ಶ್ರೀನಿವಾಸಪುರ | ರೈಲು ನಿಲ್ದಾಣದ ಆಕರ್ಷಣೆ ಗೀಜಗನ ಗೂಡು

ಶ್ರೀನಿವಾಸಪುರ : ಪಟ್ಟಣ ಹೊರವಲಯದ ರೈಲು ನಿಲ್ದಾಣದ ಆವರಣದ ಮರಗಳಲ್ಲಿ ನೇತಾಡುವ ಗೀಜಗ ಹಕ್ಕಿಗಳ ಗೂಡು ಗಮನ ಸೆಳೆಯುತ್ತವೆ.

. ಸ್ಥಳೀಯವಾಗಿ 'ಜೀನುಗ ಗುವ್ವ' ಎಂದು ಕರೆಯಲಾಗುವ ಈ ಪುಟ್ಟ ಹಕ್ಕಿಗಳು ಸ್ವಭಾವತ ಸಂಘ ಜೀವಿಗಳು. ರೈಲು ನಿಲ್ದಾಣದ ಆವರಣದಲ್ಲಿ ಮರಗಳಲ್ಲಿ ಅನೇಕ ವರ್ಷಗಳಿಂದ ಗೂಡು ಕಟ್ಟಿಕೊಂಡಿವೆ. ಜಾಲಿ ಪೊದೆ, ಮರಗಳಲ್ಲಿ ನೇತಾಡುತ್ತಿರುವ ಗೂಡುಗಳು ನಿಲ್ದಾಣದ ಆಕರ್ಷಣೆಯ ಕೇಂದ್ರಗಳಾಗಿವೆ.

. ಪುಟ್ಟ ಮೊನಚಾದ ಕೊಕ್ಕಿನಿಂದ ಗೂಡುಕಟ್ಟುವ ಕೌಶಲದಿಂದಾಗಿಯೇ ಈ ಹಕ್ಕಿಯನ್ನು ವೀವಿಂಗ್ ಬರ್ಡ್ ಅಥವಾ ನೇಯ್ಗೆ ಹಕ್ಕಿ ಎಂದು ಕರೆಯುತ್ತಾರೆ.

. ಈ ಹಕ್ಕಿಗಳು ಸುರಕ್ಷತೆ ದೃಷ್ಟಿಯಿಂದ ಯಾರಿಗೂ ಸುಲಭವಾಗಿ ಕೈಗೆಟುಕದ ಎತ್ತರವಾದ ಮರಗಳಲ್ಲಿ ಗೂಡು ಕಟ್ಟುವುದು ವಾಡಿಕೆ. ಕೆರೆ, ಕುಂಟೆಗಳ ದಡದಲ್ಲಿರುವ ಮರಗಳಲ್ಲಿ ಸಾಮಾನ್ಯವಾಗಿ ಗೂಡು ಕಂಡುಬರುತ್ತವೆ. ಅಂಥ ಸ್ಥಳಗಳ ಅಭಾವದಿಂದ ಎತ್ತರವಾದ ಮರಗಳ ಹೊರಭಾಗದ ಸಣ್ಣದಾದ ಕೊಂಬೆಗಳಲ್ಲಿ ಗೂಡು ಕಟ್ಟಲು ಪ್ರಾರಂಭಿಸಿವೆ.

. ಗಂಡು ಹಕ್ಕಿ, ತಲೆಕೆಳಗಾಗಿ ನೇತಾಡುವ ಸುಂದರ ಗೂಡು ಹೆಣೆದು ಹೆಣ್ಣು ಹಕ್ಕಿಯನ್ನು ಆಕರ್ಷಿಸುತ್ತದೆ. ಗೂಡು ಪ್ರವೇಶಕ್ಕೆ ಕೆಳಗಿನಿಂದ ಕೊಳವೆ ಆಕಾರದ ದ್ವಾರ ನಿರ್ಮಿಸಿರುತ್ತವೆ. ಮೊಟ್ಟೆ ಇಡಲು ಪೂರಕವಾದ ಒಂದು ಭಾಗ ಗೂಡಿನಲ್ಲಿರುತ್ತದೆ. ಗಂಡು ಹಕ್ಕಿ ಸರಳವಾದ ಗೂಡು ನಿರ್ಮಿಸಿಕೊಂಡು ಜೀವಿಸುತ್ತದೆ.

. ಹುಲ್ಲಿನ ಚಿಕ್ಕ ಬೀಜ, ತೃಣಧಾನ್ಯ ಹಾಗೂ ಹುಳು ಹುಪ್ಪಟೆ ಗೀಜಗದ ಆಹಾರ. ಹೆಚ್ಚಿನ ಸಂಖ್ಯೆಯ ಹಕ್ಕಿಗಳು ಒಂದು ಕಡೆ ವಾಸಿಸುವುದರಿಂದ ಸುತ್ತಲಿನ ಜಮೀನಲ್ಲಿ ಬೆಳೆದಿರುವ ಬೆಳೆಗೆ ಮಾರಕವಾಗಿರುವ ಹುಳು ಹಾಗೂ ಕೀಟಗಳನ್ನು ತಿನ್ನುತ್ತವೆ. ಕೊಂಡೊಯ್ದು ಮರಿಗಳಿಗೂ ಉಣಿಸುತ್ತವೆ.

. 'ಜೀವಿಸಲು ಯೋಗ್ಯವಾದ ಪರಿಸರದ ಕೊರತೆ ಹಾಗೂ ಮೊಬೈಲ್ ಗೋಪುರಗಳ ಅಳವಡಿಕೆಯಿಂದಾಗಿ ಗೀಜಗ ಸಂತತಿ ಗುಬ್ಬಿಯ ಜಾಡು ಹಿಡಿದಿದೆ. ದಿನದಿಂದ ದಿನಕ್ಕೆ ಸಂಖ್ಯೆ ಕಡಿಮೆಯಾಗುತ್ತಿದೆ. ಈ ಆದಿವಾಸಿ ಹಕ್ಕಿಯನ್ನು ಉಳಿಸಿಕೊಳ್ಳಬೇಕಾದ ಜವಾಬ್ದಾರಿ ಎಲ್ಲರ ಮೇಲಿದೆ' ಎನ್ನುತ್ತಾರೆ ಪರಿಸರವಾದಿ ರಾಂಪುರ ಅಶೋಕ್ ಕುಮಾರ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶ್ರೀನಿವಾಸಪುರ | ರೈಲು ನಿಲ್ದಾಣದ ಆಕರ್ಷಣೆ ಗೀಜಗನ ಗೂಡು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು