<p><strong>ಹಾಸನ :</strong> ತಾಲ್ಲೂಕಿನ ದುದ್ದ ಹೋಬಳಿ ಸಾವಂಕನ ಹಳ್ಳಿಯಲ್ಲಿ ರಕ್ಷಿಸಲ್ಪಟ್ಟ ಜೀತದಾಳುಗಳಿಗೆ ನಿಯಮಾನುಸಾರ ₹ 71 ಲಕ್ಷ ಪರಿಹಾರ ಬಿಡುಗಡೆ ಕೋರಿ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡುವಂತೆ ಜಿಲ್ಲಾಡಳಿತ ಪ್ರಸ್ತಾವ ಸಲ್ಲಿಸಿದೆ.</p>.<p>ಪುರುಷ ಜೀತ ಕಾರ್ಮಿಕರಿಗೆ ₹ 1 ಲಕ್ಷ ಹಾಗೂ ಮಹಿಳಾ ಕಾರ್ಮಿಕರಿಗೆ ತಲಾ ₹ 2 ಲಕ್ಷದಂತೆ ಪರಿಹಾರ ನೀಡಬೇಕಾಗಿದೆ. ಬಿಡುಗಡೆಯಾದ ಜೀತವಿಮುಕ್ತರಲ್ಲಿ 31 ಮಂದಿ ಪುರುಷ ಹಾಗೂ 16 ಮಂದಿ ಮಹಿಳೆಯರು ಮತ್ತು ನಾಲ್ಕು ಮಕ್ಕಳಿದ್ದಾರೆ. ಅದರಂತೆ ಮಹಿಳಾ ಕಾರ್ಮಿಕರಿಗೆ ₹ 32 ಲಕ್ಷ, ಪುರುಷರಿಗೆ ₹ 31 ಲಕ್ಷ, ಮಕ್ಕಳಿಗೆ ತಲಾ ₹ 2 ಲಕ್ಷದಂತೆ ₹ 8 ಲಕ್ಷ ರೂಪಾಯಿ ಪರಿಹಾರ ಬಿಡುಗಡೆ ಮಾಡಬೇಕಾಗಿದೆ.</p>.<p>ಇದರಂತೆ ಆಯಾ ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ ಮತ್ತು ಹೊರ ರಾಜ್ಯದ ಕೂಲಿ ಕಾರ್ಮಿಕರಿಗೆ ಸಂಬಂಧಿಸಿದಂತೆ ಹಾಸನ ಜಿಲ್ಲಾಧಿಕಾರಿಗೆ ಪರಿಹಾರ ಧನ ಕೂಡಲೇ ಬಿಡುಗಡೆ ಮಾಡುವಂತೆ ಕೋರಿ ಶಿಫಾರಸ್ಸು ಮಾಡಲು ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ಅವರು ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗೆ ಪತ್ರ ರವಾನಿಸಿದ್ದಾರೆ.</p>.<p>ಎಲ್ಲಾ ಜಿಲ್ಲಾಧಿಕಾರಿಗಳು, ಆಂಧ್ರ ಪ್ರದೇಶ ಮತ್ತು ತೆಲಂಗಾಣ ರಾಜ್ಯದ ಮುಖ್ಯ ಕಾರ್ಯದರ್ಶಿಗಳಿಗೆ ಆಯಾ ಜೀತ ವಿಮುಕ್ತ ವ್ಯಕ್ತಿಗಳಿಗೆ ಮುಂದುವರೆದ ಪುನರ್ ವಸತಿ ಕಾರ್ಯ ಕ್ರಮಗಳನ್ನು ಕೈಗೊಳ್ಳುವಂತೆ ಕೋರಿ ಪತ್ರ ಬರೆಯುವಂತೆ ತಮ್ಮ ಪ್ರಸ್ತಾವನೆಯಲ್ಲಿ ಮನವಿ ಮಾಡಿದ್ದಾರೆ.</p>.<p>ಸಾವಂಕನಹಳ್ಳಿಯಲ್ಲಿ 51 ಮಂದಿ ರಕ್ಷಿತ ಜೀತದಾಳುಗಳಲ್ಲಿ 6 ಮಂದಿ ತುಮಕೂರು, ಒಬ್ಬರು ಬೆಳಗಾವಿ, ಇಬ್ಬರು ಶಿವಮೊಗ್ಗ, ಇಬ್ಬರು ದಾವಣಗೆರೆ, ಚಿತ್ರದುರ್ಗ ಜಿಲ್ಲೆಯ 6 ಮಂದಿ, ಚಿಕ್ಕಮಗಳೂರಿನ ಜಿಲ್ಲೆಯ 6 ಮಂದಿ, ಹಾಸನ ಜಿಲ್ಲೆಯ 5 ಮಂದಿ, ಬಳ್ಳಾರಿಯ 1, ರಾಮನಗರ ಜಿಲ್ಲೆಯ 1, ಹಾವೇರಿ ಜಿಲ್ಲೆಯ 8, ಧಾರವಾಡ ಜಿಲ್ಲೆಯ 2, ಬೀದರ್ನ 1, ರಾಯಚೂರ್ನ 5, ವಿಜಯಪುರ ಜಿಲ್ಲೆಯ 1, ತೆಲಂಗಾಣದ ಒಬ್ಬರು, ಆಂಧ್ರ ಪ್ರದೇಶ ರಾಜ್ಯದ ಮೂವರು ಸೇರಿದ್ದಾರೆ. ಇದರಲ್ಲಿ 16 ವರ್ಷದೊಳಗಿನ 4 ಮಕ್ಕಳು ಇದ್ದು, ರಾಯಚೂರಿನ 1 ಹೆಣ್ಣು ಮತ್ತು 2 ಗಂಡು ಮಕ್ಕಳು ತಮ್ಮ ತಂದೆ ತಾಯಿ ಜೊತೆ ಚಿತ್ರದುರ್ಗ ಜಿಲ್ಲೆಯ 1 ಗಂಡು ಮತ್ತು ಪೊಷಕರೊಂದಿಗೆ ಇದ್ದರು.</p>.<p>ಪೊಲೀಸರಿಂದ ಜೀತದಾಳುಗಳ ರಕ್ಷಣೆ ನಂತರ ಎಲ್ಲರಿಗೂ ಅಟ್ಟಾವರ ಹೊಸಳ್ಳಿ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಆಶ್ರಯ ನೀಡಲಾಗಿತ್ತು. ತಮ್ಮ ಸ್ವಗ್ರಾಮಗಳಿಗೆ ತೆರಳಲು ಬಯಸಿದ ಹಿನ್ನಲೆಯಲ್ಲಿ ಪ್ರಯಾಣ ವೆಚ್ಚಕ್ಕೆ ಹಣ ನೀಡಿ ಸುರಕ್ಷಿತವಾಗಿ ಕಳಿಸಿಕೊಡಲಾಗಿದೆ ಎಂದು ಜಿಲ್ಲಾಧಿಕಾರಿ ಸರ್ಕಾರಕ್ಕೆ ನೀಡಿರುವ ವರದಿಯಲ್ಲಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಸನ :</strong> ತಾಲ್ಲೂಕಿನ ದುದ್ದ ಹೋಬಳಿ ಸಾವಂಕನ ಹಳ್ಳಿಯಲ್ಲಿ ರಕ್ಷಿಸಲ್ಪಟ್ಟ ಜೀತದಾಳುಗಳಿಗೆ ನಿಯಮಾನುಸಾರ ₹ 71 ಲಕ್ಷ ಪರಿಹಾರ ಬಿಡುಗಡೆ ಕೋರಿ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡುವಂತೆ ಜಿಲ್ಲಾಡಳಿತ ಪ್ರಸ್ತಾವ ಸಲ್ಲಿಸಿದೆ.</p>.<p>ಪುರುಷ ಜೀತ ಕಾರ್ಮಿಕರಿಗೆ ₹ 1 ಲಕ್ಷ ಹಾಗೂ ಮಹಿಳಾ ಕಾರ್ಮಿಕರಿಗೆ ತಲಾ ₹ 2 ಲಕ್ಷದಂತೆ ಪರಿಹಾರ ನೀಡಬೇಕಾಗಿದೆ. ಬಿಡುಗಡೆಯಾದ ಜೀತವಿಮುಕ್ತರಲ್ಲಿ 31 ಮಂದಿ ಪುರುಷ ಹಾಗೂ 16 ಮಂದಿ ಮಹಿಳೆಯರು ಮತ್ತು ನಾಲ್ಕು ಮಕ್ಕಳಿದ್ದಾರೆ. ಅದರಂತೆ ಮಹಿಳಾ ಕಾರ್ಮಿಕರಿಗೆ ₹ 32 ಲಕ್ಷ, ಪುರುಷರಿಗೆ ₹ 31 ಲಕ್ಷ, ಮಕ್ಕಳಿಗೆ ತಲಾ ₹ 2 ಲಕ್ಷದಂತೆ ₹ 8 ಲಕ್ಷ ರೂಪಾಯಿ ಪರಿಹಾರ ಬಿಡುಗಡೆ ಮಾಡಬೇಕಾಗಿದೆ.</p>.<p>ಇದರಂತೆ ಆಯಾ ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ ಮತ್ತು ಹೊರ ರಾಜ್ಯದ ಕೂಲಿ ಕಾರ್ಮಿಕರಿಗೆ ಸಂಬಂಧಿಸಿದಂತೆ ಹಾಸನ ಜಿಲ್ಲಾಧಿಕಾರಿಗೆ ಪರಿಹಾರ ಧನ ಕೂಡಲೇ ಬಿಡುಗಡೆ ಮಾಡುವಂತೆ ಕೋರಿ ಶಿಫಾರಸ್ಸು ಮಾಡಲು ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ಅವರು ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗೆ ಪತ್ರ ರವಾನಿಸಿದ್ದಾರೆ.</p>.<p>ಎಲ್ಲಾ ಜಿಲ್ಲಾಧಿಕಾರಿಗಳು, ಆಂಧ್ರ ಪ್ರದೇಶ ಮತ್ತು ತೆಲಂಗಾಣ ರಾಜ್ಯದ ಮುಖ್ಯ ಕಾರ್ಯದರ್ಶಿಗಳಿಗೆ ಆಯಾ ಜೀತ ವಿಮುಕ್ತ ವ್ಯಕ್ತಿಗಳಿಗೆ ಮುಂದುವರೆದ ಪುನರ್ ವಸತಿ ಕಾರ್ಯ ಕ್ರಮಗಳನ್ನು ಕೈಗೊಳ್ಳುವಂತೆ ಕೋರಿ ಪತ್ರ ಬರೆಯುವಂತೆ ತಮ್ಮ ಪ್ರಸ್ತಾವನೆಯಲ್ಲಿ ಮನವಿ ಮಾಡಿದ್ದಾರೆ.</p>.<p>ಸಾವಂಕನಹಳ್ಳಿಯಲ್ಲಿ 51 ಮಂದಿ ರಕ್ಷಿತ ಜೀತದಾಳುಗಳಲ್ಲಿ 6 ಮಂದಿ ತುಮಕೂರು, ಒಬ್ಬರು ಬೆಳಗಾವಿ, ಇಬ್ಬರು ಶಿವಮೊಗ್ಗ, ಇಬ್ಬರು ದಾವಣಗೆರೆ, ಚಿತ್ರದುರ್ಗ ಜಿಲ್ಲೆಯ 6 ಮಂದಿ, ಚಿಕ್ಕಮಗಳೂರಿನ ಜಿಲ್ಲೆಯ 6 ಮಂದಿ, ಹಾಸನ ಜಿಲ್ಲೆಯ 5 ಮಂದಿ, ಬಳ್ಳಾರಿಯ 1, ರಾಮನಗರ ಜಿಲ್ಲೆಯ 1, ಹಾವೇರಿ ಜಿಲ್ಲೆಯ 8, ಧಾರವಾಡ ಜಿಲ್ಲೆಯ 2, ಬೀದರ್ನ 1, ರಾಯಚೂರ್ನ 5, ವಿಜಯಪುರ ಜಿಲ್ಲೆಯ 1, ತೆಲಂಗಾಣದ ಒಬ್ಬರು, ಆಂಧ್ರ ಪ್ರದೇಶ ರಾಜ್ಯದ ಮೂವರು ಸೇರಿದ್ದಾರೆ. ಇದರಲ್ಲಿ 16 ವರ್ಷದೊಳಗಿನ 4 ಮಕ್ಕಳು ಇದ್ದು, ರಾಯಚೂರಿನ 1 ಹೆಣ್ಣು ಮತ್ತು 2 ಗಂಡು ಮಕ್ಕಳು ತಮ್ಮ ತಂದೆ ತಾಯಿ ಜೊತೆ ಚಿತ್ರದುರ್ಗ ಜಿಲ್ಲೆಯ 1 ಗಂಡು ಮತ್ತು ಪೊಷಕರೊಂದಿಗೆ ಇದ್ದರು.</p>.<p>ಪೊಲೀಸರಿಂದ ಜೀತದಾಳುಗಳ ರಕ್ಷಣೆ ನಂತರ ಎಲ್ಲರಿಗೂ ಅಟ್ಟಾವರ ಹೊಸಳ್ಳಿ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಆಶ್ರಯ ನೀಡಲಾಗಿತ್ತು. ತಮ್ಮ ಸ್ವಗ್ರಾಮಗಳಿಗೆ ತೆರಳಲು ಬಯಸಿದ ಹಿನ್ನಲೆಯಲ್ಲಿ ಪ್ರಯಾಣ ವೆಚ್ಚಕ್ಕೆ ಹಣ ನೀಡಿ ಸುರಕ್ಷಿತವಾಗಿ ಕಳಿಸಿಕೊಡಲಾಗಿದೆ ಎಂದು ಜಿಲ್ಲಾಧಿಕಾರಿ ಸರ್ಕಾರಕ್ಕೆ ನೀಡಿರುವ ವರದಿಯಲ್ಲಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
