ಧಾರವಾಡ ಕೃಷಿ ಮೇಳ: ಕಡಿಮೆ ನೀರಿನಲ್ಲಿ ಬೆಳೆ ಬೆಳೆಯುವ ಜಾಗೃತಿ

‘ಸ್ವಯಂಚಾಲಿತ ಹನಿ ನೀರಾವರಿ ವಿಧಾನ ಅಳವಡಿಸಿಕೊಂಡರೆ ಶೇ 65ರಷ್ಟು ನೀರಿನ ಬಳಕೆ ಕಡಿಮೆ ಮಾಡಬಹುದು. ಕಬ್ಬು ಭತ್ತ ಬಾಳೆ ಕಲ್ಲಂಗಡಿ ಮುಂತಾದ ಎಲ್ಲ ಬೆಳೆಗಳನ್ನು ಈ ವಿಧಾನದಲ್ಲಿ ಬೆಳೆಯುಬಹುದು. ರಾಮಥಾಳ ಪೂರಿಗಾಳಿ ಮೊದಲಾದ ಕಡೆಗಳಲ್ಲಿ ಬಹಳಷ್ಟು ರೈತರು ಈ ವಿಧಾನವನ್ನು ಅಳವಡಿಸಿಕೊಂಡಿದ್ದಾರೆ’ ಎಂದು ವಾಲ್ಮಿಯ ತೋಟಗಾರಿಕೆ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಮೇಘನಾ ನಾಡಿಗೇರ್‌ ‘ಪ್ರಜಾವಾಣಿ’ಗೆ ತಿಳಿಸಿದರು. ‘ಯಾವ ಬೆಳೆಗೆ ಎಷ್ಟು ನೀರು ಒದಗಿಸಬೇಕು ಎಂಬುದನ್ನು ತಿಳಿದುಕೊಂಡು ಅಷ್ಟು ಮಾತ್ರ ನೀರನ್ನು ಒದಗಿಸಬೇಕು. ಈ ಕುರಿತು ಮಾಹಿತಿ ನೀಡಲಾಗುತ್ತಿದೆ’ ಎಂದು ಅವರು ತಿಳಿಸಿದರು.