ಹಳಿ ಮೇಲೆ ಮದ್ಯ ಸೇವನೆ; ರೈಲು ಹರಿದು ಮೂವರ ಸಾವು

ಗಂಗಾವತಿಯ ಮೌನೇಶ ಪತ್ತಾರ (23), ಸುನೀಲ್‌ ತಿಮ್ಮಣ್ಣ (23) ಹಾಗೂ ವೆಂಕಟ್‌ ಮಂಗಳೂರು (20) ಮೃತರು. ಈ ರೈಲು ಹುಬ್ಬಳ್ಳಿಯಿಂದ ಗಂಗಾವತಿ, ಕಾರಟಗಿ ಮಾರ್ಗವಾಗಿ ಸಿಂಧನೂರಿಗೆ ತೆರಳುತ್ತಿತ್ತು. 

‘ಇವರು ಕುಳಿತಿದ್ದ ಸ್ಥಳದಿಂದ ಸ್ವಲ್ಪ ದೂರದಲ್ಲಿ ತಿರುವು ಇರುವುದರಿಂದ ರೈಲು ಬರುವುದು ಕುಳಿತವರಿಗೆ ಕಾಣಿಸಿಲ್ಲ. ಹತ್ತಿರ ಬಂದಾಗ ರೈಲು ನಿಲ್ಲಿಸಲು ಲೋಕೊಪೈಲಟ್‌ಗೆ ಸಾಧ್ಯವಾಗಿಲ್ಲ. ಈ ಅವಘಡದಿಂದ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ’ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಗದಗ ರೈಲ್ವೆ ಠಾಣೆ ಪೊಲೀಸರು ತಿಳಿಸಿದ್ದಾರೆ.