ಮಕ್ಕಳಿಗೆ ಶಿಕ್ಷಣ ಮದುವೆ ಮಾಡಿಸಿದ ಸಾರ್ಥಕತೆ
ಪಂಕ್ಚರ್ ತಿದ್ದುವ ಕೆಲಸದಿಂದಲೇ ತಮ್ಮ ಐವರು ಮಕ್ಕಳಿಗೂ ಮೆಹಬೂಬ್ ಪೀರ್ ಉತ್ತಮ ಶಿಕ್ಷಣ ಕೊಡಿಸಿದ್ದಾರೆ. ‘ಮೂವರು ಹೆಣ್ಣು ಮಕ್ಕಳಲ್ಲಿ ಇಬ್ಬರನ್ನು ಮದುವೆ ಮಾಡಿಕೊಟ್ಟಿದ್ದೇನೆ. ಕೊನೆಯ ಮಗಳಿಗೆ ವರನನ್ನು ಹುಡುಕುತ್ತಿದ್ದೇನೆ. ಇಬ್ಬರು ಗಂಡು ಮಕ್ಕಳೂ ಕೆಲಸ ಮಾಡುತ್ತಿದ್ದಾರೆ’ ಎಂದು ಸಂತಸದಿಂದಲೇ ಹೇಳಿದರು. ‘ಹೆಣ್ಣು ಮಕ್ಕಳಿಬ್ಬರು ಚೆನ್ನಾಗಿಯೇ ಓದಿದ್ದಾರೆ. ಎಷ್ಟು ಎಂದು ನಿಖರವಾಗಿ ಹೇಳಲು ಗೊತ್ತಾಗುವುದಿಲ್ಲ. ಸದ್ಯ ಖಾಸಗಿ ಶಾಲೆಯಲ್ಲಿ ಶಿಕ್ಷಕಿಯರಾಗಿ ಕೆಲಸ ಮಾಡುತ್ತಾರೆ’ ಎಂದು ಖುಷಿಯಿಂದ ಹೇಳಿದರು.