<p><strong>ದಾವಣಗೆರೆ</strong>: ‘ಪ್ರತಿಯೊಬ್ಬರು ನೀವು ಏನೇನೆಲ್ಲ ಆಗಬೇಕು ಅಂದುಕೊಂಡಿದ್ದೀರೋ ಅದೆಲ್ಲಾ ಆಗುವ ಶಕ್ತಿ ನಿಮ್ಮೊಳಗೆ ಇದ್ದು, ಅದರಂತೆ ನೀವು ಆಗಬಹುದು. ಆದರೆ ಅದಕ್ಕೆ ಶ್ರಮ ಹಾಕಿ’ ಎಂದು ಚಿತ್ರ ನಟ ಡಾಲಿ ಧನಂಜಯ್ ಸಲಹೆ ನೀಡಿದರು.</p>.<p>ನಗರದ ಬಿಐಇಟಿ ಕಾಲೇಜಿನಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ‘ನಮ್ಮ ದವನ 24’ ಎರಡು ದಿನದ ಸಾಂಸ್ಕೃತಿಕ ಉತ್ಸವದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.</p>.<p>‘ನಿಮ್ಮ ಪ್ರೀತಿ ತುಂಬಾ ದೊಡ್ಡದು. ನನಗೆ ಹುಷಾರಿಲ್ಲ, ಸುಸ್ತಾಗಿದ್ದರೂ ವೇದಿಕೆ ಮೇಲೆ ಬಂದಿದ್ದೇನೆ. ನಿಮ್ಮ ಪ್ರೀತಿಗಾಗಿ ನಿರಂತರ ಕೆಲಸ ಮಾಡುತ್ತಿದ್ದೇನೆ. ಅದಕ್ಕಿಂತ ಸಾರ್ಥಕತೆ ಬೇರೇನೂ ಇಲ್ಲ. ಇಲ್ಲಿಂದ ಹೋಗುವಾಗ ಸ್ವಲ್ಪ ಹುಷಾರಾಗಿ ಹೋಗುತ್ತೇನೆ’ ಎಂದು ಹೇಳಿದರು.</p>.<p>‘ದಾವಣಗೆರೆಗೆ ನಾನು ಮೂರನೇ ಬಾರಿಗೆ ಬಂದಿದ್ದೇನೆ. ದವನ ಕಾರ್ಯಕ್ರಮಕ್ಕೆ ಬಂದಾಗೆಲ್ಲ ಅದೇ ಜೋಶ್ ಇರುತ್ತದೆ. ಎಂಜಿನಿಯರಿಂಗ್ ಕಾಲೇಜಿಗೆ ಬಂದಾಗಲೆಲ್ಲಾ ಇಷ್ಟು ಬೇಗ ವರ್ಷಗಳು ಉರುಳಿದವಾ ಎಂದು ಅನ್ನಿಸುತ್ತದೆ. ನಾನು ನಿಮ್ಮ ಹಾಗೆಯೇ ಇದ್ದೆ’ ಎಂದು ಸ್ಮರಿಸಿದರು.</p>.<p>‘ಜೂ.14ಕ್ಕೆ ನನ್ನ ನಟನೆಯ ಕೋಟಿ ಸಿನಿಮಾ ಬಿಡುಗಡೆಯಾಗಲಿದೆ. ನೀವೆಲ್ಲ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡಿ ಪ್ರೋತ್ಸಾಹಿಸಿ. ನಾನು ಚಿಕ್ಕವನಾಗಿದ್ದಾಗ ₹ 1ಕೋಟಿ ಹೊಂದಬೇಕೆಂಬ ಆಸೆ ಇತ್ತು. ನಿಮಗೂ ಅಂತಹ ಆಲೋಚನೆ ಇರಬಹುದು. ಕೋಟಿ ಚಿತ್ರ ನೋಡಿದರೆ ನೀವು ಕೋಟಿ ರೂಪಾಯಿ ದುಡಿಯುತ್ತೀರಿ’ ಎಂದು ಹೇಳಿದರು.</p>.<p>ನಟಿ ಮೋಕ್ಷಾ ಕುಶಾಲ್ ಮಾತನಾಡಿ, ‘ನಾನು ಕೂಡ ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಕಮ್ಯುನಿಕೇಷನ್ ಎಂಜಿನಿಯರಿಂಗ್ ಓದಿದ್ದೇನೆ. ನಾವು ಇಷ್ಟಪಟ್ಟು ಮತ್ತು ಕಷ್ಟಪಟ್ಟು ಮಾಡಿದ ‘ಕೋಟಿ‘ ಸಿನಿಮಾ ನೋಡಿ. ಜೂ. 5ರಂದು ಚಿತ್ರದ ಟ್ರೇಲರ್ ಬಿಡುಗಡೆಯಾಗಲಿದೆ. ಕನ್ನಡ ಸಿನಿಮಾಗಳನ್ನು ನೋಡಿ ಬೆಳೆಸಿ’ ಎಂದು ಹೇಳಿದರು.</p>.<p>ಧನಂಜಯ್ ಟಗರು ಚಿತ್ರದ ಡೈಲಾಗ್ ಹೇಳಿ ರಂಜಿಸಿದರು.</p>.<p>ದಾವಣಗೆರೆಯ ನಟ ಪೃಥ್ವಿ ಶಾಮನೂರು, ನಟ ಅಭಿಷೇಕ್ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಪ್ರಾಚಾರ್ಯ ಡಾ. ಎಚ್.ಬಿ. ಅರವಿಂದ್, ನಿರ್ದೇಶಕ ಪ್ರೊ. ವೈ.ವೃಷಭೇಂದ್ರಪ್ಪ, ಡಾ.ಜಿ.ಪಿ. ದೇಸಾಯಿ, ಡಾ.ಎಚ್.ಪಿ. ವಿನುತಾ, ಡಾ.ಪಿ.ಎಂ. ಕಲ್ಲೇಶಪ್ಪ, ಡಾ.ಮಾನವೇಂದ್ರ, ಡಾ. ದೇವೇಂದ್ರ ಇತರರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ</strong>: ‘ಪ್ರತಿಯೊಬ್ಬರು ನೀವು ಏನೇನೆಲ್ಲ ಆಗಬೇಕು ಅಂದುಕೊಂಡಿದ್ದೀರೋ ಅದೆಲ್ಲಾ ಆಗುವ ಶಕ್ತಿ ನಿಮ್ಮೊಳಗೆ ಇದ್ದು, ಅದರಂತೆ ನೀವು ಆಗಬಹುದು. ಆದರೆ ಅದಕ್ಕೆ ಶ್ರಮ ಹಾಕಿ’ ಎಂದು ಚಿತ್ರ ನಟ ಡಾಲಿ ಧನಂಜಯ್ ಸಲಹೆ ನೀಡಿದರು.</p>.<p>ನಗರದ ಬಿಐಇಟಿ ಕಾಲೇಜಿನಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ‘ನಮ್ಮ ದವನ 24’ ಎರಡು ದಿನದ ಸಾಂಸ್ಕೃತಿಕ ಉತ್ಸವದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.</p>.<p>‘ನಿಮ್ಮ ಪ್ರೀತಿ ತುಂಬಾ ದೊಡ್ಡದು. ನನಗೆ ಹುಷಾರಿಲ್ಲ, ಸುಸ್ತಾಗಿದ್ದರೂ ವೇದಿಕೆ ಮೇಲೆ ಬಂದಿದ್ದೇನೆ. ನಿಮ್ಮ ಪ್ರೀತಿಗಾಗಿ ನಿರಂತರ ಕೆಲಸ ಮಾಡುತ್ತಿದ್ದೇನೆ. ಅದಕ್ಕಿಂತ ಸಾರ್ಥಕತೆ ಬೇರೇನೂ ಇಲ್ಲ. ಇಲ್ಲಿಂದ ಹೋಗುವಾಗ ಸ್ವಲ್ಪ ಹುಷಾರಾಗಿ ಹೋಗುತ್ತೇನೆ’ ಎಂದು ಹೇಳಿದರು.</p>.<p>‘ದಾವಣಗೆರೆಗೆ ನಾನು ಮೂರನೇ ಬಾರಿಗೆ ಬಂದಿದ್ದೇನೆ. ದವನ ಕಾರ್ಯಕ್ರಮಕ್ಕೆ ಬಂದಾಗೆಲ್ಲ ಅದೇ ಜೋಶ್ ಇರುತ್ತದೆ. ಎಂಜಿನಿಯರಿಂಗ್ ಕಾಲೇಜಿಗೆ ಬಂದಾಗಲೆಲ್ಲಾ ಇಷ್ಟು ಬೇಗ ವರ್ಷಗಳು ಉರುಳಿದವಾ ಎಂದು ಅನ್ನಿಸುತ್ತದೆ. ನಾನು ನಿಮ್ಮ ಹಾಗೆಯೇ ಇದ್ದೆ’ ಎಂದು ಸ್ಮರಿಸಿದರು.</p>.<p>‘ಜೂ.14ಕ್ಕೆ ನನ್ನ ನಟನೆಯ ಕೋಟಿ ಸಿನಿಮಾ ಬಿಡುಗಡೆಯಾಗಲಿದೆ. ನೀವೆಲ್ಲ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡಿ ಪ್ರೋತ್ಸಾಹಿಸಿ. ನಾನು ಚಿಕ್ಕವನಾಗಿದ್ದಾಗ ₹ 1ಕೋಟಿ ಹೊಂದಬೇಕೆಂಬ ಆಸೆ ಇತ್ತು. ನಿಮಗೂ ಅಂತಹ ಆಲೋಚನೆ ಇರಬಹುದು. ಕೋಟಿ ಚಿತ್ರ ನೋಡಿದರೆ ನೀವು ಕೋಟಿ ರೂಪಾಯಿ ದುಡಿಯುತ್ತೀರಿ’ ಎಂದು ಹೇಳಿದರು.</p>.<p>ನಟಿ ಮೋಕ್ಷಾ ಕುಶಾಲ್ ಮಾತನಾಡಿ, ‘ನಾನು ಕೂಡ ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಕಮ್ಯುನಿಕೇಷನ್ ಎಂಜಿನಿಯರಿಂಗ್ ಓದಿದ್ದೇನೆ. ನಾವು ಇಷ್ಟಪಟ್ಟು ಮತ್ತು ಕಷ್ಟಪಟ್ಟು ಮಾಡಿದ ‘ಕೋಟಿ‘ ಸಿನಿಮಾ ನೋಡಿ. ಜೂ. 5ರಂದು ಚಿತ್ರದ ಟ್ರೇಲರ್ ಬಿಡುಗಡೆಯಾಗಲಿದೆ. ಕನ್ನಡ ಸಿನಿಮಾಗಳನ್ನು ನೋಡಿ ಬೆಳೆಸಿ’ ಎಂದು ಹೇಳಿದರು.</p>.<p>ಧನಂಜಯ್ ಟಗರು ಚಿತ್ರದ ಡೈಲಾಗ್ ಹೇಳಿ ರಂಜಿಸಿದರು.</p>.<p>ದಾವಣಗೆರೆಯ ನಟ ಪೃಥ್ವಿ ಶಾಮನೂರು, ನಟ ಅಭಿಷೇಕ್ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಪ್ರಾಚಾರ್ಯ ಡಾ. ಎಚ್.ಬಿ. ಅರವಿಂದ್, ನಿರ್ದೇಶಕ ಪ್ರೊ. ವೈ.ವೃಷಭೇಂದ್ರಪ್ಪ, ಡಾ.ಜಿ.ಪಿ. ದೇಸಾಯಿ, ಡಾ.ಎಚ್.ಪಿ. ವಿನುತಾ, ಡಾ.ಪಿ.ಎಂ. ಕಲ್ಲೇಶಪ್ಪ, ಡಾ.ಮಾನವೇಂದ್ರ, ಡಾ. ದೇವೇಂದ್ರ ಇತರರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>