<p><strong>ಕೋಲಾರ:</strong> ಕೋಲಾರದಿಂದ ರಾಜಸ್ಥಾನದ ಜೈಪುರಕ್ಕೆ ತೆರಳುತ್ತಿದ್ದ ಟೊಮೆಟೊ ತುಂಬಿದ ಲಾರಿ ನಾಪತ್ತೆಯಾಗಿದ್ದು, ಕೋಲಾರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p><p>ಕೋಲಾರದ ಮೆಹತ್ ಟ್ರಾನ್ಸ್ಫೋರ್ಟ್ಗೆ ಸೇರಿದ ಲಾರಿ ಇದಾಗಿದ್ದು, ಸುಮಾರು ₹ 21 ಲಕ್ಷ ಮೌಲ್ಯದ ಟೊಮೆಟೊವನ್ನು ಕೋಲಾರದ ಎಪಿಎಂಸಿಯಲ್ಲಿ ತುಂಬಿ ರವಾನಿಸಲಾಗಿತ್ತು. ಎ.ಜಿ.ಟ್ರೇಡರ್ಸ್ ಸಕ್ಲೇನ್ ಹಾಗೂ ಎಸ್ವಿಟಿ ಟ್ರೇಡರ್ಸ್ ಮುನಿರೆಡ್ಡಿ ಎಂಬುವರಿಗೆ ಸೇರಿದ ಟೊಮೆಟೊ ಇದಾಗಿದೆ.</p><p>ಜುಲೈ 27ರಂದು ಕೋಲಾರದಿಂದ ತೆರಳಿತ್ತು. ಜುಲೈ 29ರ ರಾತ್ರಿ 8.30ರವರೆಗೆ ಚಾಲಕ ಸಂಪರ್ಕದಲ್ಲಿದ್ದರು. ಆ ಸಂದರ್ಭದಲ್ಲಿ ಲಾರಿ ಭೋಪಾಲ್ ಟೋಲ್ ದಾಟಿತ್ತು ಎನ್ನಲಾಗಿದೆ. </p><p>ಆ ಬಳಿಕ ಲಾರಿ ಚಾಲಕ ಮೊಬೈಲ್ ಸಂಪರ್ಕಕ್ಕೆ ಸಿಗದಿದ್ದರಿಂದ ಆತಂಕಕ್ಕೆ ಒಳಗಾದ ಮಂಡಿ ಮಾಲೀಕರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. </p><p>‘ಅಪಘಾತ ಏನಾದರೂ ಆಗಿದೆಯೇ? ಅಥವಾ ನೆಟ್ವರ್ಕ್ ತೊಂದರೆಯಿಂದ ಸಂಪರ್ಕ ಸಾಧ್ಯವಾಗುತ್ತಿಲ್ಲವೋ’ ಎಂಬ ಆಯಾಮಗಳಲ್ಲಿ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.</p>.<p><strong>ತಗ್ಗದ ಟೊಮೆಟೊ ಬೇಡಿಕೆ</strong></p><p>ಈ ಮಧ್ಯೆ ಟೊಮೆಟೊ ದರ ಇಳಿಯುವ ಲಕ್ಷಣ ಕಾಣಿಸುತ್ತಿಲ್ಲ. ಭಾನುವಾರ ಹರಾಜಿನಲ್ಲಿ 15 ಕೆ.ಜಿಯ ಟೊಮೆಟೊ ಬಾಕ್ಸ್ ಮತ್ತೆ ₹ 2,200ಕ್ಕೆ ಮಾರಾಟವಾಗಿದೆ. ಈ ತಿಂಗಳಿನಲ್ಲಿ ಮೂರನೇ ಬಾರಿ ಈ ಮೊತ್ತಕ್ಕೆ ಹರಾಜಾಗಿದೆ. ಎಪಿಎಂಸಿಗೆ ಒಟ್ಟು 52,826 ಬಾಕ್ಸ್ ಟೊಮೆಟೊ ಆವಕವಾಗಿತ್ತು. </p><p>ಈ ಮಧ್ಯೆ, ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ರೈತ ಮುರಳಿ ಎಂಬುವರು ಕೋಲಾರದ ಎಪಿಎಂಸಿಯಲ್ಲಿ 45 ದಿನಗಳಲ್ಲಿ ಸುಮಾರು ₹ 4 ಕೋಟಿ ವಹಿವಾಟು ನಡೆಸಿದ್ದಾರೆ. ಸುಮಾರು 22 ಹೆಕ್ಟೇರ್ನಲ್ಲಿ ಅವರು ಟೊಮೆಟೊ ಬೆಳೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲಾರ:</strong> ಕೋಲಾರದಿಂದ ರಾಜಸ್ಥಾನದ ಜೈಪುರಕ್ಕೆ ತೆರಳುತ್ತಿದ್ದ ಟೊಮೆಟೊ ತುಂಬಿದ ಲಾರಿ ನಾಪತ್ತೆಯಾಗಿದ್ದು, ಕೋಲಾರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p><p>ಕೋಲಾರದ ಮೆಹತ್ ಟ್ರಾನ್ಸ್ಫೋರ್ಟ್ಗೆ ಸೇರಿದ ಲಾರಿ ಇದಾಗಿದ್ದು, ಸುಮಾರು ₹ 21 ಲಕ್ಷ ಮೌಲ್ಯದ ಟೊಮೆಟೊವನ್ನು ಕೋಲಾರದ ಎಪಿಎಂಸಿಯಲ್ಲಿ ತುಂಬಿ ರವಾನಿಸಲಾಗಿತ್ತು. ಎ.ಜಿ.ಟ್ರೇಡರ್ಸ್ ಸಕ್ಲೇನ್ ಹಾಗೂ ಎಸ್ವಿಟಿ ಟ್ರೇಡರ್ಸ್ ಮುನಿರೆಡ್ಡಿ ಎಂಬುವರಿಗೆ ಸೇರಿದ ಟೊಮೆಟೊ ಇದಾಗಿದೆ.</p><p>ಜುಲೈ 27ರಂದು ಕೋಲಾರದಿಂದ ತೆರಳಿತ್ತು. ಜುಲೈ 29ರ ರಾತ್ರಿ 8.30ರವರೆಗೆ ಚಾಲಕ ಸಂಪರ್ಕದಲ್ಲಿದ್ದರು. ಆ ಸಂದರ್ಭದಲ್ಲಿ ಲಾರಿ ಭೋಪಾಲ್ ಟೋಲ್ ದಾಟಿತ್ತು ಎನ್ನಲಾಗಿದೆ. </p><p>ಆ ಬಳಿಕ ಲಾರಿ ಚಾಲಕ ಮೊಬೈಲ್ ಸಂಪರ್ಕಕ್ಕೆ ಸಿಗದಿದ್ದರಿಂದ ಆತಂಕಕ್ಕೆ ಒಳಗಾದ ಮಂಡಿ ಮಾಲೀಕರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. </p><p>‘ಅಪಘಾತ ಏನಾದರೂ ಆಗಿದೆಯೇ? ಅಥವಾ ನೆಟ್ವರ್ಕ್ ತೊಂದರೆಯಿಂದ ಸಂಪರ್ಕ ಸಾಧ್ಯವಾಗುತ್ತಿಲ್ಲವೋ’ ಎಂಬ ಆಯಾಮಗಳಲ್ಲಿ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.</p>.<p><strong>ತಗ್ಗದ ಟೊಮೆಟೊ ಬೇಡಿಕೆ</strong></p><p>ಈ ಮಧ್ಯೆ ಟೊಮೆಟೊ ದರ ಇಳಿಯುವ ಲಕ್ಷಣ ಕಾಣಿಸುತ್ತಿಲ್ಲ. ಭಾನುವಾರ ಹರಾಜಿನಲ್ಲಿ 15 ಕೆ.ಜಿಯ ಟೊಮೆಟೊ ಬಾಕ್ಸ್ ಮತ್ತೆ ₹ 2,200ಕ್ಕೆ ಮಾರಾಟವಾಗಿದೆ. ಈ ತಿಂಗಳಿನಲ್ಲಿ ಮೂರನೇ ಬಾರಿ ಈ ಮೊತ್ತಕ್ಕೆ ಹರಾಜಾಗಿದೆ. ಎಪಿಎಂಸಿಗೆ ಒಟ್ಟು 52,826 ಬಾಕ್ಸ್ ಟೊಮೆಟೊ ಆವಕವಾಗಿತ್ತು. </p><p>ಈ ಮಧ್ಯೆ, ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ರೈತ ಮುರಳಿ ಎಂಬುವರು ಕೋಲಾರದ ಎಪಿಎಂಸಿಯಲ್ಲಿ 45 ದಿನಗಳಲ್ಲಿ ಸುಮಾರು ₹ 4 ಕೋಟಿ ವಹಿವಾಟು ನಡೆಸಿದ್ದಾರೆ. ಸುಮಾರು 22 ಹೆಕ್ಟೇರ್ನಲ್ಲಿ ಅವರು ಟೊಮೆಟೊ ಬೆಳೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
