<p><strong>ಮೈಸೂರು</strong>: ನಿವೇಶನ ನೋಂದಣಿ ವಿಚಾರದಲ್ಲಿ ಕಂಪನಿ ವಿರುದ್ಧ ಗ್ರಾಹಕರ ಕೋರ್ಟ್ ಮೆಟ್ಟಿಲೇರಿದ್ದ ರಾಮಕೃಷ್ಣಾರ್ಪಣಾಂದ ಅವರು ತಾವೇ ವಾದ ನಡೆಸಿ ಪ್ರಕರಣ ಗೆದ್ದಿದ್ದಾರೆ. ಕಂಪೆನಿಯು ದೂರುದಾರರಿಗೆ ಬಡ್ಡಿಯ ಜೊತೆ ₹63 ಸಾವಿರ ದಂಡ ಪಾವತಿಸುವಂತೆ ನ್ಯಾಯಾಲಯ ಆದೇಶ ನೀಡಿದೆ. </p>.<p>ಹಿನ್ನೆಲೆ: 2016ರಲ್ಲಿ ಟೆರ್ರಕಾನ್ ರೆಸಿಡನ್ಸಿಯು ತಾಲ್ಲೂಕಿನ ರಮ್ಮನಹಳ್ಳಿ ಸಮೀಪದ ಬೆಳವಾಡಿ ಗ್ರಾಮ ವ್ಯಾಪ್ತಿಯಲ್ಲಿ ಬಡಾವಣೆ ನಿರ್ಮಾಣ ಮಾಡುತ್ತಿದ್ದ ಬಗ್ಗೆ ನೀಡಿದ ಜಾಹೀರಾತು ಗಮನಿಸಿ, ಕೆ.ಆರ್ ಮೊಹಲ್ಲಾ ನಿವಾಸಿ ರಾಮಕೃಷ್ಣಾರ್ಪಣಾಂದ ಅವರು ನಿವೇಶನಕ್ಕಾಗಿ ಕಂಪನಿಗೆ 3 ಕಂತುಗಳಲ್ಲಿ ₹5,10,000 ಪಾವತಿಸಿ 513ನೇ ನಿವೇಶನ ಆಯ್ಕೆ ಮಾಡಿದ್ದರು. ಇನ್ನೊಂದು ವರ್ಷದಲ್ಲಿ ಮೊದಲನೇ ಹಂತವನ್ನು ಮುಕ್ತಾಯಗೊಳಿಸಿ, ನಿವೇಶನ ನೋಂದಣಿ ಮಾಡಿಸುವ ಭರವಸೆಯನ್ನು ಕಂಪನಿ ನೀಡಿತ್ತು.</p>.<p>‘ಹಣ ಪಡೆದ ಬಳಿಕ ರೆಸಿಡೆನ್ಸಿಯು ಕುಂಟುನೆಪ ಹೇಳಿ ನೋಂದಣಿಯನ್ನು ಮುಂದೆ ಹಾಕುತ್ತಿತ್ತು. 5 ವರ್ಷ ಕಳೆದರೂ ನೋಂದಣಿ ಮಾಡಿಲ್ಲ. ನಮ್ಮ ಗಮನಕ್ಕೆ ಬಾರದಂತೆ ಪೂರ್ವಭಾವಿ ನಕ್ಷೆಯನ್ನು ಬದಲಾಯಿಸಿದೆ. ಕಂಪೆನಿಯು ನೋಂದಣಿ ಮಾಡಿಕೊಡಬೇಕು ಇಲ್ಲವೇ ಬಡ್ಡಿ ಸಹಿತ ಹಣ ಹಿಂದಿರುಗಿಸಬೇಕು’ ಎಂದು ರಾಮಕೃಷ್ಣಾರ್ಪಣಾಂದ ಅವರು ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗಕ್ಕೆ ದೂರು ದಾಖಲಿಸಿದ್ದರು.</p>.<p>ಗ್ರಾಹಕ ನ್ಯಾಯಾಲಯವು ವಿಚಾರಣೆ ನಡೆಸಿ, ಕಂಪನಿಯು ಸೇವಾ ನ್ಯೂನ್ಯತೆ ಮೂಲಕ ಗ್ರಾಹಕರಿಗೆ ಆರ್ಥಿಕ ನಷ್ಟದ ಜೊತೆಗೆ ಮಾನಸಿಕ ಹಿಂಸೆ ಉಂಟುಮಾಡಿದೆ ಎಂದು ಪರಿಗಣಿಸಿ ನಿವೇಶನ ಖರೀದಿಗೆ ನೀಡಿದ ₹5.20 ಲಕ್ಷವನ್ನು ಶೇ 8ರ ಬಡ್ಡಿ ಮೊತ್ತದೊಂದಿಗೆ ಹಿಂದಿರುಗಿಸುವಂತೆ ಆದೇಶ ನೀಡಿದೆ. ಅದರೊಂದಿಗೆ ಆರ್ಥಿಕ ನಷ್ಟಕ್ಕೆ ₹50 ಸಾವಿರ, ಮಾನಸಿಕ ಹಿಂಸೆಗೆ ₹10 ಸಾವಿರ, ಪ್ರಕರಣದ ವೆಚ್ಚ ₹3 ಸಾವಿರವನ್ನು ಪರಿಹಾರವಾಗಿ ನೀಡುವಂತೆ ಆದೇಶದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ನಿವೇಶನ ನೋಂದಣಿ ವಿಚಾರದಲ್ಲಿ ಕಂಪನಿ ವಿರುದ್ಧ ಗ್ರಾಹಕರ ಕೋರ್ಟ್ ಮೆಟ್ಟಿಲೇರಿದ್ದ ರಾಮಕೃಷ್ಣಾರ್ಪಣಾಂದ ಅವರು ತಾವೇ ವಾದ ನಡೆಸಿ ಪ್ರಕರಣ ಗೆದ್ದಿದ್ದಾರೆ. ಕಂಪೆನಿಯು ದೂರುದಾರರಿಗೆ ಬಡ್ಡಿಯ ಜೊತೆ ₹63 ಸಾವಿರ ದಂಡ ಪಾವತಿಸುವಂತೆ ನ್ಯಾಯಾಲಯ ಆದೇಶ ನೀಡಿದೆ. </p>.<p>ಹಿನ್ನೆಲೆ: 2016ರಲ್ಲಿ ಟೆರ್ರಕಾನ್ ರೆಸಿಡನ್ಸಿಯು ತಾಲ್ಲೂಕಿನ ರಮ್ಮನಹಳ್ಳಿ ಸಮೀಪದ ಬೆಳವಾಡಿ ಗ್ರಾಮ ವ್ಯಾಪ್ತಿಯಲ್ಲಿ ಬಡಾವಣೆ ನಿರ್ಮಾಣ ಮಾಡುತ್ತಿದ್ದ ಬಗ್ಗೆ ನೀಡಿದ ಜಾಹೀರಾತು ಗಮನಿಸಿ, ಕೆ.ಆರ್ ಮೊಹಲ್ಲಾ ನಿವಾಸಿ ರಾಮಕೃಷ್ಣಾರ್ಪಣಾಂದ ಅವರು ನಿವೇಶನಕ್ಕಾಗಿ ಕಂಪನಿಗೆ 3 ಕಂತುಗಳಲ್ಲಿ ₹5,10,000 ಪಾವತಿಸಿ 513ನೇ ನಿವೇಶನ ಆಯ್ಕೆ ಮಾಡಿದ್ದರು. ಇನ್ನೊಂದು ವರ್ಷದಲ್ಲಿ ಮೊದಲನೇ ಹಂತವನ್ನು ಮುಕ್ತಾಯಗೊಳಿಸಿ, ನಿವೇಶನ ನೋಂದಣಿ ಮಾಡಿಸುವ ಭರವಸೆಯನ್ನು ಕಂಪನಿ ನೀಡಿತ್ತು.</p>.<p>‘ಹಣ ಪಡೆದ ಬಳಿಕ ರೆಸಿಡೆನ್ಸಿಯು ಕುಂಟುನೆಪ ಹೇಳಿ ನೋಂದಣಿಯನ್ನು ಮುಂದೆ ಹಾಕುತ್ತಿತ್ತು. 5 ವರ್ಷ ಕಳೆದರೂ ನೋಂದಣಿ ಮಾಡಿಲ್ಲ. ನಮ್ಮ ಗಮನಕ್ಕೆ ಬಾರದಂತೆ ಪೂರ್ವಭಾವಿ ನಕ್ಷೆಯನ್ನು ಬದಲಾಯಿಸಿದೆ. ಕಂಪೆನಿಯು ನೋಂದಣಿ ಮಾಡಿಕೊಡಬೇಕು ಇಲ್ಲವೇ ಬಡ್ಡಿ ಸಹಿತ ಹಣ ಹಿಂದಿರುಗಿಸಬೇಕು’ ಎಂದು ರಾಮಕೃಷ್ಣಾರ್ಪಣಾಂದ ಅವರು ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗಕ್ಕೆ ದೂರು ದಾಖಲಿಸಿದ್ದರು.</p>.<p>ಗ್ರಾಹಕ ನ್ಯಾಯಾಲಯವು ವಿಚಾರಣೆ ನಡೆಸಿ, ಕಂಪನಿಯು ಸೇವಾ ನ್ಯೂನ್ಯತೆ ಮೂಲಕ ಗ್ರಾಹಕರಿಗೆ ಆರ್ಥಿಕ ನಷ್ಟದ ಜೊತೆಗೆ ಮಾನಸಿಕ ಹಿಂಸೆ ಉಂಟುಮಾಡಿದೆ ಎಂದು ಪರಿಗಣಿಸಿ ನಿವೇಶನ ಖರೀದಿಗೆ ನೀಡಿದ ₹5.20 ಲಕ್ಷವನ್ನು ಶೇ 8ರ ಬಡ್ಡಿ ಮೊತ್ತದೊಂದಿಗೆ ಹಿಂದಿರುಗಿಸುವಂತೆ ಆದೇಶ ನೀಡಿದೆ. ಅದರೊಂದಿಗೆ ಆರ್ಥಿಕ ನಷ್ಟಕ್ಕೆ ₹50 ಸಾವಿರ, ಮಾನಸಿಕ ಹಿಂಸೆಗೆ ₹10 ಸಾವಿರ, ಪ್ರಕರಣದ ವೆಚ್ಚ ₹3 ಸಾವಿರವನ್ನು ಪರಿಹಾರವಾಗಿ ನೀಡುವಂತೆ ಆದೇಶದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
