲ್ಲಿ ಕಾಸರಗೋಡು ನಗರಕ್ಕೆ ಬಂದು ರಸ್ತೆಗೆ ನಾಮಕರಣ ಮಾಡುವರು.</p>.<p>ನಗರಸಭೆ ಈ ಸಂಬಂಧ ಸಭೆ ನಡೆಸಿ ನಿರ್ಧಾರ ಕೈಗೊಂಡಿದೆ ಎಂದು ಅಧ್ಯಕ್ಷ ಅಬ್ಬಾಸ್ ಬೀಗಂ ತಿಳಿಸಿದ್ದಾರೆ.</p>.<p>ತಳಂಗರೆ ನಿವಾಸಿ, ಕೊಲ್ಲಿ ರಾಷ್ಟ್ರದಲ್ಲಿ ಉದ್ಯಮಿಯಾಗಿರುವ ಖಾದರ್ ತೆರುವತ್ ಅವರು ಗವಾಸ್ಕರ್ ಅವರ ಆತ್ಮೀಯರಲ್ಲಿ ಒಬ್ಬರಾಗಿದ್ದು, ಅವರ ವಿಶೇಷ ಕಾಳಜಿಯ ಕಾರಣವಾಗಿ ಈ ತೀರ್ಮಾನ ಮಾಡಲಾಗಿದೆ. ಈ ತಿಂಗಳ ಕೊನೆ ಅಥವಾ ನವೆಂಬರ್ನಲ್ಲಿ ಸುನಿಲ್ ಗವಾಸ್ಕರ್ ಕಾಸರಗೋಡಿಗೆ ಬರುವ ಸಾಧ್ಯತೆ ಇದೆ.</p>.<p>1983ರಲ್ಲಿ ಗೆದ್ದ ವಿಶ್ವಕಪ್ ಸಂಭ್ರಮದ 40ನೇ ವರ್ಷಾಚರಣೆ ಮುಂಬೈನಲ್ಲಿ ನಡೆದಾಗ ಖಾದರ್ ತೆರುವತ್ ವಿಶೇಷ ಆಮಂತ್ರಿತರಾಗಿದ್ದರು. ಅಲ್ಲಿ ಭೇಟಿಯಾದ ಗವಾಸ್ಕರ್ ಅವರಲ್ಲಿ ಈ ಬಗ್ಗೆ ವಿನಂತಿಸಿಕೊಂಡಾಗ ಮರುಮಾತಿಲ್ಲದೆ ಒಪ್ಪಿಕೊಂಡಿದ್ದಾರೆ. ವಿಶ್ವ ಪ್ರಸಿದ್ಧ ಗೆಳೆಯನನ್ನು ಹುಟ್ಟೂರಿಗೆ ಕರೆತರುವುದು ನನ್ನ ಕನಸು ಎಂದು ಖಾದರ್ ತಿಳಿಸಿದರು.</p>.<p>ಕಾಸರಗೋಡು ಶಾಸಕ ಎನ್.ಎ.ನೆಲ್ಲಿಕುನ್ನು ಅವರು ಗವಾಸ್ಕರ್ ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಿ ಕಾಸರಗೋಡಿಗೆ ಸ್ವಾಗತ ಕೋರಿದ್ದಾರೆ. ನಗರಸಭೆ ಅಧ್ಯಕ್ಷ ಅಬ್ಬಾಸ್ ಬೀಗಂ ಅವರಲ್ಲಿ ಮಾಡಿರುವ ಒತ್ತಾಯದ ಫಲವಾಗಿ ನೆಲ್ಲಿಕುಂಜೆ ರಸ್ತೆ ‘ಸುನಿಲ್ ಗವಾಸ್ಕರ್ ಬೀಚ್ ರಸ್ತೆ’ ಎನಿಸಿಕೊಳ್ಳಲಿದೆ.</p>.<p>ಕುಂಬಳೆ ಪಟ್ಟಣದ ಬಳಿಯ ರಸ್ತೆಯೊಂದಕ್ಕೆ ಕೆಲವು ವರ್ಷಗಳ ಹಿಂದೆ ಕ್ರಿಕೆಟ್ ಪಟು ಅನಿಲ್ ಕುಂಬಳೆ ಅವರ ಹೆಸರು ಇರಿಸಲಾಗಿದೆ. ಈ ರಸ್ತೆಯ ನಾಮಫಲಕವನ್ನೂ ಅನಿಲ್ ಕುಂಬಳೆ ಅವರೇ ಅನಾವರಣಗೊಳಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
