‘ನಮ್ಮ ಭಾಗದಲ್ಲಿ ಮಳೆ ಆಗದಿದ್ದರೂ ಮಲೆನಾಡು ಭಾಗದಲ್ಲಿ ಜೋರು ಮಳೆಯಾದರೆ ತುಂಗಭದ್ರಾ ನೀರು ಹರಿದು ಬರುತ್ತದೆ. ಹಮ್ಮಿಗಿ ಬ್ಯಾರೇಜ್ನಲ್ಲಿ ನೀರು ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹ ಮಾಡಿ ಡಂಬಳ, ಪೇಠಾಲೂರ, ಮುರಡಿ, ಬಸಾಪೂರ, ಜಂತಲಿಶಿರೂರ ಮುಂತಾದ ಗ್ರಾಮದ ಕೆರೆಗಳನ್ನು ಸಣ್ಣ ನೀರಾವರಿ ಇಲಾಖೆಯ ಕಾಲುವೆ ಮೂಲಕ ಕೆರೆಗೆ ನೀರು ಭರ್ತಿ ಮಾಡಲಾಗುತ್ತದೆ. ಆದರೆ, ನಮ್ಮ ಗ್ರಾಮದಲ್ಲಿ ಸಣ್ಣ ನೀರಾವರಿ ಇಲಾಖೆಯ ಕಾಲುವೆ ನಿರ್ಲಕ್ಷ್ಯಕ್ಕೆ ಒಳಗಾಗಿದೆ. ಮದಗ ಬೆಂಡ್ ಆದ ಪರಿಣಾಮ ನೀರು ಕೆರೆಯಲ್ಲಿ ಸಂಗ್ರಹವಾಗದೆ ಹಳ್ಳ ಮತ್ತು ಇತರೆ ಭಾಗದಲ್ಲಿ ವ್ಯರ್ಥವಾಗಿ ಹರಿಯುತ್ತಿದೆ’ ಎಂದು ಸ್ಥಳೀಯ ರೈತ ಮುದಿಯಪ್ಪ ಗದಗಿನ ತಿಳಿಸಿದ್ದಾರೆ.